荷華庭園景餐廳 (已易手) 新餐厅

朋友發起話去林村個西廳度慶祝生日，點知......個飯係炒得好乾，個鵝乾醬意粉勁咸，最致命係個甜品，心太軟同梳夫里，全部OVERDONE，變左心太硬同CUP CAKE。價錢一d都唔平,仲要超貴，服務態度亦麻麻。諗著將意見反映，部長只叫我們快些簽咭付款，好似驚我地唔比錢咁。絕對不會再去第二次!!

由於係平日既日子, 我地 7 點去到, 未見有客, 好似包左場咁. 環境算幾靚, 舒服, 清幽, 分室外及室內, 凡地選擇了室內.打開菜牌, 見佢都有幾多推介, 但我地只有 2 人, 為左試多d菜色, 結果都揀了四樣比較喜歡的.佢有幾道菜都幾特別, 尤其係鵝肝豬扒飯, 我之前未食過, 佢有好香鵝肝味, 豬扒亦好鮮嫩, 果然係招牌菜.服務態度都相當唔錯. 可能因為當晚客少啦. *我地走時, 就多了 7-8 枱客賣單 $500 有找, 我覺得 ok, 因為環境, 食物質素, 算係十分合理.

三人去一坐下看餐牌:好貴!!!環境簡陋, 真不知道貴在哪裡??點了一個凱撒沙律, 約80元, 只有簡單的生菜, 沒有麵包, 沒有雞肉, 份量又小!焗田螺, 沒有什麼味道!!唯一的牛扒還可以, 但是價錢真的很貴!!三個人午餐買單560元, 超不值!!好像也沒有樓下的各位說的"主動九折"!!不會再去第二次!!

今年係我地4週年, 所以去左林村度食, 諗住特別地我地叫左1個酥皮龍蝦湯, 1個海皇魚翅湯, 1個焗蝸牛, 1個美國肉眼(本來想食西冷, 但冇貨), 1個鵝肝旦白炒飯1個酥皮龍蝦湯, 1個海皇魚翅湯, 2個的湯底係一樣o既, 只係魚翅湯多d料. 但都係普普通通, 唔夠味, 但飲完已經好濟焗蝸牛 - 1客有一打, 仲有薯蓉底, ok la美國肉眼 - 冇咩肉味, 但係d味道唔錯, 味道控制得幾好. 我地本來叫6成熟, 但佢出到黎似7-8成鵝肝旦白炒飯 - 食晒d野先黎, 已經食唔落喇. 個飯係炒得唔錯, 但d 味道唔ok, 鵝肝好so, 連帶成個飯都有陣味... 食左一半都冇...價錢一d都唔平, 但以食物質素黎講唔值囉

酷洛米媽媽之前食過話好食, 環境又好 .. 仲話林村個公廁一定要去埋咁話喎.星期日酷洛米就訂左張室外枱同酷洛米一家人慶祝爸爸節.一行5人提早左15分鐘到達, 乖乖咁被帶位後. 望下周圍... 其實, 好似係村屋既花園食飯咁上下. 好靚.. 又唔算得上.. 酷洛米一家研究左menu一輪後, 點左2個扒, 1個炒飯, 1個黑松露天使麵, 同埋焗凡立貝.. 仲有4個椰青. 等呀等, 周圍本來"reserved"既枱都坐滿晒... 之後又等呀等.. 30分鐘.. 黎左4個椰青. 點解野食咁耐既??! 酷洛米大佬問左2個waiter追單. 之後又等呀等.. 45分鐘... 唔對路喎, 點解遲黎過我地既會有野食先既?? 酷洛米點既咪又係佢地個d咁上下... 何況我要既牛扒7成熟..點都唔使用45分鐘掛? 叫左個啱啱同隔離枱落完單既大老闆追單 (酷洛米媽媽話係幾兄弟開既)..個大老闆居然一問都唔問就咁行開左... 喂, 咩野事呀?? 我黎食野架.. 我有錢比架 >.<再過多10分鐘.. 比酷洛米媽媽發現左一樣野.. 就係間餐廳大部份都係熟客.. 有幾枱坐低15分鐘已經有野食上枱..

