華姐清湯腩

营业中

休息中

今天竟然吃到一份極之好味的爽腩,喜出望外之餘,值得記它一記.爽腩附著的筋膜很爽滑,再加上幾片牛薑,這東西除爽滑之外,無甚鮮味,郤帶來甚佳的口感,有幾件爽腩郤帶來意外的驚喜,原來筋膜下附帶的小團像脂肪的東西郤不是脂肪,咬下去像這厘的東西甘香絶倫,之前從未試過,慢慢咀嚼,像是大口吃著雄大閘蚧膏,但郤充滿牛味,令人回味無窮,是爽腩之極品.爽腩吃過無數次,以這次最佳.不知何時會再遇上?

晚上第二餐，吃牛腩。曾經和這間牛腩麵店擦身而過不下十次，但一直沒有試過。看看openrice原來有很多好評，於是拉著男友來試。點了一碗清湯腩河粉，一碟菜芯。清湯腩河粉︰細細地試了一口湯，真的很好喝﹗男友的評價是「湯底看上去很清，喝下去味道卻很濃郁。」河粉滑溜溜的也很好。但是牛腩比較遜色，因為太瘦了，很「鞋」。這就有點失望了。菜芯只是為了想吃而點的，沒有特別。還好，湯底絕對值得一試。

挑起條筋想食爽腩,尃程渡江至銅鑼灣的華姐.一個人很容易便找到有電視看的位,叫了爽腩撈麵,一看單,只見不知何時已加了價二元,要32大元,抬頭看牆上的菜牌，見是局部的加價，可以明白是相當克己的，不用加的便不加，與別的店，一律加的明顯不同．雖然是午餐時間，五分鐘便有得吃，只見加了價郤下了更多料，全是爽腩，是以前少有的，因為多數是一半一半，很難全部是爽腩．爽腩質素是無可置疑的了，否則也不會特地來吃．湯底方面真是要寫個服字，因為清，少油，濃香有肉味和骨頭的甘味，比隔壁的ｘ利，是更上一層樓．麵不是銀絲細麵，算爽口，吸了腩湯甚為和味，只加上少許辣椒油，已是上上佳味．很滿意的一餐．

《續上篇》‧‧‧在香港，賣廣式柱侯牛腩的店子多，賣潮式鹵水牛腩的也不少，唯獨是港式獨有的清湯腩，卻不多見。在天后就有兩間並排經營的清湯腩店子，主打食物及價錢是完全一樣，就是大利跟華姐。趁是日大課操練完畢，人是累之餘，更是牛也吞得下一隻，就去兩間舖頭，見同一款的食物，來個「平排比較」。也是要了淨腩及齋伊各一，如在隔離大利般，也去廚房問有沒有爽腩，師傅看看爐頭，說「今天剩下不多，儘量給你吧！」完全明白，道謝一聲，亦不忘叮囑其餘的要「肥」一點的。比較起大利，態度好得多了，服務一欄，值得給予高分數。淨腩送來，照舊先喝口湯。與大利比較，湯底亦清鮮，喝起來明顯是較鮮美，啖真一點，是更有層次，明顯的是在用料及火侯都勝一籌，當然亦肯定是沒有味精，非常有水準。淨腩是爽腩及半肥腩各佔一半，先吃半肥腩，肥的部份甘香，吃落爽口，廋的部份雖然較有咬口，但也偏向軟腍，比起大利的半肥腩，絕對勝一籌。爽腩更是精彩，筋膜部份豐美，口感非常軟糯，是吃爽腩最想吃到的口感，非常不錯。因為近邊位，所以廋的部份亦非常鬆化。將爽腩浸在牛湯中，軟得熱軟，再一口吞下，絕對是人間美味！這個水準，敢說是本地最好的幾間清湯腩之一了。伊麵淥得

兩間牛腩粉檔,點指兵兵,最後入左華姐,大利下次先食啦!叫左牛腩河同豆漿一杯,牛腩河湯清清地,可以啦,啲牛腩好林好易入口,牛味都幾濃,唔錯!不過可能淡啲,所以我加左浙醋先夠味!豆漿就普通.或者要同大利再比較先分得出高下!但係這店都算唔錯!

