荳子 (PopCorn 2)

营业中

休息中

平時經過都見多人排隊，但一直都冇機會食。終於（？）有朋友約喺將軍澳，咁就不如試一試啦！一樣要排隊，但傾下講下，商場內有冷氣又唔太日曬，時間都唔難捱。👌🏻排緊時睇左食評，甜品，all day breakfast 同立體拉花咖啡都吸引⋯坐低諗左一排先決定到食咩：叫左個多士+意粉，一人一杯咖啡。 唔記得影意粉⋯一黎就叉左落去😂 外觀正常，味道正常，係好味既🙂至於咖啡同甜品，靚仔靚女d，所以冇忘記影😜玫瑰咖啡☕️：聞落小小玫紅味，飲落更覺。咖啡味唔錯，唔太濃唔太淡（冇因太濃咖啡因而特別心跳，亦唔會淡到淨係得玫瑰/奶味）下次可能會再嗌😇立體拉花咖啡☕️：冇試飲，但影相靚，放落枱嗰下‘好得意呀’ 都夠啦係咪？我嗰杯☕️ok，其他咖啡應該唔差得去邊嘅⋯甜品：茶多士lava toast ：切開真係流出黎㗎😆麵包夠脆，lava 唔太甜👍🏻👍🏻我幾鐘意～有機會一定再食～可能試下另一款lava ? 😋

每次都見到門口一大條隊，好多人，今次七點幾到，等左25分鐘左右就有得入。裝修好靚，環境好舒服，好岩約朋友食個飯傾下計。嗌左個3D拉花既焦糖燉蛋latte😋😋勁靚好Q🤩🤩🤩每枱限嗌一杯3D拉花🤪 另外野食方面嗌左小食拼盤，水牛芝士pizza，烤豬仔骨半份，同埋黑松露野菌意大利飯。小食拼盤好豐富🤤有黑椒單骨雞翼，蜜糖烤單骨雞翼，肉醬配薯條，炸洋蔥圈。雞翼外皮烤得好脆，好入味，超級惹味！薯條好大份，薯量多，又脆又足料。另外水牛芝士pizza芝士拉到絲🤤啖啖芝士好幸福🤤麵包好軟熟，正！而邊位又夠脆！烤豬仔骨，半份都已經好大份！！肉質有啲過左火，少少鞋，唔夠淋。不過個醬汁好好食！！底下亦有好多薯條最後黑松露飯就唔錯，重黑松露味，菇都多。呢度既侍應好勁，落單唔洗抄低，就咁記到笑容仲好好！侍應服務態度好係會令成餐飯加分

講真食過幾次都覺得食物唔錯，有啲服務員態度亦好好，個個都好smart,佢日日人竗都長。今次，我終於享受到佢地嘅下午茶，真係好抵。兩個人食咗四個餐都係二百幾蚊。我一定會再嚟

一直都想搵機會試下呢間CAFE, 可惜每次經過都係大排長龍, 難得平日放假又未係其他人放飯時間, 可以直接入座!機會黎啦.............飛雲............仲唔入內坐底咩?! (哈..哈......)呢度嘅環境開揚又有自然光入內, 感覺幾令人舒服, CAFE就是要這種感覺及氣氛午市套餐由朝早11點至下午6點, 有多款食物 (麵飽/意大利粉/薄餅/意大利飯/漢堡飽), 價錢都係幾十蚊就有交易, 抵食喎!點了呢客燒黑椒牛肉水牛芝士帕尼尼配薯條 ($58), 份量豐富, 除左原條帕尼尼外, 仲有薯條及沙律菜!主角帕尼尼焗至熱辣脆身, 已切成二件方便進食, 入邊夾住塊燒黑椒牛肉, 牛肉食起黎有濃香黑椒味, 唔算太乾身; 仲有熱溶左嘅軟滑芝士, 倍感滋味!薯條炸得夠乾身唔會油淋淋搞到好快變軟; 食埋個沙律菜平衡番個飽嘅乾度, 實在太滿足餐飲包美式咖啡/檸檬蜂蜜/黑糖薑母茶, 選擇美式咖啡, 杯子精緻, 奶壺仔係暖過嘅, 咁就唔驚倒奶之後令到咖啡變凍, 細心位咪呢D囉!  杯咖啡坦白講普通水準, 咖啡味OK, 用黎止住條咖啡癮係合格嘅!

