荳子 (大埔超級城D區)

营业中

休息中

下午五點鐘想飲杯咖啡☕️身在大埔區 經過呢間Beans 見餐廳客人唔多 唔洗等位, 所以就試試，坐低咗服服員放低餐牌便行開，我同朋友睇過menu 點了Caramel banana combo 雲呢拿雪糕 香蕉 而蛋糕亦軟綿綿不會太甜香辣單骨雞翼是將4隻翼分開8件, 放便容易食且炸過又有少少辣幾香口🍗咖啡我們分別點了熱Cappuccino 同 熱Americano 咖啡豆幾香亦配有簡單拉花🍭餐廳內因客人不多所以感覺清靜坐得都舒適 

每次假期經過,都見到大排長龍,要等好耐先有枱.所以都冇試過,今日平日,以為好啲.結果都要等十分鐘. 室內上算寬敞,服務員都有禮貌.lunch set餐牌選擇對我嚟講不多.因為唯一的沙律選擇,都是dressing 已經pre mix,不適合我.所以店長推薦另一個沒有sauce 意大利粉,整體味道不錯只是略嫌有點鹹.另一個主食叫了北京填鴨burger, fusion居然有驚喜,北京填鴨美味. 醬汁剛好.唯一非常失望的是那杯flat white,完全沒有咖啡的香味,不合格,還要$37!口感是奶與咖啡是完全分開的,失敗之作.

Beans 食過好多次，每次都好滿意。平日下午茶時間都唔使排隊入坐。今次係平日，所以食左一個lunch set 及一個tea set。先介紹tea set～Tea set 的性價比非常高香蕉焦糖窩夫$45有各類型既食材包括原味窩夫配上焦糖/乳酪/雲呢拿味雪糕/朱古力餅碎/忌廉/爆珠/杏仁/菠蘿仲有香蕉面有一層脆脆既焦糖面👍🏼👍🏼多野食到唔知從何開始，賣相同多樣性已經吸引。原味窩夫配上其他甜味食材剛好！而爆珠的口感亦令吃呢碟甜品更有趣！Lunch set 叫了一個軟殼蟹黑松露意粉$76軟殼蟹炸得剛好，好脆黑松露配上菇加意粉，香味濃郁黑松露醬剛剛好沾上意粉，沒有多餘的醬吃完沒有飽滯的感覺Lunch set 我配左一杯免加錢既熱檸檬蜂蜜，味道正常，夠熱。Tea set 可以加$10配主餐牌飲品，我叫了凍玫瑰鮮奶伯爵茶可能自己唔太特別喜歡玫瑰 玫瑰精的味道比較濃，下次會試試其他latte。整體來說，Beans的食物水平高，環境舒適。之前食過既黃金蟹肉意粉，手撕豬burger都是我最愛。而如果一至五來更可以食到性價比好高既甜品🍮

星期日喺大埔親子活動之前去食啲嘢，於是去咗大埔超級城呢一間餐廳，餐廳都幾多人排隊。佢哋嘅all day breakfast 非常吸引，啱晒小朋友食。食物賣相非常精美，份量亦十足。佢嘅waffle 唔係傳統一格格嗰陣，而係冬甩形狀，查啲cream 幾好味㗎。由於我係素食者，所以另外叫咗一個黑松露意大利飯。

BEANS相信大家都唔陌生，除左鹹食仲有好多自家製甜品幾吸引🥲令人有全部試晒佢嘅衝動😹好邪惡————————————————————————<薑汁疏乎厘> $52疏乎厘即叫即焗，所以要等半個鐘左右，最好一開始嗌定先，呢個系列分別有原味抹茶同薑汁三隻味揀，薑汁幾特別唔太常見就一於試佢啦😗 一開始有少少俾佢嘅外型嚇親，算幾大舊，好蓬鬆，最後一個人食係食唔晒嘅🥲疏乎厘蛋香味好足，但薑汁就略嫌淡咗啲，同埋太甜，原本仲諗住叫薑味會冇咁甜添，而且灑喺碗身嘅糖重手左，食到最後會不停食到啲白糖，真係嗦嗦聲咁🤢甜上加甜，整體麻麻，唔食都冇損失！————————————————————————推薦指數：🌟🌟+0.5🌟（5🌟最高）《BEANS The Courtyard 》地址：大埔超級城D區地下670A-671A號舖

好耐無食過beans 又諗唔到食咩 所以就去左食brunch.今次叫左黃金蟹蓋意粉千島海鮮pizzaLobster roll 同埋雲呢拿紅桑子拿破崙.黃金蟹個意粉一如以往咁好食😇最鐘意係佢個汁有少少鹹蛋味 但又同個意粉好夾 味道唔會太重不過如果叫呢個意粉嘅話建議另一道菜要嗌啲比較light 既野因為佢食食吓都幾漏.千島海鮮pizza 今次係我地第一次叫賣相好唔錯啲料都好足 而且配埋千島醬 一啲都唔漏正！.佢地既lobster roll 包一杯仔龍蝦湯個龍蝦湯不過不失 但係有少少唔夠熱 面個lobster roll 係幾好食 算多肉 啲薯條都好食🥰.至於個拿破崙就有少少失望賣相係唔錯因為係話雲呢拿紅桑子拿破崙但入面剩係得啲紅桑子醬 亦都冇雲呢拿籽拿破崙嘅酥皮比較硬食落無咩層次呢個甜品本身係要加錢換購 所以下次都唔會再加🤣

