華人餐廳 (已結業)

今日行行吓....... 行到去始創中心附近呢間餐廳, 眼見門口餐牌有個叫做"焗蟹蓋"既牛扒餐, 見佢平平哋, 即管試吓啦, 好似幾吸引噤。一入到去我個心就有唔好既預感, 因為門面好差, 無冷氣, 冷氣出風口好似隨時會有"小強"跌出嚟噤, 環境簡直舊到爆, 差到爆,衛生環境奇差無比, D位迫到肥D都坐唔落, D伙記既STYLE 簡直係 SLOW MOTION , 個個既樣好似做到等執笠噤, 噤既環境都知"嗱野"啦, 都算啦!橫店都入咗嚟噤都要食啦, 睇睇吓個餐牌, 其實真係"間"唔落手, 惟有是但叫咗個咖哩雜菜意粉, 我男朋友本來想叫嗰個"焗蟹蓋"既西冷牛扒餐, 點知見到另外有個價錢貴多十零蚊既黑椒牛柳餐, 問個伙記呢個餐既扒係咪會大塊D, 個伙記二話不說即話梗係啦, 於是就叫咗呢個餐。餐湯係羅宋湯, 一飲落口, 嘩!..............甜到爆, 都唔知落咗咩野落去煲, 一丁屎塊肉都無, 仲要張枱鬼死噤矮, 要烏低個身嚟飲湯, 局住要飲到"殊殊聲", 鬼死噤核突。好! 輪到主菜, 先講我個 咖哩雜菜意粉, 意粉淡而無味, 肯定無落鹽去煮, 白烚意粉, 架哩汁仲攪笑, 對唔住!

(13/1/07)今日度度好似零舍多人,間間都滿客,唯有求其入左呢間。奶奶,老公和我,分別吃了醬爆鯊魚丸,醬爆冬菇丸,和醬爆牛丸通粉/粗麵。醬爆好難食。(仲要等左好耐)其他枱食的炒野大大碟又香,真係錯之選.....

記得我第一次黎, 都唔係差成咁..依家愈黎愈差..3/11, 黎食下午茶, 比以前貴左啦,樣樣野都要$21起... 我地order 左2 個, 一個鰻魚湯面, 一個腿蛋通..嘩..超級難食, 鰻魚面得果手指咁大粒鰻魚,d 面食落口好似食緊章粉落肚, 雖然話收得平姐,但都唔係咁架...果個腿蛋通, 成2 碗粉係碗底... =.= 不過坐係到見到好多人食佢個竹筒飯, 但憑之前食果2 樣野評分, 我唔覺得會有幾好食.. =.= 仲有.. 衛生程度嚇死人.. 我地坐o係最尾那張檯, d 阿姐係咁o係係隔離倒杯倒碟, 嘈冤巴閉,成個街市咁, 又污糟, 仲知就... 嚇死人啦... 呢間野依家已經唔算平啦, 再加上咁既衛生問題, 我不會再去了..

呢度都加左價喇(嗚!點解人工無加過？)$30一個扒餐，不是太大期望的話都過得去。無湯無甜品，只會配野飲。我要了魚柳紅飯。味道，ok啦。服務就真的一般。d阿姐全都無咩表情。朋友埋單，唔知係有無加一呢?

上個星期同朋友去食晚飯，揀左呢度，我個fd話唔肚餓，所以我地倆個share一個套餐,,48蚊，有個湯`有3串肉`又有甜品咁呀..好似幾抵咁啦點知落order個阿姐俾本menu我地果陣係扔過黎的..= =我地o左嘴，不過諗住街坊餐廳係咁上下就算..我地叫左個咖哩..配雞..點知d雞'梅'既...又臭…叫佢地換過..個阿姐聞一聞..可能佢都知咩事，就即刻幫我地轉..睇返佢頭先既態度..依家又咁順攤，就知隻雞係幾咁嘔啦..到黎甜品，半個o者o厘...記住！係半個！總之我點都唔會黎第2次架啦！

早兩晚同honey響旺角搵食, 本來去開一間唔錯的餐廳叫"聚腳點" , 但唔知係咪執左冇開門, 於是行過兩個舖位, 見到有間叫"華人餐廳" , 門口餐牌價錢好吸引, 又見到門口有個卡位, 於是入去試下啦。初初落單個阿姐都幾好態度, 見價錢又平, 款式又多, 都幾滿意, 我地仲話以後多左個好去處添。過左冇耐, 開始有人等位, 我地亦食得七七八八, 本來想坐響度慢慢飲埋杯野傾下計, 點知收銀處個可惡女人開始有所行動, 特登走埋黎收晒檯面d野, 連水都收埋, 初初我地都不以為意, 後黎佢同出面等位d人講左幾次, 話叫佢地等我地張檯, 話我地走架喇, 會比我地張檯佢地, 我地聽到佢咁講好不滿, 擺明趕我地走, 我地連杯飲品都未飲到一半, 駛唔駛咁呀! 我地特登唔走, 佢猛咁"啤"住我地, 但又冇我地符, 激死佢! 最後我地走喇, 埋單時個面目可憎收銀女人一粒聲都冇出, 啋都唔啋, 好似有錢都唔想收咁, 於是我放低66蚊就走左去, 早知問下佢係咪唔想收錢請我地食啦! 奉勸各位醒字派, 千其唔好去呢間餐廳, 食完盞激氣!

