莆田 (港威商場)

营业中

休息中

我同老公尖沙咀行街及 lunch，去左行海港城，就去咗港威的「莆田」食福建菜，之前同朋友嚟過覺得幾好食，就帶老公來，而家做緊蟶子節，有九種吃法，一次點2樣，優惠價$219，梗係要嗌返兩款聖子，仲嗌咗其他鐘點美食，這間餐廳環境光猛，座位舒服，食物有質素， 下次要帶埋屋企人試下。九層塔海蟶煲鮮甜海蟶和九層塔，酥炸香口，蟶子好肥美 ，淋上特製醬汁燜燒，好惹味。莆田農家蟶溜湯當地特色農家做法，蟶子夠鮮甜，蟶湯加咗醋，好開胃。精美四小併傳統工藝九轉小腸，好香口；加埋蝦乾的蝦苗頭紫菜，幾美味；以肉汁燜足八小時的家鄉燜筍乾，好惹味及秘方醬汁的阿溜土筍凍，有特色。福建特色海蠣煎必吃特色福建菜，雞蛋味濃好滑，海蠣又嫩滑。鐵鍋包菜飯用鐵鍋原煲上菜，店員即時幫你撈埋配料，配料好足，包菜、滷肉、蝦米、香菇、蟶乾和乾貝， 好入味。

經常喺地鐵見到莆田嘅廣告, 係星加坡連鎖店福建菜嚟香港開設嘅分店, 店內菜餚都幾有特色, 一直都期待想試下土筍凍土筍係生長喺海裏面嘅星蟲🐛, 因為含有豐富嘅膠質, 煮的過程令膠質融入湯裏面, 放涼之後就會變成啫喱狀, 之前一直唔敢試😬, 今日終於鼓起勇氣食咗, 有驚喜🥰！土筍爽脆彈牙, 雪凍嘅"啫喱"滑嘟嘟, 配上豉油、醋、蒜蓉嘅醬汁, 作為前菜好開胃九轉小腸呢個都係功夫菜, 要將豬小腸清洗乾淨, 再一層一層地套進去, 一共套九轉, 但蒲田呢個小菜可能要喺清洗或除臭方面再花啲功夫, 因為味道好"腥"😖特色海蠣煎味道不過不失, 海蠣都好多, 但唔係我心中想食嘅脆口蚵仔煎香芋鴨芋頭蓉裹著鴨肉外層炸得酥脆可口, 芋頭蓉香口軟綿, 但鴨肉比較乾身, 整體來說都不錯跳跳魚撞豆腐係一個跳跳魚煮豆腐湯, 味道ok, 但魚湯嚟講唔夠鮮味百秒黃花魚這個菜有點失望, 黃花魚毫無鮮味😅金湯時蔬金銀蛋煮豆苗, 鹹蛋黃醬落得比較多, 所以好好味😋, 同豆苗都好夾酥炸冰心榴槤外層炸得非常脆口, 包住榴槤糯米糍, 外脆內軟, 外熱內凍, 還放有芒果汁點綴, 口感層次滿分😍

唔知大家有冇同我一樣，成日搭地鐵嗰陣見到蟶子廣告，都忍唔住好好奇個味道👅今日終於去試吓！原來呢度主打福建菜，裝修就西式路線，環境都幾優雅，睇返價錢原來都幾大眾化，就叫咗幾款菜品。⭐️蒜蓉蒸海蟶👉🏻第一時間一定係要試吓聖子，基本上蒜蓉蒸一定穩陣，味道好，聖子比想像中厚實有肉，食起嚟係鮮甜喎！老公都話好鍾意食呢個！⭐️福建特色海蠣煎👉🏻原先以為平時煎蠔餅咁，原來福建嘅特色係唔一樣，蠔仔同埋蔬菜切碎攪拌之後，加埋蛋漿整出嚟好似蛋餅中間咁嘅餡料，口感係軟綿綿嘅，食起嚟有啲似Pizza添，都幾得意，幾好食！⭐️金湯佛跳牆👉🏻呢款係升級推薦菜，少少哋試咗一人份量，都落足料，有齊鮑魚、海參、瑤柱、松茸、花膠和鵪鶉蛋，湯底非常杰身而且味道濃郁，感覺好滋補！⭐️滷水豆腐👉🏻非常欣賞用小火爐，一路用高湯煮住個滷水豆腐，所以食起來特別鬆軟入味老鄉濃郁。

