華姐清湯腩

营业中

休息中

one of the staff very friendlyfood are in resonable price, $20 small bowlalthough it was not as well as my expectation, the quality can be counted in good at this price

跟著十大好許的路線圖來搵食,幾年前在附近就讀一間設計學院, 常常路經此地, 但卻未試過華姐的功架, 前天襯著要聽宣導而順道一試, 清湯腩-湯果然是清, 清不等如淡而無味, 而真是"清", 我叫了一碗坑腩伊, 伊麵軟硬度適中, 彈牙得黎不太硬, 好!!但係坑腩對我而言, 就大失所望, 是我期望過高丫, 還是最好就是這樣呢?腩身夠林夠軟唔痴牙有肉味, 這就是十大好評的水準嗎?於我而言, 觀塘工業區駿業街熟食市場食車仔麵的牛腩更佳, 腩身彈牙亦是有肉味, 若然這算是十大, 駿業街的那間應該都是前20名(只論牛腩)總括而言, 華姐是好的, 但奈何不應該值得上十大。問心"笑面"是應該比的。

前幾日專程去捧場。去到已經大約晚上六點，店內已經坐得有八成滿，一條友仔要搭檯，冇所謂啦，又唔係食大餐。先叫個爽腩河，湯底味道幾濃郁，但好快口渴，應該有味精喇。爽腩好稔，味道清清地幾好味，但就唔多爽，河粉就一般貨色。再叫杯凍豆漿，六蚊杯算抵。總結呢間舖頭算幾抵食，二十蚊碗牛腩河有咁多件牛腩已經值回票價（而家牛肉價錢好貴），味道雖然唔錯，但無乜驚喜，同隔離大利清湯腩差不多，而且味精湯底要扣分，一般咁啦。

今日終於有機會去試呢度既清湯牛腩喇, 之前睇左好多comment 都話好食, 我叫左雙拼:清湯牛筋牛腩麵, 我唔鐘意食河粉, 又唔鐘意食米粉, 所以叫麵, 幼麵, 都好好食喎, 可能係d 湯太好味, 好清甜, 差唔多飲晒(太飽, 飲唔晒o者s^o^s ). o的牛腩幾腍, 不過好似生記再腍o的, 牛筋都好腍. 整體上, 好好味. 下次試其他野食先.我去到既時候成2點幾, 冇咁多人, 所以服務都唔錯.

星期三下午六時到達，可能店內空間不多，只剩下兩三個位，我一個人坐在一位大叔對面。我問店中一位大哥有無爽腩，他望一望，話無，小小爽的就有，於是叫了小小爽的腩河粉(收普通牛腩河價錢$20)，腩汁白蘿蔔($10)同一罐汽水($8)。蘿蔔先來，喝小小湯，唔......好有味，已經估到蘿蔔一定不錯。果然有味得黎不失清甜，蘿蔔亦無渣。這簡單食物，最重要係蘿蔔質素及煮蘿蔔的湯，非常好。跟到腩河，先喝幾口湯，牛味很重(不是較味精)，亦算清，油不太多，十分滿意。再吃牛腩，果然只係小小爽，大哥果然誠實，絕對不失望，牛腩亦軟滑。河粉不算滑，但比一般粉麵店好，起碼到最後一點也不糊。整體真的不錯。當我吃了差不多一半，湯也喝得差不多，對面的大叔也走了，他連最後的一滴湯也喝得乾乾淨淨，雖然大家並無一言，但相信大家都有相同的認同感。大哥亦來收拾收拾，他看見大叔的碗，又看一看我的碗，就問我要不要加湯，我當然more than happy啦，大哥還問我要不要，很細心，真的不止感謝，還有感動。其間還看見他耐心向兩個姐姐講解及建議她們什麼好吃。走的時候還不忘講多謝及再見，我當然亦有回應，但心想，我的感謝應比他還多。這真的是一

夜晚路過,見里面有位,便試吓呢間有超多笑臉的清湯腩叫咗一個清湯牛腩河,湯底好鮮,牛腩又滑又嫩,入口即溶,口感非常好,d河粉入晒湯嘅鮮味,好好食最重要的是d侍應"叔叔"的服務態度非常好,好有禮貌下次一定會再光顧

