荳子 (大埔超級城D區)

营业中

休息中

星期六周圍都要排隊下下排個幾鐘離遠一望見到有beans仲要唔使排隊直入食咗三樣嘢白松露美國安格斯肉眼扒medium rare配薯蓉牛扒意外地好好味5成熟真係掌握得好好👍咬落去牛嘅肉汁出晒嚟 而且好林一啲都唔韌 高質之選焦糖單骨雞翼配芝士薯條同平時一樣高水準不過今日嘅雞翼係大隻嘅仲有芝士配薯條🍟芝士可以再多啲就好啦同埋可以再濃啲😯最後食埋甜品抹茶流心雜莓多士配綠茶雪糕外凍內暖 食完個雪糕再食入邊嘅流心配多士冰火交融最後都食唔晒真係好飽Beans幾時都係性價比極高又唔使等位水準有keep到

平時經過呢間餐廳都會見到好多人排隊，但係因為我唔係咁鍾意排隊，所以每一次都想試但係都冇去試到😬咁呢一次終於有機會啦，見到門口冇人排隊，就即刻過去拎飛😆我哋叫咗黑松露軟殼蟹意粉，燒八爪魚意大利飯仲叫咗一杯咖啡🤩黑松露軟殼蟹意粉好好食，首先軟殼蟹好大舊，仲要啱啱新鮮炸起，炸到外脆內軟，軟殼蟹都食得出好新鮮，唔似雪藏咗好耐嗰啲😍😍而黑松露嘅份量都好多，鋪滿晒成個意粉，同埋黑松露嘅味道好濃郁！好好食👍🏻燒八爪魚意大利飯多一樣好好食，八爪魚煮度岩岩好，唔會overcooked🥳所以食落好爽口，好有口感👍🏻個意大利粉都整得好好食，都有八爪魚嘅味道喺飯入邊，所以成個飯都食落好fresh🤩會建議大家去食呢間，雖然成日都要排隊🤣😂

BEANS嘅幾間分店都有試過，水準平穩，有時諗唔到食咩都會揀佢!卡邦尼黑松露煙肉意大利粉有落到忌廉，唔係最傳統嘅做法，個汁似係有落到忌廉同埋芝士，唔算好杰但係味道好濃，黑椒嘅調味都幾突出，食到後尾會覺得少少漏，而黑松露係放喺意粉上面，大約有一茶匙，感覺似係裝飾多過想令整碟意粉有松露香，不過醬汁本身都好夠味，所以影響不大，至於意粉硬度適中。假日冇得叫lunch set，只有主餐牌，價錢大概$100以上，但係大部分主食都會包飲品(美式咖啡、黑糖薑母茶、檸檬蜂蜜）

beans無論邊間分店仲係會有條小人龍，今日同屋企人去食都不意外。排左大概20分鐘左右就入得啦。我地三人叫左一個煙三文魚全日早餐、溫泉蛋肉醬長通粉、黑松露薯條同蜜糖單邊雞翼。四樣野食之中，最中意就係全日早餐，窩夫好鬆軟，而且夠香。小食就比較喜歡蜜糖雞翼，因為單邊，進食好方便。除咗有蜜糖香之後，仲會食到有芝麻味，兩者溶為一體，配合埋雞翼脆脆既外皮，真係好快比我清曬Beans 另一個人氣不減原因，係因為佢既環境舒適，好適合係到同朋友傾下計。食件蛋糕

💁‍♀️30/6/2022(Thu), Lunch大埔人氣餐廳🆙️～經常都要排好耐隊🚶‍♂️🚶‍♀️🚶🚶‍♂️🚶‍♀️先可以入坐🙈～今日早到左😏😏😏～先可以好快咁入坐咋✌今日Lunch order左：黃金蟹肉意大利粉 $86啖啖既蟹肉🦀😋～再忌廉加埋蛋黃醬既意大利粉🍝～creamy得黎加上蛋黃既咸香味～配合得好好😋😋😋👍👍千島醬蟹棒蟹子帆立貝薄餅 $85薄餅分左4️⃣份～每份都有1️⃣粒帆立貝係上面～千島醬份量適中～唔會話太多攪到個薄餅會好膩～薄餅面仲有蟹柳同小量既蟹子👍另外批底既厚度適中～薄餅邊咬落好脆口😋😋忌廉白酒菠菜廣島蠔意大利粉 $98微微煎香左既廣島蠔🦪～雖然唔算好肥大～但都帶有香濃既鮮甜味道😋～加配忌廉同菠菜打既醬汁～唔錯唔錯👍👍羽衣甘藍藜麥沙律 +$28羽衣甘藍加藜麥既沙律～開胃得黎又有營養價值😎黑松露醬薯條 +$28無乜特別～荔枝玫塊梳打 +$32好freah~不過我自己就覺得都幾甜下🙈紅豆鮮奶綠茶 +40

