荳子 (海壩街) (已結業)

為抹茶而黎，試下新開cafe。據聞要排隊等好耐，但經過唔見有人龍，特意試試。帶病上陣，唯有輕盈d 食個all day breakfast 落下肚先，配杯熱黑糖薑母茶。炒雜菇唔錯! 煎蕃茄好食! 多士有四件，都幾多。黑松露炒蛋無咩特別。坐多陣，再嗌個抹茶心太軟。入面係白朱古力流心! 用木餐具，幾得意，但有d 怕清潔唔乾淨，哈哈食完一定要叫佢比杯水! 因為個囗好澀好綿!由天光坐到天黑，呢度一個人坐下發吽豆唔錯! 承惠130 左右，算係咁啦!

食過好多次，好味又唔貴又唔洗排好耐！仲有好多唔同choice, 我食左4，5次都未食曬d野！不得不說！甜品好得！熱食都唔錯！會繼續黎支持！同埋左右兩間係無分別嫁！但要分開排隊...

成語課堂之完美演繹：金玉其外-人生總會遇上幾個仆街🙄但偏偏次次都仆，未學精。今次咪又奶野囉😵【Discovery 】$128初上枱的確得到全場注目，係未放入口之前Snappy都對它幾滿意㗎！份量來得驚人而且配上乾冰冒煙絕對美觀😄-先嚐一口倒轉的抹茶雪糕甜筒。啊？它揮一揮衣袖，沒讓我帶走一絲綠茶的味道😟。甫吃上幾口，甜筒已經變稔了。好吧，轉戰焗抹茶紅豆布丁，感覺依然沒啥抹茶味道，但紅豆香甜綿密，整體有點過於濕潤😶。朱古力雪糕比較香濃，雲呢嗱雪糕亦不俗。最喜愛的竟是陪襯的Crumble，配角上位了🤑，奈何雪糕真的溶得太快。-嘗試中立的說上一句，份量是多，但質素普通到中下，性價比不高。素聞質素參差水準不穩，算是自己倒楣吧，😞玄米茶那個甜品看起來不俗。假如我忘了這個伏的陰影，倒會再去嚐一下其他甜品，暫時打入冷宮吧😂3Dlatte可以先選擇latte的味道，barista會隨意拉出公仔，以$35的價錢定來說，倒是可以。但要有心理準備只是用來拍照和呷上一口。都是用來拍照的不可食用道具而已。還要排上30分鐘，只是名氣吧?還是我的運氣太差。

今天經過見人不多，沒排長龍，於是就進去吃個甜點.看了一陣餐牌，就決定試紅豆綠茶窩夫.點餐後太約十分鐘便到，窩夫買相不錯，造型亦不是一般的格仔型，是冬甩型,綠茶雪糕味濃，窩夫偏軟身，值得一試！

已經第二次光顧荳子，果然無論日頭/夜晚都要排隊…今次食了main course 食了all-day-breakfast & 白汁煙三文魚意粉:全日早餐我會視炒蛋為精粹，可惜今次炒得太老，鹽也放多了，有點失望。impressed 之處只有鮮味甜甜的蕃茄。妹妹的意粉也未見特別之處。但勝在份量啱啱好如標題，整個用餐的精華落在飲料和甜品Latte 滲出淡淡玫瑰味，口感新鮮。玫瑰伯爵奶茶，三者之間的配搭完美，very impressive !甜品，兩人share 一件cake :乳酪梨芝士蛋糕芝士不會太膩&濃郁，夾雜乳酪，口感豐富。香梨果肉甜絲絲，整件蛋糕賣相吸引。

常常經過都好想試，但都好多人排隊，估唔到星期日晚又唔係好多人，所以即刻去試！ 點了荔枝玫瑰花茶，聞落好香荔枝味，飲落去就好失望，冇咩味...打開看是茶包。但個茶壺幾得意，上面茶壺下面杯，二合一。 但如果可以加荔枝肉更好。 沙律，不過不失，沙律醬都唔算多，都唔錯，好怕太多沙律醬，菜都算新鮮，係賣相差少少。 肉汁長通粉的肉汁好濃郁，加了隻溫泉蛋令通粉好滑，通粉的口感好好，不會太林或太硬，幾彈牙。但會食到有點濟的感覺。 值得一讚的是餐具幾和風，和落地大玻璃，很有性格的餐廳。 最後當然要叫甜品！ 好似叫朱古力五重奏？係好香好濃好滑既朱古力甜品，我不是朱古力迷，但我好喜歡這個甜品，和朋友一齊share完全冇罪惡感。

