華嫂冰室 (蝦尾新村)

营业中

休息中

自從華嫂搬咗都未嚟過，見佢話今日星期一端午節照常營業，而且又無Lunch Break，所以直接開車過嚟試！新位置近天水圍站附近，渣車係High Way一出就得，係比以前叫做遠咗少少（上水出發），但今日無阻我食華嫂嘅決心。指示清晰，泊車位都清楚，只是等咗一陣車位。有自助取票機，如舊店設有等候區（左邊），大約等咗15分鐘多少少便有位，仲要咁好彩坐室內，簡直好開心！芫荽皮蛋肉眼筋豬潤米線 + 冰花奶茶 + 招牌芝士蛋咸牛肉豬仔包 係我必點之選。芫荽皮蛋湯底好味、肉眼筋夠腍、豬潤好味🤤 鹹牛肉豬，真心無得輸，未食過真係要試吓！食咗N次嘅心得：1. 唔好三五成群約埋朋友去食，等位有排等2. 一去到即刻取票先3. 等位時睇到食乜好，省卻時間4. 預咗好大機會坐室外，夏天帶定扇仔

山長水遠入到嚟，就係為咗試吓華嫂嘅手勢，其實自己喺觀塘到都食過，但係感覺越山旮旯嘅地方，應該越好食😂 唔知點解有呢種感覺不過入到黎有啲失望，首先夏天嚟真係熱到飛起，唔似得觀塘好似普通茶餐廳咁，亦都失望嘅係竟然觀塘仲好食😋嚟得嘅就一定食嗰個招牌菠蘿包，同埋飲嗰個凍檸檬益力多，估唔到益力多同檸檬夾埋一齊係咁好飲！反而奶茶就有啲失望啦，我自己對茶餐廳嘅奶茶比較高要求，特別係傳統嗰啲茶餐廳，個人覺得太甜啦

人生新的一年🎂食個靚早餐， 捉個朋友仔車我去天水圍食華嫂😋 平日的早上10:00多都要等位，果然厲害👍🏻好多人揸車到來🤣😂🤣「碎蛋三文治」*由於太餓忘記影相😅 三文治材料豐富，重點麵包炸至金黃脆口🥰「蕃茄雞翼豬扒通粉」濃濃的蕃茄湯底，瑞士汁味雞翼》入哂味好正呀😋，豬扒滑滑夠哂味❤️👍🏻👍🏻🌟推介「炸魚餅」每件平均炸至金黃色👍🏻，有一樣生息....無雞醬😅「話梅金吉水」「凍檸賓」 炎熱既天氣有這杯野，爽呀😍😍備註：🔺終於明白點解咁多人食😆 感覺到每樣食品都用心做👍🏻🔺新地點地方更有特式☺️🔺無意中見到華嫂拖地🧐，夠哂親民😆

華嫂冰室由屏山開到而家已經幾間分店，除左觀塘同尖沙咀，仲衝出埋九龍開到去灣仔！不過一直以來有人讚到華嫂冰室天上有地下無，同時有人彈到飛起，口碑都幾兩極化！可以客觀少少咁講，如果要大排長龍的而且確唔係咁值得既，如果唔需要其實又幾好食！個人最鐘意豬扒菠蘿包，但係菠蘿包可遇不可求，有時會賣哂！除左菠蘿包之外......仲有芝士咸牛肉蛋朱仔包同埋所向無敵餐蛋丁一樣咁鐘意，基本上去得華嫂冰室必食！華嫂冰室搬自從搬左去蝦尾新村之後排隊既人好似無咁人山人海，如果未試過不妨去試下！

難得平日放假，又突然間想食華嫂就專登行過去睇吓使唔使等位，以前湊完仔返學剛好8點好多時都會去食，霎眼仔大了，華嫂都搬了。招牌菠蘿包： 明顯縮水，最明顯係蕃茄同牛油，所以食落感覺個層次唔分明，我只食到兩啖有牛油味，個包就同以前一樣焗得好香脆係呢樣keep 到囉煎魚餅米粉芫茜皮蛋湯底: 魚餅有5塊份量好足，煎得香脆，且魚肉本身彈牙，有全隻皮蛋，同夠多芫茜夠香，可惜唔知點解個湯無味嘅，應該係滾得唔夠，未出到個味凍檸茶: 華嫂個茶底好出名，但今次好淡，隔左陣溶咗冰之後直頭變檸水，勢估唔到我飲唔晒😑總結嚟講，可能佢d包類太多人食，所以水準難保持，茶底方面可能我今次唔好彩咁囉

