菓一道健康餐廳 (已結業)

日期：2008年8月7日哩間以健康為主打既食店，無耐去一次都會特別既餐湯俾客人選擇，喜出望外．帶男友黎食，我地大約7點就去到，唔太多人，直至8點鐘，full晒喇！DBS卡有九折啊．．．鴨胸海哲雜菜沙律：我唔太喜歡個酸酸澀澀既汁，ｄ菜都苦苦地．餐湯：甘荀著仔，好似BB食糊仔咁，好味．合桃麵包：好軟熟，搽上牛油更香．龍蝦肉炒天使麵：雜菇，龍蝦肉，墨魚仔，幾好食啊．香草汁雜菇雞扒紅糙米：總括味道唔錯，但飯就有ｄ硬身．甜品－豆腐雪糕，話梅jelly：果然係有豆腐味，而jelly都有話梅味喎．．．飲品－熱橙薑水，蜂蜜青檸．

跟好友Shopping了整個上午，很累，午餐都忘記吃，行經利舞台，便來這餐廳。每個餐的Calorie都寫下來，都是below500 的，好底食！我們挑了墨西哥卷跟Salad 同龍利柳紅造米飯。龍利柳紅造米飯個source 好Rich，好好味，都不像只有500卡！個Salad是水果Salad，不過我覺得落太多Salad 醬啦！湯是南瓜湯，都有南瓜味, 同ok creamy！餐飲叫了芝麻豆漿，不太甜，很好！

不嬲都欣賞佢少油少味精, 同有埋卡路里俾人參考~約食飯ge好去處~ $7x 有前菜主菜甜品飲品~佢個湯几特別, 菠菜蓉裡面有稀飯o既物體~d炒飯冇出面咁油咁乾身lor~ 佢個咖哩雞扒飯ok~ 唔太辣~有熱ge紅棗茶, 好o岩女士們飲~有個侍應發夢lorrrr,,勁俾錯dishes我地worrrrr,,隔離阿毛都話佢唔係返工gaaa又唔知是日餐牌有咩worrrr = =

難得到銅鑼灣與男友共聚，腦裡雖有一堆食肆閃過，最終仍選了菓一道，貪其健康且有素食提供。午市套餐$45左右，包餐飲／湯和主食一碟。餐湯－－南瓜湯和小麥包連餐包都棄牛油包改用小麥包，真的很健康雜菜磨菇汁焗意粉－－餐牌上本是糙米飯，可要求改意粉。雜菜種類和份量也很多，能夠做到「五色蔬菜」的標準。磨菇汁有點稀，不過對於很怕濃稠獻汁的我來說反而很好。另外試了一口男友的釀冬菇，味道也不錯呢，而且也不太咸。黑豆漿－－沒下糖的黑豆漿依然清淡而有豆味，喜歡這種原始的感覺欣賞這裡的健康食譜，而且烹調得宜，起碼對味精異常敏感的我吃後並無異狀。

4 月28 日行左半日山, 想食d 健康d 既野於是再臨“呢一道”, 呢到曾經係我地既飯堂, 追求健康既我, 梗係粉絲客, 由TST 舊址食到家下都係講返食物先(大舊食) 照燒雞扒配三色飯($48)+ 餐($18) 今日餐湯: 金筍濃湯+ 餐包: 次次都無失水準,今次都無例外, 好照燒雞扒配三色飯: 雞扒係正常地鞋口, 個三色飯用左咖哩汁炒過, 有小小似意大利飯質地, 呢個我好鍾意, 好易入口(我食) 紫菜魚柳卷配紅糙米飯($68): 魚肉好"林" 同"梅"係一線之差無拿拿加左pet蟹子係面, (留意係一pet, 唔係一粒粒) poor …..紅米好硬身, 仲無汁撈飯,於是同大舊交換食,咁都好d.唔知點解水準插左好多, 已經唔係我既飯堂希望老闆娘多D 黎CAUSWAY BAY 呢間睇下D水準, 仲有某個長髮馬尾女子對客黑口黑面, 都唔係第一次,喂...你有出糧架! 本為可以比中立. 唸返起d 服務真係...喂~