次次經過都大排長龍，今次好難得星期日21:30左右經過無人，即刻入去試下先環境以木為主，簡單舒適！ 溫泉蛋肉醬長通粉，賣相非常吸引，好多肉醬，香濃蕃茄味配上流心蛋，口感好滑味道酸酸地食落唔會膩！ 比利士朱古力二重奏，70%既可可濃度，有小小朱古力脆脆係中間，上層勁香滑但又唔會太甜既朱古力慕絲，下層配上鬆軟海棉蛋糕，口感豐富，朱古力愛好者必食

荃灣的一間特色甜品鋪, 我都幾鍾意呢度嘅裝修, 有個大黑板寫上蛋捲嘅介紹. 店中一⻆有單邊檯可以面對大街, 店中中央又有一張長檯, 合適大班朋友, 而其他位置又有幾張小檯, 適合2-4人. 綠茶蛋捲, 好好味, 蛋捲夠軟身, 裹面有紅豆, 少少甜但又剛剛好. 綠茶味又好夾紅豆同蛋捲, 綠茶唔會苦,配答適中.荔枝梳打，味道冇乜特別，都係用一些荔枝將加梳打水，不過，上面加咗少少紅色花瓣，令外觀同用嘅杯配答得唔錯. 

起初睇MENU見到佢配特濃意式咖啡哈哈..仲以為佢係真係有杯咖啡飲..點知係將特濃意式咖啡倒落去個蛋糕到架...Chotolate Browie VS  Vanilla Icecream Serve on a hot plate...倒入濃厚既Espresso苦中帶甜味 美味但美中不足..Chotolate Browie既Chotolate味太濃...根本上就食唔到再有特濃意式咖啡味LUCream brulee with Madeleine / 貝殼蛋糕焦糖燉蛋 老老實實,本人認為佢個燉蛋好味加軟滑程度同paul老佛爺有得揮!好滑身...好軟...好重蛋味...配料既士多啤梨亦都好甜...貝殼蛋糕有綠茶蛋糕.....朱古力蛋糕...本人認為佢綠茶味好出乎意料既出眾.....朱古力蛋糕亦都帶鬆軟...自家制真係自家制.....

工作完後，我和女朋友來到這間叫Beans 的餐廳吃晚飯。我們叫了一份All Day Breakfast 和一份煙三文魚意粉，它們的All Day Breakfast 有很多選擇，我們所選的不但有炒蛋和茄汁焗豆，還有冬甩、三文魚和香腸，雖然我們來到的時候已經是夜晚，但這份豐富的All Day Breakfast都令我們份外的醒神和開心。三文魚意粉上面鋪滿了黑魚子，賣相吸引，味道亦不俗。兩份食物各附送一杯餐飲，我和女朋友都認為餐飲是一餐入面不可缺少的東西，所以我們其中一杯選擇了加錢轉飲朱古力，朱古力上更有3D拉花圖形，女朋友十分喜歡。我認為一份完美的晚餐，除了要有正餐外，還需要一份份量不會太重的甜點，所以我們選擇了一份特式甜品杯作為這餐晚飯的最後一道菜，最後我們都帶著滿載而歸的心情離開這間餐廳。我們對Beans的評價都很高，所以我們下次會再來嚐嚐其他菜式。

聽說荃灣有一家cafe 有名的, 是日與朋友慕名而來。當天是3時許, 人比較少, 約等了15分鐘。內裡環境還不錯, 凍櫃還有精緻甜品。Cappuccino拉花靚, 表面泡沫幼滑, 咖啡味濃, 質素不錯。凍玫瑰latte賣相一流, 表面的cream 不太甜, 咖啡味夠, 有清香玫瑰味。紅豆綠茶窩夫賣相靚, 綠茶雪糕美味, 茶味濃郁, 與紅豆味非常夾, 略嫌窩夫並非脆口, 已被雪糕沾濕。整體味道不錯。

