莉苑美食 (已結業)

今日食晏，都會近近地搵食市，本來是想食車仔麵，但經過這間，所以入去試一下，地方超細，當然，香港租金貴，唔會嫌棄他們地方，只要好食就得喇～我坐係一張極細枱，兩邊夾著人，感覺香港真係超難搵食。我點了一份下午茶餐，有酸辣湯及鍋貼。沒有影相，而且賣相沒什麼特別。一飲就知平野無好，和街邊碗仔翅無分別 哎，唯有食鍋貼安慰下。鍋貼都算幾好食，所以我點多2隻，但因為套餐，唔知跟餐鍋貼味道是哪款，所以問侍應是什麼口味，哪個唔喊淡的侍應又問番我咩味，我一頭冒水，我再講一次，是之前跟餐的口味，她的惡劣態度就出來了，有3隻味，你食咩味。我已經覺得同佢溝通唔到，就叫佢比2隻我，之後2隻鍋貼，佢又拋的放係我面前，我都忍了，再問佢呢款咩味。佢就好不耐煩咁話，哎頭先咪問你咩味囉，（我覺得我與外星人對話中），之後用外星人凌厲眼神同我講呢款係「腎之肉」。。。其實我好想介紹，咁樣，我都介紹唔到比大家，這款還不錯的鍋貼，是咩味。唯有大家估下啦。總括黎講，食物再好，服務差到咁，以後不會再黎。5分

十點去食早餐，坐入去空空如也。明明間嘢已經好細，嗌落單依舊無人應你，要行埋入廚房話嗌嘢食，個阿姐先出嚟應你，之後黑面趕你返位。心諗：掂啦！態度咁差實有好嘢食！ 等咗陣，生煎包嚟先。賣相幾好，但一拎上手即知好油膩，煎得唔脆，仲要硬。包粉痴牙，包肉分離。失望。餃子普通，底燶但唔脆，皮厚，仲竟然有粒骨，中意否睇你口味。我嘛嘛。仲等緊個腸粉，點知個阿姐漏單。走人算數，埋單$30幾。兩個包五個餃兩杯豆漿，平但唔好食。

朋友想吃中式包點！到達門口，人很多，我就排隊等候！我説要南瓜饅頭外賣！他快速在蒸爐內尋找一個黃色的包子然後放入袋子，我不以為意。回家食用先，發現是南瓜豆沙包！本住不浪費精神，乾脆把包吃掉！南瓜豆沙包表面呈橙黃色!吃下去卻沒有南瓜味，豆沙又小，得薄弱的一小層。很小吃到咁hea的豆沙包！雖然只是五元！但不止於那麼小豆沙吧

As food is expensive in the area, this place is popular because it is cheap.The dumplings were ok, the skin was a bit thick and the filling was juicy with lots of pork broth.Just an ordinary eatery in my point of view but as the food nearby is so inferior that it makes average food taste fantastic!

當日成差不多晚上8時，我阿媽話唔想煮飯，於是話不如出街食，一時之間諗唔起食咩好，叫我話事。諗咗一陣突然自己好想食酸辣麵，於是去屋企附近個間「莉苑美食」喇。當晚成8時左右，眼見當時全場爆滿，因舖位好細，老實說坐得麻麻地舒服，又係等咗唔夠3分鐘就有位坐。當日我都無需要看餐牌，我就知道我一定會叫酸辣麵，而我媽叫碗鎮江排骨麵。首先講下我碗酸辣麵先，好熱辣辣，味道不是好辣，又好足料，冬菇絲，筍絲，木耳絲。。。。至於我阿媽叫個碗鎮江排骨麵，麵同鎮江排骨分開上，好細心，D排骨好入味，肉質同骨已經離晒骨，好”林”，超容易咬得開。最後叫埋碗2碗豆腐花加糖水帶走，拎返屋企食慢慢嘆，因為係度食會貴D，而外賣豆腐花 $14蚊就有2大碗，豆腐花真係好滑，真係好正。

這個聖誕節，小妹並沒有揮金如土、大吃大喝，反而追求小吃多滋味的品味之道，四圍覓食。莉苑的鍋貼真的蠻不錯，小妹今日就隻身前往。鍋貼十二大元有五隻，超級抵食，共有三款 – 雜菜豬肉鍋貼、韮菜豬肉鍋貼和純豬肉鍋貼。除了鍋貼，還有豆類食品、其他地道小食、各式麵類和飯類食物，售價由$5-$33不等。當日所見，有附近年老街坊只要了一碗七元的豆花獨享，甚或乎一家大小只要了一客鍋貼、兩碗豆花共享，已吃得津津有味了﹗聖誕節，不一定要吃大餐的。只要常懷感恩的心，與家人共聚，吃甚麼並不重要的。燒賣 $5 / 5粒燒賣餡內是添加了味道的粉團物體，味道帶鮮，口感較為結實，質感較為爽彈，以鮮黃色薄皮包裹蒸煮而成，再蘸上帶鹹豉油同吃，已是一絕也﹗相比坊間$6-$8一串的燒賣，小店無疑較為經濟實惠﹗韮菜豬肉鍋貼 $12 / 5隻一客五隻的鍋貼以舊式大鍋新鮮即煎，鍋貼皮厚薄適中，底部煎得微焦脆。徒見摺痕，已可見廚師的誠意了﹗ 一咬，肉汁四濺，頗為燙口。韮菜味濃、夠香，肉汁豐富，肉饀味鮮且調味恰到好處，鍋貼皮煎得軟硬適中。吃罷，讓人齒頰留香，沒有一點多餘的油份，香噴噴，水準真的不賴﹗價廉物美。 

莉苑是我常去的餐廳...我多數去都是叫5隻鍋貼!!因為這裡的鍋貼超平,又好好食。5隻鍋貼都係$11，我通常加杯豆漿飲+多$5。咁就一個早餐了。鍋貼有分豬肉鍋貼同韮菜鍋貼,我自己比較喜歡食韮菜鍋貼,因為有韮菜香味,同比較多汁,咬落去D肉汁豐富!!

