華人餐廳 (已結業)

同男朋友行完街,揀左好耐都唔知食咩,上次黎過一次,雖然唔算好食,起碼都不至於十分難食,而且佢又比附近其他食店坐得舒服d(因為我地攞住好多野),所以揀左成個鐘,最終揀左呢間叫左呢d...鮮蝦沙律d蝦完全無味,沙律中大部份得薯仔羅宋湯唔酸又唔辣,又傑灘灘克椒牛柳我要7成熟,點知切開我3成熟,問個女侍應,佢睇都唔睇就話7成係咁架啦,激死我,之後我同佢講,唔係呀,呢個有7成,你自己睇下,切開入面成舊係生既,之後佢幫我換,食左一啖...d肉唸到同豆腐無分別,唔駛用刀,一督散就哂,而且又勁咸,勁大奄肉味....叫左唔食又哂錢,所以我極唔想食都食埋佢,雖然仲係好肚餓,但食左幾舊真係食唔落...頂唔順 蒜汁肉眼排塊肉眼一d又勁唸,一d又勁硬,肉眼比佢奄到成舊啫喱咁,變晒透明,而且完全無晒肉既質感伴碟薯條嘩....唔知番炸過幾多次,炸到入面硬哂....無食過廁所又細,水箱又係咁漏水又唔整,我見佢用d膠袋就咁引d水落地下就算,好明顯係漏左好耐啦... 但係都彈到我成腳係水呢去廁所又要先經過洗碗,地下成個水塘咁,要係幾張地毯上行過去,好似行地雷咁出番去度門又勁實推唔到 唉...總之激死我,食野食到一肚火邊

今日同屋企人出去買野順手食埋dinner,0係旺角諗極都諗唔到有乜好食最後黎左我中學時代就黎食既華人餐廳冇叫到平時食開的海南雞飯,order左個set dinner,貪佢多野食蟹肉忌廉湯原來係栗米忌廉湯再加蟹柳絲想suggest佢改番名叫"蟹柳忌廉湯"haha零個特別不過okay好味 鮮蝦沙律d蝦真係好"新鮮" --> 因為佢冇煮到d蝦,我唔敢食,不過個沙律幾有誠意,好大碟的~~~~蒜汁肉眼排好大塊的牛排~~~~~~不過唔係厚身的,肉質好林~~~~~因為價錢平所以冇計較其他野overall黎講好好食好彩我今日冇食到海南雞飯,事緣我細妹話d雞鞋過白切雞!!

有次同一班朋友食晚飯，食食下其中一個女姓朋友吐了出來，原來係一「執」鋼絲（洗碗用果隻鋼絲刷d鋼絲），咁我地叫個侍應過黎話俾佢知，佢居然好輕描淡寫話：「食過第二樣啦！食乜呀？」，我個朋友話如果食左落肚就大件事，個侍應同老闆娘都無乜反應，最後我個朋友無再叫野食，等埋我地食完就一齊走咯！

前後食左兩次, 因為貪就腳(我附近上西班牙文, 落堂去食)頭一次食海南雞飯, 一睇就知係唔pro的, 4不像的海南雞飯, 因為得兩隻醬, 得薑蓉同泰式辣醬; 星加坡式係有三隻醬, 多一樣甜豉油; 泰式係得酸酸地辣辣地的醬.算啦, 都唔expect得幾多, 茶餐廳質素都過得去啦.食落我又覺得麻麻地, 好食又唔係, 難食又唔算. 飯係有味, 但冇乜雞油香味, 雞就ok啦, 唔會好"諧", 算係ok滑. 有花生都唔係咩出奇野, 有d餐廳係有花生.香港要搵一間好食的海南雞飯都好難, 反而難食的就好多, 我食過比呢間仲要難食的都有. 要食好的海南雞飯, 去西貢有間都整得好好, $35都有得食, 泰式來的呢碟野我俾3分佢之後一個星期去試下鐵板餐, 同樣係招牌菜, 但係無論姐姐的態度, 定係食物方面, 真係食完之後會黑面走人. 上次見到鐵板餐熱辣辣上, 諗住呢次去試下啦, 我揀美式什扒, 點知我中招了. 鐵板餐係熱, 不過d牛扒又薄又熟哂, 又細塊. 加個紅飯都唔知做乜, 又唔好食. 係食到飯焦加d蒜汁先好食少少, 同埋呢次冇得俾我揀位坐, 迫我一個人坐對牆, 同埋又污糟, 未叫野食我已經黑左面.冇

