華園餃子館

营业中

休息中

是晚屋企人有節目，只有自己一個人吃晚飯，旺角都食到唔知食咩好，就行左去何文田個邊睇下食乜好。經過呢間餃子館，心諗食得清清地都唔錯，所以就入左去啦。大概晚上七時多八時，店內有三四檯客人，唔算好熱鬧。只有自己一個人，所以柄埋坐低自成一角算啦。呢間餃子館非常多選擇，真係好似一間上海菜館咁，見佢好多食物都有，不過我自己一個人就叫左碗粉就算了。從多款餃子中選擇左白菜馬蹄豬肉水餃，想叫蕃薯粉佢話無哂，叫我要蕃薯米線，心諗都差唔多就是旦啦，等左一陣就有得食啦。份量都可以，唔算太細碗的，一碗有五粒水餃。唔知點解我飲個湯底已經飲到D馬蹄既味道，感覺幾清的。水餃唔算好厚皮，不過感覺材料份量唔太多呢，好似好少咁~ 有馬蹄粒食落感覺爽口，不過基本上菜同肉既份量都唔太多，所以整個水餃味道都唔太突出... 無咩特別。蕃薯米線幾幼滑，咬落幾煙韌彈牙，都幾鍾意的，耐何水餃真係一般左少少。味道清清地，不過食完都夠飽肚的~ 水餃未見突出，不過眼見好似好多野食都幾吸引咁，或者可以再黎試下掛.....。

其實蟹粉菜式正確黎講，應該算係上海菜?! 不過早前知道筲箕灣東大街嘅 新富康名廚茶餐廳 (http://www.openrice.com/restaurant/sr2.htm?shopid=16055), 係其一有得賣罕有的港式蟹粉雲吞，要$10 一粒，可惜無乜人推佢!　搞到今年打咗幾個電話去定雲吞，但老闆娘話第一, 蟹粉好難拿到好貨，第二就係無乜人會叫，所以今年 (2010) 索性唔做了．　有晚走過黎想食出名的蛋撻，但已經成批俾人頂咗．．．　但看見這邊竟然有得賣罕有的蟹粉雲吞，幾大都試下! 　下次分分鐘又無啦啦無咗．生煎蟹粉雲吞 - 原來只有煎版, 而皮也不是港式雲吞皮係餛飩皮. 其實寫得有啲唔正確, 有啲亂檔.好可惜, 完全食唔出也肉眼看不到蟹粉... 頂多也只有少少橙色油. 以 $58 x 5隻 黎計, 本來都唔係貴, 但原來根本全無蟹黃味, 當場覺得俾人搵了笨! 茴香羊肉餃 -講樣白癡嘢你知... 其實以前原先唔明, 以為中國人食 fennel 時係齋用啲綠葉. 但西餐就用底部嘅 bulb 同 seeds 居多. 點知有日同另一間店嘅店主講起, 先知道原來中國人食

Take a Break, 才叔, 勝利小廚... 食得多都想試下第2樣, 有次經過見到新嘢, 擇日不如撞日一於同同事去Lunch.鋪面尚算乾淨, 兩面牆壁貼滿食物相片, 除左一般嘅餃子同麵, 仲有好多小食選擇. 最記得佢有個貴到飛起嘅鉄板金蠔, $90 左右得2隻...5個人, 點左十三么 2客 ($38x2), 麻醬拌麵 ($20), 淨麵 ($15), 小籠包, 甜薯波波(5粒), 再後加日本蠔油撈出前一丁 ($35), 煎鮮蝦雲吞(6只).十三么熱辣辣上枱, 賣點係每款味都有1隻, 味道正常. 由於餃子冇色認冇任何標記, 有D食左都唔知係乜~麻醬拌麵的麻醬不錯, 鋪滿青瓜絲, 都几開胃, 只係細碗得交關, 每人食得1啖 小籠包個皮好厚, 不見得好有肉汁香, 還好夠熱~甜薯波波 very good 係炸嘅甜點, 外層甜薯中間是芋蓉, 甜薯有著 sticky rice 般口感, 非常軟熟, 不太甜, 而且價錢合理, 好鍾意 日本蠔油撈出前一丁價錢最不合理, 半個一丁份量+1隻細豉油碟的蠔油竟然收 $35, 蠔油係好惹味, 都唔需要去到呢個價錢, 再講佢煮嘅一丁, 唔夠熟, 貴

