影片
更多
2008-03-30
36 浏览
又係星期五, 今次其他同事前一日已經問我哋帶佢哋去食咩好嘢,佢哋咁講, 我又唯有星期四晚做足功課, 上網search 下有咩好食啦!搵咗四間食市, 最後佢哋一致投票話要去呢間「菓一道健康餐廳」試下!!原來呢度每日都有「是日特選主餐推介」, 今日有九款, 一個飯或麵配一杯飲品或湯及餐包, 如果又要飲品又要湯, 就另加$5。由於樣樣都想試, 諗咗好耐, 終於決定要個「半殼帶子伴海鮮雜錦配龍蝦湯炒意大利麵」,出奇地夠味兼幾好食喎~~ 份量仲要幾大添! 又多菜, 又唔會太多汁同太重味,唯一唔係咁好既係兩隻帶子真係冇乜味, 唔夠香,另外兩位同事都同我一樣叫咗呢個麵, 佢哋都話幾好食。至於其他同事既食物如下:「香草焗雞胸配有機蕃茄濃湯浸天使幼麵」($45),望個樣都知OK 喎~ 同事話係預期之中既好食, 屬中上水準, 但雞胸似有咖哩味喎~「芝味蘭花汁凡立貝配鮮蟹肉焗意式寬條麵」($48),同事話都幾好味, 夠飽, 唔錯!「金菇蜜汁香煎素肉腸配有機三色糙米飯」($42),同事話呢個既味道都OK, 可惜份量太少, 唔多夠飽... (一位唔大食既女仕)「鮮茄茸芒果醬煎龍脷柳配有機三色糙米飯」($48),
佢哋咁講, 我又唯有星期四晚做足功課, 上網search 下有咩好食啦!
搵咗四間食市, 最後佢哋一致投票話要去呢間「菓一道健康餐廳」試下!!
原來呢度每日都有「是日特選主餐推介」, 今日有九款,
一個飯或麵配一杯飲品或湯及餐包, 如果又要飲品又要湯, 就另加$5。
由於樣樣都想試, 諗咗好耐, 終於決定要個「半殼帶子伴海鮮雜錦配龍蝦湯炒意大利麵」,
出奇地夠味兼幾好食喎~~ 份量仲要幾大添! 又多菜, 又唔會太多汁同太重味,
唯一唔係咁好既係兩隻帶子真係冇乜味, 唔夠香,
另外兩位同事都同我一樣叫咗呢個麵, 佢哋都話幾好食。
至於其他同事既食物如下:
「香草焗雞胸配有機蕃茄濃湯浸天使幼麵」($45),
望個樣都知OK 喎~ 同事話係預期之中既好食, 屬中上水準, 但雞胸似有咖哩味喎~
「芝味蘭花汁凡立貝配鮮蟹肉焗意式寬條麵」($48),
同事話都幾好味, 夠飽, 唔錯!
「金菇蜜汁香煎素肉腸配有機三色糙米飯」($42),
同事話呢個既味道都OK, 可惜份量太少, 唔多夠飽... (一位唔大食既女仕)
「鮮茄茸芒果醬煎龍脷柳配有機三色糙米飯」($48),
同事話幾好, 一樣夠飽, 好健康。
「芙蓉蛋炒白菠菜火雞粒配有機三色糙米飯」($45),
呢位男同事食嘢最求其, 最唔講究, 但都係咁贊好食, 夠健康, 又夠飽!
另外, 唯一係我個餐要咗個湯加餐包,
個湯係「有機米莧菜湯」, 聽落好怪, 但食落出奇哋好好味!!
有少少似粥同小朋友食既飯仔之間, 食到好香既米味同莧菜味,
又唔會太杰或唔夠熱, 非常之得! 又夠營養同健康, Good!!
至於個餐包又係出奇地好食喎~
係麥包, 熱熱哋, 外皮仲脆脆哋, 唔係求其畀個cheap 既甜餐包你囉!
而其他同事有啲就叫咗呢杯「出薑柚子茶熱飲」,
佢哋話冇乜薑味, 柚子味又唔夠喎~~
另一啲同事就叫咗呢杯「奇異青檸冰」,
冇乜特別意見, 應該不過不失啦!
今日既餐單仲有呢幾款, 款款個名都咁鬼長既..................
至於坐位就有部份坐到出餐廳外面, 我哋就係咁,
感覺坐得怪啲, 不過旁邊間「住家菜」都係咁,
職員服務就普通啦! 但真係幾多人幫襯, 午飯時間有人等位架!
仲見到連老外都識得嚟呢度食嘢喎~
價錢以銅記嚟講都算合理, 仲要啲食物咁健康, 好難得! 都會再嚟食過!!
Ref : http://hk.myblog.yahoo.com/joycewai616/article?mid=6540
张贴