連鎖Cafe 黎講水準幾高仲要價錢唔貴又坐得幾舒服仲要係💛嘅。岩岩個週末中午就去左位於大埔超級城嘅Beans the Courtyard 食Brunch，人流都幾多㗎，預翻要等25-30 分鐘先有位。🧇焦糖香蕉熱烘窩夫全日早餐$➑➋窩夫一定要係格仔紋？呢度就話你知佢地嘅窩夫有別傳統，而係圓菇碌好似冬甩形狀，但食落口一樣咁鬆軟。中意佢提供嘅係蜂蜜而唔係糖漿，感覺同窩夫更加夾。香蕉面塗上焦糖再用火燒焦，配埋炒滑蛋同煙肉，份量絕對足料唔會食完都唔飽！🌮野菌芝士奄列配酸種麵包 $➑➋ 大大份嘅蛋奄列中間有流心嘅芝士，用白汁煮嘅雜菇每舊都大大塊仲好爽口，加埋酸麵包，每啖都係勁滋味又有營養，仲照顧到食素嘅朋友仔添🍟黑松露薯條 + $➋➎跟餐只需加25蚊就可以配呢個黑松露醬薯條。粗身薯條新鮮炸起脆卜卜，配埋creamy 嘅黑松露醬，濃得黎唔會over，真係會食到忍唔到口㗎！📍Beans the Courtyard 大埔大埔超級城Zone D 670A-671A 舖

唔講唔知，原來Beans已經開到大埔都有⋯今日偶然來到，見唔洗排隊即刻捐入去嘆番個lunch 先。打開menu，實左太多set選擇了！最後試下新野啦，叫左佢個北京填鴨蒸包漢堡！其實即係用薯條沙律送北京填鴨來食咁羅。送到來啦！個蒸包幾有咬口，唔會好粉咁，同埋來個陣熱辣辣又香，裡面呢，原來都夾左幾多件鴨，而嗰啲鴨都係皮加少少肉，唔係全塊皮來，所以有d咬口既。d汁都係北京填鴨個隻醬啦，成件事夾埋就真係幾奇怪幾特別既XD 但夾埋一齊食落口，個d好肥好油膩既鴨皮同肉，加埋佢個包又幾好食，連埋薯條沙律食呢又幾清新咁另外叫左蜆肉意粉，意粉硬度適中，蒜香都好醒胃既，但始終比個填鴨包搶哂風頭。嘆埋杯coffee都飽左九成，下次先試埋佢d靚靚甜品啦～

Beans越開越多分店，食物質素一向有保證👍🏻我同男朋友都好鍾意嗌All Day Breakfast，咩都有啲夠豐富～Beans嘅ADB都係大路嘅配搭，黑松露炒蛋好香，炒什菌特別多，食物溫度微暖熱啲會更好，而我地最鍾意都係佢嘅窩夫！搞笑嘅係Beans前排接過客人投訴話違反商品說明條例，因為窩夫唔係格仔形狀，但計我話好食先係最緊要🤪 Beans嘅窩夫好軟熟充滿蛋香，仲有微微嘅蜂蜜味，搽啲Cream更加正！黑松露軟殼蟹意粉亦係Menu上嘅大熱之選，黑松露味道非常香，意粉掛汁，炸軟殼蟹食落亦唔會成口油，食到最後連啲汁都唔放過😋跟餐可以揀檸檬蜂蜜／黑糖姜母茶／Americano，其他飲品亦有優惠，Mocha嘅朱古力味好濃，之前有飲過佢地嘅Matcha Latte都唔錯，不妨加錢試試～

以往去親大埔荳子都係開11點，得all day menu今日10點8去到已經見到排緊隊兼入緊位拎左籌之後10點58分去到，店員急急腳叫落單，睇一睇餐牌先知而家有早餐時段係9am-11am。好有新鮮感之餘仲要平d添呀跟餐+$15 既Latte$42 Classic Benedict W/ bacon (Single)竟然有得叫半份，我走左醬我怕肥，而且蛋汁已經好夠做沙律菜新鮮$76 light English breakfast 價錢好light 但份量都唔light架同平時叫開都係差個waffle*waffle都可以係圓形架！吐司好脆雜菌差左d！冇味！似用水烚。黑松露炒蛋很好吃！煙肉唔係crispy個種 我喜歡！$62 deep fried fish fillet新野呀！呢個餐既炒蛋唔係黑松露雜菌一樣冇味既炸魚好好好好食 炸到好脆 粉漿薄 肉厚 唔油鬆餅有用牛油烘過 勁香 又熱又脆！