有朋自遠方來，不亦樂乎！天氣晴朗的星期天，相約由海外返港省親的朋友，來到將軍澳 PopCorn 的輕食意式餐廳［荳子］吃午飯。今次已經是我第三次幫襯這間餐廳，根據過往的經驗，我們11點多鐘就到達了餐廳，排了大約十幾分鐘派到了一個近窗邊的圓檯，過程還算順利👌。三位女生點了三個餐跟三個甜品一起share，外加三杯特色咖啡☕。［芝士焗西班牙辣肉腸茄子薄餅包］HK$ 88 另收加一。碗中裝滿熱辣辣的芝士焗肉醬茄子，上面鋪著一個半熟太陽蛋和四片西班牙辣肉腸，用新鮮出爐的薄餅，蘸著醬吃或者是將醬抹在薄餅上吃，不失為一道濃郁香口好吃的主菜🍕。［黑松露軟殼蟹意大利粉］HK$ 98 另收加一。由外觀已經見到有足夠量的黑松露配合著芝士、忌廉和蘑菇，緊緊裹住碟中的意粉，加上那隻炸得酥香，肉質細嫩的軟殼蟹，這種香濃與鮮美的層次感徹底征服了我們的味蕾😍。［小食拼盤］HK$ 118 另收加一。大大的拼盤中有香脆的［啤酒洋蔥圈］、新鮮炸出爐的［薯條］和厚厚的肉醬、醃漬過的濃味微辣的［香辣雞翼］和外表脆脆甜甜的［焦糖雞翼］，這兩種味道的單骨雞翼雖然味道各異，但不變的是雞翼的肉質嫩滑帶汁，實屬美味之選👍。女生聚餐，一定

將軍澳區，感覺似小店咖啡廳而又高質既唔算好多，仲要係商場入面既小之又小，Beans就係呢個綠洲，好食得黎又無咩商業味，可以放慢腳步，食一餐。份量雖然小，但係一般既女仔都應該食得飽，男仔就。。。最好加多個肉醬薯條，都係好好食，特別鍾意食淋身薯仔比較多既人一定鍾意!😬😬😬

今日出去Popcorn high tea，見食評幾好，就簡昨荳子試一試，最後等昨大約一個鐘先有位。4點先入坐，已經有少少肚餓，所以簡昨2個比較飽嘅set。Duck with waffles見幾特別，但一試就後悔，鴨好好好鞋。Waffles 食嘅時候已經有d凍，但仍然好軟，不錯。小食拼盤有2款雞翼，都好好味，洋蔥圈不錯。肉醬薯條就有少少奇怪。其實我地係為昨呢杯3D latte 而來，點知來第一杯嘅時候無3D，我地就問店員，原來要落order嘅時候講明要3D先有，所以唯有叫佢第2杯轉3D。3D好可愛，可惜唔熱，有點失色。

The lunch set includes a main course and a drink + an optional salad or fries at a small additional cost. The dishes we tried were very good and the quantity perfect for a regular lunch. We also added some desserts and those were delicious!The atmosphere of the restaurant is very nice, casual and soothing with greenery around. The lunch prices are really reasonable too (~70 for a set).

Lunch time 等位等左好耐 為左食就要早d去排隊等左大約20分鐘左右先有得入去我地多人食 可以叫多幾款大家一齊share有蕃茄肉醬溫泉蛋長通粉、卡邦尼黑松露煙肉意大利粉、千島醬蟹棒蟹子帆立貝薄餅、燒黑椒牛肉水牛芝士帕尼尼薯條、手撕豬仔骨漢堡薯條跟餐仲可以叫40蚊以下既飲品我地怕唔夠食 我地再+$20 叫左個Caesar salad & +25 車打芝士薯條最特別既係手撕豬仔骨漢堡 麵包鬆軟 太陽蛋再配上豬肉 口感一流😍超級好味另外，千島醬蟹棒蟹子帆立貝薄餅，個餅底好脆、芝士又多 好好味

喺除近想食啲甜品，記得食過荃灣"創始店"都唔錯，難得呢間唔洗排隊就入嚟再試試。雖然梳乎厘幾吸引咁，但呢個布甸比較特別，我吔就先放棄梳乎厘。個樣好似冇咩特別，但味道就有驚喜，芝士味唔怕好濃，唔會蓋過雞蛋味，特別之餘仲好好味!另一個就係店內好多人食嘅抹茶甜品，餐牌上標示住係用小山園嘅抹茶，所以超鐘意抹茶嘅我睇完餐牌就諗都唔諗揀咗呢個，真係好特別，最正係一次過食到唔同嘅抹茶甜品，下面仲有啲nitrogen，拎嚟嘅時候仲有啲白煙，好有gimmick，無論抹茶芝士撻定係雪糕，都好夠抹茶味，唔會太淡，又有抹茶曲奇碎伴碟，增加口感，正!呢度出名嘅飲品，係幾靚，但飲落就同普通Latte冇咩分別。