每年5-7月海蟶最當造同最肥美既季節，唔止當造仲可以用超值價食！😍今次我同屋企人shopping 完黎到靚靚裝修既尖沙咀蒲田分店，用優惠價$219 / 任點9款其中2款既海蟶黎試試！🧄蒜蓉蒸海蟶 最傳統，而且最保留到原汁原味既食法！排得整整齊齊既海蟶上面佈滿蒜蓉，面頭再淋上香噴噴既油！勁開胃！🔥鐵板鹽焗海蟶 最簡單但最鮮味的食法。簡單用鹽同海蟶一齊焗至小小乾身，簡單又好味。另外我地仲點埋每次都必點既百秒黃花魚，興化炒米粉等等！超滿足！莆田 (港威商場) (尖沙咀)尖沙咀廣東道3-27號海港城港威商場地下G103號舖

自從同媽咪食過莆田荃灣分店媽咪就對哆頭蟶念念不忘今次就帶媽咪去尖沙咀分店試試任何兩款海蟶菜式$219ꔐ九層塔海蟶煲打開蓋超濃九層塔香氣海蟶炸到外脆而裡面仲好肥美鮮嫩惹味香濃，用來拌飯很不錯ꔐ蒜蓉蒸海蟶用清蒸方法，更突顯海蟶的鮮甜蒜蓉磨到好細令蒜香更濃郁更突顯海蟶鮮甜ꔐ金牌脆皮蒜香雞（$148/半隻）上面舖滿蒜粒，雞皮非常香脆配搭蒜粒一齊食，香濃惹味可惜雞肉稍稍乾左啲ꔐ海鮮福建滷面 ($138)最愛菜式之一，每次都會encore滷面份量好多，湯汁非常鮮甜麵條掛滿湯汁，每啖都好鮮！ꔐ上湯時蔬（$88）金銀蛋莧菜，湯汁加入咸蛋黃調製味道很咸香莧菜很嫩，配湯汁食好好吃

今日去咗海港城買嘢，經過呢一間藍色鋪面，寫住米芝蓮餐廳，吸引咗我同朋友嘅目光，決定成為今晚晚飯嘅聚腳點。見到餐廳做緊蟶子菜式嘅推廣，梗係唔執輸叫咗一道九層塔海蟶煲，廚師用上大量的九層塔同紅蔥頭去爆炒海蟶，食落非常香口，蟶子肉質鮮甜。另外，呢款金湯佛跳牆即係巧手小菜，屋企煮唔到，唯有出街品嚐一下。湯底裏面全部都係真材實料，有曬鮑魚、海參、花膠、瑤柱，飲落清甜，滿是濃郁。然後叫咗芋香鴨呢碟功夫菜，兩個人而言，份量都幾多，芋泥同鴨肉混埋一齊，入口有層次感，而且外皮香脆。最後叫左一道比較少見嘅白切羊肉，顏色好白徹，食落臊味唔重，皮下冇咩脂肪，食落有肉汁。而且特別鍾意佢嘅環境好寬敞，又夠光亮！唔知下期又有乜嘢菜式嘅推廣呢？

上星期六，我同老公食餐中菜撐枱腳發現午市2人套餐好抵食加上遇到蟶子節，仲可以飽嚐肥美的蟶子。九層塔海蟶煲一開蓋已經滋滋聲，熱辣辣，九層塔的香味四溢，海蠣的外層是炸漿，非常酥脆。椒鹽哆頭蟶子蟶子經過酥炸後，外脆內軟，不會太乾身，蟶子水份仍能保持鮮美，外層灑上椒鹽粉，香口又惹味。蝦苗拌頭水紫菜清爽的前菜，蝦苗幼小有口感，紫菜量多，而且拌有醋香，酸酸微甜。酒香竹筒蝦蝦隻爽口彈牙，吸收了酒香，以竹筒上菜很等別，不妨一嚐湯底，很清甜。黃金荷葉包貝殼形的麵包炸至金黃，切開後，可以將濃味洋蔥汁肉絲夾著一齊食，肉絲切幼，肉質味美。金湯時蔬莧菜新鮮，金湯是有香滑皮蛋湯，濃郁味醇。興化炒米粉米粉極幼身，炒至乾身，材料豐富，有鮮味的蟶子，爽口的鮮蝦，仲有香菇，紫菜，花生，甚有口感。福建連雪耳湯熱糖水很潤肺，紅棗補血，白蓮子鬆化，雪耳柔滑，女士必食。薄荷琵琶凍天氣甘熱都要食下冰涼的甜品，琵琶果潤喉，我成日用聲帶，食左覺得很舒服。果凍滑溜，有果香，仲有清香薄荷，很清涼。

