荳子 (海壩街) (已結業)

已經唔係第一次幫襯，幾年前第一次食嘅時候已經覺得味道唔錯，點知近幾年它的發展越嚟越好，在多區都有分店。不論是意粉、Risotto 定係炸物嘅都做得好唔錯，而且擺盤精美，呃Like一流。特別推介Risotto，有別於一般做法，反而原整個南瓜上盤。精美之餘都充分吸收到原有的味道，確實很值得去推介。唯獨有一個極大的缺點，就是枱的擺放很細很迫，所以坐下來並不是很舒服。 所以整體來說這裏是一個今享受美食的地方，但如果想找個談天的地方，這就有商榷的地方。

本來諗住過南豐紗廠打卡同試嗰度既coffeeshop，但見天都黑晒唔想搵路，就去咗荃灣區最熱鬧既食街——嗰頭既beans。餐廳有好多唔同既野食，見佢擺晒dinner menu我都有啲唔好意思齋飲咖啡阻住人；好在店員話冇問題，安排我坐喺吧枱。吧枱望住街景，又有小盆栽點綴下，氣氛唔錯。咖啡嚟到望落有啲似忌廉湯既格局😂😂😂木匙羹圓圓地又厚身，唔似用嚟攪咖啡。咖啡聞落幾香，飲落都唔算淡，當然未到哇一聲，但呢度地點就腳，環境又唔錯，就已經贏咗～

每次去到荃灣不知道吃什麼時就會不由自主地進入了Beans，剛好碰上了下午茶時段，點了一個午餐和一個下午茶。焦糖單骨雞翼配薯條 焦糖單骨雞翼超好吃，焦糖淋上雞翼表皮，但又不膩，甜甜的滋味配上嫩的雞肉，令人差點衝動叫多一盤薯條香口，熱辣辣，不錯！慢燒手撕豬肉Pizza 大愛這個Pizza！肉和菜的比例分配十分好，豬肉撕開了味道更濃郁，Pizza餅底不硬，餅底軟硬適中，每啖都咬到火箭菜和豬肉，口感超好 凍檸檬蜂蜜 蜂蜜味道濃郁，喝時記得拮拮檸檬，令蜂蜜味道更融和

本次見到招牌都係諗起戇豆先生傻傻咁，真係好攪笑可愛~~今次又黎左喇！！！唔算太多人排隊，前面有3個組合，我地好好彩，2人行，所以好快有位老實講，得個樣，難怪吸引咁多文青港女黎打卡，食物質素真係好一般!退步左…應該唔會再黎

今日和幾個很久沒見的朋友聚會 必然有很多事想分享beans 沒限時 而且裝修走文青風 很適合小型聚會今天叫了黑蒜蜆肉帆立貝意粉配熱檸蜜意粉有5~6隻蜆加幾粒帆立貝 味道頗不錯 鹹鹹又帶點甜 不過份量較少今個月正值我生日月份 朋友替我準備了小蛋糕 驚喜的是beans員工也送我一張生日咭 裡面更有三四句祝賀說話 非常有誠意

朋友介紹這間cafe，說很適合三五知己傾偈食飯。我好耐之前已經想試，不過時間不合沒有去過。今次正好試試這間cafe了。朋友說很多人排隊，所以要早些到。放工後大約七點前到達，好好彩，有很多位，不過係中間大枱和旁邊bar枱。我選擇了中間的大枱，也很舒服。我地點了三個餐，各包一杯飲品。可選檸檬蜜糖，薑蜜和咖啡。開心果芝士蜜糖pizza。未食過甜pizza的，幾有趣。底厚的，夠飽。味道唔錯。鮮蝦南瓜意大利飯。好大隻蝦，有南瓜粒，味道很好。小食係炸洋蔥圈。洋蔥圈沒有什麼味，點汁食就好了。旁邊有少許沙律菜，幾好。黑從露軟殼蟹意大利麵。當中有菇，材料算足，有一隻細蟹，味道可口，麵也好食。

在荃灣好的一個角街，會看見一間很有特色的小型cafe。Cafe門外經常排滿了人在等位。暫時最好吃的梳乎厘甜品是「香草雲尼拿梳乎厘」，就是以雞蛋為主，焗到外脆內軟的甜品，口感就像吃空氣😆

呢間Beans都黎過好多次，主要覺得佢既野食好味，咖啡又好飲！荃灣呢間分店地點又好就腳，所以間吾時都會黎一向欣賞佢既窩夫，好脆又實心，apple crumble又係我既至愛，好好味架！但今次因爲太飽，無叫到。淨係叫左杯hazelnut mocha!味道一如所料，好香，朱古力味吾會甜朋友叫左tea set既Egg benedict，配左杯熱薑茶。d蛋好滑，配埋牛油果汁好match!沙律菜亦新鮮！係荃灣想食返個下午茶，推介呢間

