荷華庭園景餐廳 (已易手) 新餐厅

Lunch set 可以選其一個前菜 分別叫左兩個set 我叫左 白汁忌廉周打蜆湯 同 炸春卷 湯有驚喜，濃濃既湯充滿牛奶和忌廉的香味。法式焗田螺已經唔係好多地方有得食，就算有都係啲肉勁細粒，食完都唔覺自己食左咁既，但呢到個法式焗田螺俾到回憶我啊，係以前食到既味道同口感，大粒有口感，田螺肉入口鮮甜不失爽嫩，底部的薯蓉🥔更是無得彈 跟住就食 蟹肉醬配蒜蓉包 試食野個醬好，點啖蒜蓉包外脆內軟陣陣蒜蓉焦香，濃稠惹味， 香氣十足而芝士三重薄餅 #芝士控必食 個餅底係用薄餅底脆卜卜 牛扒5成岩岩熟夠嫩口

2年前曾經試過晩餐，個個都係食肉獸，今次我哋叫一份34oz牛肉眼扒，另一份堡雲蘇羊架，再加一份德國咸豬手，等咗成半個鐘第一份咸豬手上枱，第一眼見到己經心知不妙，豬手軟身，還有種怪味，完全同以前的不一樣，再隔15分鐘第二份羊架上枱，一切落羊架，全部熟晒，味道偏咸，配菜又差，連最基本嘅（燒汁）淡而冇味，跟住最後以為牛肉眼扒會好一點啦，點知又係失望，後來先知原來廚房煥咗師傅，怪不得食物出品時間和質素每況越下，感覺上被人受騙，本以為價錢貴，食物質素會相對同等，一定不會再來！

坐室內 午飯 午飯散叫 大概叫了300 一位。食物方面：牛扒唔及花園餐廳既80蚊餐 有筋無味份量少，靠個白飯維持住，唔係既話餓住出門口。 前菜份量都少 哈密瓜火腿得幾片 賣相都唔雅觀。甜品以為係tiramisu 點知到係薄荷唔知咩。 酥皮湯個湯稀既 得個酥皮好食d。成餐飯兩個字 難食。環境：應該係村屋改裝成既 外面睇都ok 入面好普通。服務：ok啦 正正常常建議：首先食物方面拜託做好少少 一係就價錢落翻少少，我覺得外面市區100蚊埋單既茶餐廳都好食過呢餐 又平過呢餐，好少忍唔住踩到咁盡 不過同女朋友山長水遠開車入黎 太失望

男朋友同我補祝生日，因為之前聽同事話呢間好食，見餐廳有得泊車，就book左位試試佢。可能因為聽人講好食，期待太高，所以真係有落差🥲。先講環境，餐廳有戶外位坐，有好多花花草草，有啲位仲係有間屋仔，好似包廂咁。而我地去個時係夜晚，其實周圍都好暗，加上而家咁熱都唔會考慮坐出面🥵。而且係我地食飯途中，都有兩隻好大既蚊飛左入黎，門口既電蚊機電唔死佢地。佢地就係咁嬲住我地，好似完全唔怕人咁。最後我地係食食下飯都要拍蚊😐，唔敢想像坐戶外位既係未要餵蚊。而餐廳入面都係好暗😂，比較怪既係明明食物係西餐，但整個裝修都係中式，有掛住啲細紅燈籠，啲檯櫈都係木既😂。我地嗌左個二人餐，飽足感黎講係食得飽既，但食物質素就唔太對得住$980（未加一）呢個價錢啦🥲。📍海蝦鮮果沙律基本上有八成係水果黎，值得開心既係真係新鮮水果。蝦呢其實得兩隻，一開二，然後加左草莓醬同沙律醬。都comment唔到好唔好食，因為主要都係沙律醬既味。（其實自己係屋企都整到⋯🥲）📍酥皮龍蝦湯+野菌湯我諗全晚最好食已經係呢兩碗湯，男朋友話野菌湯好飲，都有好多菇碎。而龍蝦湯就不過不失，有少少龍蝦肉碎，上菜個時仲係熱辣辣。📍燒焗日本黃金凡立貝我諗我最