最近荳子咖啡店喺香港都開咗唔少嘅分店，最初食嘅時候呢就喺沙田嗰邊食嘅，然後過咗幾年之後，大埔呢就開咗一間新嘅分店❤️❤️初初開業嘅時候，每一次去食都要排好長好長好長嘅隊🤭如果唔想排隊等位，我相信一定要7:00去到，嗰啲時間都冇乜人去排隊😌而今次我地叫咗都叫咗唔少嘢食，我哋叫咗個燒豬仔骨🐖🐷，卡邦尼黑松露意粉🍝🍝，千島醬蟹棒蟹子帆立貝pizza🍕🍕，仲有一份牛肉配煙肉蘆筍卷🥩🥩（已經不在餐單上），每一道菜加$25就可以要一份甜品🍰🧁，不得不讚佢哋嘅焦糖燉蛋又真係幾好食，入口有香濃嘅蛋味，但有少少雲呢拿香味，面上有一層脆脆嘅焦糖，提升了成個甜品的口感😍😋🤤成餐飯令我最意外就係一份牛肉，因為真係好好食，每一舊牛肉嘅牛味都好濃郁，再加上滑身嘅薯蓉，價錢仲要唔過300😶‍🌫️😶當我想再去食嘅時候，已經冇得賣呢‍，可能冇乜人幫襯呢一度餸，又或者這個度餸係限定期間售賣，所以佢已經喺餐單度俾人移除咗🥲🥲⭐️燒豬仔骨+薯條+新鮮沙律(半份）💰$228⭐️卡邦尼黑松露煙肉意大利粉 💰$102⭐️千島醬蟹棒蟹子帆立貝薄餅 💰$108⭐️Raspberry lover 💰+$25⭐️Just Mango 💰+$25⭐️焦糖燉蛋

Beans一向人氣高企，平時間唔中都會同班同事落黎食lunch,好彩我地lunch hour提早咗，唔太需要等就可以入座。講真beans嘅lunch一開始我都試過幾款，到後來每次黎都只會嗌一樣嘢-手撕豬仔肉漢堡！豬仔肉撕成條狀，被又香又惹味嘅燒烤醬包裹，入面夾帶些許煮到軟哂嘅洋蔥。漢堡仲有太陽蛋同生菜，漢堡包體脆得黎有d硬度，同軟淋淋嘅食材好夾。呢個set仲有大量薯條同沙律菜，係成個lunch menu入面我本人覺得最抵食嘅一款。自從愛上咗呢個漢堡後，我去beans冇再食過任何其他嘢同事/屋企人話想同我share其他嘢食我都完全冇興趣

大埔超級城beans好近屋企所以成日都會食好似變咗飯堂咁意粉通粉類味道永遠都唔伏之前仲promotion 做外賣自取42蚊意粉連飲品超級抵唔開心就可以食甜品都好高質嫁Service不錯

一行人慶祝生日 去食開到成行成市嘅良心咖啡店Beans我哋叫左2個main course同1個小食拼盤1. 黑蒜.磯燒鮑魚.硯肉.白酒意大利粉 推薦指數***鮑魚size都幾迷你 不過就幾多硯肉 都冇乜沙 意粉醬味道濃 所以唔評論海鮮味 意粉硬度係香港人食開個種 整體黎講其實就冇乜特別2. 黃金蟹肉意大利粉 推薦指數***擺盤打卡成大個蟹蓋好吸睛 味道就冇乜特別 有鹹蛋味同蟹膏味3. Beans 小食拼盤 推薦指數****小食拼盤啲雞翼好好食 有辣味同焦糖味 單骨好方便食 勁多醬汁所以好入味 洋蔥圈正常發揮 略厭薯條偏稔 但個肉醬都ok總結: 普通冇特別 但要再食都唔抗拒