每次晚餐時間經過Beans都會看到有人排隊，就算想吃也餓到不想等，這次六點多到達，人龍不算太長，就決定在這裡吃晚餐。點了一份黑魚子煙三文魚蜆肉意大利粉($98)、一份黃金蟹肉意大利粉($98)、Caramel Banana Waffle($58)，加配一杯荔枝玫瑰梳打($30)。黑魚子煙三文魚蜆肉意大利粉賣相吸引，煙三文魚捲成玫瑰花形狀，黑魚子作點綴。黑魚子份量不多，味道鹹而不腥，三文魚有淡淡的煙燻味，入口肥美但不油膩，連殼蜆肉鮮甜爽口，忌廉汁香滑，醬汁濃郁，掛在意粉上，意粉軟硬適中，有嚼勁。黃金蟹肉意大利粉有蟹蓋伴碟，蟹棒爽口，不會過於軟腍，醬汁的蛋黃鹹香味十分濃郁，鹹而不膩，亦不會蓋過忌廉汁的香味，配菜蘑菇和洋蔥清新，唯獨是醬汁中的蟹肉份量有點少，不夠滿足。荔枝玫瑰梳打味道清甜，甜度適中，帶有玫瑰香味，還有粒粒椰果。念念不忘之前吃過的Caramel Banana Waffle，這次也點了一份，賣相不同了，味道也很不錯。窩夫同樣外脆內軟，淋上甜度適中的焦糖醬，蛋香味沒有被蓋過，冰冰的雲呢拿雪糕配上熱騰騰的窩夫，入口即溶。燒過的香蕉上有焦糖脆片，味道苦中帶甜，加上荔枝味爆珠和酸酸甜甜的

今日無無聊聊，自己去咗行街，行行下見有啲攰，就諗住去high tea，順便休息下。見到荳子唔係特別多人，所以就入左去，主要都係想食個甜品，飲杯野，於是就叫咗個拿破崙同一杯Mocha。食物擺放得好有心思，點影都好有質感拿破崙好鬆脆，充滿牛油香味！入面吉士醬味道剛剛好，唔會話太甜同埋食到溜！至於杯Mocha都好香，味道中規中矩。呢度環境都好舒服，店員亦都好友善，好適合同朋友嚟談心或者自己一個靜靜地坐下！

咁靚嘅景，點唔入去吖! 真係只嘆杯茶都好! 但我又點會忍得唔食吖，仲有靚靚蛋糕呀!🤣美式凍咖啡同越南咖啡有得比，濃香，入口好滑，不加糖奶好也可!😋蟹肉牛油果他他: 真係未食過咁鮮味嘅蟹肉， 牛油果味亦見明顯。側邊有幾塊薄餅都令你雀躍! 有著點點印度風味，香脆好食! 用黎包住牛油果食，一絕👍黑椒牛肉水牛芝士Penini: 個包脆得黎有口感，有層次，唔會吉咀。薯條做到係焗同炸之間嘅感覺，唔熱氣得嚟好香，微脆!G.T Roulade: 係一個大卷蛋，質哋鬆軟，配上日本抹茶粉 ，味道特別純😋Stone: 係芝麻同cream cheese嘅混合體，雖然有點heavy, 但絕對要食,因為芝麻味好香，夾埋裏面嘅cream cheese，唔知點解會咁好食!兩個人都係二百😍

早前家人🧑🏻生日，就帶她來了這一家我蠻喜歡的連鎖店，來一個豐富的晚餐🥂。波士頓龍蝦龍大利粉🍝：今天的胃口不大好，簡簡單單的一個意粉就算了。龍蝦🦐肉質鮮甜，配上點點的調味已經很好吃😋，口感頗紮實。意粉醬汁濃郁👍🏻，加上有點點硬的口感，蠻有嚼頭的。手切美國肉眼扒🥩．新鮮蔬菜🥦．薯仔🥔：家人喜歡吃牛🐮，就為她點了這一個，但她不吃生，所以是叫了medium well的。可惜的是，上菜後切開，這個看起來是medium well嗎😨？頂多也只是medium。無可奈何之下，唯有跟店員說要廚房再煮煮👨🏻‍🍳，這一煮，牛肉寶貴的肉汁都沒了，浪費了牛牛的犧牲😭。而說真的，再煮了後我也看不出有多大的分別🤦🏻‍♀️。總結：其實除了那塊可憐的牛扒🥩外，其他的都不是太差的，下次還是來吃甜品🍨好了。

每樣野睇落都好好味價錢係相對 我認為合理一入到去好多情侶一齊吃隔壁枱叫既同我好不同但望落都勁吸引第一樣來既送就係只雞呢隻雞好林 冇乜骨 好入味配菜點汁都好香好好吃推薦主餐 牛柳 八成熟好un有煙肉包住蝦係烤過 上枱時間相對比較長黑松露味薯條無得輸好香 但可能牛柳太un所以我覺得隻雞好食好多再黎小食拼盤雞翼係單骨 入味好吃但薯條麻麻相比起呢個薯條既醬無乜味而洋蔥圈入面係真洋蔥茄汁有d淡味但整體係ok 的主餐配左兩杯野飲味道冇特別但杯子很吸引文青丫