荳子 (新城市中央廣場)

营业中

休息中

星期日同朋友好晏先出動，諗住去沙田IKEA 行下，經過Beans 見無人排隊，咁就先入去食個brunch。Beans 一向都喺一間好舒服嘅餐廳。我哋叫左2個lunch set：手撕豬仔骨漢堡配薯條應該喺第一次食手撕豬仔肉漢堡包，加埋隻半熟太陽蛋，賣相好吸引。豬仔肉同bbq 汁好夾亦好入味，個人覺得有驚喜，加上少少沙律菜，食完唔會好溜。而薯條就正常嘢，無咩特別。黑魚子煙三文魚蜆肉意大利粉上碟都幾靚㗎，面頭鋪咗一片煙三文魚，加上黑魚子點綴，算有心思。而意粉都好夠creamy，用白汁煮既，但入面只有幾隻蜆肉，意粉份量亦比較小 食完，又點會唔order返個甜品，咁多選擇，真喺好難揀。圓形檸檬tart加上招牌糖廂Beans logo，表面有小小燒焦嘅cream，賣相幾得意。甜品唔喺好甜，只有淡淡檸檬味。

好耐冇入沙田，打算同男朋友去睇Pixar展順便食lunch。醒起之前聽過荳子呢間餐廳又見價吳貴又多人推介，一於試下！12:30去到已經吳多滿座！好彩我地都吳泥排隊。我地叫左2個午餐:黑松露軟殼蟹意粉 - 雖然佢同我地講軟殼蟹係即炸，又等左好耐先有得食，但食落吳太熱，有D覺得係翻炸。。反而D黑松露幾香！成間餐廳都好香黑松露味！黃金蟹肉意粉 - 蟹肉主要係蟹柳，但都有少少蟹肉絲。汁係普通白汁加咸蛋黃。之後再點左個甜品:Stone: 外面係芝麻mousse，入面有蘋果粒，柚子mousse。一向吳食芝麻ge我都覺得呢個呢錯！連埋D餡一齊食，芝麻味冇咁勁。。😋😋整體泥講，我覺得係吳錯ge，但冇D人講到咁好。反而甜品係吳錯！但因為價錢平，所以以拍拖想平平地食一餐，都可以考慮！

因為住附近，搬屋經常去 ikea。homesquare 得幾間餐廳，另一間cafe 又好差，所以成日都去beans 食野。Beans 裝修modern又green，感覺好舒服，坐位唔算迫，要調位侍應都會配合。食物方面，試過大部分既咸野都好食，用心整又有賣相，好合理既價錢，仲送飲品。加$25可以揀個靚cake食，d cake 全部賣相同味道都好，個人最中意抹茶蛋捲，唔太甜。埋單會有個捐款信封去整飯盒俾有需要人士，都算有social responsibility。服務態度大多都好nice，睇得出同事間相處幾好有spirit。有一次去幫我落單嗰位男士超有禮貌，問番其他侍應先知原來係老闆😂 一個好老闆係可以感染成間cafe架希望香港有多d好似Beans既有質素cafe，加油😊

星期日晚上大約六點半去到, 門口已經有少少人排緊隊。幫我地登記嘅staff話, 由於冇限坐幾耐, 所以有可能要等一段時間。佢亦有offer坐少人選擇嘅bar枱, 或者outdoor枱但以外賣形式。因為我想坐得舒服D, 所以就寧願等多一陣。另外都要注意要過半數先可以入座架, 所以如果多人食就記得叫同伴唔好遲到lol其實我地前面好似都係等三四張枱, 但可能入面D人傾得太投契或者fine dine緊, 所以都等左成半個鐘。不過而家出名嘅餐廳可以任坐都真係買少見少, 所以條氣即刻gur D!入到去, 其實個環境睇落都算唔錯, 不過卡位嘅枱比較密集, 所以同隔離枱都靠得幾近。我地叫左一個main course, 一個小食, 同兩個甜品。估唔到軟殼蟹幾大隻, 炸得好香好脆。黑松露係我嘅至愛, 聞到陣香味寧舍精神。意粉都唔會太淋, 其實個汁嘅味道算唔錯, 好可惜咸左少少。意粉都幾細碟, 所以唔洗驚太飽, 放心叫甜品哈哈哈。Main course 會跟一杯野飲, 我地叫左熱啡, 都幾香。呢個雞翼好食呀!皮脆肉滑, 加上焦糖嘅香味, 又甜甜地, 令人好開胃。不是唔好睇佢好大碟, 單骨八隻, 其實即係四隻

1. 黑松露軟殼蟹意大利粉好好食，真係做到Al Dente，黑松露好香，一隻炸香軟殼蟹，好match，無敵既組合2. 帆立貝菠菜意大利飯味道正常3. 豬手豬手面頭有層甜既汁...怪怪地，比較乾身，味道一般。d酸菜反而幾好食4. 單骨辣雞翼好似譚仔土匪雞翼，所以係好食既5. 朱古力心太軟新鮮整，好食，有流心

