華人餐廳 (已結業)

真係重大發現!搵到極好食o既吉列石班!喱個係吉列石班早餐.唔似一般炸魚柳般硬掘掘或"鞋口",佢炸喱個魚柳係極軟滑,肉紋條理分明,魚肉之間留有一層肉汁,雖然喱D雪藏魚柳魚味欠奉,但炸出尼香脆可口,入口即溶,點沙律醬食一流.另外喱間餐廚有桶仔焗飯作早餐,比較特別.

行街行到6點幾,好肚餓,路經呢間餐廳見幾四正,個鐵板餐又幾抵咁,咪入去試下囉.門口寫鐵板餐係$28,但見餐牌寫$33,一問之下,原來差價係一碗湯,咁我唔要湯.個餐仲包一杯餐茶.個雞扒鐵板餐,唔知係咩汁呢,味道都ok,個紅飯亦ok,唔係唔好食但又唔係好好食0個隻.份量ok(唔夠"不見不散"咁大份),不過當時我頗為肚餓,如果可以大份d就好.其實餐廳環境都幾好,暗暗地,又有好多卡位,不過人手似乎比較少,好耐都唔見有人出唻落單.

之前同d朋友黎過依到食下午茶真係好抵ga,又多選擇wor,因為我地lunch無食野關係,所以好肚餓,我地個個都叫左焗飯食呀,有雞扒同朱扒選擇,佢依到係用左個竹筒去焗,竹筒入面係鐵兜黎ge,都幾特別~我揀左雞扒,d雞扒好滑同好鬆軟,真係好好味,d芝士好好味,唔係太溜,份量0岩0岩好,包埋野飲都係$20,真係物超所值~~不過依到d侍應態度真係一般,應該改善下呀!,仲有間野唔大,無分吸煙區同非吸煙區,隔離台食煙既話真係比佢地煙死...

尋晚陪男朋友去呢度食，呢度ｄ扒餐好平下，$33包湯　＆餐飲，bf要左雞扒連腸仔跟紅飯(西炒飯),ｄ飯紅紅地，因為有蕃茄味，有ｄ洋蔥粒，ｄ飯係連埋個鐡板一齊上，個汁都ok既，重有dd既雜豆粒點綴下，塊雞扒都幾滑，唔o鞋口，腸係普通既腸仔一條(吾要腸仔可以要火腿/就咁雞扒,另外皇有多款扒餐)個湯要左白湯，唔係好得～有ｄ未勻tim!但杯凍華田就幾好，味道夠濃，唔會稀都無厘味道咁～個餐牌有好多野食，如咖哩，拉麵，煲仔...價錢唔貴，都好抵下tim~但ｄstaff既態度就......差!

果日係星期日我同我老公去左魚街睇下有咩好食.之後聽到確實有人猛叫$28好抵食,仲有我老公既之愛海南雞飯,未去試下.我諗有一扁食評誤會左佢既意思,因為我就係叫左果個$28好抵食既鐵板燒餐,只於我老公就食海南雞飯.鐵板燒裡面有牛肉同紅飯,雖然牛肉唔係話太大塊,但係味道都算幾好.其實點解有人話佢騙人,入到去$28變$33???因為如果要餐湯連野飲就係$33.唔加湯先係$28....我問過我老公海南雞飯點??佢話好新鮮又多肉.正!!($45連野飲)但係個地下就好滑.装修都算幾好....有小小似高檔既茶餐廳.如果咁既價錢,仲想點呢??特別推介:海南雞飯.

野食唔好食! 態度差! 價錢有欺騙成份! 唔會再幫襯!......昨晚,兩個人搵地方食野, 經過這餐廳, 有位女士站在門口猛話$28...抵食,極力推介...我地望入去見佢裝修幾靚...又有卡位...咁就入去試...入到去, 地下"濕淋淋"...最入近廚房的卡位唔舒服...靚裝修只限於餐廳較出位置...咁都算, 一睇menu...價錢同門口的牌唔一樣!$28變$33...有種被騙的感覺! 侍應態度差,問多兩問就黑口黑面! 野食方面, 羅宋湯...難飲! 得個酸字! 個扖餐就只係求其咁比幾片薄肉...仲要勁肥!!! 奶茶又過甜!...