 我爸買回來既外賣,佢話這間店好平,其實我以前都食過,都覺得好平,但係我唔知呢度幾錢圖中有酸辣湯加水餃,排骨菜飯和窩貼窩貼見到個皮爛哂,灰左,可能天氣凍有影響,食落無汁,皮底不脆,肉就夠味既,但都要配上大量辣醬先可食,太dry....排骨菜飯dry爆,排骨無肉汁,好乾....菜飯也比較乾身,反而更好食,菜飯太濕就食不到菜味...酸辣湯不辣,酸味沒有太過份,這個是ok的.如果以味道來講,呢度係我唔會再買的,但有時候求溫飽,呢度都係一個不錯既選擇

有一天意外經過莉苑，看到有粢飯豆漿，最近幾個月都是麵包或者cereal，突然心血來潮想來個中式的早餐粢飯很有料喔，油條，肉鬆，榨菜塞滿黏黏的糯米飯，又暖又好吃，口感100分～加上一杯無糖熱豆漿，簡直是人生一大快事 豆漿有喝到大豆似的沈澱物，應該是自家磨的，加分！莉苑不只提供粢飯豆漿，還有粥品，各種包點（奶黃，菜肉，豬肉，饅頭等等），腸粉，燒賣，炒麵.....反正應該是你想到的中式早點都有。午／晚餐更有很多上海點心（鍋貼，餃子，擔擔麵，酸辣湯等等），不同的麵食跟飯類，應有盡有。看來要好好勘查這一家莉苑都需要很長的時間

我總是覺得吃這裡的窩貼很有滿足感，或許是因為由細食到大的關係。平日的晚飯時間不太多人，但眼見窩貼差不多三分鐘便賣出一隻，每一枱都必吃，希望大家都能試一試！再點了一碗排骨面，也是好好味。排骨好腍，味道是像鎮江那種，酸酸甜甜的。好吃的小店就自然能屹立不倒，時時掛念著它們的味道。

一間食肆的好與壞，除了食物質素外，服務態度也非常重要的。利苑這間食肆，我幫襯有十多年，以食物質素及價錢來講，尚可接受，所以我一路都有幫襯，但經過天後，相信我以後都不會再幫襯了。事緣今天我在不知情下，用了兩個貮毫及一個壹毫付款，但換來的竟是一個鄙視的眼神。她的眼神告訴我，她想將我的容貌記著，看看我下次會否再用毫子付款。當時的我感到一種強烈的屈辱感，我真想換回那一個五毫，兩個貮毫及一個壹毫，但最後都沒有做。但我越想越不憤，只想利用這裏發洩一下而已。若看完後有不歡喜者，請見諒。

早餐時間，吃了蒸包，想喝點東西。路過此地，於是買了一杯豆漿作為早餐的一部份。無糖熱豆漿($5)：已要求溝少許凍豆漿，但也是很燙熱，在如此炎熱的天氣下，攤了幾十分鐘才喝到。豆味不濃，淡淡的，味道一般。豆漿真的太熱了，豆味也不足。價錢雖不貴，但不會特意再來買。

我同BB叫左個雞翼担担麵, 豬扒米線, 窩貼同豆漿x 2,呢間店, 幾時都咁好食~!!!!!!必食, 炸雞翼, 炸豬扒~!外面卜卜脆咖!!!個窩貼煎得剛剛好,仲買4送1, 即係10蚊就有5隻喇~!!担担麵就好好食,d肉醬有點似酸辣粉果d,哈哈~!

天氣超冷喔！！！！！天氣真的冷到不是人能夠忍受喔！！！！！！比十度還低！！哈啾！沒想到十年難得一遇的超級寒冷天氣會再次在這裡出現，連中午天還是灰灰的，彷彿是雪還是灰要下不下，無情似今天的午餐依舊要買外賣。堂食依然離我很遠。這時候，找一間好吃但堂食環境不好的檔口就對了。上海菜的餐牌上，門面上酸辣麵三個字使我眼睛發亮，對喔！說到冷天氣，吃又熱又辣的刺激性東西才是王道！就好像吃熱浪一定要夠辣夠香才合格一樣！可是酸辣麵感覺很孤單，就是味道的層次不夠...所以叫了雲吞酸辣麵。如此放縱自己，盛惠３０元。然後我就後悔了.....酸辣不夠，湯汁不多，麵不好咬口有點漿，只有雲吞是好吃的。都是太貪心的錯。

綜合食評：這小店成為我的飯堂，每次定要吃菜肉雲吞（上海麵）這麵煮得相當好，有如在家媽媽煮，不會過熟，麵心中間還有一絲半熟，剛好！豆漿香，煎鍋貼的材料及調味不錯，店內雖小，但好乾淨，店員姐姐很勤快，每次幫襯來去匆匆，見其他食客也會點豬扒，下次定要一嘗！