平日既星期三同男朋友經過附近順道去華嫂，下午兩點都算多人，但仍有吉枱，以為可以即時入得，但都要我地拎左飛先，下一張兩二人枱便是我倆，同時間有另一家人同我地一齊等枱。見啲員工陸續執左幾張枱，執完枱扮見唔到我地就行番入去，男女員工都係咁，完全無諗過比我地入去，可能要我地企耐啲扮排隊掛。嬲嬲地我地調頭走唔食，排緊隊個家人見到我地走佢地都唔等跟住走了，未食已經覺得間野串，去隔離商場食有冷氣嘆下仲好，無下次

This restaurant is famous and heard the at many people visit there. I went there early one day to avoid the long queue. I had their signature dish the pineapple bun with tomatoes and a fried egg inside. Although it is a creative combination, I am not amused by its flavour. It is not anything special and is even weird to have a sweet pineapple bun with butter and egg and tomatoes. This to me, kinda ruin the pineapple bun. My friend had a salty beef pork bun which is no different from the pork bun

早排華嫂搬左新村,諗住遠遠地,應該少左人入去食啦,去到見到店面大左好多,以為今次有運行啦😁點知行入個等候區,仲有為數唔少既人客等緊,不過比起舊店,新店就人性化好多,等候區有凳坐🪑,仲有簷蓬遮埋蔭,等耐啲都唔怕辛苦😁😁😁招牌菠蘿包 $20蕃茄🍅、蛋🥚加鮮牛油🧈,三種材料簡單得黎味道配搭得好好,夾埋個鬆脆可口既菠蘿包,難怪係店鋪既招牌之一,香口又唔漏,正正正👍🏼招牌芝士咸牛肉蛋朱仔包 $23雞蛋煎成流心狀,加埋芝士🧀同咸牛肉,口感好豐富,一淡咬落去蛋汁流曬出黎,朱仔包焗到表面脆卜卜,內裹就好鬆軟,食曬成個包好飽呀!!!冰花奶茶 $17唔似其他快餐店,奶茶既冰都係用奶茶雪凍既,成杯像飲品茶夠香,奶又夠滑,好好飲呀!🍽 華嫂冰室 (天水圍) Waso Café📌 天水圍蝦尾新村121號地舖（朗天車場直入）☎️ 62233816⏰ 星期一至六08:00 - 17:00 星期日全日休息

新不如舊 今日第三次去新店食豬扒魚，cake米缐及招牌旦沙律治 凍奶茶 說真的 所有材料已縮水魚cake sz比old店小了3份1，朱扒亦都縮水，大佬你收得呢個價錢就比番之夜old店的水準d客人食啦！好彩杯凍奶茶仍然合格招牌旦沙律治亦keep到 ，其實之前果2次食同款嘅米缐亦已經覺得份量小咗了，希望下次去會改善下，亦希望華嫂會睇到這篇食評吧

既然今日揸車入元朗，我梗係要試吓華嫂冰室啦。因為我哋星期六去嘅關係。所以都幾多人。但係好彩就唔使等位。於是就叫嘢食啦。我哋叫咗蕃茄豬扒雞翼麵，皮蛋芫荽豬膶牛肉米粉，仲有招牌咸牛仔蛋豬仔包。先講個包，味道係好食嘅，而且塊豬扒都幾大塊。然後就係招牌雞翼豬扒面。湯底10分濃郁。令人忍唔住飲多幾啖湯。我就係皮蛋芫荽豬膶米粉。啲皮蛋仲有皮蛋花添。湯底十分之清，唔會搶過芫荽浸味。整體來講係好食嘅。但係唔知係咪太多人嘅關係，待應嘅態度都比較差，一副唔憂做嘅樣子，我就覺得試過一次就可以唔使再試啦。

