華嫂冰室 (蝦尾新村)

营业中

休息中

第二次幫襯華嫂啦第一次都覺得唔錯，再返桌因為好想食個皮蛋芫荽湯底同友人都叫左依個湯底，佢就要豬潤同肉眼筋；我就要魚片頭+墨魚🦑丸，再加個牛油🧈焗豬仔包配沙律🥗碎蛋唔多講啦，依杯真係值得飲喔，解渴一流依款豬仔包第一次叫，一上檯覺得「嘩，咁大碟嘅」食落個沙律🥗碎蛋拌得唔錯，唔會太膩，可以試試，不過就貴左啲，$28主角上場啦，至愛嘅芫茜湯底，係保持到個水準，清新嘅，其實係簡單野嘅，但材料新鮮嘅抵佢有咁多人排隊等食嘅，仲開左咁多間分店，但我都會揀返依間總店食，因為友人話觀塘果間佢食過，覺得蕃茄湯底麻麻，唔係話好特別

行山之前經過，食下野先出發。買咗奶茶同菠蘿包，係幾好食，不過價錢貴，試過一次就夠，之後未必會再開encore。同埋座位都比較迫，要幾班人一齊搭枱，環境冇咁舒適。

華嫂冰室搬咗新舖之後第一次嚟環境比起以前好咗好多而家排隊有得電子攞飛 又有位坐可以等👍🏻每次我去都係會叫蕃茄雞翼豬扒湯通粉轉烏冬+$3 加煎蛋+$9佢每碗都有兩件豬扒兩件雞翼佢湯底係濃厚嘅蕃茄湯 煎豬扒味道正常 佢嘅雞翼係我最欣賞嘅🥰有淡淡酒香 肉質”林”得泥又唔會太爛一啜就食晒啲肉好正😋烏冬就正常啦因為佢都係偏林嘅烏冬之後就會例牌嗌佢嘅招牌菠蘿油一樣係咁多料 好滿足😋但係今次我杯凍檸茶就差啲 今次個茶色有啲混濁 同樣係凍檸茶但係我見到隔離枱嗰杯冇我呢杯咁渾濁🙈而我朋友就話奶茶都係一樣咁好味咁滑🥰

華嫂開左咁耐都未食過，呢日終於有藉口入黎食啦🥰上午去左濕地公園，之後就過黎醫肚💕雖然舊鋪嘅時候無時間黎試，但而架總算試到👍🏻睇返舊鋪啲相，新鋪相對闊落多位啲，同樣亦有分室內同室外嘅位👍🏻👍🏻個人覺得室外空氣就流通啲，而且無咁逼～如果唔怕被蚊咬係ok嘅～華嫂最出名就係佢嘅菠蘿包、奶茶、蛋沙律多士、豬仔包等等，👇🏻想食飽肚啲嘅仲有粉麵架👍🏻兩個人食碗麵加個包就啱啱好👍🏻🥰今次試左豬扒菠蘿包($27)、所向無敵餐蛋丁($29)、咖啡奶茶☕(各$17)講真餐蛋丁🍜幾時都係最好嘅配搭🥰😆，真係所向無敵架😹餐肉煎得幾香，太陽蛋唔錯，一丁煮得啱啱好😹唔林有咬口～🐷豬扒菠蘿包簡直無得彈😹👍🏻個包好鬆軟🥰菠蘿皮夠脆👍🏻豬扒又juicy唔會乾，配埋啲芥末醬真係幾夾嘅～又有生菜🥬，所以食落一啲都唔dry～奶茶咖啡都好好飲🥰華嫂不錯不錯👍🏻

第一次幫襯「華嫂」，已經想試好耐啦咁岩響天水圍，睇完車就想食「華嫂」點知google 一search，就發現原來好近，2分鐘就到啦去到都知一定要等位架啦，差唔多半個鐘就到我地，周圍環境好舒服，又有瓦遮頭，又有櫈俾我地坐住等，所以都唔覺等左好耐，最好係周邊有得泊車一坐底，同友人就叫左兩碗皮蛋芫荽湯底米粉（雞翼同豬扒），加個煎魚餅同埋一杯凍柚子蜜、話梅柑桔🍊（少冰）我幾鐘意杯話梅柑桔🍊，好解渴煎魚餅味道還好，有少許咸，但價錢貴左啲...好鐘意個湯底，清甜一流豬扒勁大塊

早上不停落雨，Lunch time 剛好細雨咗，可以坐戶外，雨後冇咁焗，溫度對我剛剛好，肥仔就一邊食一邊爆汗😓 第一次去呢間，而且新開，今日有空就試下佢先，兩個皮蛋芫荽豬潤牛肉米，一個米粉，一個米線，想試埋豬扒，老闆話當小食計，一份只要$18，我地以為好細塊，於是叫咗兩份，一上台嚇親😱 好多豬扒，剛煎起熱辣辣，好有驚喜，好淋而且鬆化，沒果種豬味同雪藏味，推介👍 不過真是太多，早知咁多，就叫一份，留返個肚叫魚餅，因為都好想試魚餅呀🤨因為冇餐的，全部散叫，所以小貴，不過好好味，豬潤剛熟，食到尾就過熟有小小韌，Overall不受影響. 對出的空地可以免費泊車，位置有限，假期來的話就可能要等.