星期五到旺角辦理完文件後,就開始覓食之旅選了華園餃子(第二分店)經過一輪"思想食咩好"的時間後最終點了個茴香鮮肉水餃麫(28元正)+冰鎮龍井茶(10元正)等了差不多約7分鐘食物就來了 先試一試麫的湯底 一試之下毫無特別 而麫都不是特別好味 簡單來說十分普通到試餃子 餃子入面D肉汁很豐富而且很炙口,比起浸着的湯底還熱 吃入口後茴香香味滲出,真的不錯,大家值得一試! 而那杯冰鎮龍井茶就不提也罷.環境方面在餐廳都看到一些蚊"之"飛下 但整體都OK 冷氣都幾夠態度方面都OK 無咩特別價錢方面 我略嫌貴左少少

之前曾經因為米芝蓮到過北角阿鴻小食，試過一款芥抹雞腳筋，做法特別個味道麻麻，今天與朋友到寵物街勝利道，路過一間餃子店，發現有款叫酒醉雞腳筋的小食，於是入去試試。座低後發現原來間舖雖然細，但食物有好多選擇，首先點了酒醉雞腳筋，然後加兩個酸辣湯，一牒羊肉酥餅，再加個十三么餃子及一個鮮茄餃子。先試雞腳筋，相信絕對比用芥抹做好得多，酒味十分濃，咬落彈牙，非常好。然後試個酸辣湯，比一般所謂的上海舖做得出色，用料多兼酸辣比例啱啱好。跟住試個羊肉酥餅，因即叫即整，上枱時還是熱辣辣，最啱呢種咁凍既天氣試，朋友不大喜歡食羊，試過後亦覺得好味，不太酥，不食羊的人亦可以接受。最後試餃子，太多款關係，已經不記得邊款打邊款，不過可以食得出唔同味道，啱想試新嘢既朋友。另多再加的鮮茄餃子，雖然清淡，但原來番茄做既餃子又幾好味，於是臨走時加咗外賣買俾屋介人試。因為唔多好意思影相，所以無相俾各位睇。不過下星期會去試多次，因為問過老闆娘，原來佢地都有款麵同阿鴻小食既蝦籽撈麵差唔多，不過用既蝦籽正好多，因為食次已經試得太多嘢，所以留番下次再試。呢餐價錢雖然貴，但以呢個區啲舖租嚟講亦自合理，值得推介。

尋晚同行過, 諗住佢叫得餃子店, 餃子應該唔錯點知....食左佳之選水餃咁叫左一個京蔥羊肉餃, 西洋菜肉餃配薯粉, 拍青瓜京蔥羊肉餃蔥佔左七成, 得蔥味, 食唔到羊味餃皮勁厚, 又硬西洋菜肉餃又係食唔到西洋菜薯粉著得太耐, 冇左薯粉應有既質感, 太軟拍青瓜勁細碟, 收左我$10仲要唔好食全程好似食緊佳之選水餃咁, 懷疑佢d 水餃真係買返黎好心佢唔好叫自己做水餃店啦

有日落開去果頭,見到我之前在元洲街食過既華園餃子館, 旺角勝利道都有第二分店咁我就入去試下叫左個紅油粉皮,個汁係用紅油抄手既汁,凍凍地幾特別酸辣湯面個湯OK....D麵口感幾好..自家製既麵係唔同D..羊肉餃同茴香餃都係我鍾意..所以都試..皮又唔會太厚..D餡新鮮..山X餃子館我食過一次串燒..佢比D熟左再番燒果D比我..我問佢!唔係即叫即燒既咩!!佢話係..不過咁樣快D..咁就唔係即叫即燒啦一食落口就好似食紙皮咁...唉!!跟住我就咩都無食走左...但我覺得都係元洲街總店好食D同地方又大D我問老闆娘山X餃子館同佢地有無關係..佢話無..佢話只得元洲街總店同第二分店

