荳子 (PopCorn 2)

营业中

休息中

今日經過呢間餐廳突然好想坐低飲杯coffee平時長時間都排晒長龍，今天下午茶時間竟然冇人排隊當然即刻入去坐低啦，享受一個優哉游哉嘅下午。下午茶時間呢度有下午茶又有午餐選擇，如果揀午餐就要飲指定飲品。價錢都相當抵食我就叫咗個伯爵茶多士配Rose Earl Grey Latte 呢杯Rose Earl Grey Latte 真係好好飲覺得好滿足呀呢度個裝修都好靚好舒服，坐喺度飲杯咖啡食件餅上下網真係不錯，享受一個休閒嘅下午🥰

西式cafe餐廳，點左招牌黑松露軟殼蟹意粉，焦糖單骨雞翼，仲有All day breakfast，軟殼蟹炸得好好食，好脆，一口蟹一口意粉，簡直享受，焦糖雞翼都整得幾用心，剔除左一條骨，煎焗得好入味，肉感又好，All day breakfast分量足，麵包口感好好，鬆軟，跟住整多杯latte，但係呢度排長隊，如果要食就要早翻小小過黎排隊摞位了。

今日嚟到將軍澳覓食， 平時都見呢間beans勁多人排隊，可能因為已經係傍晚九點，今晚唔使等位，所以就黎試吓啦抹茶窩夫 $58呢度嘅抹茶窩夫同我想像嘅有啲唔同，個窩夫外表有啲似donut, 上碟係熱辣辣，食入口係勁軟，好食。而且可以見到佢配料勁多，有抹茶醬汁 同應該係牛奶醬汁，玉桂蘋果同紅豆，仲有兩個雪糕，呢個價錢我覺得OK，會再嚟食下其他甜品

早排行將軍澳嘅商場，行行吓就行到呢間餐廳門口，見到都有啲人喺度排隊，所以就進入呢一間西餐廳度試一試。小編幾鍾意呢一間西餐廳嘅手撕豬漢堡，因為喺坊間嘅西餐廳唔係經常有呢一道菜式供應，而呢一間西餐廳所烹調嘅呢一道菜確實幾好味嘅，手撕豬質感烹調得相當唔錯，其他菜式小編就覺得烹調得都幾好，但係就唔知點解缺乏左一種驚喜，呢一間餐廳價錢相對來講算係貴，但食物水準都幾好，係聚會嘅好地方，呢一間西餐廳都有幾間分店，相信小編都會去其他分店再光顧。

入將軍澳食咩好？🤔朋友推介呢間荳子 話好多人排隊一入門口覺得環境幾靚 好chill 朋友：黑松露什菌意大利飯（上）我：焦糖香蕉熱烘窩夫全日早餐（下）朋友：熱牛奶（上）我：黑糖薑母茶（下）

生日正日去食西餐，睇環境好似唔錯，價錢唔算好貴，一個飯大概100至120左右，貴都唔係問題，食物好食就可以，但最失望嘅係個墨魚飯👿👿，成138但完全冇味🤕，份量勁少，一碗飯都唔知有冇，啲海鮮就還好。海鮮pizza係成餐飯最好食， 算足料但細件。拼盤還可以，幾大份，有肉醬薯條，兩款雞翼，洋蔥圈，中規中矩冇特別咩好食。黑松露意粉，黑松露唔香😢😢😢。。。真心食薩莉亞仲好食❗️❗️❗️❗️強烈建議大家千祈唔好去食，但我見到甜品好似唔錯，大家去食甜品就好啦🤢唔好食正餐🤢🤢

