華園餃子館

营业中

休息中

啱啱搬嚟試吓附近啲餐廳，見到門口有之前TVB金剛同小儀個食嘢節目，就入去試吓，點知真係唔好信TVB啲節目，叫了煎韭菜餃同油渣麵，之後就話冇韭菜餃要轉其他，呢樣餃子冇嗰樣餃子冇，算啦，你有乜比乜啦，間嘢唔係專做餃子嘅咩，煎餃個餡冇味道，超級市場嗰啲好食過佢，油渣麵就真係難食到形容唔到，問佢點解佢話佢哋油渣同人哋唔同唔炸嘅，ok不過味道好怪同質感好怪，諗住唔好嘥嘢夾硬食咗佢，食多兩啖真係頂唔順，買單走人$110，個侍應見我食咗兩啖走都覺得好平常，好心啦，冇心做生意就唔好做，影響香港餐飲業嘅質素

今天去了這間何文田的小店。看見了餃子。 名副其實有好多款不同的餃子可以選擇 唯一令我吸引的是京蔥羊肉餃 所以我小點五隻來試。再配一碗XO擔擔麵。 先來了擔擔麵。 比一般以往上海的不同。 他是很幼的面。上面帶點瑤柱蝦米碎的XO醬。我點了小辣。 反而個湯底清香撲鼻。點點麻醬味。配料沒有。 就單純湯麵醬已經吃得出這間店的湯底誠意 最後連一滴湯也不放過 終於來了羊肉餃 配點醋吃。期待已久。 吃下去只吃到陣陣生京蔥味。而不是羊味。 那京蔥的攝攝味道我覺得是不太配合。食到第三隻已經受不了。 我竟然在搵搵10多款水餃之中，選了一款比較不適合我的。沒關係，反正面是10分OK 下次再選別的水餃來吃

今次食左佢個xo炒面，佢個炒面66蚊就真係得xo 醬少少、麵同白菜仔3條。麵既分量基本上就10啖以內食曬，食落完全無炒既感覺，似撈多過炒。咁樣收66蚊覺得極貴。另外嗌左個茴香餃子面，佢既麵係上海麵 幾q彈既。總括而言，份量好少，俾左百幾蚊唔知食左咩，唔好俾佢啲手指公呃！！

今天心血來潮想吃餃子，經過何文田華園餃子館。看著餐牌又看著牆上張貼美食照片和文章，眼花撩亂，最後點了一碗茴香鮮肉餃子米。有兩篇文章介紹番薯，心想真是有那麼好吃嗎？於是就點一份來試試 - 香脆紫心番薯。小食-香脆紫心番薯$36份量不多，只有五小粒，價錢稍為貴。雖然如此，但是其外表和內涵是值得吃。紫心番薯來自夏威夷，本人見識少，不知道夏威夷也出產紫心番薯。紫心番薯的外表非常討好，外圈紫色，中心乳白色，儼如紫水晶，耀眼奪目。店主保留紫心番薯外皮一同炸，外脆內軟又鬆化，真是充滿驚喜。極力推薦大家試試這款小食。茴香鮮肉餃子麵$51茴香鮮肉餃子共有五隻，餃子大小剛好，餃子皮厚度適中。很少吃茴香菜，有股濃郁味道，非常特別。鮮肉嫩滑，色澤較深，略嫌偏鹹。幸好湯底清甜，有生菜和蔥花。麵餅可選上海麵或米粉，選了米粉，米粉已熟，但仍未散開，是店主有意保留「一餅」米粉形狀嗎？可能是想保留米粉柔韌和彈性。🤔😆

從來未見過豆漿得半杯 羊肉酥餅得幾粒鼻屎咁大粒嘅羊肉仔仲要價錢超貴份量超級少 可一不可再 什麼麻辣湯啊完全仲衰過喺出邊食嗰啲仲要價錢偏貴 仲要份量少材料少味道根本差過出邊

今次去咗何文田附近嗰度開工，所以直接響嗰度附近搵嘢食，行過見到呢間餃子館，見到佢地方細細有幾有家庭式作業嘅感覺就走咗入去試吓。叫咗一個佢推介嘅京蔥羊肉水餃麵，我係要粗麵，水餃味道真係唔錯，麵同湯底方面不過不失，整體嚟講都可以嘅，價錢方面亦都唔貴。另外忍唔住見到個豆腐多士，就叫咗一份嚟食吓，等咗大約10分鐘左右就有啦，份量方面其實都幾足夠嘅，裏面夾咗啲甜醬咁上下嘅醬料響入邊，食落去嘅香味同感覺有啲似炸臭豆腐，不過就冇咗浸臭味，呢個其實覺得真係幾好食。