已經係第五次去呢間餐廳，因為可以坐户外，可以帶同小狗去用餐。12:00去到，可能係大廚未返工，由小廚出餐。叫咗焗肉醬意粉，一向食開。上餐的賣想是🍝(一模一樣）：白烚意粉（冇味）+白烚豬肉（冇味）+唔太熱的蕃茄醬（焗完都係凍）+一個豉油碟般大少的芝士粉放在中間+放入焗爐焗了5分鐘。真係無辦法唔問下侍應點解會咁差🥲［問：點解難食咗咁多？］［侍應話：廚師比較環保，煮法比較清淡]比快餐店還要差，但價錢係$98，真係好難食呀☹️

今日去左一個我好少接觸既地方 ～ 大埔係大埔林村附近有間過萬尺既餐廳，以花園園景作主題，一於去感受下個種庭園氣息踏入門口，穿過條小橋，四周都係花花草草，仲有個蓮花池，好庭園既感覺，餐廳安排左間藍色小木屋，好有privacy頭盤西班牙火腿拼蜜瓜薄薄既4片西班牙火腿，咸咸香香，同蜜瓜永遠係絕配海鮮忌廉湯傳统忌廉湯既味道，配以一塊多士可以蘸湯食煙三文魚沙律煙三文魚既件數都唔少，唔太咸，酸酸甜甜既醬汁配上沙律菜，幾醒胃鵝肝醬焗豬扒飯豬扒好大件，飯係炒飯底，但豬扒本身已經較膩，再配以鵝肝醬變得更加膩，個種鵝膻味道好重，成個飯好濃味，食幾啖已經成個人滯左茄醬肉碎焗意粉好舊式西餐廳傳統肉醬意粉既味道，無驚喜香燒豬肋骨豬肋骨燒得幾香口，但肉質燒得有d乾，豬味亦都好膻，味道亦都好單調，只食到咸味，可以建議個燒烤醬搽多少少甜品椰汁紅豆糕西餐既甜品竟然出現椰汁紅豆糕，真係摸不着頭腦，我唔鍾意食紅豆，所以不太喜歡環境係有新鮮感，但食物真係唔太好食，呢個價錢我覺得大埔可以搵到好多比佢更好食既餐廳，唯一抵讚係店員好有禮貌，試一次就好了

呢間已經係我入嚟大埔一定會嚟食嘅餐廳！餐廳地方有分室內及室外，我普遍喜歡坐喺室外嘅地方，餐廳很細心，喺室外嘅地方都會放置太陽傘及蚊香。午餐一人平均大約要$100-$150，食物賣相及味道俱佳，而且份量足夠，侍應服務良好。

好似好耐未試過出街食飯，今日黎返荷華庭，食物水準keep住之餘，招呼態度唔會因為隔咗口罩就見唔到笑容。牛扒丶羊扒：質素仍然得達標。頭盆三文魚沙律個sauce 雖然甜左少少，但係都幾幫助到呢排苦悶嘅心情。

食物貴，份量細，味道非常一般。個阿姐又無禮貌。諗住疫水情嚴峻，先揾有戶外既餐廳，點知見到有疑似村民喺餐廳同老闆食煙吹水😣 真係俾間餐廳外表呃左....最後發現，原來行入兩步有得食豆腐花＆丁麵，好後悔

這裡就是人流不多, 靜靜的而吸引我, 只是環境已經再想下次回來, 可惜天陰陰講到美食, Order了 2 Set Lunch頭盤蜜瓜好甜好正, 如果塊火腿可以大塊啲, 真係完美啦！之後令我更期待主菜, 先上了燒牛小扒拼大虎蝦, 叫5成熟, 但只有面頭熟, 裡面如同生牛肉要咬好耐, 慘了~好彩大虎蝦好香唔錯~之後就黎香燒豬肋骨, 燒得剛剛好沒有over到, 好滋味值得翻單😎頭盤: 西班牙火腿拼蜜瓜 主菜: 香燒豬肋骨 $138 燒牛小扒拼大虎蝦 $298甜品: 椰汁紅豆糕飲品: 凍藍碟花冰糖雪梨蘆薈 +$48 凍檸檬茶 set+$15

