影片
更多
2018-10-02
433 浏览
荳子係我最鍾意既cafe之一黎既次數大概已經多過一對手可以數到既次數食物有特色之餘 環境亦好cozy♡ 依家雖然開左好多家分店但我始終最鍾情於荃灣本店因為感覺佢係元老 一直見證住荳子既成長♡ 依次為慶祝友人生日再到訪因為友人表示唔太肚餓 所以我地兩個淨係各自叫左一份主食+一杯飲品然後跟餐叫左件cake黎share跟餐叫比平時單叫一件cake會較划算 只係$25 我同友人分別叫左傳統英式egg benedict同焦糖香蕉窩夫全日早餐♡荳子既egg benedict真係做得好出色只要輕輕力用叉一劃水波蛋 濃稠既蛋汁就會即時湧出水波蛋面層既荷蘭醬打得非常香滑而且味道濃郁 帶點咸香水波蛋底下既muffin亦焗得香脆可口成道菜搭配起黎就係多重既口感 非常滋味!伴碟仲有凱撒沙律 味道清新 令人開胃 可以用黎解解膩♡ 至於友人既全日早餐 我淨係試左窩夫同焦糖香蕉佢既窩夫係坊間少見既冬甩造型 非常可愛有別於其他小店 窩夫係走香軟既路線外皮雖然唔脆 但口感實在又富蛋香 配上鮮忌廉同蜜糖一樣咁好味不過近期既窩夫好似焗得冇以前咁靚會有少少變型 或者壓扁左而香蕉面層既焦糖亦烤得香脆可口加上果肉硬度適中 唔會過
黎既次數大概已經多過一對手可以數到既次數
食物有特色之餘 環境亦好cozy♡
依家雖然開左好多家分店
但我始終最鍾情於荃灣本店
因為感覺佢係元老 一直見證住荳子既成長♡
依次為慶祝友人生日再到訪
因為友人表示唔太肚餓 所以我地兩個淨係各自叫左一份主食+一杯飲品
然後跟餐叫左件cake黎share
跟餐叫比平時單叫一件cake會較划算 只係$25
我同友人分別叫左傳統英式egg benedict同焦糖香蕉窩夫全日早餐♡
$79
21 浏览
0 赞好
0 留言
荳子既egg benedict真係做得好出色
只要輕輕力用叉一劃水波蛋 濃稠既蛋汁就會即時湧出
水波蛋面層既荷蘭醬打得非常香滑
而且味道濃郁 帶點咸香
水波蛋底下既muffin亦焗得香脆可口
成道菜搭配起黎就係多重既口感 非常滋味!伴碟仲有凱撒沙律 味道清新 令人開胃 可以用黎解解膩♡
$78
21 浏览
0 赞好
0 留言
至於友人既全日早餐 我淨係試左窩夫同焦糖香蕉
佢既窩夫係坊間少見既冬甩造型 非常可愛
有別於其他小店 窩夫係走香軟既路線
外皮雖然唔脆 但口感實在又富蛋香 配上鮮忌廉同蜜糖一樣咁好味
不過近期既窩夫好似焗得冇以前咁靚
會有少少變型 或者壓扁左
而香蕉面層既焦糖亦烤得香脆可口
加上果肉硬度適中 唔會過熟而變得太淋
搭配住窩夫食就更加美味可口
至於飲品方面
我同友人分別叫左特濃朱古力同玫瑰泡沫伯爵鮮奶茶♡ 兩杯都要左凍飲
特濃朱古力&玫瑰泡沫鮮奶伯爵茶
$38
14 浏览
0 赞好
0 留言
一開頭仲擔心朱古力會好甜 但可能因為用左濃度較高既朱古力
飲落唔會好甜 而且仲飲到少少甘苦味
同埋朱古力上層仲有濃濃既奶泡 令高濃度既朱古力較易入口 為人接受
但友人就表示玫瑰泡沫伯爵鮮奶茶既整體味道較淡
雖然佢既茶味幾足 但因為溝左奶 成杯飲品既味道頓時變得較淡~
飲品上層同樣有一層厚厚既奶泡 仲放左些許玫瑰花瓣做裝飾 倍添美感
而且冰溶化時飲品既味道就更淡
最後到左甜品時間♡
友人揀左件叫「dark mystery」 既cake
蛋糕名俾人一種好神秘既感覺 令人有d好奇佢既味道
實際上menu上既甜品項目都已經列明左內裡既成份
不過一日未見盧山真面目
依然係會對佢既外觀同味道感到好奇
dark mystery
$25
22 浏览
0 赞好
0 留言
蛋糕送到黎時我同友人都被佢趣緻既造型吸引住
因為佢就好似一個扭計骰咁
但有別於一般既扭計骰 佢係以一個個既球狀物體組成
個d球狀物體原來係慕絲蛋糕黎
不過慕絲既質感有d奇怪 唔同平日食到既慕絲
佢係較厚身 同埋打到有少少固體狀
唔係入口即溶個種
而佢既味道亦唔係咁討好
係較為酸澀既檸檬味 有少少似洗潔精既味道
相信menu到寫左話有greek yogurt
但我就唔係好食得出
同埋蛋糕既層次較為單一 幾乎成件都係慕絲
蛋糕體只有底下薄薄既一層既
但亦係全件蛋糕最好食既部分
好彩部分慕絲加入左血橙 令進食時不致於獨孤一味檸檬味
雖然件蛋糕為今餐劃上左一個唔完美既句點
但我對荳子既出品仍然抱有信心
因為店家對烹調食物非常用心
呢一點唔單止體現係食物款式既獨特性
更體現係佢既服務態度 對客人既用心♡
我記得有次食緊甜品時
店員主動為我地送上清水俾我地解膩 真係好貼心
♡
希望小店能一直將呢種對客人既用心延續落去
精益求精!
张贴
