莉苑美食 (已結業)

十點去食早餐，坐入去空空如也。明明間嘢已經好細，嗌落單依舊無人應你，要行埋入廚房話嗌嘢食，個阿姐先出嚟應你，之後黑面趕你返位。心諗：掂啦！態度咁差實有好嘢食！ 等咗陣，生煎包嚟先。賣相幾好，但一拎上手即知好油膩，煎得唔脆，仲要硬。包粉痴牙，包肉分離。失望。餃子普通，底燶但唔脆，皮厚，仲竟然有粒骨，中意否睇你口味。我嘛嘛。仲等緊個腸粉，點知個阿姐漏單。走人算數，埋單$30幾。兩個包五個餃兩杯豆漿，平但唔好食。