荳子 (大埔超級城D區)

营业中

休息中

中午和朋友來到大埔吃午餐，發現原來beans平日中午午市套餐好抵食我地點左2個套餐來食卡邦尼水煮蛋意粉卡邦尼醬配上意粉，真的是絕配意粉的軟硬程度煮得剛剛好，配上水煮蛋超夾八爪魚片南瓜忌廉意大利闊條麵南瓜忌廉醬南瓜味很重，配上闊的意大利粉，令到意粉可以掛更多汁，味道更上一層樓。八爪魚片與南瓜忌廉汁也很夾Beans 的咖啡不得不提，咖啡味香濃之餘不會酸，又不會過澀。每次來到我也一定會點咖啡。這裏的座位坐得很舒服，可以和朋友慢慢傾偈

人氣Beams菜式種類多每一個套餐可以以＄28加配價，加沙律、薯條、蛋糕👍薯條粗粗的，加埋香草真係好吸引同屋企人一齊分享份量都足夠羽衣甘藍藜麥沙律 +$30-整體口感清新爽脆有嚼勁但不乾澀不苦-藜麥添加了一絲堅果味與甘藍的清新形成了好搭配，健康又開胃意粉揀左冬陰功海鮮意粉雖然擺盤精緻，蝦嘅份量都多又有青口建議意粉份量可以增加慢煮牛舌芯，紅酒汁 $172 -紅酒汁濃郁醇厚酒香與牛肉風味完美融合-搭配柔軟既薯蓉仲有車厘茄😋😋叫咗各種甜品，打卡好靚-焦糖脆餅.雲呢拿吉士.千層酥.焦糖醬太好吃吧👍-馬達加斯加雲呢拿焦糖燉蛋配自家製馬德蓮蛋糕+$28👍-Tiramisu

#20240709 💛📍 荳子 大埔安邦路8&10號大埔超級城D區1樓670a, 670b, 671號舖 🍽️沙田｜馬鞍山｜葵芳｜青衣｜旺角｜九龍灣｜將軍澳｜屯門均有分店➖➖➖➖➖➖➖➖➖➖➖➖➖➖➖➖➖#香蒜牛油蜆肉意大利粉 $56💭 蒜香味勁足既一兜意粉🧄蜆肉唔算大粒，不過勝在無沙，談唔上鮮甜，因為基本上都比啲蒜味蓋過晒，意粉煮得彈牙，就咁食面頭啲豆苗會有啲草青味，不過撈埋食就食唔出，lunch set呢個價完全係唔心痛啦🍝.#焗三重芝士通粉 $82💭 唔好睇佢細細兜，啲芝士多得交關，自己一個人淨係食呢兜野相信都會幾滯🧀通粉仲keep到少少口感無焗到淋晒有啲驚喜，但兜野有啲乾，有返啲汁會易入口啲🙈. 🥢 #車打芝士薯條 +$30💭 本身以為係焗，但原來佢係另外有兜芝士醬，薯條應該係岩岩整好，粗身薯條食落軟糯🍟上枱果陣熱辣辣就好食，攤凍左啲醬杰左就會覺得都係就咁食薯條算喇😅. 🥢 #檸檬蜂蜜 💭 跟餐飲呢個無論凍熱都唔使加錢，野飲本身無咩特別，想讚係佢無用紙飲管，用左應該係用竹整既飲筒，一路浸住飲到尾都只係淋左少少，好想其他餐廳都效發下🤏🏼

想食個健康的午餐，打開MENU，見到有全日早餐，一眼就比個蕃茄湯吸引左。加$30仲有個羽衣甘藍沙律。本身一個人食擔心會唔會食唔哂，點知份量剛剛好。而且仲要好fresh。三層芝士的濃郁味，比想像中正，加熱了剛剛好，好正！最後仲送左個黑糖姜母茶。環境好舒服企理，一個人靜靜地食個午飯，感覺好舒服。推薦。

叫左幾樣野食外賣，有甲羅燒意粉、紅酒燉牛肉意大利飯、Egg Benedict同三重芝士三文治意粉同意大利飯份量都係正常偏細，但都勉強接受個三重芝士三文治，打開個下個份量細到嚇親我，只係得半份三文治。實際用料係得一塊多士同芝士，咁樣就$92連埋餐湯野飲。一開始仲以為係職員執外賣執錯，特登打電話返餐廳問，但係職員都話本身份量係得咁少，同老闆反映過好多次好多客人唔滿意，但係都冇改善過，咩都做唔到🤷🏻‍♀️🤷🏻‍♀️老實講，$92連餐湯俾啲咁嘅份量真係令人好難接受，幾好味都唔想再幫襯。更何況嘢食味道普遍嚟講，比起以前都差咗好多，但價位就一路升。幾份外賣總共買咗五百幾蚊，但份量同埋味道都唔值得呢個價錢，強烈建議大家幫襯前諗清楚俾咁既錢食餐飯係咪值