如果想舒服咁坐下，食番個正餐可以揀beans🤤佢地有蛋糕又有飲品，都好多選擇，就算係下午茶都不失為一個好選擇！今日嚟到beans既時候好肚餓，所以叫咗一個餐之外再叫咗一個蛋糕仔同一份薯條🤤牛油果蟹肉他他 $78我預期得一件包，結果佢有三大件包😧沙律菜伴牛油果醬同蟹肉嘅醬料，牛油果醬份量都多，食到底都仲有，唔會覺得dry，蟹肉份量足夠，呢一份牛油果蟹肉他他食落好fresh，咁岩唔想食太heavy嘅話都可以揀呢個餐～另外叫嘅黑松露醬薯條 +$20個黑松露醬好好食！！好香松露味，配上炸得香脆嘅粗薯條，食到停唔到口😋Everest $42椰子慕絲、焦糖香蕉果凍、雲呢拿蛋糕呢個真係好一般，個樣係好靚，但食落真係好似食緊啲好硬嘅啫喱咁😿唔推介朋友就叫咗份 手撕豬仔骨漢堡有焦糖洋蔥太陽蛋同薯條我試咗少少覺得好正🥲🥲超大份好抵食，漢堡包有烘過，食落好香唔係求其嘅麵包皮，豬仔骨既調味加埋甜甜地嘅焦糖洋蔥都好惹味🤤下次我會試beans既漢堡！

今日準備出去做野之前，係公司附近搵下有咩好食😋同同事商量完決定食呢間，貪佢環境幾好，可以靜靜地同同事傾下計我地睇完餐牌後每人叫左一個lunch set一個黑松露意粉一個蟹肉意粉我哋仲加咗個黑松露薯條🍟以一個午餐份量黎講十分足夠因為始終都有cream 食得多個好濟😋整體黎講都真係好味，同埋其實大埔無咩食意粉餐廳係做到抵食又好味呢間係唔錯既選擇👍🏼下次同同事出去做野都會再試埋其他野薯條份量都足夠，重點係個黑松露醬😋😋😋好食意粉大碟，仲有隻炸軟殼蟹😋😋😋下次會再食環境幾好，係商場內，人流唔多防疫措施都有做好，加咗易拉架做間板

又過了正常時間食晏每次來這裡都不知道點什麼好🤷🏻‍♀️蛋糕窩夫好吸引，鹹的意粉班尼狄蛋又不錯，一齊叫啦⋯⋯想不到抹茶流心吐司🍞是黑色的，上面是抹茶雪糕，切開抹茶流心，黑色吐司🍞蘸抹茶流心吃又不錯啊～～牛油果🥑蟹肉🦀意大利飯好味呀，不會像白汁忌廉那種膩～～Classic 班尼狄蛋，一貫作風，above average‼️Rose Earl Grey tea latte，很溫和，少了咖啡☕️的苦最可愛的Cheese cake，感覺自己變了老鼠仔🐭，是檸檬味🍋，不會太甜，但太細件啦‼️找淘寶搵個大點的模啦

想不到這間舖頭這麼受歡迎在平日午後三時也要排隊入坐因為我和友人都不太肚餓的關係我們叫了一個Lunch set和一個afternoon tea setLunch set是黑松露軟殼蟹意大利粉 配熱檸檬蜂蜜 ($74)一上枱黑松露醬的香味撲鼻而來軟殼蟹也是剛剛炸好的燙嘴意粉的份量意外地足夠也有可能是因為忌廉以致比較膩的關係整體來說都符合期望Afternoon set 點了一個流心抹茶吐司 配凍美式咖啡($42)賣相相當不錯 一切下去吐司中間的抹茶汁爆瀉出來令人十分驚喜 烘過的脆身吐司沾著醬汁很是滋味另一方面配著雪糕也是晝龍點晴之作最後再想試一試甜品所以加錢要了一個Pearl ($25)賣相很不錯 打卡一流但吃下去則非常失望外層的慕思很實 也很甜內層的莓子(?)夾心已經差不多吃不出味道來建議有機會的話不要點這個值得一提的是服務態度很好

無晚市堂食接近兩個月，除左食媽媽住家餸或者頹食兩餸飯，有時都可以叫下外賣，Beans想試好耐，之前行過德福都見有人等位，見Openrice外賣自取有七折，即訂啦！落單後等大概一個鐘先有得拎，之後又行左大概廿分鐘返到去，結果食物已經凍凍地。（所以可以的話，真係貴啲都要去食堂食！）沙爹醬燒乳豬肋骨，菠蘿蔬菜撻 $117 配飲品，都幾大份，同平時其他餐廳食到既RIBS唔同，呢個沙爹醬係另外點，無咁濃味，食落好似無咁肥，自我感覺良好。而個菠蘿撻賣相幾靚，幾好食。巴基斯坦咖哩羊肉薄餅配薄荷乳酪醬 $82配飲品，雖然凍左但唔會太硬，味道偏濃，個醬就似奶羶味，加埋羊肉味，都幾重口味。另外加配黑松露醬薯條及羽衣甘藍藜麥沙律各加$17，黑松露醬正，配粗薯條都正，可惜凍左淋左，如果熱辣辣又脆口一定加分！沙律就無乜特別，藜麥唔係好多，不過當菜食所以都可以接受。孜然單骨雞翼 $37/8pcs 味道唔錯，只係差左溫度。