食物質素參差，以咁既價值，本來我都唔會有太高既要求不過，今日叫個焗海鮮飯食，d魚同蝦有少少變壞竟然拎d變壞既食物出黎招呼客人，好過份！係旺角，收這個價錢而食物質素高過佢既餐廳，真係比比皆是如果唔係冇其他選擇，奉勸大家唔好幫襯佢啦

同友人2個食~每人1鐵板~$28!!!抵!!!唔洗+1!!!飲凍檸蜜都唔洗+$~!佢要雞我要牛~牛就普通~ok野味但多筋~雞就掂~個鐵板有埋飯的~唔覺環境同衛生有咩問題"""不過收$果個好串~

話說我同女朋友行完街肚仔餓，周圍搵野食。咁o岩行過華人餐廳的門口，睇落個環境都好似幾舒服，就入去試下，點知就……我同我女友都揀鐵板餐，因為平。佢揀牛仔骨拼豬扒，我揀什扒，點知餐茶都未落完，個侍應無啦啦走左去，我呆左……叫返個事應返o黎再落過。雖然態度就唔係好差，但係俾人唔係咁專業o既感覺law！兩個扒都上檯後，我同女朋友發覺什扒和牛仔骨拼豬扒跟本無分別，都係兩塊切極都唔斷的牛扒和豬扒，只係什扒多一俾廚師腸和火腿……味道就偏差，塊扒真係好難切，我好後悔點解唔去大家樂。之後去佢個toilet……簡直灰哂……個toilet係整野食o既地方隔離，d 野食又無蓋好，個toilet 又污糟，地又濕……去完個toilet 之後，連環境和衛生o個part 都要俾扣分，成間野既形象無哂。我真係呼籲大家唔好去，有點浪費金錢的感覺。

晚上和老婆去食飯,我叫了個肉眼扒餐, 老婆食焗飯, d 飯是硬的, 我的食物未到, 刀先到, 根本未洗過, 我叫待應換把刀, 她竟然把新刀給我, 但舊刀不是拿去洗, 只是放回櫃中給下一手, 不知所謂, 涷奶茶沒有味, 肉眼扒只是牛柳

有一日同朋友行完街搵地方醫肚經過華人餐廳o係門口看餐牌覺得都幾吸引，咪入去試啦不過就冇位，跟住門口侍應就話等等~~~話好快有位，又話一有卡位就畀我，點知得圓叫我坐住先有卡位就轉畀我，跟住有卡位啦。不過唔係畀我，畀出面等緊位個o的人又話我已經有位坐唔好轉o黎轉去。咁都算，咪叫侍應拿餐牌睇有冇其他餐選擇侍應一埋o黎就追落order，落完單等好耐食物至o黎，當食物o黎到食物原來得暖暖o地。心諗求其一餐算啦。最嬲係侍應望到你食完後。就用眼神追你埋單係個位到整o個樣、攪呢樣。個次之後我發誓唔會再去呢間餐廳食飯。如果大家行開旺角西洋菜街而又想食飯千奇唔好去呢間華人餐廳，盞食到一肚火。

今日晚上三個人到旺角華人餐廳食飯...單直離晒差.發現勁多小強: 一座下放下杯清水裡一只死的=.=!! 凍檸茶又有一只死的小強>.< 餐湯裡一只死的: ( 在餐檯活生生走來去去又一小隻洗手間衛生程度簡直不堪入目...連公廁也不如,人間煉獄般大家想活多幾年的話千萬要三思! 報告完畢p.s 仲未食完就趕人埋單...服務態度甚差

星期四0係呢度食lunch,我好耐之前0黎過﹐其實我對呢間餐廳印象唔係0甘好﹐不過見0甘耐唔幫襯﹐就即管試試﹐但係最後都係失望。我食0左個set lunch,係葡國雞飯﹐跟個羅宋湯同埋凍檸茶。先講個湯﹐雖然多料﹐但係好淡。不過最令我不滿0既係個碗面好多"蹟"﹐雖然侍應都好樂意幫我換﹐但係換0左我0既胃口都已經打了折扣﹐呢個湯我只係飲0左一半。個凍檸茶都唔好得去邊﹐我"絕"到一D唔似檸檬渣﹐又似似地食物殘渣的東西﹐真係嚇死!好彩個飯都OK﹐D雞肉大大舊﹐0炎0炎肉﹐個汁味道OK。唉﹐我覺得老闆真係要正視衛生問題﹐就算食物OK都只係趕客。我差唔多食完0個陣隔離抬有兩個人0係度研究其中一牒飯發現的一隻小生物.....呢度D油煙味好勁﹐雖然已經開衡冷氣﹐但係都有"黐立立"0既感覺!呢度服務一般啦﹐某些侍應幾有禮貌﹐但係有D又黑口黑面。我應該唔會再幫襯。

做完一件十分十分大的事後,感到十分緊張.今晚不煮飯了,決定找點平的來食,於是第二次來,坐同一個卡位,但有一個不快的經驗,點了海南雞飯,雜扒餐海南雞飯是冰雞,無雞味,飯,沒有任何雞油的香味,是生油炒的雜扒餐不是普通,而是水準之下勝在是平,$68但質素一般,相信我倆口子不會再來了

其實已是第二次來這裡！海南雞飯是我的首選，雞肉很滑，不算很肥膩，即使是雞胸肉的部份，都不覺”鞋”！拍得著"好時沙嗲"的海南雞飯!!朋友仔點了一份特餐，有忌廉湯、蝦沙律、釀蟹蓋、牛扒、甜品啫喱。忌廉湯有點酸酸地，應該不是變壞的，但就怪怪地。整體不錯，幾好味！餐具的衛生可以改善一下！湯匙有些污物，扣分啦！