又係星期五, 今次其他同事前一日已經問我哋帶佢哋去食咩好嘢,佢哋咁講, 我又唯有星期四晚做足功課, 上網search 下有咩好食啦!搵咗四間食市, 最後佢哋一致投票話要去呢間「菓一道健康餐廳」試下!!原來呢度每日都有「是日特選主餐推介」, 今日有九款, 一個飯或麵配一杯飲品或湯及餐包, 如果又要飲品又要湯, 就另加$5。由於樣樣都想試, 諗咗好耐, 終於決定要個「半殼帶子伴海鮮雜錦配龍蝦湯炒意大利麵」,出奇地夠味兼幾好食喎~~ 份量仲要幾大添! 又多菜, 又唔會太多汁同太重味,唯一唔係咁好既係兩隻帶子真係冇乜味, 唔夠香,另外兩位同事都同我一樣叫咗呢個麵, 佢哋都話幾好食。至於其他同事既食物如下:「香草焗雞胸配有機蕃茄濃湯浸天使幼麵」($45),望個樣都知OK 喎~ 同事話係預期之中既好食, 屬中上水準, 但雞胸似有咖哩味喎~「芝味蘭花汁凡立貝配鮮蟹肉焗意式寬條麵」($48),同事話都幾好味, 夠飽, 唔錯!「金菇蜜汁香煎素肉腸配有機三色糙米飯」($42),同事話呢個既味道都OK, 可惜份量太少, 唔多夠飽... (一位唔大食既女仕)「鮮茄茸芒果醬煎龍脷柳配有機三色糙米飯」($48),

是日相約媽媽&弟弟到此午膳,其實都應該係第三/四次0黎,buy佢夠"健康"嘛~都係佢講0者,有幾健康我真係唔知...招呼與環境都ok的.食物方面, 保持水準~弟的焗三文魚意粉, 意粉沒有al dente但幸好也沒有過腍, 三文魚用上煙salmon, 我覺得好鹹...個cream sauce幾好, 唔太漏~~面層的cheese都焗得幾靚0架~~細佬食0既時候都講0左句: "估唔到話係健康set都幾夠味0架喎~!!"明顯地, 健康與淡味在世人眼中是掛勾的...= ="媽媽的甜酸菠蘿雞扒飯都幾好!!甜酸汁調較得剛好~同菠蘿的甜是配合的!有所驚喜0既係雞扒, 估唔到佢都幾滑!! 唔係"hai sap sap" 0既雞胸扒0黎0架!煎得都幾香脆!到我個芙蓉蛋白菠菜火雞肉配紅糙米飯, 成塊芙蓉蛋白蓋住d飯, 有種蛋包飯的感覺!! 蛋白都煎得幾好~邊位都幾脆身! 不過...用上了茄汁而非豉油, 就有點點怪怪的...同埋視覺上麻麻地...黃撞橙紅也太撞色了...如果佢用返豉油, 0係味&視覺上我會喜歡多一點~火雞肉切丁粒, 呢個安排都幾好, 細細粒容易d伴蛋白同菠菜同飯送入口~至於個湯係茄茸薯仔湯..

日期：2008年2月6日青豆湯：淡左些少．金菊茶：有ｄhoney味，幾好伕喎！海鮮龍利柳天使麵：麻麻地．鮮茄肉醬帶子意粉：好夠味道．

我也有食過,但唔係你食的那種(我食龍利魚跟飯...).味道好清好多菜,糙米軟硬適中..因我怕飯硬..豆漿我話唔要落糖都好有豆味...我念..你再試多次啦!!!我有飲湯+包...好味$48 + $5 +10%..地方係迫d..d員工都不像你說的咁差呀!好nice呀!

尋晚同個好耐冇見ge fd研究今日去邊度食lunch好,上黎openrice搵左一陣,就發現"菓一道",見佢好評唔差,決定一試...今日同fd兩個12點多到左,冇乜人,坐低好快落左單:::我叫左"紅酒汁鴨胸伴三色糙米飯",餐湯我揀左南瓜燕麥湯&一餐包,成個餐都係$45,如果加多$5仲有特別餐飲~見好評如潮,我亦滿心期待~^^~果然不負所望~南瓜同燕麥d味好夾,燕麥ge清中和左南瓜平時ge甜膩,飲落就覺得健康~~~而餐包係有提子乾的麥包~唔似平時用牛油整的餐包~~~而鴨胸,我叫的時候冇留意,亦唔記得左呢度係健康食物,所以唔會用煙燻,上台ge時候有點奇怪點解個樣同平時食的鴨胸唔同~~~有點厚,亦冇平時見到ge皮~煮得幾稔,不過味道似牛肉~(可能呢d先係鮮鴨胸吧@@)而我個fd叫左個什菌xxx紅糙米飯(唔記得全名,sor)入面有唔同菇類~仲有幾粒肉丸咁ge,我fd話係整碎左d牛腩加豆腐渣整成噃...唔知呢~鹹左dddd~~不過都係好食的~!!!佢就揀左熱奶茶做餐飲/湯~都係一樣價錢~所以我覺得南瓜燕麥正d~~~!!!總括而言~~~物有所值~~~我這個午餐連早餐一齊食,都已經好飽~之後一路都冇