莆田 -- 米芝蓮一星餐廳，海蟶節現已開鑼，新鮮肥美蟶子有9種不同既烹調方法，仲以優惠價 $219 享用兩款海蟶菜式，每款都別具特色，岩晒鍾意食海鮮既你。百秒黃花魚原條黃花魚連煲上，黃花魚肉質超級嫩滑，新鮮香甜，湯汁既能帶出魚的鮮味，但進食時，因黃花魚較多細骨，需倍加小心！蒜蓉蒸海蟶 肥美飽滿既海蟶，海蟶鮮甜不韌，已蒜蓉清蒸，完美帶岀海蟶之鮮，非常滋味鐵板鹽焗聖子 必食！蟶子雖是鹽焗，但並沒有過咸，原汁原味，反而更能保持蟶子的鮮味，每顆蟶子都非常清甜多汁，比起蒜蓉蒸的更能嚐到蟶子本身的鮮味。莆田荔枝肉 每次到訪必食菜式！外層皮薄炸至香脆，而內裡肉質鬆軟，即叫即弄，口感豐富，豬肉肥瘦適中，肉腍入味，味道酸酸甜甜，十分醒胃。再配搭荔枝肉、青椒、紅椒、蕃茄，滿足！興化炒米粉 興化米粉是全手工製成的，不含糯米成份，是以純大米製成。米粉炒至乾身，不油不膩，配料十分豐富，以香菇、海蝦、蜆、蝦乾、蔬菜、紫菜、花生 。口感相當豐富，米粉如絲般幼嫩，好吃香甜金錢粿今次終於可以品嚐金錢粿，金錢粿口感煙韌，軟糯配上黑白芝麻、花生粒，非常香口莆田📍尖沙咀廣東道3-27號海港城港威商場地下G103號舖

為食妹👧🏻絕對係「莆田」粉絲 遇上蟶子當造季節 會不期然去食兩三次😬 海港城店鋪裝修時尚 坐得舒服😎蟶子有9種吃法 一次點倆只需$219 真心正❣️九種食法包括💓蒜蓉蒸海蟶 💓鐵板鹽焗蟶 💓九層塔海蟶煲 💓辣炒蟶子 💓紅菇蟶湯 💓蟶炒金黄蛋 💓椒鹽哆頭蟶 💓莆田農家蟶溜湯 💓夏日冰爽酒糟蟶心水推介蒜蓉蒸海蟶 +鐵板鹽焗蟶簡簡單單加d蒜蓉蒸 食出蟶子鮮味👍🏿 蟶子肥嘟嘟 鹽焗多了份鹹香金湯佛跳牆🥣大廚將鮑魚 海參 瑤柱 竹笙 松茸 花膠 雞塊 鵪鶉蛋等矜貴食材 熬出香醇金湯 湯底一口鮮 兩口香 三口上癮 ☺️酥炸冰心榴蓮原來係新加坡特色甜品 冰心榴蓮肉甜 冷熱交替 香氣四溢😮‍💨

不嬲都勁like莆田，質素有保證👍 今日去咗間尖沙咀海港城港威商場地下既新店試下，餐廳樓底高，非常之舒服🥰福建菜其實非常多元化，香港人越嚟越鍾意食，好多福建菜嘅鋪頭都成日排長龍，今日專登叫左我啲平時少食嘅嘢試下😎依家又係食蟶子嘅季節，而家仲做緊個推廣，HKD219有兩味蟶子嘅餸菜可以揀🤩 餐廳一共提供九種煮法選擇，實有一種啱你嘅😎🌟蒜蓉蒸蟶子蒸海鮮係一個最能帶出鮮味嘅煮法，佢嘅蒜蓉調味好啱我口味， 連埋熟油嘅香味，加埋蟶子熟度啱啱好，非常正👏🌟莆田農家蟶溜湯呢個菜第一次食，蟶子嘅份量都唔少，用湯嘅煮法帶出到鮮味，餐廳好有心思用蠟燭嚟保溫，熱辣辣食得好舒服👍🌟蝦苗頭水紫菜水頭紫菜係福建特產，餐廳加咗蝦苗同埋醋作調味，非常之夾，餐前小食嚟講我好鍾意🤩🌟芋香鴨非常出色嘅一道菜，外皮脆，鴨肉比例比較多，芋頭餡軟糯，不需要點任何醬料都已經非常好食🥰🌟福州風味紅糟雞呢個係第一次嘗試嘅餸菜， 顏色好鮮豔，食得到少少酒香味，雞肉都好嫩滑👏🌟興化炒米粉必食之選，米粉質量極之好， 配料豐富， 連埋佢嘅特色辣醬一齊食， 真係非常之好味，一人食一碟一啲都唔過份🤪莆田喺香港都有唔少分店，其實價錢都好相宜， 最緊

環境系可以的，但服務態度真心差，特別短頭髮大堂服務人員一早過來食套餐，啲早餐嘢食又差，服務態度更差，生煎包同春卷全部是粉絲，難食到一個點！！！最過份系問豆漿可唔可以要甜的，直接放兜白砂糖上來，仲要加一句不過唔會融咖窩真心笑左而且短頭髮服務員聽到我哋討論豆漿，立刻沖上來講一大堆，完全制止唔到佢，真系困擾呀食物又唔得態度又唔得，睇睇可以做幾長！！真系無下次，簡直要來的朋友仔停一停唸一唸！！！！！！！！