平日lunchtime經過一定是人山人海，今日12點見無咩人就同朋友仔走入去。分別要了牛筋河同牛腩米。湯，清甜而少油，飲完唔會口渴；河粉滑溜溜；牛腩夠淋且入味；牛筋爽口，但不對我倆既口味。另外，服務很好，很照顧人客既需要。

SOHO 大減價, 掃貨前來這裏醫肚.點了清腩河. 我個人, 其實不太喜歡牛腩, 不過見好評如潮, 也來湊熱鬧=)牛腩, 的確很軟, 很美味. 湯底也被我喝光了!消費包括豆漿+油菜.

同河馬特登去呢間人氣小店食下午茶店內一個客都冇,,反而隔離大利都有小貓兩三隻@@ 坐底叫左兩碗爽腩面...d爽腩好多筋膜我最鍾意,正!! d腩肉入口鬆化...比起我地上次去食果間金湖真係好好多倍...金湖果d直係硬到入唔到口呢間係我地食過咁多間之中爽腩係最好既even 同九記比...呢度d湯底都唔錯..不過就好似咸左d ~~ 九記果d 係飲到若隱的藥材香味...湯底黎講九記好但係呢度就大碗d 腩都比九記好.. 總括黎講各有千秋,但係我會鍾意華姐多d!!

今日行銅羅灣，特意跑來網上食評不錯這家華姐清湯店來吃，店面太小，一般沒什麼位子，而且我一開始點的牛筋，過了几分鐘后才告訴我沒有，讓我換個，於是我點了清湯金錢肚面，食完后口感還可以，牛肚爛並且入味，但是價錢也不便宜。我想以後不會再幫襯

Their Tan Tan Noodle is so good!!! The texture of noodle is right on, the taste of sesame base soup is delicious! I have looking for a good Tan Tan Noodle for a long time and here is the right place to go!! :9

今日o係維多利亞泳池水運會，lunch正好試試這間出名清湯腩的華姐。真係唔係講笑，清湯腩比起大利更香更濃，湯底非常濃郁，本來二十蚊既清湯腩米粉因為學生減兩蚊，仲話送埋杯原價六蚊既豆漿，真係好底食!!最抵讚係服務態度，全無出名的架子，且非常親切有禮，仲會得閒搞下笑,食得好開心!

華姐的清湯, 相信不用多費唇舌.我係第一次食麵就飲哂d湯仲未食完d麵!飲完唔口渴的, 讚~

星期六要到圖書館搜集資料, 先行到附近吃個午餐, 今次的目標是華姐清湯腩.下午時份, 一點幾兩點, 門口還排著隊, 看看隔離的大利, 雖然也坐著不少人, 但起碼不用排隊.好快就有得坐, 要了爽腩粗和一杯凍豆漿.環看周圍, 冇咩人叫爽腩, 好多都叫牛腩, 等我下一次試下先.爽腩光是見到樣子就知爽, 筋膜部份特別多, 吃下並不感到油油的, 雖然牛腩既味道不及一般牛腩濃烈, 但味道是相當好的.粗麵爽彈牙, 唯一的問題是少蔥(是個人的問題, 下單時沒有吩咐!).湯底是清湯, 但淆出來湯都好入味, 冇師傅, 我到下午都不用灌水救亡.凍豆漿, 幾大杯, 面上有少少薄冰, 夠凍有豆味冇燶.臨走前收銀阿嬸仲講Thank You, 沒有太留意樣子, 但我懷疑果個係華姐黎.就算唔計服務, 我都要叮走九記, 不過事先聲明, 個人較喜歡清湯多過牛骨湯. =)

工作需要黎開附近lunch time時間肚空空o係地鐵站口一出見到見佢咁出名就黎試下雖然我唔愛食牛腩但無理由唔試招牌菜叫左牛腩粗麵粗麵醶水味唔重但正係潮式粉麵既味道湯底十分清一上檯時油份十分少好清甜好香難怪一坐低時見到對面位年青人不停一啖一啖咁飲落肚牛腩炆得好淋份量亦唔算少好好味抵佢咁出名