今日晚飯唔想諗，就是但咁行左入呢間喇！叫左個海南雞飯+白湯+凍檸水...白湯一般貨仔...就是白湯...有兩粒粟米...講完！海南雞飯變成白切雞+油飯...雞大多是"鞋烚烚"的...更不要說甚麼雞香雞味..看見一舊二舊黃色大肥膏...近骨位置唔熟...並不是見血紅咁簡單...而是真的看見肉是透明的...不過飯都尚算可以既...唔香...但有味囉！果一柞花生...唔知發生咩事...=.=!凍檸水多冰...但好味...唔太甜我鍾意！整體麻麻......

叫了個廚師推介~燴福建炒飯黎到見到碟飯有雞扒粒, 生菜, 火腿條, 蟹柳粒,加一拔"獻"汁 , 心唸福建炒飯唔係咁問過亞姐, 佢話"燴"係咁, 睇見都唔開胃, 都算了, 點知D飯仲要有陣怪味, 同亞姐講,聞完之後話無事呀,好香D飯有味仲可以比人食, 永遠唔會再有下一次幫襯

唔知點解呢度咁多人負評佢，其實呢度d早餐係唔錯嘅，所以呢日度食完早餐之後都忍唔住為佢平反。（先旨聲明，自己未度食過晚餐，只係試過佢d好味早餐同下午茶）雖然呢度同其他連鎖快餐店同一般茶餐廳供應的早餐好似大同小異，但其實款式都算幾多，而且仲有d特別嘅款式供應添。例如佢有四款焗飯，好似焗豬扒飯（碎上）咁，外仲有黑椒牛舌意粉等，都係第二度少見嘅（係早餐喎）。其實呢兩款自己都試過，味道都算唔錯。至於一般普通嘅早餐，其實都可以睇得出佢有水準。就好似呢日自己食嘅豬扒火腿煎雙蛋早餐咁，雖然價錢同連鎖快餐店嘅早餐差唔多，但係塊豬扒就好大塊，肥瘦適中，醬汁也又多又好味，兩雙兼蛋就兼得剛剛好，蛋邊是脆的，而且兩隻蛋都好太陽，賣相很好。還有半件番茄做伴碟，唔似得d連鎖快餐店咁得細細塊薄薄的牛扒或者豬扒，也不像不少茶餐廳的煎蛋煎得那樣馬虎。雖然這裡的服務的確比較一般，不過以咁嘅價錢（20蚊位早餐咋，求其一間環頭環尾嘅茶餐廳都要啦）同食物質素，唔通要有五星級酒店的服務水準咩，算係咁啦！

早一排來過吃午飯，附近的都試過了，於是就進來試試。J仔又是其例牌黑椒牛扒意粉，honey就試了個白汁龍利柳飯，我就叫了『褔建炒飯』。那意粉煮得過熟淋曬。龍利柳飯用木桶盛着上，有點特別，味道一般。『褔建炒飯』就利害了，飯面上有滑蛋、芽菜、洋火腿 …..，於是我就問這是『褔建炒飯』嗎？那侍應居然可以即答：『這是燴褔建炒飯，看看餐牌吧。』我也即時為之氣結。還有一要命的是，我們三人坐四人圓枱，吃到一半時，及後有人進來，又是那侍應居然安排他坐在我們這枱，而這時還有空枱沒人坐。我想這是什麼服務態度呢？當今之世，已很難再出現吧。(這是否良善的想法呢？)

今日有時間,就同個Friend出旺角買過年用品.但真係好多人,行一陣都冇心機.所以就決定去搵野食.其實一路都知道呢條街多野食.但唔知食邊間好.最後決定揀呢間,因為佢有D人氣,望見又冇咁冷清.但好似冇乜侍應,入到去都冇人招呼.揀2個下午茶set:咖喱豬扒飯:以下午茶計.真係好抵食,但塊扒就好似真係薄少少.焗葡汁雞球飯:好細碟,但個容器好特別,味道都好好,略嫌個份量少D.好特別,呢間鋪,凍飲原來係唔需要加錢(唔知係咪佢唔記得)但...其實佢杯飲品都係好細杯,我諗都有五,六啖既.