食材一般，不太吸引，以這價錢同食材，周圍都食到，食物味道不太突出特別，如食材新鮮，價錢貴都點都不要緊，可惜，只是一般水準，食物款式，都不太多，要比三百蚊一個人，但只有百零蚊的水準，太差

👍🏻有泊車位👍🏻靚景👍🏻野食份量多荷華庭園景餐廳 📍大埔林村放馬莆43號地下環境：🐣🐣🐣🐣🐣服務：🐣🐣🐣🥚🥚餐廳地方好大，分左幾個區，環境都幾舒服，有免費車位，如果有揸車既朋友可以去試下👍🏻👍🏻但服務就一般，有種唔憂做既感覺😂😂😂如果想坐户外既座位，建議秋冬天先去😂唔係應該會熱死🥵餐廳有lunch set , 包一份頭盤同飲品同甜品🍮頭盤既春卷幾好食😋，西班牙火腿拼哈密瓜🍈就一般，啲ham有陣豬既「蘇味」🌸德國咸豬手 lunch set $198味道：🐣🐣🐣🐣🐣呢隻咸豬手份量好大份👍🏻佢已經幫你拆哂骨，所以食既時候好方便👍🏻👍🏻味道亦唔錯，唔會燒得太乾，做到皮脆肉嫩👍🏻👍🏻🌸茄醬肉碎意粉🍝 lunch set $138味道:🐣🐣🐣🥚🥚相比起豬手，意粉就冇咁出色，普普通通咁，肉碎亦唔算多，係有陣茄汁味😂推薦度：🐣🐣🐣🐣🥚（如果冇揸車要特登坐車入去就唔係咁值得去了）

one of the staff there was rude the moment we went instaff: how many people?us: 5 adults and 3 kidsstaff: why can’t you just tell me 8 as there’s a ‘tea charge’ per head and it would have been easier for me… 🤷🏻‍♂️i wanted to leave immediately but considered that it was lunch time and kids were hungry, I just went ahead with the groupfood portion was tiny given the price they charge (lunch sets range from $138 to $298, drinks excluded) and the quality was mediocrethe tomato soup was overly salty w

專程入去食生日飯，之前未食過，以為環境幾好…叫酥皮龍蝦湯，賣相好似ok,但味道非常淡，唯一一粒蝦肉，入口即化完全梅嘅；叫肉眼牛扒七成熟，出嚟牛扒唔熱嘅，啲肉好紅；黑松露帶子意粉，一大pad白汁加幾隻帶子，味道又係非常淡！ 呢間野個廚有冇試味？一大班鄉村人响呢度食飯，好嘈，似鄉村茶記比較多，餐廳內有人食煙，同埋室內有蚊…..🤦🏻‍♂️以為係一間高級西餐廳，但非常失望，似係煮中菜嘅人煮西餐，一定冇下次了…

去完林村見時間晏折返路經依間餐廳就入咗去食.一行到入去四周圍都係花花草草🌴🌱綠色環境再加上少少歐式嘅裝飾設計好靚好舒服.餐枱上可見花咗唔小心思有小小嘅歐式枱燈仲有一束粉嫩嘅花💐又幾浪漫🤍.由黃昏到夜晚🌛閒時同身邊嘅人傾計唔講嘢嘅時候 靜靜咁望住四周圍放鬆下不失為一種享受⛱.去嘅時間咁啱係秋天坐室外溫度都舒服🌀可能夏天去就會熱啲啦而且因為周圍太多植物偶爾都有啲昆蟲嚟探訪突登入嚟嘅朋友可以做定防蚊措施🦟.可能心思都放係環境細節方面係食物方面相對而言就遜色啲啦沙律 湯 芝士焗帶子 牛豬扒中規中矩唔係好差但都講唔上係好味.總括嚟講想享受係舒服環境下進餐或者想浪漫下嘅朋友依間餐廳係不二之選