🥟旺角自營餃子館🙌🏻🙌🏻🙌🏻🥰華園餃子館的餃子口感勁道，有嚼勁，咬起來有一定彈性，可以很明顯吃出不同餡料的鮮味，皮厚餡實👏🏻👏🏻👏🏻咬下去一口爆汁，餃子的鮮味充滿整個口腔，齒頰留香推薦十三幺，可以一次吃下十三種口味，實在是太滿足了～而且這家店風雨無阻，有一次十號風球還在營業，風雨無阻，阻擋不住上班的熱情😆😆😆深得本地人喜歡，經濟實惠，飯點座無虛席準備下次再來試下其他菜品😋

Score 總分: 65這間餃子店嘅餃子，講真味道真係好OK嘅。冇比較冇傷害，同一D出名嘅餃子店比 就.......咳! 點解要比呢？ 位置唔同，冇得比較嘅(好人mode中......)~今次我就試左茴香餃子及西洋茶餃子，味道都幾好，Size不大不細，1至2口就一隻。大食嘅我真係唔夠食，只係冇錢再食🙂好! 講完餃子，就講下其他“餃子Ok, XXXX”等等評論都真係唔少。所以，大家去食就試餃子好了。我試過其他都真係咁諗! 所以唔介紹其他野食了~ 完!總結: 對於平民飯堂黎講真係算係咁。何文田，又近旺角東嘅位置，講真，有時想平、靚，正，真係唔知食咩！但這間餃子店真係可以值得一試嘅。咪當到此一試 囉~

又係勝利道😂😂😂無辦法 成日要喺嗰頭出沒今次呢間餐廳淨係舖面已經令人感覺十分歷史悠久 門口貼咗啲明星相📸餐牌超級多選擇 食50次都食唔晒-茴香鮮肉水餃 $56/10隻 [👅7/10]水餃偏圓碌碌 咬落去啲汁流晒出嚟💦頭幾啖食 茴香味特別重 之後就習慣咗肉餡好實淨 應該係搓完先包🖐🏻餃子皮算薄 不過口感偏實 唔係好軟冧嗰款 而我就鍾意食啲比較冧嘅皮😋上網search完 發現佢嘅種種特徵都顯示佢係一款山東餃子🥟🤣btw有無人同我一樣食餃子一定要點醋食！檯邊仲有豆瓣醬可以自己加👍🏻-XO擔擔麵 $50 [👅5/10]一上檯發現好細碗啊🫠要$50😥麵嘅質地好食 啱啱好 唔會太冧或硬但係湯底嘅味道唔夠濃 XO醬無存在感本身expect個湯底會比較杰 但係其實好稀😫無乜花生同麻醬味 肉碎同花生碎直情係無🥜口感稍嫌不足雖然叫咗小辣 但係變咗完全唔辣擔擔麵唔推薦🙅🏻‍♀️🍜-不過餐廳嘅人情味真係好濃 食客同店員嘅關係都好好 我哋帶唔夠現金都有姨姨打算請我哋食🙀小店只收現金 大家如果打算去試 記得帶現金喇🤣-📍華園餃子館何文田勝利道14號舖

不可一．不可再趕時間關係隨便入左間，打算餃子快，唔會難食得去邊~ 又貴又細份，味道又對唔住個價錢，頹食~ 伏～羊肉酥餅＄４６哇~～～一塊酥餅同夾住幾粒羊肉碎，酥餅係幾酥脆嘅，不過無逼出多餘油，油笠到滴出油。羊肉就少到你唔知咩味咁。話明餃子店就緊係要食佢地嘅餃子~ 口味選擇多同埋有自家特色口味 eg 蕃茄鮮肉水餃，帶少少酸，好清新健康嘅味道不過呢到嘅餃子細細粒相當考功夫呀~ 咁嘅價錢包你唔飽，最多都係4成~~~~

何文田午餐之旅又要開始，朋友話依間餃子不錯，今次trytry💬 金玉滿堂鮮肉水餃 雙拼 蕃茄鮮肉水餃🌽個名真有趣，原來係粟米水餃，入口幾多汁，唔會太咸太淡，不錯🍅蕃茄水餃蕃茄味唔出，略帶微酸，同其他餃子一齊食都幾好食，惟佢煮完個皮有啲爛回頭食: ⓨⓔⓢ💬 雞絲粉皮🥜花生醬冇味🐔雞絲有陣唔新鮮味粉皮好「杰」身 沾住個口💬💬完回頭食: ⓝⓞ💬胡麻醬拌涼麵充足嘅胡麻醬，入口幾好味，不過成碟食就有點膩🫤🫤 回頭食: ⓝⓞ