嘩...呢間餐廳0岩0岩睇openrice 先知咁多劣評....見呢間餐廳...之前有朋友試過...ok...尋晚0係唔知食咩0野0既情況下就0黎0左la...$30幾元一個鐵板餐算幾底....一入去...阿姐都有招呼...亦唔似有d餐廳咁吹人落單...ok的...咁我同男友叫0左兩個鐵板餐...d0野10分鐘唔使全部0黎齊...d忌廉湯同d飯賣相唔係咁好..有d黏埋一舊舊...羅宋湯較好牛扒亦有比粉整過...變0左冇咩牛肉味..但味道唔係太差...入到口...男友的熱奶茶偏淡...但好彩佢d0野雖然0黎得快..但全部都夠熱...唔會凍冰冰...總括..$30幾元一個餐..有湯有0野飲..食物夠熱..冇加一

呢度既Tea set一向好抵食，有Lunch既份量但平D，凍熱飲都唔駛加錢!今日同老婆黎食左兩個Set︰---芝士肉醬意粉 ($20)---鰻魚豬肉炒飯 ($22)鰻魚豬肉炒飯粉得好香，好好食，又好足料，真係好抵食!!芝士肉醬意粉都幾大碗，咁既價錢其實好好食，一個TEA可以當Early dinner食飽~!!偶然黎一次都唔錯

見到咁多負評, 其實我自己唔覺得太差啦~我對食物要求唔高, 只要唔難食, 價錢合理既話, 我都冇所謂~ 最緊要係同咩人食飯啫~~ 同埋係太子旺角, 揾食飯都幾難, 成日都要等等等....前陣子同堂妹行街, 特登帶佢地黎呢間食晚飯. 堂妹全部都點左牛仔柳鐵板紅飯同意粉+飲品都係$3X, 我要豬扒牛仔柳紅飯加埋餐湯都係$38左右, 白湯都幾好味呀~牛仔柳都好大份, 紅飯少少酸甜幾開胃, 大家都食唔晒, 佢地都話好抵食.除左個厠所唔得外, 其他都OK呀~我會再黎~YEAH~

唔知點解呢間野有咁多喊喊口~我同男友差唔多次次出旺角都會食~星期6 3點開始食tea~就算佢幾多人都好2個人坐卡位都唔洗塔台~已經好過好多茶餐廳啦~最鐘意食佢個星洲炒飯~tea team 加埋杯凍飲22蚊!大碟到男友都食唔晒!真係好抵好好味~

佢有幾款扒餐選擇，都只是三十五元，不過d扒就真係唔好有期望無咬口，一切即散d汁不多熱，但係味好濃，好杰，漿住個口至於紅湯......味精湯係個紅飯算叫做尚算可以但係呢個扒餐只可以配餐，不可以配意粉，選擇較少配菜係一茶匙雜菜，仲要放係扒下面，所以腍哂燶哂但.....都算食得飽呢間好似仲有其他焗飯選擇，不過我怕味道好重的東西所以都係唔會選佢

** 此 食 肆 的 第 七 個 OK **31-5-2008 Sat 9:30pm同女友人CK,男友人KL o係警察遊樂會打完波後,一齊搵o野食.我o地一直都冇idea,只沿西洋菜街南下,見到咩就大家諗,行行重行行,好多間都被reject o左,當見到大救駕本想試試,但CK話又係食米線,晏晝至食o左.咁見到隔離o既呢間,我見唔算好多人,問呢間得唔得o架?但見佢啲餐幾平,且多選擇,而且又攰又餓,於是決定唔再搵就入o黎呢間.我o地坐o係尾二o個張卡位,我叫o左$35.00o既海南雞湯飯餐,跟油菜,白切雞,湯同餐飲,CK同KL都要o左$30.00o既牛柳鐵板餐跟紅飯,原來平$5.00 o既係冇湯跟o既.我o既忌廉湯先o黎.冇咩料,唔太杰o既,不過好一殷.而海南雞湯飯都到o黎,唉!中招啦,真係唔係海南雞而係白切雞,重要切到大大舊咁,CK又問點解會有花生o既?食落,真係唔知點講,冇咩味囉.佢o地o既牛柳鐵板都到o黎,份量到唔算少,CK話啲汁鹹,所以佢可以食晒啲飯,牛柳就食剩.KL就食晒,重要係咁落o急汁. 服務同環境都冇咩問題.上o黎至知,原來海南雞飯係呢o度o既招牌菜,真係難以置信.