朋友介紹沙田宜家傢私隔離有間新開餐廳，呢間其實分店都有幾間，今次呢間就響沙田，位置唔算近，因為要響火車站行過去宜家傢私呢邊先到，不過咁又唔錯架，因為唔會太多人迫響呢度食嘢！今次嚟試lunch，佢哋係有set lunch嘅，包飲品同主菜，可以加錢要沙律，甜品，薯條之類嘅！我哋揀咗黑松露野菌意大利飯同帆立貝白酒蜆肉意粉~個意大利飯好香好香食得出廚師落重料！不過如果可以林少少就好~朋友食嘅意粉都唔錯我哋飯後再揀咗自制甜品，每日鮮制8款任揀，太多選擇最後揀咗件個樣幾靚又幾大件嘅香蕉肉桂批！不過呢件cake真係不得了，如果超愛食cream嘅朋友就會愛上，但如果唔太鐘意cream嘅朋友就會掉咗啲cream佢，我哋就係後者，因為估唔到啲cream係禁勁，其實質感係好滑好creamy嘅，不過1件其實可以兩個人share我哋飲品嗌咗黑糖薑母茶同檸蜜，唔錯唔錯，不過細杯咗少少，如果個杯大少少就超讚了！其實呢度唔太嘈，可以傾吓計食吓嘢，真係唔錯，沙田又多個新地方hea了

我一直好鍾意食beans嘅軟殼蟹意大利粉，午餐時段六十幾蚊連野飲好抵。今日終於有機會帶妹妹黎試。但係基於我已經食咗飯，所以只係叫咗一件蛋糕。單點嘅價錢係60幾蚊，唔會捨得食。但係連套餐就只係加25蚊！呢款蛋糕叫stone。我係比佢可愛嘅形狀吸引，真係好似石頭，上面仲有條草！外層嘅幼滑嘅慕絲好香黑芝麻味。裏面就係柚子醬同埋蛋糕，整個蛋糕味道唔錯，層次豐富。總括嚟講，蛋糕唔會過甜，口味清新特別，期待下一次再嚟食其他款嘅甜品。

Homesquare 無乜嘢簡。。入左呢間。。軟殻蟹意粉。。。個蟹。。。我覺得太over cook 應該一早炸定。。。。唔好食。。意粉。。我覺得唔夠熱。而且好硬，食完un住個胃。。汁又一般。。。無特別。。。唔好食，份量小叫左芝士水牛pizza賣相好一般，d草幾條咁係面。。蕃茄得2粒。。可能好貴d蕃茄。。記得。。。要即食。。。因為起碼仲熱。都脆ga。但就成塊麵包咁。。無cheese 味。無乜料。。唔好食唔會再黎

呢個星期六，家姐約咗一齊睇戲，撞正睇戲係七點幾，不如就食個飯先啦😋😋家姐之前一直話想嚟試，原來佢唔知間荳子係開係IKEA 個層🤣 **想飲水要自己出聲 同埋（我估係）Tap water 有少少味雖然兩個人食，但唔細食嘅兩姐妹梗係兩個餐之餘嗌多少少野食 ！ 兩個人唔想嗌個大沙律，加細沙律一樣唔錯！啲醬唔係淨汁面，每條菜都有沾到。一人份量嘅龍蝦湯，龍蝦就無啦，但就有蜆、帆立貝同蝦。湯味真係有龍蝦味！微微嘅澀味，非常驚喜！跟住係唔記得咗上之嗌咗覺得有啲硬嘅飯🤦🏻‍♀️🤦🏻‍♀️我失策😭勁多芝士嘅薯條！超多芝士醬，啲醬留到底都有 ！ 👍🏻👍🏻等咗好耐pizza終於到，繼續係最鐘意嘅千島醬配搭 。啲料好足，薄批夠脆，值得一等！跟餐飲品，熱檸檬蜂蜜，最笠笠，唔會太甜

星期六晚上6點去到沙田分店，排隊人不多，只有4位內地客人，我2位排係佢地後面，排左5分鐘，見d帶位果位侍應小姐係餐廳內行黎行去但都無留意過外面有幾多人等緊，咁我行去前面睇下menu先啦，望入去，我明明見到餐廳入面有2人位但侍應小姐都無打算俾人入，於是我就同佢講我2位等緊，佢即刻話2位長枱有位，即係如果我唔問就會等到2046🙄咁岩就有張2人枱埋單走，咁我就問佢坐果張得唔得，佢話唔得，要hold枱hold到隔黎張枱都走埋咁2張圓形2人枱俾4位坐。我話咁你留俾佢地啦，然後佢語氣好差咁話: 咁你去後面排隊！我心諗，你咩態度？我就係排左一段時間無人理先上黎問下你，你講到好似我無排隊想插隊咁？我忍住無話佢，同佢講我老公已經排緊。佢先問我坐唔坐長枱，但唔會掉返位俾我。我心入面已經好嬲😡😡😡😡咩服務態度？仲負責做帶位。坐低之後叫左2個main食龍蝦餐唔錯，包餡多肉，不過個包係凍的，唔知係咪個整法係咁，因為之前我食過其他店唧龍蝦包都係暖的。跟餐叫左薑茶，好重薑味，我覺得幾好，不過唔食得辣嘅人唔建意飲，會覺得辣老公叫左安格斯漢堡，侍應問要幾成熟？🤔照答要左5成，食物賣相係吸引的，但係個包好伏，塊牛其實係全