難得早收工，可以同屋企人去食下經常大排長龍的Beans，大概等左15分鐘就有位，算係好快喇！我叫左焦糖香蕉熱烘窩夫全日早餐，另配有炒蛋、煙肉，再加多杯抹茶拿鐵，我的晚餐感覺好似brunch HAHA焦糖香蕉配烘得外脆内軟、donut/bagel形狀的窩夫係幾襯既！不過杯抹茶拿鐵真係有待改善…味道似抹茶粉加奶水，兩者無混合，有點奇怪。媽咪叫左豪華英式全日早餐，分別有窩夫、煙三文魚、黑松露炒蛋、煙肉、番茄、雜菌，再加少少沙律，另外點多一杯無咖啡因的玫瑰拿鐵，而Daddy就點左黑魚子煙三文魚蜆肉意粉~我每樣試左少少，都係覺得我嗰份好味d HAHA。Beans食物價錢尚算合理，不過份量可以再多少少，個人覺得只係叫一份主食唔叫飲品係唔會夠飽的。

今日行開將軍澳見到tea time 就去左beans食tea All day breakfast 的發明真係好好因為全日都可以食輕食下就去beans 好處系唔洗排隊呢個系跟餐的檸檬鋒蜜唔會太甜 但好夠蜜糖味 成件事好夾！All day breakfast 發明Beans有唔同set 我地叫呢個有窩夫，焦糖香蕉，炒蛋，煙肉依家beans d 蛋同款日本蛋牌子合作窩夫就咁食其實都ok 我最中意食系焦糖香蕉好特別 係屋企唔會食到焦糖單骨雞翼我一個人可以食十碟！

同事買既散水餅，所以是但寫響一間分店寫架咋。Beans x 謝曬皮既散水餅一直好出名，不過小妹一直只聞其名，就無見過實物。今次終於見到人買，就即刻影一影。個盒係幾得意既，而入面主要係普通既撻加一個好抵死既插圖。個人覺得撻靚啲。同事都買左cupcake，不過硬係覺得佢cupcake既顏色好色素，無sift果啲咁柔和。其實啲撻都有少少，好似個綠茶既綠係綠過平時啲蛋糕咁。純粹係奇怪既個人主觀感覺。腦細好好笑，加上想食朱古力多啲。佢既甜度算中等，唔會話勁甜，不過我個人prefer dark少少既朱古力，所以就prefer再調低啲甜度。撻底係香脆既，整過都好食，不過無大驚喜。絕對係玩味大過一切既散水餅！

早幾日6點幾經過見到beans竟然冇人!諗都唔諗就入左去食!我地叫左一個黑松露軟殼蟹意粉同黃金蟹肉咸蛋黃意粉~--------------------------黑松露軟殼蟹意粉:軟殼蟹勁好食好夠味，意粉嘅質地係我中意食個隻嘅冇咁淋唔係一夾就爛個隻，而且唔會好淡，好creamy，又唔乾，食完見到底都重有啲汁，唔會唔夠!--------------------------黃金蟹肉咸蛋黃意粉:最近好興咸蛋黃嘅食物，我一直以為咸蛋黃係算係中式野，估唔到佢同意粉咁夾!重要加埋我最中意嘅蟹!宜家諗反起都好想再食呀!不過如果有更多蟹柳我一定會更愛!

今日約咗朋友喺將軍澳食飯 一於試下呢間想食好耐嘅荳子cafe😻發現性價比好高💗介紹下先-------⭐黃金蟹肉咸蛋黃意粉（$98）其實見到有咸蛋黃已經雙眼發光決定叫呢個😻一上枱見到金黃色已經好吸引 見到一粒粒嘅咸蛋黃粒 仲有原個蟹蓋！💗不過蟹肉得好少😂得兩大條蟹柳😂不過個意粉真係好正 啖啖掛滿咸蛋黃汁❤每食一啖都超滿足😍仲有好多雜菌同洋蔥做配菜 意粉份量都多 女仔食一碟都夠飽❤跟餐仲有凍檸蜜送 天時熱啜返啖即刻透心涼😻-------總括黎講都幾值得試下 價格相宜 性價比高😻店員都好有禮貌 另外餐廳環境幾有格調 適合同朋友黎girls talk 哈哈🙈💞-------價錢：$98-------評分（10分滿分）味道：9賣相：8性價比：9回頭率：8-------餐廳資料名稱：荳子地址：前往方法：將軍澳站C出口