認真好失望$60芝士豆腐其實係平時火鍋鋪 任攞嗰啲竟然自己買到六件$46 有陣時唔係價錢嘅問題係佢欺騙左我感情希望佢認真檢討一下食物質素認真好失望$60芝士豆腐其實係平時火鍋鋪 任攞嗰啲竟然自己買到六件$46 有陣時唔係價錢嘅問題係佢欺騙左我感情希望佢認真檢討一下食物質素

晚上10點幾依然開門，係對面岩館攀完石之後來充飢。餃子可以淨叫或者加麵，加麵就5隻，淨餃就10隻。價錢方面可能地段問題，比較貴。韭菜豬肉淨餃 $50，茴香豬肉淨餃 $54。兩款餃子既皮都好薄，餡料都好足夠，咬落去好juicy。個人覺得呢度既茴香比韭菜餃出色！因爲茴香既味道更加濃烈，係出面好少食到！蒜蓉炒蕃薯苗 $30，以一碟青菜來講個價錢其實都可以接受，因爲份量都算大。而去炒得幾有鑊氣，個蒜味好足。麻辣豬肚絲 $42，呢個就比較貴。因爲份量唔多。本身以為係會有好多麻辣汁，原來係麻辣涼拌。但辣味係剛剛好，唔會太辣都唔會冇味。

去過幫襯幾次，基本上無論叫咩都係好食嘅。個人印象最深刻嘅係韭菜或者西洋菜豬肉餃子🥟感覺好入味好香而且入邊有汁，食完一份八隻會仲想繼續食。如果想試晒咁多隻口味嘅餃子，可以order十三么餃子，有齊晒店舖嘅咁多隻味。不過我個人都係比較鍾意韭菜同西洋菜。另外都非常鍾意芝士豆腐魚餅，鹹鹹香香，魚餅加埋豆腐都好彈牙同埋嫩滑，雖然佢係炸，但係完全唔會令到佢好老。總之就好鬼好食😋基本上每次去都會叫。另外叫咗蝴蝶腩，俾佢個名呃咗，齋睇個名以為係牛腩，食到最尾先知道係豬肉，難怪沒有牛肉味，個人覺得可以接受，啲肉其實都係鞋的，味道也不算很入味，實質只係得幾舊豬肉，下面都是放了一些菜，這個價錢來說，覺得唔抵食，所以不推薦。另外有叫過呢度嘅酸辣湯，酸辣湯唔錯，辣味同酸味都相當適中，材料都算可以接受，有木耳，魚肚。同埋都有叫過一個係豆漿咋鹹湯，個人係第一次食，鹹鹹香香落咗啲蝦米咁樣囉，個人覺得一般。

到何文田工作完就必定會行到勝利道淺嚐呢一間舖頭既特色食物....以往其實都食過好幾次，但今次先為呢間舖寫食評!餐廳入面有好多唔同種類既食物，粉面餃子小食有好多款，痴到成牆都係眼花撩亂....試過好多種食品之後，始於覺得只有幾款係必點食物，其他都有d普通，完全係可以自己返屋企整既! 其中一款必試麵類就係甜酒豆腐乳撈面，50幾蚊細細碗，份量唔多但飽肚。味道濃，咸得黎又唔會over左。甜酒味問心就唔係好食得出，但唔講都唔覺自己食緊既係腐乳，個撈面每一條都沾滿腐乳醬，撈得好均勻，我認為呢個面先應該做呢間店既招牌，因為有特色既，出面小食店未必食到!另外叫得做華園餃子，就當然要食下佢既餃子。試過多款之後我鐘情茴香鮮肉餃。 其他味道餃子都比較普通，唯獨呢款係得我歡心。 茴香同鮮肉比例岩岩好，茴香既香葉味可以有提鮮作用，但又唔會搶左肉味，餃子皮都算薄，所以呢個餃都非常好味!50幾蚊有10隻餃黎講都唔算貴。而餐廳其他既小食我就覺得份量係比較小，客人可以點餐前望一望醬上既食物相先點，佢既食物相都冇乜修圖，唔會只供參考都算係真實反映到有幾大碟同幾多舊。