華星冰室 (阜財街) (已結業)

平日早上9點鐘到，見到華星冰室內大半都坐滿客人，開業一段日子都未試過，就決定今日試下早餐選擇唔多，只有三、四款餐選擇，今次叫左火腿通粉，配煎蛋多士，加埋熱飲要$39，比普通茶餐廳貴。通粉湯底餐牌寫住係雞湯底，但飲落都係有味精既感覺，食完後會覺口乾。而熱咖啡就反而不錯，有咖啡香無帶酸澀味。多士用上超厚方包，食落軟熟，不過可以熱些就更好；煎蛋就份量十足，仲有脆邊，讚👍🏻總捨而言，早餐性價比不高，用同等價錢應該可以有更好既選擇。

今早忙忙碌碌忙到不知時間過，仲諗住去食個早餐，點知已經中午。入到冰室睇餐牌，睇左好耐，發現其實都唔係太多野揀，睇黎睇去就睇岩個營養餐岩口味啲。需則我覺得佢地係想類似澳洲牛奶公司咁，睇落餐牌好多種類，但實則來來去去都係果三個餐，但始終果間係澳洲牛奶公司嘛～最出名，而又穩定的炒蛋出品。營養餐火腿炒蛋多士配熱奶茶-多士夠厚夠鬆軟，-炒蛋唔算太滑，-奶茶還好,茶味可以再濃啲。整體感覺就係各樣都一般般啦，就這樣開始了我一般般的一天。

華星炒蛋真係冇得輸......好滑好香，入到去可以見到每個人枱面一定有一份炒蛋。個多士又夠脆，薯餅亦十分出色，炸得啱啱好，係個煙肉略嫌咸左啲同唔夠香口，但整體黎講都係唔錯嘅早餐選擇。好立克好重奶味，個人就唔算太中意。見到有人沙嗲牛加炒蛋好似都幾正。

對炒蛋愛好者來講 元朗有華星真係太開心啦🥳 早餐大大份好豐富 炒蛋嫩滑而且份量足 放上2大片牛油厚多士都仲有蛋剩呢 奶茶濃而不澀好正 其實淨係食炒蛋多同奶茶 都覺得值回票價了 火腿通個湯幾好 唔會太咸 而且份量又係好多 睇相都見到 比一般茶餐廳大碗 所以食完呢個早餐一定夠飽夠滿足！ 11點後都仲有常餐叫 所以就算訓晏左都可以來過下滑蛋癮😝

今日去左華星冰室食lunch，排隊大約5分鐘入座，爆場啊！諗左好耐食飯餐定招牌常餐通粉好結果都係叫左常餐好快野食都上枱啦先講通粉，义燒兩舊勁肥其他係瘦义，味道一般通粉同湯底好味，通粉彈牙，我鍾意佢嘅胡椒粉，夠辣，每次都落勁多多士夠厚身，咬落好滿足，不過如果多啲牛油同再烘爐啲就更好味炒蛋就更加唔洗講，名符其實係炒滑蛋，食果陣將滑蛋放喺厚多士上，超勁滿足我唔食火腿，所以比左人地食其實如果火了腿可以轉做腸仔或餐肉就頂呱呱了成個餐份量十足，女仔應該要好似我咁大食先食得晒呢

心d野食幾好食，旦系d亞姐吾休做冇禮貌，點做樓面，我6:5xam到等到7:5-10先肯開門，門口寫開7:00am系咩意思？？？真的想開開心心食個早餐又要等你開門仲要次次吾準時，一個字嬲。。。想問下老闆咩叫開門開7:00？有一日我還記得趕我們走話無野食，d員工全部未返工！你系咪做生意？老闆你應該好好反省下點請員工。改善下員工質素，今時今日香港服務態度係咪咁？好好好好好好好改改改改改改改善善善善善善善下

元朗美食何其多，但華星一定係我其中的至愛🥰🥰 佢早餐既雙併一丁係我既必食之選，沙嗲牛肉係膽，再配另一款餸，加一杯茶走☕️☕️，就係完一天既開始。Weekend 十點左右過泥好多時都要排一陣隊，無辦法，為左食好嘢等一陣都要。講返個早餐，今次叫左🐂🍳🍜沙嗲牛肉煎蛋一丁。沙嗲汁夠濃(其實可以再濃啲，不過早餐就唔好甘重口味了)，牛肉夠腍，比起其他地方汁還汁，肉還肉仲要無沙嗲味既真係好好多。而且呢個一丁麵🍜🍜會跟一包原裝調味粉同麻油，包保夠味。其實好多時都只需要加麻油令個麵再香啲，根本唔使再加調味粉，因為本身沙嗲醬已經好夠味，所以呢度既軟硬沙嗲牛肉包都好好食架🤤🤤另外仲叫左早餐 - 火腿通粉配多士炒蛋🍖🥚🥪 通粉軟硬度適中，炒蛋滑滑的，唔係蛋漿，多士已烘底，唔使加錢，成個餐算中上質素。個人口味都係中意沙嗲牛麵😋😋 ，係我响華星既至愛🥳🥳

放假最開心就係食到個豐富既常餐食！華星終於開到黎元朗區，一於去試下佢keep唔keep到個水準啦！下午茶時段黎到，估唔到都幾full！要等位，不過大約15分鐘到就入得。常餐叫左炒蛋火腿多士，叉燒通粉，飲凍檸茶。多士熱辣辣岩岩烘好，加上炒滑蛋同火腿一齊食，自製蛋冶超好味！一向鐘意華星炒蛋，因為佢份量多，就算連埋多士食完，仲可以有剩可以再擺落通粉食。通粉不過不失，叉燒份量ok，食叉燒通一定要加辣油，會令普通通粉都即刻升grade！飲凍檸茶叫左少甜少冰，少甜後飲到檸檬味好fresh，同埋都幾多多塊檸檬下，ｏｋ喎！

