莉苑美食 (已結業)

其實唔止一次去莉苑，平時都有幫襯開。係今日得閒就上嚟寫兩句介紹吓大家啦。今日想食腸粉燒賣，瞓醒就落嚟食。最後嗌左炸豬扒菜飯，炸雞翼幼麵，腸粉，燒賣，凍豆漿。炸物方面，坦白講，脆，絕對達到應有水準，我覺得係出色嘅。而且份量足，一定飽住走。腸粉燒賣豆漿都係正常水準。對我嚟講，簡單一句，平靚正。咁多樣嘢食，食到食唔晒，都只係82蚊。當然，如果要挑剔的話就係環境方面並唔係啲西裝友會去嘅地方，但對我呢啲平民百姓嚟講，呢啲地方啱晒我🤣今時今日，呢個價錢有呢個質素，真係唔係度度有。本人絕對支持。