今日朋友帶我黎呢間荳子食TEᗩ,之前已經見朋友有post過好得意既3ᗪ立體拉花咖啡，今日終於黎試下Rainbow Latte☕️$45~色彩繽紛Lychee Lover🍰$42~玫瑰荔枝慕絲，有荔枝果醬，紅絲絨蛋糕，口感清新Hazelnut Latte☕️$36~每檯只沖一杯，雖然侍應話圖案由咖啡師自選，但我話比侍應知我想要肥貓咖啡師都盡量滿足客人要求好得意呀！靚到唔捨得飲Cozy$88~好有氣質既甜品盒內有乾冰，噴晒煙好有仙氣盒上有三種甜品：Stone~外面係芝麻慕絲包住芝士忌廉及粒粒柚子蘋果Vanilla Matcha Ball～雲哩拿雪糕配上抹茶布甸Plant of Custard～吉士小盆栽焦糖單骨雞翼配薯條$58～好好食，但份量太少

今次同🐢🍯慶祝生日就嚟咗呢間食甜品🥳1️⃣伯爵茶流心吐司 $49一切開吐司，伯爵茶流心即刻湧現出嚟😮伯爵茶嘅味道唔算好濃郁。吐司好脆口，配上紅桑子丶藍梅加雲呢拿雪糕🍦再點少少伯爵茶流心，層次感豐富而且好清新，唔會覺得好膩👍🏻🙆🏻‍♀️美味指數:7.64/102️⃣熱伯爵茶拿鐵 $37伯爵茶嘅味道都係比較淡，反而奶味🍼香濃d。⚠️3D拉係要問店員先會幫你整嫁，不過時間會耐少少🙆🏻‍♀️🙆🏻‍♀️美味指數:7.23/103️⃣綠茶卷 $42綠茶🍵嘅茶味唔重，反而帶有少少微甜。蛋捲比較乾身，我覺得呢個就相對失色啦。🙆🏻‍♀️美味指數:6.42/10💡整體來講，性價比尚算可以，同朋友聚下食個甜品都唔錯，甜品打卡一流📸

平日經過這家都必會排隊，繁忙時段基本上都要等10個，今次選擇左3-5點下午茶時間去，完全唔洗排隊等之餘，仲可以簡位坐手撕豬肉漢堡包，份量大，味道好，可惜豬肉肉質比較粗糙，建議食牛肉果款應該會好啲$138，all day breakfast，份量足夠，味道都好味，加$25有羽衣甘藍沙拉，因爲不是每間餐廳都有呢種菜，所以抵食整體來說，如果唔想排隊又想食beans就建議食下午茶，因為佢地個餐單係一樣，而且感覺可以好好咁享受當日的食物和環境

呢間店係依區嘅人氣no.1 ，次次行過都排曬長龍，今日同家姐行過係weekday中午時份，又過咗中午飯市，見冇人喎，梗係入去嘆下先。同家姐每人叫咗一份tea set，包括一杯飲品加一件甜品。 蛋糕唔係用一般瓷碟奉上，而係用icing sugar (我估)畫上自己餐廳名字嘅硬皮板奉上， 賣相唔錯，感覺店主好有心思。抹茶蛋卷同mango mousse cake 味道都算好不錯， 唔係特別出色，中規中矩啦。我嗰杯荔枝玫瑰花梳打 ，都有淡淡清香玫瑰花同埋荔枝嘅味道， 喺依個炎炎夏天裏面感覺特別清新涼快。其實呢間餐廳我光顧過幾次食晚飯， 味道都算滿意嘅，唔覺得食評講得咁美味、好食。不過價錢同食物係合理嘅。