荳子 (海壩街) (已結業)

今日同朋友落左荃灣行街街👯‍♂️👯‍♀️三點三肚仔餓🤭所以去食個下午茶🍵荳子係小妹一直係荃灣想試嘅餐廳🥢難得去開荃灣試埋先😎去到門口已經有條小人龍排緊隊🐉大概等左30分鐘入得啦⏰點左玫瑰拿鐵☕️淡淡玫瑰花香味🌹無蓋過咖啡本身味道😌岩岩好流心伯爵茶吐司🍞最期待亦要等嘅吐司出場啦🤗用刀切開吐司🔪伯爵茶醬流哂出黎配上厚厚嘅竹碳吐司😙吐司外脆內軟流心餡偏甜😅食多幾啖就覺膩了同人分享比較好🤓

荳子係我最鍾意既cafe之一黎既次數大概已經多過一對手可以數到既次數食物有特色之餘 環境亦好cozy♡ 依家雖然開左好多家分店但我始終最鍾情於荃灣本店因為感覺佢係元老 一直見證住荳子既成長♡ 依次為慶祝友人生日再到訪因為友人表示唔太肚餓 所以我地兩個淨係各自叫左一份主食+一杯飲品然後跟餐叫左件cake黎share跟餐叫比平時單叫一件cake會較划算　只係$25 我同友人分別叫左傳統英式egg benedict同焦糖香蕉窩夫全日早餐♡荳子既egg benedict真係做得好出色只要輕輕力用叉一劃水波蛋 濃稠既蛋汁就會即時湧出水波蛋面層既荷蘭醬打得非常香滑而且味道濃郁 帶點咸香水波蛋底下既muffin亦焗得香脆可口成道菜搭配起黎就係多重既口感 非常滋味!伴碟仲有凱撒沙律 味道清新 令人開胃 可以用黎解解膩♡ 至於友人既全日早餐 我淨係試左窩夫同焦糖香蕉佢既窩夫係坊間少見既冬甩造型 非常可愛有別於其他小店 窩夫係走香軟既路線外皮雖然唔脆 但口感實在又富蛋香 配上鮮忌廉同蜜糖一樣咁好味不過近期既窩夫好似焗得冇以前咁靚會有少少變型 或者壓扁左而香蕉面層既焦糖亦烤得香脆可口加上果肉硬度適中 唔會過

Weekend 最好不過就係搵個地方去享受個簡易又開心既早餐😋 今日嘆個Egg Royale 加芝士薯條🍟🙈 濃濃芝士配熱辣辣薯條真係好香☺ 流心egg royale 有水準👍🏻

下午喺街一路行一路諗食乜，行下行下，行到黎海壩街既Beans，有2間舖位，Lunchtime full晒，排隊排咗幾分鐘，揀咗黑松露軟殼蟹意粉$72+芝士薯條$25😋，肥胖王又出動喇✌🏻，個意粉有半隻軟殻蟹，而黑松露都幾香濃，ok啦！薯條加上熱辣辣既芝士醬，yummy！

呢間Beans成日都好多人，難得呢日早嚟到，唔洗排隊~good!揀咗坐高櫈，貪佢可以望出街外,不過其實出面啲人同樣望到你😂朋友仔又係指定動作:carbonara!正正常常冇乜特別😝至於我就試咗新產品: Peking duck burger~因為係落單後即時蒸，所以等得耐啲，本來以為烤鴨同burger唔太夾，但可能因為佢係配蒸包，同埋配上北京烤鴨嘅甜醬，所以食落都幾唔錯~而且烤鴨片鋪滿晒個包，好足料!至於啲鴨呢，其實未上碟都估到所謂北京鴨只係港式燒鴨😂 但都好食~美中不足係啲鴨真係有啲肥...🙈🙈跟餐仲有杯熱檸蜜，都幾香甜又滋潤~唔知係咪呢日唔算多人，定呢度係唔會趕人走呢，我哋呢日坐咗都幾耐，其實去cafe就係想悠悠閒咁傾住計食返餐咋嘛~☺