尖沙咀海港城新開的莆田環境別緻華麗，昨日我同家人包括有老人家👵以及有小朋友一齊來都坐得舒服喔！現時莆田仍做緊蟶子9款煮法有炸、炒、蒸、焗、煮，吸引到流口水喔🤤我聽家人說因為莆田是自己當地的黑泥灘塗裡養蟶的，所以每一隻都吸收營養所以肥肥嫩嫩，鮮甜爆汁！蒜蓉蒸海蟶滿滿既蒜茸鋪於肥美既蟶子上，香噴噴的簡單蒸就能帶出蟶子的鮮味呢！老人家特別喜歡💕而我們呢班後生的便比較喜歡惹味的辣炒蟶子， 炒到香噴噴又唔會燶，特別開胃！

踏入夏天又到咗食蟶子嘅最佳時間，嚟咗海港城嘅呢間莆田食佢哋嘅哆頭蟶menu，有成9種食法咁多，而且同時叫其中兩款仲有優惠($219/2道)，非常抵食。蒜蓉蒸海蟶 $129蟶子上面鋪咗滿滿嘅蒜蓉去蒸，蟶子口感爽彈，原汁原味嘅鮮甜加上香濃蒜味，食落冇砂，好食到停唔到口。紅菇蟶湯 $139用野生紅菇同蟶子一齊泡水煮湯，玫瑰紅色嘅湯頭十分清甜，蟶子大大隻，全部飽滿肥美。鮑魚辣椒小炒肉(例) $158南日鮑肉厚爽彈，加上青紅椒同鹹肉片爆炒，食落香辣可口、鹹香惹味。福州風味紅糟雞 (例) $98雞件用紅糟先腌後焗，件件煮得入味，有濃郁嘅醬香，色香味俱全。興化炒米粉 (例) $118最後叫咗碟炒米粉，用料夠哂豐富，有元貝、蝦、蟶子、蜆、豬肉片、紫菜等。米粉粉得乾爽唔黐身，食落非常有口感。。。莆田 (港威商場) (尖沙咀)尖沙咀廣東道3-27號海港城港威商場地下G103號舖。。

環境都幾好，而且好近海港城，🤓可以行完街嚟食下嘢。dinner叫咗幾款，都好有福建菜的特色，😋係傳統粵菜之中比較少見到嘅。砂鍋黃花魚湯，✨湯底奶白色好清甜，而且魚肉都比較完整，嫩滑之餘都好少骨。興化炒米粉，🔥米粉會比出邊食嘅更加柔順，所以好細滑，而且都有米香味，🥢會搭配埋紫菜同埋蔬菜絲等，口感豐富。椒鹽哆頭蟶，😙平時都鍾意食香口嘢，呢個加咗椒鹽，獨特嘅椒鹽味，令我愛不釋手。冰心榴槤，外層炸得香脆，🤩而且榴槤味都好濃，滿意嘅甜品。

我又嚟莆田食晚餐，因為今期佢哋推出蟶霸系列菜式。佢哋用超級肥美鮮甜嘅蟶霸做出九道不同菜式，而且仲有$219有兩款，非常親民嘅價錢。💕蒜蓉蒸蟶子$129每一隻蟶子都鮮甜肉厚,入口無沙，口感爽脆，配上蒜蓉令鮮味更突出。💕紅毛榴槤汁$38呢個係我必飲，入口清新，係消暑佳品。💕精美四小拼$138呢個拼盤由頭水紫菜、九轉小腸、土筍凍、家鄉炆筍乾組成。頭水紫菜又係呢度必食之一，入口淋甜；小腸經過3小時反覆清洗，毫無異味，而且由12種配料滷水滷製而成十分彈牙；土筍凍其實係沙蟲啫喱，但係食落去係好似象拔蚌嘅感覺，好爽脆，好清新。家鄉炆筍乾用肉汁炆8個鐘，怪不得十分入味。利用九層塔誘人嘅香味加上干燜嘅烹調方法，令人食過不停。💕 鹹香黃花魚$88 成條黃花魚煎好之後就拆肉上枱，魚皮煎得分香脆，每一啖肉都有鹹香味。💕冰浸苦瓜$58 呢個菜式好快就賣曬，今日好好彩我order咗最後一刻🤩，廚師將苦瓜片成非常薄嘅薄片，再用冰碎雪住上枱，將已經冰凍好嘅苦瓜沾上佢隨碟附上嘅蜜糖，甜、苦、凍呢三個感覺一次喺口腔入面出現,但係出奇地夾。💕 興化炒米粉$118 米粉Q彈可口，再加埋蝦仁、蟶乾、花蛤、蟶子一齊炒，啖啖都有海