荳子 (大埔超級城D區)

营业中

休息中

Hello! 大家好！魚蛋姐又出動飲飲食食喇～ 今次嚟到荳子Beams，分店遍佈香港九龍新界，連鎖餐廳集團管理，相信間間都差唔多，無需要話特別去返邊間食。大埔分店特色係餐廳一邊全落地玻璃，邊食嘢邊睇到窗外天氣轉變。嚟到既時候，天陰有強風。講翻食物先，今次試一試磯燒飽魚白酒意粉，配搭上非常創新，至少人生第一次食。味蕾有衝擊，但再嚟既話我會簡返普通卡邦尼，卡邦尼一定食得出滿意味道。淨講意粉質地既話配乜都好，質素都維持到一咬即斷，有咬感唔會大冧身。跟餐配黑松露薯條，薯條即炸熱上。個黑松露汁無得頂，又香又濃係幸福既味道。漢堡跟既薯條都因為黑松露汁太好味，茄汁慘被打入冷宮。手撕豬仔骨漢堡都係新嘢，冒險試一試！冒險黎講味道可好味可無咁好味，存在一定風險。食過最後都係寧願食普通啡菇/牛漢堡。Well，出面橫風橫雨。餐廳內仿似溫室般，安穩用餐。介紹一下抹茶卷蛋。卷身唔乾身帶抹茶味，抹茶味忌廉跟卷身5:5比例擺入口，雙重口感，相映成趣。蛋糕配Latte，無得輸！關於Latte, 本人真係聽過有人排隊點一杯拿鐵咖啡，NA TIT都聽過。嘴角有向上既，原因係有新鮮感，少D人會咁叫啦。雨停了，外面地面上都蓋上

文青路線Cafe，意粉主食有水準，甜品款式眾多而且賣相吸引，適合三五知來輕鬆一下食品方面 : 黑松露軟殼蟹意粉 : 軟殼蟹香脆，滿瀉的黑松露醬汁淋到意粉上，啖啖都食到黑松露味道芝士蛋糕:  外型成舊芝士一樣，外層係檸檸芝士慕絲，入面係美式芝士蛋糕，芝士蛋糕控必選抹茶蛋卷 : 抹茶蛋卷中間全部的抹茶香滑，微微的抹茶味，蛋卷鬆軟美味

Beans嘅分店開左好多間啦~咁高質嘅食物梗係希望各區都可以享受到今日黎到大埔超級城Happy Friday要食好d!! ✌🏻⚪️ 黑松露軟殼蟹意粉 $78 ⚪️軟殼蟹剛炸好，幾脆，炸粉唔會好厚黑松露味唔夠濃，可以再多D午餐份量十分足夠💘🔴 蕃茄肉醬長通粉 $62 🔴朋友叫左呢個雖然唔係好特別，但酸甜度剛好🤣上菜時仲好熱，中規中矩啦🟡  黑松露薯條 🟡 叫任何主食加$25可以配一份薯條有黑松露同芝士味食埋薯條好夠飽啦😍跟餐仲有飲品叫左杯凍美式咖啡唔駛加錢Beans嘅檸蜜都值得推薦呀～🤗🤗

Beans又係網絡大熱cafe🙈咁就可以放心食放心飲，因為質素一定有保障。今次去咗大埔嘅beans，因為中午時段去所以唔使點樣等位，但舖頭大部份座位都坐滿人。拉花好靚，彩色拉花喺香港好少Cafe有，難怪呢間Cafe可以擴充咁多間，除咗外觀上，杯咖啡味道亦都好好，唔會太苦，香濃咖啡味，感覺很好。黃金蟹肉意粉 $98醬汁非常吸引，係鹹蛋黃醬，識落唔會太鹹，香濃蛋黃味。鹹蛋同忌廉汁完美結合，蟹肉份量亦都唔少，啖啖蟹肉，正！每一條意粉都沾滿醬汁，可見職員用心製作。