雖然唔知道左右分店有咩分別但兩邊都好full 而且座位與座位之間都好逼🤔唔太適合多人聚會同詳談🙈朋友仔叫左杯檸檬峰蜜我就要左杯香蕉芒果奶昔本身都驚會過甜😳但出奇地兩種味道都唔太濃但分別感受到淡淡既香蕉味同芒果味好奇妙既感覺😂d cream 比較固狀又唔會太甜小食拼盤有兩種雞翼分別香辣味同焦糖味本人喜歡比較juicy既焦糖雞翼口感比較嫩滑而香辣雞翼就比較香脆而不太辣啤酒洋蔥圈洋蔥比較簿洋蔥味唔太濃反而覺得適中😋肉醬薯條既肉醬比較乾同唔夠碎但味道係好味的黑松露軟殻蟹意粉都好濃味但軟殻蟹既粉比較多👎🏻最後叫左個Brûlée 好smooth 同勁多雲尼拿籽😋👍🏻另外配左個Madeleine好鬆軟加上焦糖醬都好好味但佢個字勁似金粉筆寫出黎😂店員仲特別送上祝福💕

✏️Deluxe Full Breakfast ($108)完全係為左佢個bagel樣嘅waffle黎🤤成日見到人地影呢個覺得好似幾吸引咁🤤個waffle係外面微脆 內裏好軟熟 味道係微甜嘅蛋糕咁 好香😚另外我最鍾意係佢個炒蛋 因為黑松露味勁重!!好正❤️-✏️黑魚子煙三文魚蜆肉意大利粉 ($98)煙三文魚有好多片🤤🤤🤤黑魚子帶點鹹香 不過我覺得冇咩特別🤣🤣意粉整體係好香好食嘅 不過個蜆肉殼有幾隻都碎左 食食下會咬到😖-

呢間基本上係喺諗唔到食乜情況之下，就會黎嘅飯堂！每次無論食乜嘅食物質素都好滿意！雖然佢食物質素好應該都多人知道，但係因為今日試咗新野 ，都想喺呢度同大家分享下！初初見到五花腩漢堡會有少少卻步，諗緊會唔會好 heavy , 原來係好細件嘅一個包夾住嘅五花腩，咁當然一定會有啲肥肉啦！ 出奇地好好味！ 而且份量唔多！ 女仔都啱叫仲要配埋沙律及薯條，唔使揀兩樣都有晒！咖啡就黎親呢度都一定飲㗎啦，咁今次就飲伯爵茶咖啡，伯爵茶味都幾濃，咖啡就略嫌唔多夠熱！最後見個肚都仲有啲位就叫咗個綠茶紅豆 waffle. 嘩！呢個真係不得了，性價比超高$58 賣相又靚伴碟嘅嘢多到都唔知食邊款好！真係做得好出色！👍🏻

已經不是第一次幫襯....午餐、晚餐也吃過.....味道出色....款式多...今次主要去食甜品.....點了小山園抺茶卷、抺茶流心吐司、紅桑子醬玫瑰雲尼拿吉士拿破崙、Mocha、Vienna Coffee小山園抺茶卷 - 唔太甜....非常好!!!抺茶味濃郁....Cream夠厚身。抺茶流心吐司 - 內裹的抺茶流心非常之苦甘....大愛這個味道....再配上一球不是太苦的抺茶雪糕中和番...很好~紅桑子醬玫瑰雲尼拿吉士拿破崙 - 欣賞酥皮不是即用酥皮...雖然不是我食過最好味的...但合格的....Mocha - 相對起甜品...這杯咖啡有點遜色...朱古力味淡...咖啡亦不足~Vienna Coffee -朋友告知面層過多cream...但咖啡是可接受的。

今日約了家姐食午餐，選址在荃灣。荃灣是我倆小時候常去的地方，事關母親大人一直好喜歡在荃灣買餸（在街市門口罰企是重點回憶），兒時也常在荃灣吃牛腩河呢！長大後，油尖旺變成了與好友聚會購物閒逛的地點，自然減少了到荃灣的次數。十數年間，荃灣的天橋系統愈見發達，商場愈開愈多，食肆林立之餘，藥房的數目也不少。自由行確實能帶動經濟，但也令產業變得單一沒趣。慶幸也不是每個角落也被蠶食，就像是路德圍。必需承認，荃灣其實沒有什麼很令人驚艷的餐廳，而我也不是為了找好吃的來荃灣。只是踫巧我倆都有空，來躂溜一下。也不是為了感性，只是餓了也是要吃飯去。言歸正傳，午市時份永遠很難找位置，而這間荳子也有一堆人在外。由於他們人數眾多坐不進去，反而可以使我倆直入餐廳，可謂十分幸運。坐進廳餐以後，店員也有為我們稍作介紹。點餐以後，上菜也十分快速，非常體諒在職人士壓迫急速的生活。我點了午市套裡的燒黑椒牛肉水牛芝士帕尼尼伴薯條，配上一杯始終如一的熱檸水。帕尼尼的麵包有輕輕的烘烤過，外脆內軟，是為一大亮點。反而內裡的燒牛肉和水牛芝士流於平凡，並未帶來驚喜。薯條似是新鮮炸起，熱辣而帶有薯香，算是不錯。熱檸水更是只要檸檬新鮮便永不出