自己已不是第一次光顧。話說當它還在荃灣街角的小店時已經光顧。現在開了沙田分店近了屋企，雖然說不上是熟客，但每幾個月總有機會來一次。自己一直都很喜歡豆子，但最近很可能因openrice評分高，老闆開始有點鬆毛鬆翼之勢。最近一次光顧是今年十二月的晚餐，那次和朋友點了烤雞和沙律再加甜品。烤雞雖然賣相精美，但食落實情是烤雞沒有味，肉質也很鞋，水準已大不如前。沙律點的是烤牛肉，但原來只用了拿來夾三文治的肉，朋友大感中伏！而且份量也太小，連朋友食了下午茶才來的也不夠飽。甜品也hea了，只是賣相精緻但味道十分普通。感覺有點似為呃like。另外使我和友人都大感不滿是待應哥哥的態度惡劣。當晚明明餐廳內有十多張空枱也不安排客人入座。似有刻意令客人在門口排隊之疑。埋單時我和隔離枱的客人都被收多了錢，但待應哥卻攞出一副事不關己的態度。連一句“不好意思”也沒有。見住一間原本好有心的食肆越做越大，但就越做越差，真的感到很可惜！

這間餐廳新開張時，已經很想去試試，無奈當時太多人排隊，只有放棄。今日路經沙田，就專程步行去新城市中央廣場光顧。餐廳近宜家傢俬，人流很暢旺，可幸我去得尚早，很快已可安排到座位？餐廳內有一部分室外座位，如果天氣好的時候，相信在室外進餐會感到很舒服。午餐價錢只包括主食和飲品，不過亦可另加錢加配沙律、餐湯、小食或甜品，比較彈性。千島醬蟹棒蟹籽帆立貝薄餅材料和味道都很好，可惜薄餅烘烤時間掌握得不夠好，餅底太軟，不夠香脆。黑蒜蜆肉帆立貝白酒意大利粉用黑蒜入饌很特別，甜甜的黑蒜與帆立貝和蜆肉，原來可以配合得很好， 不過白酒味就唔多感覺到。個人認為午餐有餐湯、主食和飲品會較好。如果是價錢的考量，可以考慮給客人選擇要餐湯或飲品，相信會比較受歡迎。

是日入沙田拜山，拜完山梗係要搵野食醫肚啦！近近地去左中央廣場搵食，咁啱見到荳子，雖然要排隊，但戈度無乜餐廳揀，所以照等啦！好彩等左3個字左右就入得，都算好快喇！卡位最多坐到6個人，唔算迫。星期六無下午茶餐，要散叫！小倉紅豆泡沫鮮奶綠茶 - 奶味好重，蓋過綠茶味，紅豆蓉偏甜。Rainbow Latte - 拉花好靚，但味道無特別，無乜咖啡味。薑汁梳乎厘 - 要等30分鐘，梳乎厘唔算發得好高，影相唔夠靚😂，但真係有薑汁味，蛋味好香，有入口即溶既感覺。伯爵茶流心吐司 - 流心醬唔夠，只有其中一邊有流心，切完準備拍片戈陣，流心已經流完！😂 不過味道唔錯，伯爵茶味香濃唔太甜。肉醬薯條 - 新鮮炸起既薯條，唔算太油。焦糖單骨雞翼 - 味道ok，但比較細隻，無乜肉食。之前去過荃灣、大埔分店，感覺呢間味道無咁好，唔算特別出色。不過呢間鋪比其他兩間係舒服d，空間感較大，週末喺度Hea下都唔錯既！

波士頓龍蝦肉放在竹炭包裏面，由於太多醬汁掩蓋，所以沒有龍蝦的味道。因為醬汁混合在一起吃不到包的質感，龍蝦湯不錯雞翼炸得太乾，沒有鹹味，味道淡，喜歡孜然的人可能會失望😞

來 Ikea 呢邊行街最大問題係無啖好食. 今次就揀食 beans, 但真係好多人排隊. 因為其他麵唔想食，就只有排下啦，點知就排左最少半粒鐘等緊位時，小姐有問願唔願意坐 outdoor. 咁就即有位 + 唔收加一. 雖然 outdoor 環境幾好，但用餐就要食外賣咁用紙杯碟，感覺唔多好. 最後都係乖乖排隊等入面. 呢度叫完個 main + $20 有 Caesar salad，本身都想食，但又驚太飽都係無叫. 我 order 左黑松露意大利飯. 一上菜已有濃濃既黑松露香味沖入鼻. 大愛！ 飯既軟硬剛好. 最欣賞係洋蔥炒得夠，爽而香甜，而菇又夠多，balance 返白汁既漏. 的確好味！最後飲埋跟餐的薑茶. 滿意！