星期日Family Day同全家人去咗林村玩，因為附近見唔到有咩野好坐ｄ嘅餐廳，所以見到呢間餐廳就衝咗入去坐，連個Menu都無睇，點知就做咗一件本年度最後悔嘅事．．．．．話說我一坐低睇下個餐牌，第一個感覺就係：真係貴ｄ喎！再望下個環境，普通茶座啫，無咩野特別靚，點解一個炒飯or乾炒牛河要成80至90蚊？ｄ野食黎到，份量比想像中少，味道ｏｋ啦，但係唔係特別好味囉，我屋企對面個間快餐店好似炒得好味ｄ喎．．．．．公道ｄ講，我未食過呢度ｄ牛扒（據聞呢樣比較出名），但係如果俾得呢個價錢，出面真係有大把choices喎！加埋cozy啲嘅餐廳環境都有啦．．．．食野食貴ｄ無問題，但係要物有所值囉！

Ordered food: * 金必多湯 - (有成排魚翅, 唔係一條條) * Crab meat + mushroom * Potato Skin (cheese好味, 不過可以再crispy一點) * 日本黑豚肉 (好juicy) * 28oz 厚切西冷牛扒 (7成熟, 不過因為好厚, 中間都有少少blood, 好juicy, 好好味. 不過最少4個人才叫28oz, 因為真係好大舊架!)Note: * 雖然是戶外, 但係有暖爐, 果晚十幾度都唔凍. * 佢D枱全部都好大張, 第一次食西餐, 張枱中間會有轉盤.

今天中午和三位友人去吃午飯。因為已1時半，於是叫了兩碟炒飯、一碟乾炒牛河，咖哩雞，燒牛肋骨。點知過了二十分鐘還未有一樣食物上檯。我於是不停望著部長。耐久他才過來說尚有兩分鐘有得吃！環顧四周，得三檯客。我的朋友笑說可能收單才去買牛肉。我又從遠看到其廚房好像得一個人工作，樓面就有四個人行來行去無事做！論食物質數，不知是否策略，等客等到肚餓，甚麼都好吃！總括而言，炒飯和牛河還可以，但太貴！牛肋骨中規中矩。但咖哩雞沒味，要自己加鹽。另值一提是很多中價西餐廳也會提供餐前面包，讓客不至呆等，這餐廳就沒有，所以等上菜時很慘！最後不知是否不好意思，主動給九折，折後要$460。我覺得不太值。可能路口的世紀茶餐廳會好吃一點，而且平些。環境相差不太還。

龍蝦沙律~真係好好味~好新鮮~鮮果都好新鮮~不過要預訂~同埋海鮮價架~~$1XXX8支骨羊鞍~好有羊味~但係一啲都唔羶(今次)~連唔食羊既女朋友都話正~~ $280安格斯肉眼扒~唔錯唔錯~個人覺得個西冷更加好~ $2XX海胆燴大虎蝦~啲蝦好味~個雜菌汁都好香~$200鵝肝醬焗豬扒飯~未來外父話塊豬扒真係好豬扒~好新鮮~話食得出唔係雪藏豬~個鵝肝醬汁好野味~$9X焗雪山~唔洗講~一食過焗雪山既人~一食就知佢掂!!!~$14X紅酒一支~經理介紹~不過~唔知點解佢會雪咗支紅酒~$3xx

之前都已經去過2次....今次朋友生日再次去....貪這裡戶外進餐..環境夠清靜..空氣又清新....同三五知己..一邊食嘢...一邊傾計都唔錯!! 凱撒沙律...唔錯,不過好細碟...貴咗小小... 帆立貝....very good..雖然$65一隻..但係好甜鮮.配搭嘅醬料都好好味..都值咁嘅價錢嘅! 墨西哥薄餅.....煙煙韌韌...唔會太漏..幾好味!其他食物就一般啦....整體嚟講係貴咗小小....不過..都可以一試!!

今晚來到..還未到七點, 戶外只得一枱客人, 我們也選了坐外邊, 店員還提供蚊怕水看之前的食評不太好, 今次試完, 完全不差喎我見上MENU有個三文魚他他汗沙律($95),叫黎試下, 原來係碎左三文魚撈左酸酸地的他他汁, 放在多士上, 唔講得好好食, 但作為頭盤都ok , 主菜點了出名的羊鞍,因為我們只有二人, 只叫半份四支骨($168,)全份是分八支骨($280), 等了20分鐘, 上枱已聞到香, 我們叫侍應哥哥切埋, 一入口...肉質好鬆軟,有羊羶香...好好味...一定要提伴碟薯仔沙律, 混了芝士忌廉汁,都好好味。食左兩味都已夠飽, 食唔到甜品 tim...下次再黎