今曰约左舊同事食lunch和行街，去左想試好耐嘅beans cafe😋。朋友叫左個蟹肉意粉，賣相和味道都出奇地好吃，意粉軟硬適中有咬口，醬汁濃郁有鮮味！推👍我就叫左個焦糖香蕉雲尼拿waffles, 香蕉上有一層硬焦糖蓋着，夾着香蕉一起吃，口感香脆,好味😋我地2個都叫左ice mocha, 但咖啡味稍弱，味道一般，無乜驚喜 ！整体食物和環境都吾錯，一定會再去😄

上個星期同朋友喺荃灣行完街之後，想搵啲甜品食，朋友就介紹左我去依間餐廳度食蛋糕。依間餐廳都幾出名同埋都幾多人等位，我夜晚去到都要等大約5分鐘先有位，餐廳其實除咗甜品之外仲有熟食，我見到其他人食意粉同埋漢堡包都好似幾吸引。但係因為今次我哋已經食完飯所以淨係帶咗蛋糕。餐廳嘅裝修都幾靚同埋幾文青好方便啲人食完飯之後坐低傾計飲嘢。我今次就叫咗一個大理石朱古力蛋糕，賣相非常之吸引，用嚟打卡真係perfect 食落去嘅朱古力味都非常香濃，雖然價錢就比較貴但係買埋餐廳嘅環境我覺得都幾值得比。如果下一次有機會我會嚟試埋佢嘅熟食。

我過左香蕉焦糖窩夫配雲尼拿雪糕。呢間野經常好多人排隊，今次終於比我入到去食！Yeah!😆😆😆呢個香蕉上面有一層薄薄既焦糖，兩樣野味道好夾！碟野一送上黎我見到呢個窩夫唔係格仔果啲窩夫本身有些少失望，但係又好食播，好軟熟！雪糕唔會太過甜，正！對於鐘意食蕉既我黎講，整體黎講有驚喜~😍😍

荳子這個名聽過好多次 港九新界幾間分店唯獨是荃灣這間人氣最旺 連住荃灣朋友都未食過因為每次都太多人排隊 亦沒有訂座服務難得請了半天假與媽媽到鱟地坊剪頭髮早一天openrice 見到salon對面就是荳子決定來碰碰運氣1：45pm來到 等幾分鐘就有位 午餐選擇十個左右 揀左黑松露軟殼蟹意粉薄餅只有千島醬帆立貝 媽媽唔食千島醬問侍應可否轉蕃茄醬底 佢答唔可以唯有叫不是午餐的套餐 最Classic的意式水牛芝士薄餅意粉很快到 上檯聞到黑松露香味 色香味俱全軟殼蟹酥脆不油膩 菇類多意粉熱辣辣新鮮（好重要！）加分加分加分好好食 我和媽媽光速清碟Pizza 餅底鬆脆 不是麵粉的死實重點係水牛芝士 海量！！拉絲😍記得上檯即刻食 新鮮熱辣最好食半個鐘 我同媽媽兩個已經清哂連杯檸蜜好飲過人 唔係平時加糖既蜜糖人氣名店 抵你咁多人排隊👍👍

之前已經聽過荳子食物唔錯，但初開時都要花上一段好長時間排隊，所以一直未有機會試下，今日去開荃灣，竟然不用排隊，就拿拿臨入去坐低。鋪頭裝修好靚，環境好舒服，我地一行3人坐中間長檯既其中一邊。因為剛食完晏無耐，唔係太肚餓，只係叫左小食拼盤及3杯凍飲。無諗過小食拼盤會好大盤、好豐富，有炸洋蔥圈、肉醬薯條、黑椒單骨雞翼和蜜糖烤單骨雞翼。洋蔥圈好香好脆，肉醬薯條是剛炸起，好大份，配上厚厚的肉醬，出奇地夾同好食。而兩種味道的單骨雞翼雖然味道不同，但兩款外皮都炸得好脆，黑椒味濃帶點微辣、蜜糖味脆脆甜甜，而且蜜糖夠多，雞翼的肉質又嫩滑，十分惹味!再加上凍朱古力及榛子朱古力，朱古力味夠濃但不算太甜，值得一試！