一共食左三個set最好食係帆立貝薄餅，而黃金蟹肉意粉也是必食！而什菌Risotto普普通通。每個set可以揀配沙律或飲品：配沙律要加$25 ，沙律一般普通；飲品飲凍檸茶不用加錢。至於甜品唔好食：香草梳乎厘很苦，雖然是店員推介，但不好吃；紅豆蘋果綠茶窩夫和平常見的窩夫不一樣，他們的窩夫像冬甩，普通一般

beans嘅分店越開越多，但次次經過都好多人，排晒長龍，冇機會食，今次行開大埔，見到有beans，難得唔算排隊就有得入😍😍-焦糖香蕉早餐🍌 輕食嘅all day breakfast，份量唔算多，唔使驚食唔晒，最吸引嘅係佢哋嘅窩夫，同出面唔同，佢哋嘅窩夫係圓形，配埋cream或者蜜糖食，好鬆軟好香😋-黑松露薯條🍟 叫任何主食加$25就可以配一份薯條，有黑松露同芝士味揀～-賽螃蟹意大利飯🦀🍚 味道清淡得黎，又唔會冇咗蟹味，幾鍾意呢個菜式🥰-G.A.T 賣相係吉仔形狀，外層係炸嘅，入面係奶黃餡，配合雲呢拿雪糕一齊食，味道啱啱好，仲會有冰火嘅感覺，好正😍 出餐嘅時候仲有乾冰效果，打卡一流📷-荔枝玫瑰梳打🌹 淡淡的荔枝味同玫瑰花香，味道比較清淡佢哋嘅甜品睇落都好吸引，下次一定再去試其他甜品😝😝😝

半日假，去完慈山寺出返嚟大埔tea下。weekday 嘅大埔都幾熱鬧，雖然唔使等位，但餐廳唔細都坐咗八成人，厲害，我地坐最入嗰張長檯，出入有少少麻煩。tea set 好抵，40幾蚊包飲品，order 咗三個set.《pizza》🍕第一次食甜味嘅pizza , 好唔慣，還好，仲有熟悉嘅芝士味。《any cake》出去凍櫃睇咗有好幾款，例如cheese cake , 拿破崙，最後當然揀咗我最愛嘅抹茶卷蛋，抹茶味幾香濃, cream 多咗啲同甜咗啲。《焦糖香蕉窩夫》🍌其實唔係窩夫，係冬甩😅, 焦糖喺香蕉面，其實香蕉本身都甜，咁樣double sweet 好似over 咗少少，另外仲有個雪糕球，整體都太heavy.飲品跟咗凍檸蜜。

好不幸地安排到門口位置，都幾熱🤣焦糖單骨雞翼甜甜的焦糖味，單骨比較方便食用，正常發揮👌🏻鰻魚溫泉蛋意大利飯鰻魚幾厚肉，但因為飯入面有好多黑蒜粒，令每啖都有微酸既味道，感覺怪怪地…黃金蟹肉意粉面頭既醬加入左好多蟹肉，撈埋食唔錯的，但稍為乾左丁丁，味道系ok的👌🏻薑汁梳乎厘等待30分鐘既梳乎厘，有啖啖薑既香味👍🏻流心抹茶芝士撻超鐘意既一樣，好香💚 夾埋抹茶雪糕同下面綿綿既紅豆，正👍🏻

呢間食店，係要支持一下既！支持既人都好多，大排長龍，見到佢做外賣自取有8折優惠！抵呀！呢間都食過好多次！見有一排無食就打算食返啦！每次黎到都會叫黑松露軟殼蟹意粉，今日都有叫！不過味道就真係退步左好多！無乜黑松露味，亦都無乜味，鹹味都唔夠，真係好唔夠味！再叫左個千島醬帆立貝pizza!呢個唔錯，對我黎講，有千島醬，死唔去！加左25蚊，食個車打芝士薯條，啲薯條有少少唔夠脆！叫左杯green tea latte,另杯又幾好飲！

喺連鎖Cafe界來講豆子真係首屈一指，價錢唔貴，食物質素有保證，幾乎冇失手，維持到水平，所以每次同朋友唔知食咩佢都會係一個好好嘅選擇。今次唔係好肚餓，所以就叫咗個蟹肉牛油果他他，味道都係相當唔錯。朋友就叫咗佢經常食開嘅北京填鴨饅頭，我試咗一舊鴨肉就覺得略嫌有少少乾但都OK。食完之後雖然已經飽，但心思思不如叫多個甜品，最醒目係佢有得+25就有一個甜品，令人更加想食，於是就叫咗個柚子芝士蛋糕，賣相係一舊好的骰嘅芝士，雖然賣相唔係我杯茶，但味道都可以。