WFH期間去依間人氣Cafe食個lunch~如果星期六日lunch一定超多人要排隊千島醬蟹肉蟹子帆立貝薄餅個賣相好吸引～好香千島醬味～同埋每一啖都有海鮮～有帆立貝又有多蟹子由於平日lunch關係每個套餐都會跟一杯飲品分別叫咗佢最兩個最signature ge all day breakfast～Deluxe Full English Beakfast我最鍾意食佢嗰個鬆餅配埋個忌廉出面好難食到～一個早餐兩個享受～分別又有咸又有甜～腸仔好Juice加上蘑菇係最佳嘅配搭～另一個嗌咗有班尼迪克蛋的all day breakfast～流心蛋配上荷蘭醬又有煙三文魚一食完一啖接一啖好好食～我諗下次來會再試吓佢啲甜品

大埔我又來了在麥當勞見完客戶本來想順便在那裏把午餐也一併解決吧但是想了想沒理由那麼遠去大埔吃麥當勞吧😅所以又去OpenRic搜一下搜到了這家coffee shop可能過了lunch time裏面沒有很多人最少不用排隊😆坐下之後用手機掃一下桌上的QR code就可以自助下單了芝士蕃茄炒蛋包$86份量很足麵包甜甜的挺好吃熱玫瑰伯爵奶茶$30叫了少糖淡淡的奶味但是沒有什麼茶味麵包旁邊有小小的一杯我原本以為是倒在麵包上吃的醬汁原來是超迷你淡奶油蘑菇湯😂整體感覺OK但是沒有很大驚喜吃一次就好了😌Follow我帶你找好吃的❤️

今日同娘娘2個想搵個地方chill下relax下，3:30諗住去食個tea! 呢度嘅lunch set好抵食~💂🏻‍♀️《手撕豬仔骨漢堡、焦糖洋蔥、太陽蛋、薯條》$86 呢個lunch set會包埋餐飲，兵仔叫咗杯凍檸檬蜂蜜，好fresh好解膩漢堡上碟超豐盛，擺啲超靚份量好多。手撕豬仔骨個調味做得好好，個醬汁甜甜地同太陽蛋好夾！洋蔥有少少生有啲嗆口，但整體個漢堡質素都好好，啲包都冇濕透嘅情況。❤️薯條份量好多，炸到好香脆，亦都唔會好油膩。💂🏻‍♀️《Home made cake- Taste of Autumn》呢個跟lunch set加$28就有得食呢個home made cake，係栗子蓉及栗忌廉.梨. 杏仁撻，成個唔會好甜，食晒成個都唔會話好濟！栗子蓉做得好細滑杏仁撻都好脆，唔會比啲cream整淋晒，兵仔好推薦，下次會試埋佢其他甜品。頒發軍階：上將🎖🎖🎖🎖

這間餐廳之前食過兩次，意粉主食都是有水準的，唯甜品從未有嚐試，這次便前來一試。這裡的甜品款式眾多，有窩夫、心太軟、吐司、蛋糕，而且賣相吸引。Oreo麻糬流心吐司$68竹炭吐司外脆內軟，一切開是朱古力醬，但並沒有流心的效果，內層夾上麻糬，口感層次豐富。雜莓窩夫$68有兩個外型像冬甩的窩夫，口感有別於格子窩夫，更似雞蛋仔，食起來好有蛋香味。彩虹拿鐵$48原以為拿鐵面上的拉花是彩虹，這樣看來更像原子筆漏墨。這間餐廳每次都大排長龍，記得要預早去呀！

現在疫情，甚少出街吃早餐。今日選了beans的外賣早餐，一個benedicts、一個吉烈魚和一個水果早餐。可能放得不好，benedict賣相真的差點，最慘係水果早餐，裏面的蛋要求由滑蛋轉太陽蛋，結果變了一隻煎燶的蛋，最後我放棄咗無食。吉烈魚又細又燶，吃落去好乾，結果也無食。至於飲品一般而己。身邊朋友說beans不錯，諗住試吓，結果令我不想再試。這一個早餐要成接近300元，以這個價錢，我真的覺得不值。

荳子冰室係近年表現幾好嘅餐廳太多餐廳用冰室作為旗號但最尾能夠跑出嘅少之又少食過幾間分店裝修都唔錯 企理乾淨對比茶餐廳佢當然冇咁多嘢食大埔呢間店員服務態度都OK有陣時 外賣自取時間要耐啲疫情期間大家互相加油佢唔係話用好靚嘅食材只不過製作出嚟個效果係好睇亦都幾好食同埋有樣嘢豆子冰室冇乜點趕過客出面照樣有多人排隊 而佢嘅服務唔好因為咁而諗住快啲催你走