莉苑美食 (已結業)

我家住元朗，我每次想食上海菜，特別是酸辣湯，我都一定坐兩個鐘頭車到這個小館食。小店內的酸辣湯，材料足，酸辣味亦都平均，不會太酸或太辣。唔夠飽的話，加個手工雲吞。價錢超平，但非常足料。雖然是小店，但老闆真係有心去做好。亦都不會因為香港租金貴，把食物質素降低。超抵讚🎉🎉👍👍👍。

其實唔止一次去莉苑，平時都有幫襯開。係今日得閒就上嚟寫兩句介紹吓大家啦。今日想食腸粉燒賣，瞓醒就落嚟食。最後嗌左炸豬扒菜飯，炸雞翼幼麵，腸粉，燒賣，凍豆漿。炸物方面，坦白講，脆，絕對達到應有水準，我覺得係出色嘅。而且份量足，一定飽住走。腸粉燒賣豆漿都係正常水準。對我嚟講，簡單一句，平靚正。咁多樣嘢食，食到食唔晒，都只係82蚊。當然，如果要挑剔的話就係環境方面並唔係啲西裝友會去嘅地方，但對我呢啲平民百姓嚟講，呢啲地方啱晒我🤣今時今日，呢個價錢有呢個質素，真係唔係度度有。本人絕對支持。

此店的亞姐服務態度超差，有客都唔願做，黑臉語氣重，在現在的經濟環境看，這完全是趕客店！店內有空枱，也把客人迫得滿滿的在一張枱； 客人催食物，店員回應的態度很晦氣。

早，午，晚都有人幫襯，今晚收晏就試一試，餐牌上的看似小食但又夾有上海食品，點了酸辣湯麵，豬扒雞翼麵，什錦鍋貼及芝蔴糊豆腐花。食後感，酸辣湯不夠酸辣，要自己加色加味，麵底好食，豬扒雞翼新鮮炸，唔差，鍋貼，本人認為太油，冇特別大驚喜，芝麻糊豆腐花，唔係好甜，冇乜芝麻味但豆腐花就好滑。整體味道一般，最驚喜係價錢，食咗咁多嘢都係$89。二人晚餐價好親民

平時openrice都係睇多，懶寫食評，今次差到都要特登入黎寫一次！今日去莉苑買酸辣湯，門口兩個阿姐掛住吹水唔理我，中途有另一位女士想買野又係唔理人，結果個女士忍唔住走咗，初時仲以為係咪落單唔係佢地負責先唔理我，但係等咗一陣兩個阿姐吹夠水就問我係咪要酸辣湯🙄，如果唔係幫屋企人買一早就走人，未見過態度咁差嘅舖頭。入黎openrice睇返之前啲食評，先發覺原來唔係第一次，好多人都受過佢地氣，咁嘅態度幾好食都唔會再幫襯。

其實只係諗住買個早餐，諗住前面果個人買完就到我，點知門口個阿姐唔做我生意，直接幫排我後面嘅人...無奈至極，就算做完果個人生意都唔幫我落單...令我深深體會到咩叫「㨂客做」。入嚟諗住寫食評先發現原來都有人遇上類似嘅經歷。但可能因為開得耐，港島東嚟講價錢算平，但係有必要做到咁「串」嗎？希望大家唔好剩係睇到d正評。如果經營者見到此留言，希望可以留意一下，甚至乎聘請生面口嘅人做「神秘顧客」，就會理解點解唔少人會對貴店嘅店員態度有意見。謝謝。當然唔介意體驗一下嘅話，都可以照去食。

毛仔平日溫書溫到肚仔餓，就會過嚟呢間小店醫醫肚。莉苑鋪仔細細，但食物款式都幾多元化，咸甜俱備。午飯時間都會見到鋪面人流不絕，皆因真係好抵食。毛仔個人認為莉苑的熟食質素參差（個人覺得鍋貼都食得過，但唔算好驚豔），反而佢嘅腸粉同荳腐花就百吃不厭。荳腐花（$9/碗； 外賣$16/2 ）荳腐花可以話係中式甜品中，最易學難精的一種。由打漿、隔渣、煮滾到最重要一環---撞荳花，都要一絲不苟。石膏粉嘅比例至關重要：太多，會變咗荳腐；太少，會令兜嘢水汪汪。今次影嗰碗荳腐花雖然賣相無平時咁靚仔，但公道啲講句，佢嘅口感真係好綿滑。嗰種綿滑唔似啫哩或者布丁，比較似蒸水蛋嗰隻。莉苑隻荳腐花用木桶裝住，似係自家撞出嚟。擺入口就食到淡淡嘅黃豆香。同埋呢間店提供薑糖糖水，而非平時見到嘅粒狀黃糖。薑糖糖水可以令甜味分佈得更加均勻，而且薑糖糖水甜度適中，唔會喧賓奪主。整體嚟講性價比好高。腸粉（$9）腸粉本身夠滑，配合埋豉油、甜醬、麻醬同芝麻，食落口更順滑。醬料調配恰到好處，成功將腸粉嘅米香昇華。賣相：6/10 （荳腐花扣分！）口感：8/10味道：8/10價錢：9/10【完~~~~~~】