地理位置係圍村入面 位置比較特別 係幾有特色嘅蕃茄麵加豬扒係幾好食既 食物係無問題架 但態度真係差 大家都知道食物除咗好食之外 等位都係一個問題 實在等得太耐 之前未裝修既時候 大家都係企係門口等 印象最深刻有一件事 大家都係到等位 無意之中聽到 入面店員講嘢 是關佢哋中間有段時間係關口落場既 到夠鐘開門既時間聽到店員同店員對話 ：夠鐘啦 開門啦 另外講：洗咩急姐 由佢哋等下啦 等先好食架😲

華嫂啲座位人同人相隔好近，疫情關係所以外賣自取係最好，由於外賣真係要等好耐，所以每次食都會打過去叫定先，之後老公出去拎。今日打過去 我如常咁叫餐 ，個呀姐啲態度好似殺咗佢老竇咁款 ，極級呼呼喝喝 又大聲又惡 ，最後仲要直接cut咗我線 ，俾錢買難受真係好痛苦 ，鬼叫自己又好鍾意食華嫂咩

冬日來臨，去大棠影完紅葉，想係元朗揾下有咩食，諗諗下既然揸左車去，不如就去試下華嫂啦! 因為始終唔太近MTR嘛!一揾之下先知原來華嫂搬左店，以前一直知道係屏山，宜家原來搬左去蝦尾新村。位置就唔太易揾呀，蝦尾新村外有個停車場，泊好車行入蝦尾新村揾唔到，門牌號碼全部係100號之內，仲錯誤入左人地屋企添，幸得村民指路，原來係唔洗行到入去蝦尾新村個大牌碑、公廁個度，係路口見到洗車場一直行就會見到華嫂個招牌係地下，一直行入去就會見到嫁啦，係一間村屋既地面個層就係。去到已經4:50，而華嫂係收5點，好彩佢唔係5點就收鋪趕人走，只要5點之前落好單就得啦，所以我地都快快手落單啦。MENU主要係麵同多士，之前聽講佢最出名係蕃茄湯同埋豬扒麵，就當然要叫個蕃茄豬扒麵啦，唔加蕃茄湯就慳番$8，就會係清湯。另外都叫左份多士試一試。奶醬多$12都幾抵，估唔到有兩舊，以為$12會得一舊有兩件，可以share食熱辣辣，多士好脆，好味奶醬都有唔少蕃茄豬扒雞翼麵$48麵底可以揀米線/通粉/米粉原來清湯底豬扒麵係$28，加蕃茄湯係$8，即係都要$36咁於是我就索性叫呢個配搭試埋雞翼蕃茄湯唔會太稀，亦唔會係好稠成舊茄膏咁，真

第一次同一間餐廳寫第二次食評，原因係因為今次嘅用餐經驗唔錯，雖然都係食返果d野。但係今日嘅食物質素好好，都忍唔住要影低留個記念餐肉魚片頭清湯米厚肉好厚，覺得比平時厚，又煎得幾好，上菜見到咁靚都開心左一下老公叫嘅豬扒、豬膶煎蛋米粉，都係清湯豬扒同蛋都係賣相靚仔跟住再叫左個碎蛋多士配料好多，成個公司三文治咁；最欣賞係佢個多士面，烘得好好，夠脆之餘又唔會燶，食落口d面包脆卜卜嘅聲真係聽到都覺得好開心好滿意🤤

華嫂冰室搬左天水圍環境靚左，感覺乾淨d但又係永遠都等唔到堂食好彩住得近外賣反屋企食都好好食😋1～豬膶牛肉芫茜皮蛋米線—第一次食呢個湯底，好清新好好味，豬膶可能外賣關係， 外賣豬膶唔應該浸係湯底里，硬左d, 如果堂食應該好好食，牛肉好林好好食2.～蕃茄豬扒雞翼出前一丁，蕃茄湯底好濃好好味豬扒好林，雞翼好入味 3～招牌蛋沙律多士，呢個我最鐘意食4～咸牛肉蛋豬仔包，我囡最愛多人來食係有原因既，真係好食野飲正價價錢，係有少少貴！