與相識20年的朋友食生日飯，我就唔會求其揀間食店，我會上網睇下邊間食店坐得舒服。而朋友仔好好人，就我返工時間前聚聚，試網找到呢間荳子，好評如潮，就相約朋友去呢度。第一次幫襯已好吸引，因為令人坐得好舒服，而且食物好吸引，我就點了南瓜鮮蝦意大利飯，朋友仔就點了黑蒜蜆肉意粉，配埋杯咖啡，真係好正，一定會再幫襯💪🏻💪🏻

放工後去到荃灣食晚餐，在街口轉角有間休閒既cafe，店舖分開兩邊，有面對面沙發式，我們選了bar枱面靠窗位置，又扮外國休閒feel我們點了千島醬蟹肉蟹籽pizza, 特式小食拼盤。本人很愛吃pizza, 所以呢個蟹肉pizza吸引到我，而且味道好正兩個人坐低傾下計，食下野，荳子是不錯之選。

琴日同班姊妹出去食飯，想搵個坐得舒服d又傾到計嘅地方，就揀咗Beans啦佢個餐牌都有好多選擇，重要係跟set有杯野飲，超抵食👍🏻我地叫咗個黃金蟹肉意大利粉，佢上面重擺咗個蟹殻做裝飾，食落都多蟹肉，重有蟹柳，總之就係正啦🤤本身就好鍾意食菌類，所以又叫咗個黑松露什菌意大利飯，無論係黑松露定什菌都好足料，隨時隨地重多過d飯🙈之後重叫咗個開心果馬蘇里拉芝士薄餅配蜜糖，不過冇影到相，d蜜糖畀得好夠，成個薄餅都係芝士，而芝士上面鋪滿咗碎嘅開心果，勁好食！野飲方面我就唔想飲跟set嘅野飲，叫其他野飲就野飲嘅正價減8蚊，咁我就叫咗杯凍榛子朱古力，榛子味同朱古力好夾，唔會話太甜，上面重有d cream令到杯野飲更順滑，更易入口。

座落荃灣區中心地段角落既荳子Beans，落地玻璃設計，平日晚飯時段以及假日都會出現長龍。同朋友bookmark左呢間cafe好耐，一直唔想排隊冇去試，咁啱同朋友一行三人約係荃灣食飯，時間比較晏(都9點)，去到冇人排隊仲可以即時入座。內部裝修偏向簡約、文青風，Beans除左有主食Pasta、pizza、all day breakfast、小食類，仲有好多食評都有推介既甜品。同場見到隔離幾枱放上賣相精緻既甜品，加埋花茶，配合如此Chill既內部裝修，十分適合打卡。我地點左黃金蟹肉意大利粉、黑松露軟殼蟹意大利粉、北京燒鴨蒸包漢堡配薯條沙律，另外再加左客焦糖單骨雞翼。意粉同埋漢堡都係ALL DAY MENU，包檸檬蜂蜜/ 蜜糖薑母茶/ 美式咖啡一杯。咸香味不錯，個人覺得有少少漏，適合同朋友share黑松露味偏淡，軟殼蟹香口好味配搭新穎但蒸包太厚，口感一般推介雞翼炸得香脆可口，配合焦糖味道一流，食落非常方便下次再黎一定要試下佢地既甜品先得 

先講主食🧐🍽我會略嫌個意粉底煮得太”林之之”，龍蝦还是可以的。飲品☕️🍹我呢咖啡控肯定係點咖啡啦🤪🤭我欣賞佢好夠熱，我估計佢有先熱左d奶，這點...很加分，好多大品牌因爲速度，係唔太會咁做。我朋友果杯我就無試過，不過佢有讚好味(佢好難服侍架....)🙋🏻‍♀️甜品1.疏乎厘。勁正，正在外面係有”脆口感”。2.拿破崙。廢話唔講。可以媲美Tony Wong。最後一提係裝潢好wooden ，簡約美☀️

不了！食物及咖啡可以，但生意愈好、服務愈差，假日要排隊又唔relax，雖然附近cafe選擇唔多，寧願行遠啲去第二度，以後都唔幫襯呢間。Food and coffee was okay, had to queue for long. The service is getting worse and worse. Not coming anymore, rather walk further to other cafe to enjoy my relaxing time.

荳子近年黎越開越多荃灣分店開多個舖位但排隊嘅人仲係咁多晏晝排隊太陽曬到正無番咁上下耐力唔掂.座位距離都比較狹窄方便搭枱整咗豬肉枱感覺爭咁啲私人空間裝修簡簡單單小清新生意好旺員工欠禮貌餐廳廁所長期未維修人有三急要行十分鐘.賣相好靚海鮮交足課有蝦魷魚帶子魚同蜆仲有芝士脆脆點綴吓驟眼睇落賣相一百分啲海鮮唔會煮得過老但上咗層好鹹粉漿煎而啲意大利飯好一般有墨汁味但煮得太淋破壞上菜嘅美好印象食完覺得幾有心機做會回頭但唔會叫呢款