行完街去左華姐清湯腩食牛腩河~點知河粉賣晒~唯有轉米粉啦~清湯真係清湯~ 一d都唔油~牛腩都幾淋~好味~

今日黎到天后既華姐清湯腩. 以前食過大利清湯腩, 曾經聽講華姐以前係x 利做左好多年, 所以今次就黎試下.兩個人叫左個牛腩魚旦河, 牛腩魚旦米, 再加腩汁蘿蔔同豆漿.牛腩魚旦河/米: d牛腩真係幾好味, 我都幾鐘意個湯. 如果同x 利清湯腩比, 我覺得佢d牛腩味道較濃, 但就會肥少少. 魚旦都唔錯, 雖然我都係比較鐘意潮x 正宗潮州粉麵既魚旦.腩汁蘿蔔: 都幾好味, 唔少人都會叫.豆漿: 整得幾好, 唔會有渣同澀, 難得有間整得好味.可惜坐得實在好擠迫, 所以坐唔耐. 如果你多人都幾難搵位.我個blog度有少少相.http://klcchung.blogspot.com/2007/08/blog-post_6184.html

華姐清湯腩http://tkocell.mysinablog.com今天去了天后的華姐清湯腩，位於地鐵站旁，有新舊兩舖，聽說靠近地鐵站無日文廣告那間較正宗。我叫了一杯豆漿$6，不錯。再叫了一碗坑腩湯河$20，牛腩爽香，有口感，不覺有渣，九十歲亞公亞婆都吃得到，不過河粉較厚，整體味道，好。http://tkocell.mysinablog.com

在SOGO逛完agnes b倉，很想念一碗溫熱的牛腩清湯，就來了華姐吃碗牛腩麵，不，是較清的河粉才對。　是我隔了太多沒有品嚐這味簡單美食，還是華姐的功力的確不凡?一碗看來普通的清湯牛腩河，吃來無論是湯底，抑或牛腩，都十分之美味：湯很清，吃不出有味精，然就是十分鮮甜，連帶河粉也變得美味；牛腩軟韌度剛好，有一點痴牙，牛味適中，兩個人都吃得非常滿意!　有點燥熱便要了豆漿，可惜太多渣，成為是晚唯一的不足。不過，既有agnes b的戰利品，又有美味清湯牛腩，我已經很滿足了，特別當我想到：沒有我，龍可能不會知道這一間店；但沒龍的話，我肯定不會一個人來這裡吃麵。喜歡我的美食原動力呀~

食左個牛腩菜飯。牛腩好濃味，唔硬，又唔會過淋，幾好味。湯夠清！飯份量arm arm 好，食完飯同d 牛腩，盛低d 湯我就咁飲埋，超正。下次經過會試下個牛腩河。

$20一碗清湯腩河，個湯好普通，牛腩都好普通，碗河淡到要狂加辣椒油，唔明點解咁多人讚，下次去隔離大利試下先

叫了一碗清湯腩河，真系夠清！如果唔加啲辣椒醬，啲河粉就真系有啲淡！啲牛腩，唉！好瘦，好鞋！唔難食嘅，不過唔好食呀！連汽水一罐埋單$28

帶朋友黎呢度試下牛腩, 叫左金錢肚河,朋友亦叫左碗粉,我地再加碗淨牛腩. 牛腩好林好味,湯底亦好好飲,河粉好滑,值得大熱天時咁遠都行黎食~!

7月8日，17:20在天后交收完畢，肚雖不算餓，但仍忍不住到這裡來碗清湯腩。全院滿座，幸好剛有人離座，立刻變身"攝石人"。二話不說，要了牛腩河。湯底：清鮮，牛味重，還帶有點點蘿蔔鮮味。牛腩：有咬口而夠甘香肥美。九記之外，這裡是首選。

上次食完幾鍾意, 今日食lunch 帶埋朋友0黎... 朋友叫了牛腩撈(圖上), 我就要個牛腩牛肚米.今次d 湯一樣一d 都唔油, 但味道比上次仲濃, 個人覺得好飲0左! 牛腩依然好腍, 肉味濃, 好得! 牛肚相比之下遜色, 不過幾入味, 亦夠腍; 米粉幾有咬口. 呢碗0野非常唔錯!朋友個腩撈賣相唔錯, 好多腩, 朋友亦話d 腩好食, 好有肉味云云. 試了一啖麵, 未放入口已經聞到鹼水味, 即時反了反胃... 好在食落口鹼水味尚算少. 麵質當然唔及麥奀, 不過都算有咬口0既...環境同service 都係咁啦, 無乜好講.都係清湯腩最靠得住! 會再來!