朋友在Facebook上放了BEANS的窩夫照片，很想念久未光顧的BEANS，星期六跟蝦子餅去吃午餐。先來跟餐的飲品，這是我的熱檸蜜。這是蝦子餅的美式咖啡。上次吃過豪華英式早餐($98)後印象很好，這次再點，喜歡它上桌時各款食物依然是熱的，雖然這看來很基本很簡單，但不是每家餐廳都做得到。這次唯一叫我失望的竟然就是我最想念的圈圈窩夫，質地還是很鬆軟，但卻因為放久了而沒有外脆內軟的效果。還想試試BEANS的意粉，選了黑松露軟殼蟹意粉($95)，新鮮炸起的軟殼蟹熱辣辣，非常香脆，黑松露醬的份量很足，味道十分香濃，意粉軟硬適中，水準之作，誠意推介。

荃灣美食多的是, 今日由朋友帶路, 來到荃灣的荳子吃個午餐。環境舒適 地方大, 座位尚算寬敞。餐牌選擇尚算多 我就選了一份全日早餐做午餐。 焦糖香蕉熱烘鬆餅全日早餐。香軟的鬆餅伴以蜜糖和忌廉 味道軟熟甜美, 鬆餅有濃濃蛋香 吃出絲絲甜香。香蕉上鋪有脆脆焦糖, 黑松露炒蛋滑溜 剛熟伴有微微蛋漿 松露香味濃香, 煙肉香口而咸香 不會太乾身☺️All Day Breakfast來說 質素尚算出色。

好想黎beans食野好耐喇~次次見到好多人,所以冇去到~今次同朋友食飽飯~ 去到beans唔洗排隊喎~ 即刻衝入去啦!我order左個Chotolate Brownie佢係以鐵板上既特濃朱古力布朗尼再加埋香草雪糕仲有一杯特濃意式咖啡甜品到了,鐵板非常熱, 店員叫我小心點! 然後店員說, 倒啲espresso入去, 如果怕苦, 就倒係鉄板上!我自己本身好鐘意飲咖啡, 唔會怕苦, 所以我直接倒左落雪糕到!哩個甜品好特別, 倒入濃厚既Espresso苦中帶甜 美味但由於朱古力布朗尼好甜~食落都會有點漏 最好與好友分享哩個甜品叫做馬達加斯加雲尼拿焦糖燉蛋配自家製貝殼蛋糕佢既賣相已經好靚~ 配一D生果係側邊! 非常美觀!另外燉蛋非常出色, 好滑呀! 還有2款貝殼蛋糕, 抹茶味同埋朱古力味~抹茶味更加入味~ LIKE!呀!  

記得兩年前，跟兩位街坊食友一起在屯門食晚飯！  當時其中一位街坊食友話過位於荃灣海壩街的 <荳子> 食物及咖啡質素很好，  卻是要排長龍！ 早前，得知 <荳子> 在荃灣海壩街原址擴充至兩個舖位 Beans The Corner，  那麼就更方便嘞，相信不用等位太久吧！  於是，我便約了她一起去，預祝聖誕節！ 在荃灣區工作的她先行 7:00 到步，  讓她發辦作出心水選擇！ 餐牌選擇相當多！  以輕食為主打，食物種類多元化！ 包括：小食、沙律、多士、主菜：意粉、意大利飯、Pizza、All day breakfast、各類咖啡或花茶、甜品、窩夫...等，應有盡有！ 主菜另可加錢配其他美食及飲品。裝潢很別緻有格調！給人舒適休閒的感覺！在這裡進食，也感到特別輕鬆！ Hot Rose Earl Grey Latte  原價 $35 (跟餐 +$27)綴以心形拉花的 Rose Earl Grey Latte 及灑上玫瑰花瓣，賣相吸引動人！  未嚐已散發玫瑰花香很誘人呢！加入玫瑰糖漿，甜度適中，   伯爵茶茶味清怡，與玫瑰的清香很匹配！