男友想吃餃子所以來到這裡吃,點了一個我平時好喜歡吃的香蒜紅油粉皮...唉~D 粉皮林到好似一咬即溶....散散碎碎....真係好難食,凍食....但又唔凍,天氣又熱,好似室溫咁....好怪...夾硬食哂...西洋菜豬似餃,本身D料真幾多幾好味,可惜皮厚身地方煲得唔熟,仲係少少粉狀.不過OVERALL都OK啦煎餃子...唔知係咪人多,煎兩野就上台,一點都不脆....本身隻餃係好味既,真係哂哂~叫左個汽水, 無雪過一樣...無哂氣..點知無冰....最後都唔知點飲整體黎講係望

收工經過這間專賣餃子的小鋪,因想起在台灣吃過很好吃很回味的蒸餃,便入來看看,在相片看到一款叫十三么的干餃子,有十幾個唔同味道,叫了一試,從第一只到last都分唔到是什麼味,因為Ｄ皮太厚,口中只有麵粉味,以一間以餃子做招徠的鋪頭黎講就真係唔合格,價錢都唔平,一碟餃子加一杯豆漿41元貴過食晚飯,無下次

今日沒相....但都好想寫.媽媽想試試這裡的餃子..好啦我通常都會遷就她.我的素餃子蕃薯粉: 第一眼就覺得好油......湯面浮著一層油, 另再繞一圈麻油. 份量頗generous. 無法啦, 都要吃. 先試蕃薯粉, 太淋了. over-cooked. 根我平常吃過的蕃薯好不同, 這個想河粉多點. 我是不吃河粉的... 素餃子皮也同一特徵: 太淋!! 幾乎爛喇.....所以好難夾. 要用"畢"來吃. 素餡有菜, 菇....其實不太吃得出還有什麼. 味道淡淡其實沒問題, 反正是素呀, 可是餡加了太多油啦.....真是油(湯)上加油(餃子餡). 不太想吃, 但怕媽媽"哦".....最後都是吃凈一點粉. 感覺好膩好膩.....跟飽不同. 就是. 好heavy....羊肉烤餅: 媽媽的. 味道不知怎樣. 但我知道的是, "烤"餅不是烤的, 而是炸的. 酸辣餃子: 媽媽原以為是酸酸辣辣的上湯底, 原來是杰身的酸辣湯! 沒關係她都覺得味道不錯. 但單是看也覺得頗油膩.....因為繞了麻油和很多的辣油! 最後都剩下半碗湯底. 坐位較窄我都覺得沒問題. 但大廚拚拚在開油鍋, 我實在受不了那陣油"益"

聽聞勝利道開了一間新的餃子店，剛巧最近午飯喜歡吃較清淡的東西，故很有興趣一試....店子一如其他食友所說般的細小，但我只是一個人來，而且並不是在繁忙時間光顧，因此要找個位置，並不困難....款式跟一般餃子店大同小異。除餃子外，還有小籠包等小點供應。是日一個人吃不了那麼多，就簡單地點了碗白菜馬蹄豬肉水餃麵就算了....未吃水餃先喝口湯底，味淡如開水，不喝也罷；麵條是普通上海麵，淥得頗淰身，水準不高。還是專心吃水餃吧....餃皮不算太厚，菜切得不算太幼細，而且吃不到太多的馬蹄粒，肉味也不算很突出。是一碗平平無奇的水餃....肚子太餓，故明知食物水準不太夠，還是要叫多一味才能填肚。見有個羊肉酥餅挺吸引，就來一個....何謂羊肉酥餅 ? 便是以炒過的莞茜羊肉碎放在油酥餅之上。兩者皆弄得熱辣辣的，油酥餅真的夠油夠酥，吃落挺鬆化的；羊肉稍嫌不太夠羶，但勝在即叫即炒現吃，味道不錯....雖則如此，但不能挽回主食的平庸