次次假期經過唔同分店，門口都係排長龍，不禁好奇係咪真係咁好食。趁平日經過時間尚早冇人排隊又有lunch set，就攞位入去食，未夠1點都已經坐到半滿，被安排坐近門口既窗邊位。​​黃金蟹肉意大利粉（$68）​醬汁好多好creamy，蟹肉🦀既份量唔算太多，個汁好香亦比較漏。​​千島醬蟹棒蟹子帆立貝薄餅（$68）​Pizza🍕既配料唔多，只有4粒帆立貝同少量蟹子，味道普通。​​黑松露醬薯條（+$25)​薯條🍟新鮮炸起好香好脆，個黑松露醬都好食，有得加錢追加感覺好抵。​​熱特濃朱古力（$39減$8）​貌相非常之靚，一上枱有種藝術品既感覺。略嫌🍫朱古力味過濃，比較甜。​​熱泡沫鮮奶綠茶（$37減$8）​有回廿既日本抹味🍵，甜度適中。​​抹茶卷（+$25）​唔係死甜既假抹茶味，作為飯後甜品🍰非常滿足。​

個日入去諗住食少少野入到去叫左個松露軟殼蟹意粉食落去只有好少好少嘅松露味軟殼蟹幾香幾入味但唔係幾脆意粉冇咩特別 唔係太彈口依個質素隔離商場有個好過佢只係7x$ around 佢賣102真心貴之後係芝士薯條幅圖係一條都仲未食 係得咁少 大約十條25$ 真心痴線薯條正常味道 但芝士係真係做得唔錯好食但份量太少之後到紅豆綠茶蘋果窩夫唔知點解嚟咗個bagel 加咗嗰啲爆珠上去成件事cheap晒 畫蛇添足除咗紅酒同綠茶係夾之外其他嘢好似求其擺上去咁 58正常價

閒日下午1：00前嚟到，好在唔駛等好耐，等咗大約15分鐘就有位喇，用餐時間限時90分鐘。之前已經食過 lunch menu 嘅意粉、意大利飯，係未食過呢度嘅漢堡🍔，見到【北京烤鴨蒸包漢堡+薯條+沙律】呢個咁 fusion 嘅組合，真係要試一試。個包睇落 size 好細，但一打開，絕對係啖啖肉🦆，啲皮唔會好肥膩，配搭埋裡面嘅烤鴨汁、少少洋蔥、西芹，係好味嘅～本來計劃食完個 main couse 就 +$25 食甜品，但食哂個包同埋沙律、薯條之後，真係飽到食唔落。連埋杯 Iced Americano，埋單$97，呢個質素係物有所值，推介！

就算外賣食物都擺得好靚水準穩定次次幫襯都好好味。d醬汁另外裝起佐好貼心唔洗食得咁heavy👍🏻👍🏻出餐時間也很滿意，落佐order一陣就已經有得攞。大力推介

有經過附近嘅都知繁忙時候呢道係一間排隊排到冇鬥志嘅餐廳當日兩點三左右到左已經打哂蛇餅冇錯係排隊 冇得拎籌個人會覺得疫情未穩定嘅時候都好似係拎籌好啲但的確排隊對餐廳黎講少啲野煩嘅就算係已經過左lunch 又未到tea嘅時間但呢個時間黎竟然都等左半個鐘鬆啲先講下食物先叫左個蟹意粉 兩條長條型嘅係酥皮呢個係首先到嘅汁同意粉係分開 需要自己撈聽朋友講 beans近期一次開大量分店係因為已經自設左工場 所以食物質素會比較穩定但呢個粉個係冇乜味 確實睇到有好多材料 菇啊蟹肉啊但就真係一個偏淡嘅意粉蟹殼僅為後加裝飾 反轉入面係好乾淨 吉嘅 酥皮口感有啲奇怪 唔太夾會寧願係好脆或者係蝴蝶酥甜甜地咁起碼有味份量都多 賣相都靚 但真係衰冇味北京填鴨 喺一間cafe嗌到係有啲諗頭嘅中式包配沙律薯條算係fusion嘢個包略硬 我唔係prefer西式包嘅空氣感軟熟係真係有種偏硬嘅饅頭感覺 夾住嘅填鴨好食 有跟左燒汁 令到個包冇咁乾薯條係幼薯條 睇隻色啲油都幾乾淨呢個味道係幾好嘅 配搭都幾有新鮮感呢個手撕豬pizza真係有啲驚喜 好食嘅( ´▽｀)注意！睇落個樣係厚批 但其實係薄批加厚批邊！芝士可以拉絲 但份量啱