今日lunch 食左沙津唔夠飽，再到呢度食炸雞翼面！以前其實已經食過！再食依然冇收，維持到水準！個炸雞翼唔會死實實，而係金香鬆脆好味道但個面我就覺得冇咩味道！但$26 而家仲可以邊度搵到有4隻即炸雞翼痴一碗面呢？

正如標題所講真係三個字 超。抵。食呢個價錢嚟講 真係唔可以要求咁多我試過早食早餐 試過食午餐 試過食晚餐 大大話話都有20次佢哋嘅水準當然keep得好好細細間鋪大概十幾個位啦都有四個人係做緊嘢四個姐姐都好似好忙咁入去呢 其實都係要光速落單大部份時間我都係叫同一d嘢就係食佢哋嘅豆腐花同埋水餃 如果係食午餐呢就會叫佢嘅菜飯佢嘅炸豬扒菜飯都係冇得輸 質素有番噤上下服務呢 就冇㗎啦但係如果一個人想食一個平靚正快嘅一餐嚟嘅到就最適合不過

今日係一個人的午餐所以想簡簡單單。這一間小店是在我公司附近，平時邊個都會見到有很多人排隊買外賣，所以都想試一試。原本我都想買外賣的，但剛好堂食又有位置，所以便一個人進去那個速食這些小店位置擠迫是預期的，真是背貼着背坐。但換過角度來看，其實都是另一個風味我一個人點了酸辣湯，鍋貼和粢飯。店員將個點菜是全程黑面，一句回應也沒有，都不知道她有沒有聽到我的點菜！服務態度真是很差酸辣湯每一啖都好足料，份量又多，有一些微辣，真是很惹味粢飯送上來是暖暖的，入邊有油炸鬼和榨菜，但不夠脆口，不過不失最有驚喜是鍋貼，即鍋貼看見人都加豆瓣醬，豆瓣醬微辣再配上鍋貼肉汁飽滿，$15 五隻真係無得輸

食個tea, 入去未坐低已經問要食乜, 話要睇下先就黑面走開左, 跟住要叫餐另一個又係黑面走過黎, 叫完野食張單係飛埋黎..見碟腸粉無乜醬, 問可唔可以加多少少醬, 回應係: 咪加左比你囉! 之後加單叫多少少野食, 第三位走埋黎知道係加單, 回應係: 真係麻煩要加單! 仲有無呀!食個tea, 食得超級唔開心, 從未試過小食店態度咁惡劣, 將d情緒發洩晒喺食客身上, 入得舖頭都係食野啫, 食客做到既都盡量自己搞掂, 咁樣態度不如唔好做住處理下情緒先啦！

平時貪去食物夠平, 種類多, 都會買啲下午茶或者晏晝嚟食。但係今次遇到個比較冇禮貌嘅侍應。 佢好似做到好攰, 會喺度質問你, 要食咩呀? 跟住又唔係咁樣呢排隊. 應該排呢邊。 你個飯得, 又唔識過嚟攞等等。睇佢做到咁勞氣, 幫襯佢覺得花錢買難受。十分之唔抵。 其實除咗佢之外. 唔係個個侍應都係。 可以的話唔係月尾, 唔係冇錢, 都唔多願意再去幫襯呢間餐廳。

跟排隊指示，入面個年紀比較大嘅女職員見到我排隊，一啲都冇理我(申報：我成日去呢度食豬扒麵同窩貼)。但後面個熟嘅男人大叫要咩要咩，就即刻幫佢汁，我都算，諗住攪掂個男人後到我，點知再有兩pair人又係咁大叫要咩要咩，個女職員又汁佢地啲野，咁我排隊做乜呢？越諗越激氣索性唔食走人。如果係大聲叫就得，咁做咩要有排隊指示？多ㄨ餘！

今日黎到鰂魚涌呢邊，想平平地食份午餐，就入左黎呢度食，叫左個炸豬扒菜飯加豆漿，本身仲想加份餃子，但係見到個飯咁大碟，就無叫了，好彩我係明智既！最後真係食到好飽。Lunch 過黎呢邊食都好，四十蚊就食到個午餐，好過太古城中心果堆，平平地一個人快食lunch 就幾好，但人多就唔建議過黎呢邊，因為入面比較細同逼，不過偶然食下上海菜既感覺真係幾好，好過日日lunch 都食茶餐廳。除左菜飯，酸辣粉都好推薦！有機會路過可以一試。

鋪頭雖然是一間平民化的食店，主要是賣麵條及一般的小食，但是侍應生的態度非常的惡劣！今天我點了一個下午茶餐，是酸辣湯+2隻鍋貼，跟著再加了一碟腸粉，當上枱時我取起了一件放入口，但是我覺得滿口都是油，再看碟底就發覺有很多油的，我跟著同侍應說，但是她的態度就是說腸粉就是咁，但是跟著我背後的枱客一樣是點腸粉，她就問個客要什麼醬，我跟著就説為何我點時你沒有問，她的態度非常的差，需然是小店沒有什麼要求，但是我從未見過如此差勁的大媽侍應，一餐$30元的下午茶就要受到這樣的事情⋯⋯真的⋯⋯唉！此店的老闆真的行運了！