華嫂搬咗蝦尾新村之後都已經嚟食咗好幾次😋😋因為個皮蛋芫荽湯好食過之前所以行遠啲都嚟咗幾次😆😆配最愛嘅冰花奶茶😆😆不得了好好飲⋯⋯今次嚟冇得食魚餅有點可惜⋯真心限量供應，11點去到都買哂☹️☹️實在太小了。今次去到有電子攞飛🤭🤭實在係與時並進（唔記得影相添🙈慳返人手電子化好多⋯一般過嚟新址連落單都不用手寫，已經電子化👍🏻👍🏻）但招牌三文治就細件咗🙈🙈味道一樣但薄左啲🤔（之前係用厚多士而家就唔係）

呢日早起身，去左華嫂食早餐太耐無黎，好彩上一上openrice望多次，先發現原來搬咗去天水圍😯新店地方大左，又空曠d,就算要等位都唔會太迫 太辛苦；第一樣上嘅係煎魚餅，水準依舊無變，都係咁好味😋招牌菠蘿包當然係同樣好食啦，無失手；第一次叫呢個碎蛋多士，多碎蛋，好足料，似足公司三文治咁，不果我貪心地覺得如果火腿可以多多少少就更好喇😆另外仲叫左個清湯豬扒豬膶水米粉，今次豬膶份量唔知點解特別多，多到令豬扒睇落好似得好少咁😂但其實豬扒都好厚同大件架！

放假緊係要2人世界啦！今日走入去華嫂蝦尾新店，不論取票、等候區、用餐區都十分舒服，雖然天氣好熱，但坐喺戶外區等位都好舒適，皆因有好幾部冷風機吹住！講返食物質素，仍然係咁好味！

久唔久就要幫襯呢間「華嫂」，因為佢杯奶茶真係無敵下午茶，所以點了兩件多士，一份係「奶油多」，呢度唔係好似其喺餐廳咁搽上去，係切一塊薄薄的入去，好味😋另一份係「招牌蛋沙律多士」😍，好新鮮，夾有番茄同生菜，蛋沙律又夠多，正！！

華嫂搬左新鋪，今日第一次去幫襯，位置比以前遠一d，不過環境同裝修都比之前好好多同大好多，仲有埋位置比人座係到等位，不過提提大家天水圍西鐵站行過去都有d遠，正午行過去都唔係講笑😅身水身汗。講返食物方面，我個人覺得就差唔多冇失水準，我比較喜歡佢地嘅包類，菠蘿包同豬仔包都好出色，煎魚餅都好好食，蕃茄通蕃茄味就好濃郁，皮蛋芫荽米真心正👍🏻今日叫左個新野冬陰功米線，湯底好出色，飲品方便杯奶茶好出色，話梅鹹柑桔都好正。因為都經常去，下次再食過。

摸過兩次門釘 今次終於如願以償食到喇！話說華嫂星期日同公眾假期都唔開既 由於本和味龍平日要返工 所以只有星期六日先有機會去大西北對上兩次都係星期日去 摸左兩次門釘 今次終於都醒水喇 終於都如願以償食到華嫂喇！我地一行三人叫左3樣野share (由左至右上至下)1. 餐蛋通（冬蔭功湯底）2. 雞翼豬扒蕃茄湯通粉 （大人氣）3. 招牌芝士咸牛肉蛋豬仔包餐蛋通（冬蔭功湯底）-好有特色既湯底 坊間既茶餐廳比較少見用冬蔭功做湯底 作為冬蔭功fans既和味龍表示對佢偏心雞翼豬扒蕃茄湯通粉-個蕃茄湯底好杰身 蕃茄鮮味非常濃郁 唔似坊間有d茶餐廳加好多水搞到淡到咩咁 雞翼同豬扒都好好食招牌芝士咸牛肉蛋豬仔包-非常邪惡既組合 個豬仔包好有咬口 而芝士咸牛肉蛋呢個組合基本上係冇死既 蛋黃半熟 仲有少少流心 正！另外見到好多人都有叫招牌菠蘿包 好後悔冇叫到呀 見佢好得意 菠蘿包夾住牛油 芝士 蕃茄片同雞蛋 又係另一個非常邪惡既組合 下次一定要試下！

搬咗新地址之後，發現個地址應該只有當地人會過去。因為實在太偏僻，一定冇交通工具可以直達。途中又曬又熱真係好辛苦。去到個門口冇好明顯個門牌喺度，好隱蔽。入到去佢有一個位置有瓦遮頭俾大家等，但係嗰度唔提供風扇。圖中嘅兩張枱都係食客用。所以等嘅時候超級熱😫😫😫鹹牛肉雞蛋三文治(烘底+1)味道正正常常，好似深水埗個間碎牛三文治比較好食。主要其實想食佢嘅番茄湯，發現佢嘅番茄湯比較多纖維。好似係用新鮮蕃茄炸出嚟咁，唔會話用好多茄膏嘅感覺，淡淡地嘅蕃茄味，但係湯底質料算係杰身。肉眼筋以為係牛肉點知原來係豬肉黎，不過都好食。佢嘅魚片頭係魚蛋咁樣，有少少魚味，同外面嗰啲有啲唔同。茶底比較重既奶茶

第一次來新鋪，地方闊落咗，唔洗等位，同埋冇落場時間。食返芫茜皮蛋湯底嘅米粉。芫茜湯冇以前咁好味，冇以前咁出味，仲冇哂薑味仲有小小苦。最失望係碗麵細咗好多，但價錢依舊，以前差點食唔晒，會好飽的。而家啱啱夠long肚。👎🏼

今日放假，約埋屋企人一齊去食下午茶平時茶餐廳就食得多今次特登喺天水圍食華嫂冰室，聽聞好出名余文樂都去食，我哋幾個樣唔同嘅嘢我買咗個簡單菠蘿包同埋一杯熱奶茶，的確唔錯，茶香奶滑。估唔到鬆脆好味