荳子 (海壩街) (已結業)

呢間基本上係喺諗唔到食乜情況之下，就會黎嘅飯堂！每次無論食乜嘅食物質素都好滿意！雖然佢食物質素好應該都多人知道，但係因為今日試咗新野 ，都想喺呢度同大家分享下！初初見到五花腩漢堡會有少少卻步，諗緊會唔會好 heavy , 原來係好細件嘅一個包夾住嘅五花腩，咁當然一定會有啲肥肉啦！ 出奇地好好味！ 而且份量唔多！ 女仔都啱叫仲要配埋沙律及薯條，唔使揀兩樣都有晒！咖啡就黎親呢度都一定飲㗎啦，咁今次就飲伯爵茶咖啡，伯爵茶味都幾濃，咖啡就略嫌唔多夠熱！最後見個肚都仲有啲位就叫咗個綠茶紅豆 waffle. 嘩！呢個真係不得了，性價比超高$58 賣相又靚伴碟嘅嘢多到都唔知食邊款好！真係做得好出色！👍🏻