同事介紹來試午飯，店子真小，看看餐牌，款式卻不少。雪菜肉絲麪，有些像番薯葉伴食，有特色。「十三么」餃子,據說一碗有齊十四種不同既餃子口味,有茴香的爽脆口感，肉質就一般。拍青瓜也很好，濃濃的麻油加蒜泥配爽脆的青瓜，口感一流。下次可以試羊肉酥餅和小籠包。可惜冷氣不足，扣分。總括來說是可以一試的。

有一日落街揾野食,行行下见到一间并不显眼的饺子馆,就入去食野,当然叫得饺子馆主打一定系饺子啦!先来一客蕃茄饺子+ 一个羊肉酥饼+醉鸡翼+鸡丝拌面1) 蕃茄饺子: 夏天食呢个饺子好迎合呢o的炎夏天气,入面好多蕃茄同多汁, 出面食到o的饺子一味得个大字, 好似食面粉,唔驶食好多只已 经比o的饺子皮塞饱, 而呢间o的皮好滑又有烟UN, 好食!! 正!2) 羊肉酥饼: 好香口, 羊肉因有京葱好野味, 两样配合简直绝配,食完一块真 系想黎多一块, 不过都系下次先再食, 试下食第二样野吗?3) 鸡丝拌面: 有好多鸡丝, 呢o的真系手功钱, o的汁好味好大碟, 正!!4) 醉翼 : 因我好钟意食醉翼, 所以一定要食, 估唔到花绍酒味好浓, 老板娘 话系用最靓花绍酒去做, 当然有少少密方我住系附近都没有一间较有水准的饺子馆, 现在有了我一定会再来食!!

公司附近真沒有什麼食肆可揀，見到新開的餃子店，仲唔拿拿淋試，食過幾次之後唔係好頂得住，唔再食了，唔係唔好食，又唔係好食到唔食唔得，但份量就真係超袖珍，半碗麻辣著粉要$18+半件豬扒$10共$28，食完完全冇料到，$20十隻超細水餃，食完又都係唔夠聶牙喇，餔頭超小，份量亦小，價錢又唔見小！！

琴日同班ｆｒｉｅｎｄ一齊去左一間新開鋪無幾耐的餃子館食野！！　聽班ｆｒｉｅｎｄ講ｏ的食物都唔錯，　所以一試！去到間鋪感覺真係好細，坐落後第一樣比我嘅好感就係佢地服務真是一流，ｏ的ｗａｉｔｅｒ服務超好，　有禮貌！！根住介紹左本店招牌野比我地食，　當然要試試啦！１）羊肉酥餅：羊肉好香，餅身很鬆，簡直超好味！！２）至於餃子雖然唔係好大只，但係我鍾意，因為好適合女仕食，因為一碟１０只如果　　大大只根本食唔到其它野，ｓｉｚｅ適中，聽聞皮是自己做，果然同我係出面食唔　　同３）擔擔面：一黎到就聞到好香的麻醬味，雖然同邊食到的有所分別，　呢個係北方做　　煮法，但反而較喜歡呢個當我地食食下，　有客入來，原來是熟客，ｗａｉｔｅｒ即同熟客打招呼，安排坐位比他坐，熟客講今日專登帶朋嚟捧場，因為好食嗎？坐左半個鐘，原來呢間鋪都有好多熟客，一定有它的吸引力量！雖然價錢比總店為貴些，　但我會明白地點唔同可能租會比總店貴很多，　因總店始終係平民區，租金當然會平啦！分店食物貴左ｏ的都情有可原，　始終何文田區都是貴鋪租的地方，特別是狗仔街，　所以第日都會再幫襯