果D 四十幾蚊就有一SET 以為好抵既DINNER !有馬來西亞咖哩飯, 餐湯+ 餐飲........ + 甜品!D 牛柳扒都麻麻, 仲有一隻大蝦, 幾搞笑!位好逼! 平日食都要等位, 不過雨下次都唔會返去食!不過果度D STAFF 好NICE !

如題...仲有環境差...食物又差...

居然可以以$10 在茶餐廳吃一個下午茶，真係生意難做。事緣上星期本來是放下晝的，但因為有事搞到好晏先走得，落到旺角都差唔都四點半，原本諗住番屋企先食，但個肚又咕嚕咕嚕咁響，求其在巴士站附近看看有甚麼吃，咁有個女侍企O係門口，大喊下午茶餐只係$10，於是便入去了。叫了西多士加凍檸水，噢！其實以價錢來說，真係絕不欺場，件西多都幾足料，而且整得唔錯，中間仲係花生醬添，個下午茶真係好抵食，更多其他選擇，如多士、三文治、雞翼薯條/沙律…但若叫麵食便要$15了。

在西洋菜街用咁既價錢食野, 都算係咁啦.當時我會友人晚上六點半去食, 咁早當然唔使等位啦, 仲有卡位坐添.點了一份鐵板什扒和一份0摩囉雞飯, 唔覺得食物黎得好遲喎.不過食物質素真係一般, 致命傷係食物都唔夠熱. 連鐵板餐都覺得唔夠熱, 必死!服務態度嘛, 一般啦, 但絕無不愉快經歷.埋單當然NO PROBLEM啦, 真係一分錢一分貨囉.

好耐都冇黎呢度食野,以前成日都去,因為d野食都幾好,而且價錢又平.不過經過尋晚之後,我應該唔會再去.同男朋友兩個,去到要等位,都預左0既.都唔算等得耐,但就要轉位.一坐低冇幾耐,侍應姐姐叫我地坐去第二張卡位.是但啦.但係我地兩個人係轉左,食物就冇轉.等左好耐都冇得食.要摧左好多次至有湯飲.飲完湯又等左好耐至有得食.原來佢地轉左我地枱,冇改張單.我地d食物幾乎比人食埋.要我地同亞姐講番,先至可以0係人地度攞番d食物.真係激死.講番食物,羅宋湯幾好飲,有好多料.兩個都係要左鐵板,味道一般.明明係可以揀汁.但係唔知點解我地都係被迫要左蒜蓉汁.要問d亞姐攞過d黑椒汁.埋單$66,好抵下,仲包埋野食.但係....點解會攪成咁架.

一入到去已經聽到d人話唔好再俾d人轉卡位，痴綫。入面d伙計同出面那位又無共識，收錢又慢，搞到勁混亂咁。有人擺低一百蚊當結賬，d 伙計見到又唔收，搞到新入來的客人企哂係度。d食物勁加唔駛講，套餐又唔包湯，大大隻字寫住25蚊，但係唔包湯喎﹗加埋湯咪又係三十幾懶平咁﹗食物來到，話就話係鐵板餐，但係個鐵板細細，要放扒，同飯，窄到死，都唔知點食。

1. 明明有位, 本來搭檯, 之後有卡位想調位, 竟然話唔可以隨便換位, 個卡位要留番俾其他等緊檯的食客, 即使等位果個都係兩個人坐四人坐的卡位.2. 埋單本來六十元五角, 收銀(即老板娘)夾硬說成六十一元正, 暗中搶貼士.3. 找錢時將找贖「掟」給顧客.4. 價格與花園餐廳差不多, 但竟然換來茶餐廳都不如的服務.5. 食物永遠凍冰冰.

上次光顧下午茶,幾經辛苦下先揀左咖哩公仔麵連餐飲..雖然只係$20,但係勢估唔到佢真係得兜剩咖哩同公仔麵比我..味道都ok,不過就略嫌細兜同寡d 囉...最值得注意係鋪頭都幾污糟下,可能tea time 多人啦~個地面"立"痴痴咁...好難受..我相信我都唔會去第二次..

野食又細又貴,個d扒成五十蚊份,扒又薄,又得個一塊,唔好食咁至大鑊啊,service又唔好, 一個字---------差