前幾日長途跋涉入元朗整頭髮知道其實元朗好多唔同類型既野食但有礙於時間好緊迫（遲左出門口）所以就揀左間又就腳又水準有保證既華星啦！實在係好肚餓 所以諗都唔諗就嗌常餐$45 有通粉有煎蛋火腿有多士加杯野飲！友人食左lunch本身唔想食都忍不住嗌左個西多（$26）陪下我食Order 落得快上枱速度一樣快！泥到見到份常餐勁豐富 我唔客氣啦堅鍾意食炒蛋 改左煎蛋做滑嘟嘟炒蛋 炒到有少少蛋汁 完全岩曬我口味由於時間關係我地都冇慢慢嘆20分鐘KO埋單快靚正完成滿足到我地重點係下午茶時間竟然即刻有位即入！下次再入泥絕對會再考慮。

其實我一直想試元朗華星冰室的早餐，可是我平日不是早起之人，總是錯過早餐的時間。今天早上要去辦理護照，所以比平常早起床，終於有時間吃個華星冰室的早餐。早餐雖然簡單，一份炒蛋，一件牛油多士，一碟火腿通粉及一杯凍奶茶，但足以飽至我中午不用吃午餐。厚切的牛油多士竟然能擄獲我的脾胃，一般的牛油多士我都不愛吃，這卻烤得香脆，熱溶牛油甚具油香，太可口了。炒蛋非常滑嫩，足見它的火喉控制恰到好處，入口更是陣陣牛奶香氣，完全做到餐牌上所說「用心做好炒蛋」，不論是單吃炒蛋，或是作為通粉配料吃都很滋味。火腿通粉軟硬適中，湯底喝起來全無味精，有著淡淡的雞湯清甜，喝畢也沒有口渴的感覺，故我都喝光光，因為真的太好喝了。至於凍奶茶亦沒令我失望，奶茶的冰塊沒有使奶茶味道變淡，仍保有茶的醇香，口感絲滑，而且毫不死甜，果然是華星冰室的招牌飲品。

今日去一間平時食開嘅茶餐廳，叫咗招牌常餐。火腿絲通粉，炒蛋火腿再加多士，再配返杯招牌熱奶茶。呢間茶餐廳出名快靚正，落左單冇唔分鐘啲嘢食同野飲就黎晒，非常有效率！食物方面，火腿絲通粉個湯底食得出係準備左好耐，食得出係濃湯，至於炒蛋火腿多士更加冇失望，蛋炒得啱啱好，非常之滑，而且火腿都煎到啱啱好同埋多士又唔會焗得太黑，令成碟口感都非常好。飲品方面，奶茶嘅茶底沖得非常之好，飲得出係香港特色茶餐廳嘅味道。總括來說，今日嘅早餐絕對冇令我失望，果然係快靚正，一定會再嚟！

係附近有野做，就順便過黎食華星。其實今次係第二次食，上次食常餐叉通炒蛋多士熱奶茶，量有d多差少少食唔哂，所以今次下午茶就食個西多士熱奶茶算🤣🤣先上熱奶茶，係ok既，算香算滑，不過唔會俾人驚喜，如果問我會唔會因為奶茶而再食...一定唔會🤣 但唔係差，都算中間偏上好飲，係可以試下。到西多士，即叫即炸！因為即炸關係，牛油係即融，再加上佢係成支糖漿上，可以自己隨心加幾多糖😋西多士中間無加任何醬料，睇落單薄。未加糖漿前食係有輕微鹹味，香口，唔油膩，但都係加糖漿比較好食🤣總結而言，我下次再黎食下午茶，會食返常餐奶茶🙈西多士係可以試，但價錢有少少貴，要$32，而食茶餐成set $45 會抵好多。

11點到見寫11點完早餐入座前都問聲有冇早餐order!然後店員話冇叫我order常餐轉通粉！即刻轉身走！11點趕過黎就係想食早餐！鬼唔知可以order常餐咩？但冇啦啦貴幾蚊！唔係為左平少少都唔早餐時間趕去！算了！大把選擇唔食走人！打咁多想講佢地好唔彈性處理law!其實d野幾好食ge!但服務真係要改善一下！

今早約好朋友係元朗恆香餅店等，發現對面開咗間「華星冰室」元朗分店。於是去試吓港式茶餐睇睇餐牌上主要是通粉，意粉餐好細心照顧不食牛的人士沙爹唐鳥肉通粉＄39煎雙蛋雞蛋味十足义燒通粉湯底濃郁份量足夠1人吃

今日黎試下呢間明星茶餐廳， 朋友推介校長多士，係出面少有既~黑松露多士，下次要試下個炒蛋多士先，朋友話好好味~仲叫多個菠蘿油，好味呀～個皮依然係咁好味~成日都覺得菠蘿飽加埋塊牛油係超match, 雖然唔健康，但係越邪惡食物就越好味😎仲要介紹埋兒時飲品~谷古😘都係外面少有~仲記得細個讀書個時好鍾意自己整黎飲，依家大個懶lu, 好耐冇飲過~係呢度可以飲返~正👍如果唔想飲朱古力咁甜，又想有黑朱古力個味，就可以揀谷古嗱✌