吃了一個三文魚籽龍利柳紅糙米飯。龍利柳好滑，難得雪魚仲有小小魚味都收貨啦，紅糙米煮得啱啱好，好怕食D驚死你唔知佢係紅糙米，硬到飛起，食完胃痛個種。三文魚籽只係裝飾作用，個人而言有冇都無所謂。最抵讚梗係多雜菜啦，小小可惜嘅係用多咗蒜蓉去煮，蓋咗菜味。最後飲埋杯生薑紅棗蜜，入口温和，唔太辣又有淡淡紅棗香味，舒服哂。至於服務，老板娘好，員工有兩個ok一個未瞓醒。我通常下午兩點過後先呢食，所以環境舒服，一D都唔趕，人又唔多，煲埋雜誌都無問題。

又一個人0係銅鑼灣搵地方食lunch... 一向對呢類「健康」餐廳無好感, 如果唔係因為連日來大吃大喝搞到今日要清清腸胃, 又見0係Openrice 口碑唔錯, 真係諗都無諗過會0黎呢度.叫了個「蒜蓉帶子配龍蝦湯浸天使麵」($48) + 一杯凍芝麻黑豆漿set lunch... 先0黎黑豆漿, 味道唔太甜, 但稀得不能接受, 亦完全無豆味, 飲落只係一杯少少甜甜0地0既凍水咁味, 都真係幾難飲.天使麵10 分鐘之後0黎, 除0左好多蔬菜之外, 浸天使麵的「龍蝦湯」亦呈非常淺的橙色, 賣相果然好「健康」... 天使麵比起其他地方食到的粗身, 食落腍bad bad, 煮得太耐了; 所謂的「龍蝦湯」幾杰, 十足「濕炒牛河」d 汁, 食落勉強都有少少「龍蝦湯」0既味0既...; 雜菜(西蘭花/翠玉瓜/紅蘿蔔絲/椰菜花/青瓜/雞脾菇) 幾爽甜, 唔錯; 兩隻蒜蓉帶子就無得頂咁難食, 雖然蒜蓉落得份量適中, 不過兩隻帶子都係「酸叔」味的, 搞到我lur 都lur 唔切. 呢碟0野無濃油赤醬係真的, 但唔知有「酸叔」味0既帶子又算唔算係「健康」食物呢? 左諗右諗, 味道都係俾1 分最貼切.環境o

Efficient serviceInnovative dishesGood presentationDelicious foodHealthy optionsInexpensive meal10% off with DBS or BEAWhat more can you ask for!?

12月份係gathering,生日,做節最多的月份,想去CWB食飯但友人喉嚨唔多舒服,唔食得日本/辛辣的食物,於是於openrice搜尋下,醒起此餐廳,Menu有好多選舉,有素食/非素食,選了中式的素食2人餐$128,可以選2種小菜(有約10多款選),中式湯2盅,2款小菜選了,咕嚕素肉,黑醋桂花翅(菜名太長,忘記了!),糙米飯, 喬麥麵各1碗,飲品有4款選擇,點了橙薑熱飲和甘菊熱飲,甜品可選果凍/雪糕/糖水,中式湯好夠味,小菜水準一般,我一向不好糖水,但又唔想食凍的甜品,唯有要糖水,是晚糖水係腐竹薏米,出乎意料不太甜之外,重幾好味!用DBS重有9折!其實尚有其他西式食品,會encore!

每次來到果一道, 我都可以任意選擇自己喜歡的食物, 又唔怕會食過量. 其實這一家餐廳可以令到一些認為健康食物係唔好食的誤解,所以只要肯花心思, 健康菜式一樣可以好味.