荳子 (海壩街) (已結業)

前幾日岩岩食過一次荳子，今天經過又想入去食，一個人正在乖乖排長龍時，侍應就招呼我跳過人龍入去，原因系一個人🤪哈哈哈爽吖！一個人食飯都幾著數企在門口排隊好曬，如果店家有遮或者雨棚會好好多。 點左鴨比意大利飯，抹茶流心土司，侍應話抹茶流心土司要等耐d，所以一早order左先。意大利飯配餐飲，加25蚊有薯條。無令我失望，呢個鴨比意大利飯無論從賣相到味道都十分正，飯軟硬適中，有少少辣，但好微，晤食得辣的朋友應該都可以試下。鴨比炆得好爛，好入味，筷子一夾就似蒜瓣咁拆開左。甜品終於焗好上枱賣相真的很不錯，隔離枱兩個女仔大放心心眼望住佢。真的系新鮮滾熱辣，叉子一下去即到流心。好足料，抹茶味很濃。伴有朱古力碎同杏仁，零舍滿足。

一行四人去Beans食下午茶☕️難得唔駛等位👍🏻叫左三個下午茶食😋黑松露軟殼蟹意粉—朋友Favourite 讚不絕口 有水準單骨雞翼·薯條—必點菜式 雞翼有代表性流心伯爵茶吐司—有驚喜的甜品 賣相一流 有視覺享受 味道特出無人等位可以慢慢食 最岩同朋友吹吹水 咁又一個下午

復活節假期最后一日，梗係要搵個地方hea下。All day breakfast就係最好既選擇，一餐當兩餐食。All day breakfast 個包最好食，即做鬆軟，配cream一流。最精彩係杯3D 熊仔拉花咖啡，我簡左焦糖燉蛋拿鐵，真係有焦糖燉蛋既香味，色香味俱備，等下都抵啦。另外叫左個芝士薯條，芝士分量好足，但美中不足薯仔唔夠脆。如果再炸香口d 就更正。最后梗係食甜品，焦糖燉蛋，焦糖香脆，燉蛋滑溜,為成餐畫上完美既句號。

住荃灣嘅朋友話beans要排好耐，好好彩我地去嗰時唔洗排隊就可以入到坐。我地分別叫咗Ice Rose Latte 同 Hot Rose latte。每次一見到有rose latte都必叫！Beans嘅rose latte，帶有微微嘅玫瑰香味，咖啡同奶嘅比例啱啱好，唔太甜，有好香嘅咖啡味。我地另外叫咗嗰黑松露軟殼蟹意粉同龍蝦意粉share食。龍蝦意粉嗰sauce好creamy，好濃郁！我地最中意佢地個意粉係al dente嘅。不過隻龍蝦就乾身左少少同啲沙津菜有苦味。本身好怕黑松露軟殼蟹意粉嗰黑松露好似gas味，點知有冇喎。個sauce都係好creamy，好濃。佢個軟殼蟹真係好正，炸完都唔油膩！呢個pasta同人share食就啱啱好，如果自己一個人食哂，應該會好膩。

復活節繼續食好西！今次去到荃灣好出名嘅beans cafe。雖然係放假日子，我哋好好彩排左一陣就入得啦。-一入到去睇到menu，嘩，好多野都想叫呀！最後我哋一人揀左杯野飲同埋一個waffle。Almond例牌揀凍野飲，揀左杯火焰橙香冰咖啡 ($45)。識得著火之餘仲酸酸甜甜，又幾過癮。Jam就揀左杯熱法式焦糖燉蛋拿鐵($36)，crème brûlée味好出色。額外要求嘅3D立體拉花非常得意，一啲都唔揸流攤，兩隻好可愛既貓喵浮係咖啡上面，搞到我地都唔捨得飲左佢。最後個Caramel Banana Waffle ($58)，唔係平時食開嘅格仔餅款式，lee個係圓形口感偏軟嘅。伴碟仲有忌廉、吉士奶油、雲呢拿雪糕、焦糖香蕉、菠蘿粒、乳酸爆珠、仲有有兩款sauces 楓蜜同埋乳酪，確保啖啖waffle都會有唔同配料配搭。Almond好鍾意入面嘅乳酸爆珠，童年回憶即刻返返嚟！

一直都聽說荃灣有間餐廳很不錯，名叫荳子☕️今天先至系第一次來食，真系相見恨晚吖。復活節假期的第一天，中午來到，要排隊入場，好在不算長龍。店鋪面積不大，分左兩邊門入，中間系一面墻隔開，兩邊的餐牌系一樣的。我地order左墨汁海鮮意大利飯擺盤好有心思，足料夠大份，飯底系墨汁飯，有蝦有魚有蜆殼墨魚🦑帶子珍珠茄，似盆栽咁，睇得順眼，食得滋味。另一份order左黑松露軟殼蟹意大利面，估晤到黑松露的份量咁重，好香濃，伴有黑木耳，口感好有層次，好match 好大隻軟殼蟹企響個頂度，好霸氣最緊要系意粉軟硬適中，系我鐘意的類型！非常喜歡！我地加左份車打芝士薯條好味餐飲轉左特飲：一杯系法式焦糖燉蛋拿鐵，一杯系榛子拿鐵我個人比較喜歡法式焦糖燉蛋拿鐵，但并不是我想象中有塊燉蛋鋪在面頭，都只系間晤中吸到有d似燉蛋質地的啫喱。十分香滑！而榛子拿鐵，不算太甜，幾好另外order左一個香草綠茶梳乎厘，需時20分鐘焗，所以一早已經下單，食完飯就不用再等。綠茶香濃，蛋泡發得好鬆軟，十分綿密用心製作的美食，睇得又好味，如果店鋪大的，位好坐的，就更好了