~梳乎尼~好好食上次我去有3種味我試左薑味但係order要三個起, 都幾麻煩

其實之前同男朋友食過一次,都已經覺得又貴又麻麻今次同埋男朋友+男朋友媽咪+男朋友細佬食..4個人就係落勁大雨既星期六去食叫左唔知咩野龍蝦海鮮湯(約$80)見佢成$80幾銀一個湯心諗就算唔係for4 位用都應該2位...個湯一黎到...不自覺地頂左佢一句有無搞錯...都唔知咩定位個湯一個人飲又多得滯兩個人飲又少得滯最重要係佢個口感呀..雖然話好多料又有魚翅又有蟹但係佢煮到成個汁咁...想點<男朋友飲到黑面之一>炸蝦餅(約$80)上次都有食呢個好多油不過不失無咩值得重點講墨西哥薄餅(雞肉)(約$100)好薄呀...吹都吹得起...似脆片多d囉...一d都唔值呢個price仲有就係我只係食到d 芝士完全feel唔到有雞肉咁囉...想點海膽瑤柱炒飯($1xx)講起呢個火都起埋唔好食...我覺得同一個楊x炒飯差唔多囉...仲要咁鬼貴...唔知係咪因為男朋友同佢屋企人討論點唔好食..又同時個樣黑黑地個湯又飲唔晒個炒飯又食淨...埋單時...呢間野主動打左個9折比我地埋單折實$398其實佢貴唔緊要問題係我地比一個咁既價錢食d咁既野係唔值得囉...係浪費左我地個肚呀...好似浪費左一餐

話說今日同幾個朋友一齊到呢個地方食野, 我地其中有一個兩歲大既小朋友, 訂左位坐外面。由於夜晚天氣比較涼, 而且我見到隔離再隔離個氣體暖柱開左比食客, 於是我就問個侍應幾時會開埋我地呢邊個暖爐, 佢竟然答我:睇心情啦。咁即時梗係覺得有無攪錯呀, 於是問個無著制服既睇場阿叔幾時會開個爐, 因為我地有小朋友, 佢就話啦: 個小朋友坐係個爐下邊就梗係唔開啦, 我即時諗係咩道理, 估佢可能驚熱過頭我地阿B唔舒服啦。由於我地張枱兩邊有兩個火爐, 咁我覺得你唔開呢邊開另一邊個都得啦掛。於是又叫阿叔埋黎, 同佢講, 唔該你可唔可以開o個邊個爐呀, 我地有個小朋友驚佢冷親, 佢既答覆絕呀: 佢冷先算啦。真係火都黎埋, 同佢講, 依家佢隻手已經凍冰冰啦, 佢先死死氣氣去開個火爐。跟住阿叔見我地睇住個餐牌就好似好好心咁走過黎推介: 我地呢度最出名係食steak囉, 你地多人其實最好就食羊脾或牛膝啦, 大大隻, 一定夠你地食。由於我見到菜單上呢幾度菜寫住(預訂), 我就問阿叔, 呢度寫住預訂依家叫都無問題咩? 阿叔又一勁cheap回應: 你依家叫就要等一小時四十五分鐘幫你地燒囉, 所以我建議你地都係唔好叫呢

星期日同女朋友去左呢度試下聽聞而久既靚扒!!!菜單如下:酥皮龍蝦湯:$6x-$8x,酥皮好似未夠火侯,好淺色,完全唔夠金黃色~湯味唔夠濃,跟住舊龍蝦肉,好似小氣左小小,考慮下做好D湯味先,唔好掛住落龍蝦好過啦!~評差)珍寶生蠔:$5x-$6x,呢度就要讚下,好鮮,好甜,好過某些五星酒店既蠔好多~抵食!!!評良)黃金帆立貝:$5x-$6x,又係一度傑作,整既師傅完全係一個高手,因為佢知手掌大既帆立貝,全熟的話會好"鞋",配料,芝士,沙津醬適中,唔會多到蓋過帆立貝鮮味,評優)安格斯牛柳鵝肝:$250-$280,鵝肝用上一般屋企都會用既整法,原件煎,我最鍾意既整法~牛柳要5成,不過好似3-4成之間,同想既有出入,不過我係食得好生下既人,所以感覺ok,不過女朋友就幾唔like~~~評良)house coffee:$25,幾好既咖啡,唔知係邊隻,不過拭飲既!!!評優)甜品:原本女朋友想食燉蛋,但無晒,我覺得佢係懶得整...跟住食免費甜品:紅豆糕,ok既,免費關係,加分!評良)整體:食完後,比錢埋單$5xx,幾貴,未去到要成日幫襯,但又未去到唔再幫襯,一年1,2次可以接受既!!!不過服務好就真既,