一天路過此處，看到在轉角處有一特別的店子,店外店𥚃頗為型格，店子常滿滿，幸好找到了近窗的位子。服務員遞上餐牌，剛巧還有下午茶，哪就㸃了一個signature 的款式及一杯套餐咖啡。那下午茶來了後便興奮嘩了一聲，那四方的黑麥飽包著流心熱哄哄的伯爵茶濃醬沿切囗湧出來，上面放著香草冰淇淋球隨著伯爵茶醬輕混一起，既冰且熱的香草伯爵溶合大麥包上三重不同質感及三種溫度同時入口。只可算特別，未致難忘，賣相及創意一流！至於咖啡，不印腦海，只能說咖啡一杯！但價錢物有所值，一定會再試👍🏻！

住左荃灣好耐，呢間野之前都幫襯過一次，飲過Rose late, 今日見有時間，又見到入面無野今，諗住靜靜地relax下，感受下小店感覺，可惜實在令人太失望了，點了一杯熱Rose Latte, 杯野唔夠熱, 已經打了折扣，飲第一啖，覺得好甜好甜, 另外好似只奶味，已經無哂咖啡味，飲左一半都已經唔想飲。間野最大問題係，坐bar時望景本身感覺ok,但成程都好多蚊枝,好恐佈...本身想relax, 但望任d蚊令人坐得好唔舒服，大家諗諗先去

呢間cafe係荃灣開左好耐，一直都想試下，但成日都好多人排隊，今日終於食到啦。我試左黑松露軟殻蟹意粉，味道係意料之內，唔會令人失望，飲品就中規中矩，如果要排好耐隊我可能會食第二間。

這裡雖然地方不大和只可以walk-in，但也不失為一個同fd小聚扮文青的好地方。最欣賞這間Cafe整的“黑松露軟殼蟹意大利粉”，黑松露醬汁味道濃郁，又夠creamy，唯一美中不足係隻蟹太細隻（為何跟menu圖中的大小差很多？）

每次經過，都多人排隊。米睇佢店細細，但食品都種類多。我地一行幾人，腳快快甘去排隊。好彩唔多人。因為出名，價錢都有番甘上下。但起碼份量同味道撘夠。黑糖薑母茶，濃濃薑味。飲完成身暖晒。全日早餐之一食晒係會飽嘅，放心。呢個好食。啖啖忌廉意粉配咸淡適中煙三文魚。呢杯。。忘了名字呢個班尼迪蛋睇落份量好似好少。但食晒又會覺得夠。整體，好食。只是人多感覺迫左啲。味道都夠，感到製作用心。另外見到甜品也很吸引，伴碟裝飾很用心。

waited long even it was late afternoon, (around 15'o clock)and many small insects were there.but rose coffee was soooo good.the pasta one, was, well, not that special but can enjoyable.price was not cheap, but not expensive.

呢間野既Lunch Set 由11點至到6點，太好了一個星期內去左兩次真係幾好味，價錢又親民食左黃金蟹肉意粉好食呀，賣相又靚，黑松露軟殼蟹意粉，好多汁呀，0炎0炎都係菇Tim , 正芝士薯條，都唔算少喎！都幾多芝士，不過薯條都係唔太脆哈哈。Pizza 個餅底脆卜卜，都幾多料飲品叫過彩虹Latte , 好靚呀。好飲！3D個Latte，公仔好可愛，是玫瑰Latte黎，好香的玫瑰，唔錯的。荔枝玫瑰梳打，好似發光甘杯野😂不過無乜味，唔太好飲荔枝玫瑰茶就好香，仲可以Rerill , 好飲甜品就叫Green Tea Combo , UM...綠茶真係好好味呀。仲有個心太軟超流心💚💚正呀！Belle Helene 是加錢要的自家製蛋糕，唔岩我口味好難食！伯爵茶流心吐司，都幾脆既，味道就一般，我麻麻地！不過呢到價錢真係唔貴，又幾好食，值得來！

回流到香港一段时间，由于番工舞咩时间，极少出街食饭。甘啱要去荃湾行街，就顺便来昵间人气豆子试一下距地既水准，果然唔错喔!十一点营业我地已经企系门口啦，急不及待入去坐低，叫左几样野，由主食到甜品，最后到饮品，咸淡正好，卖相也都唔错，主要真系好食。两条友四百蚊唔使，真系超级低食，绝对性价比高，值得再来，就系嫌张臺太细啦，d野食舞地方摆，香港地真系寸金尺土啊!

相約友人同荃灣食晏，驚見呢間鋪頭外面大排長龍，抱著滿滿好奇心既我地決定一試！等左大約45分鐘就可以入座，鋪面唔算好大但勝在樓底夠高，所以感覺唔會太焗促！由於我地2個都食左早餐既關係，唔算太肚餓，所以只係嗌左少少野食大家一齊食。分別係一個黑松露軟軟殼蟹意大利粉，一個加芝士肉醬薯條同埋一個甜品。先黎講過黑松露軟殼蟹意大利粉，呢次其實算係我頭一食接觸到咁濃郁既黑松露味道，每一啖意大利粉都可以掛到黑松露醬，食完之後成個口腔既味道令到我地都唔捨得飲野沖散佢。而軟殼蟹略嫌細小如果2個人share的話可能會唔太夠食。另外再黎既芝士肉醬薯條，蕃茄味甚濃肉醬偏鹹，但配上剛炸的薯條就會覺得佢岩岩好。初頭我地覺得2個人實食唔晒，但食食下都清空左個碟。而甜品都可以一試，焦糖脆片香蕉配上雪糕一冷一熱。對於已經食飽左既我地2個，相對而言甜品仍然係第2個胃！