叫左全日早餐，炒蛋不錯，但唔夠熱，煙肉很好，但都係唔夠熱，貝果好食，焦糖香蕉不錯！抹茶卷蛋好食！牛肝菌湯好杰，超級漏！黑松露薯條，薯條炸得好好食，黑松露醬有好多

雖然荳子應該都算幾紅，不過都不能不幫佢賣廣告（我唔識老闆＆職員㗎～）Tea set $ 50 已有一客直徑約15cm 芝士開心果pizza 配蜜糖 + 指定飲品冇諗過咸嘅pizza 配甜嘅蜜糖，味道咁有趣另外 加多 $30 要多個 薯條配芝士醬滿足到不得了

每次屋企人話出去食飯，因為住附近嘅關係，所以好多時都去beans😆今次終於的起心肝寫beans🤣其實每次去都冇失望，menu都會有新品，食物質素唔差，又有擺盤，餐廳環境舒服乾淨✨侍應有禮貌，所以一家人都鍾意去食跟主食加30蚊配小食，蕃薯條感覺健康d，餐飯食到最尾都脆卡邦尼煙肉意大利闊意粉掛汁，連配料都沾滿， 煙肉同菇量夠油封鴨腿肉意大利飯有黑椒味， 鴨肉已拆肉，鴨肉味出再配埋油香味，唔錯 ～配埋芝士脆皮，有陣鹹香味，一碟野食到好多味道😋但今次我覺得個烤雞Pizza麻麻地，落太多蜜糖所以太甜 ，都蓋過燒烤醬同芝士既味道🤔揀一個主食都可以配美式咖啡/檸檬蜂蜜（可選擇甜度同冰量，有熱揀）/黑糖姜母茶（只有熱），今次去檸蜜蜂蜜賣哂😢咁夜就唔飲咖啡，咁唯有養生d揀姜母茶，都唔錯既，姜味重😂侍應都細心，幫我斟水個時見我擺電話係杯隔離，都禮貌地提一提我拎走先斟水，服務有加分🙌🏻

非常喜歡食佢嘅下午茶餐，特別係佢嘅香蕉pancake，我覺得非常之香口，而且啱晒我呢啲鍾意食甜品嘅人份量啱啱好又唔會太少之前仲有漂書呢個項目，啱晒我呢啲讀書迷，非常之有文化色彩

白味噌帆立貝意大利闊條麵前前後後都去過呢間餐廳幾次，唔肯定呢款係咪週末限定，有時候Menu未必會搵到呢款菜式，所以今日見到即刻叫黎試一試。第一樣不得不讚佢嘅麵粉，咬落去有彈性，口感很OK。所選用嘅飯立貝有鮮味， 而味噌味道亦都啱啱好，食落個感覺唔會好重味，對比Menu入邊嘅蕃茄醬意大利粉或者黑松露味嘅意粉，呢款闊條意大利麵個味偏向清新，有時出街食嘢食開太濃味想食返淡少少，呢款係一個唔錯嘅選擇。凍檸蜜每個套餐都會配嘢飲，例如有薑母茶同凍檸蜜，而呢杯凍檸蜜一啲都唔Hea，檸檬唔多唔少，三片啱啱好，唔會令到杯嘢太酸，而且仲有一片薄荷香葉調嚇味。雖然係檸蜜，但係就有啲酸中帶甜嘅感覺，非常好飲。黑松露薯條選用粗身嘅薯條，雖然個筒好似好細，但係份量其實都唔少，$30嚟講，性價比唔錯。我覺得薯條好食嘅一個關鍵就係夠脆，如果上菜果陣已經攤凍咗就會變淋，冇曬口感，但同時又唔可以炸得太盡，搞到咬落去完全感受唔到薯粉。而呢個黑松露薯條炸嘅火候就啱啱好，咬落去脆身，配合味道好濃郁嘅黑松露醬，正！不過如果唔要醬就咁食薯條，其實味道都已經非常唔錯。最後都想講嚇呢間餐廳嘅環境，週末嘅下午茶時間唔算特別多人，燈光偏暗

🍽️🍽️🍽️🍽️🍽️🍽️🍽️呢間絕對係一間好岩同朋友家人聚會既好地方好餐廳，環境舒服。一開頭入去會首先叫大家試噴下佢地賣緊既酒精搓手液，然後睇吓你啱唔啱，啱你就可以買，其中試咗一隻好似白桃味，都幾香，隻味唔會太假。1. 黑蒜·譏燒鮑魚·蜆肉·白酒意大利粉 $128色香味俱全，夠晒惹味，蒜味好香，感覺唔會太漏😋隻鮑魚仲幾好味幾新鮮添。2. 原隻烤八爪魚鬚🐙墨汁意大利飯好大條八爪魚鬚，超新鮮，好有咬口，夠入味，而意大利飯都粒粒分明，唔會有太多既包感😎😋

星期五晚上六點前到達，仲可以Order午餐同下午茶，結果用午餐價錢食到Dinner真心抵!!我同男友出名大食😆，所以點左兩個Lunch set，加一個Tea Set，另外仲加薯條小食同甜品🙈。可能我高估左我地嘅能力，食到一半已經好飽好滯😂下次唔敢叫咁多啦😅凍檸蜜+熱姜母茶餐飲一D都唔hea😯，檸蜜有三片檸檬外，更有薄荷葉做點綴同提味；少甜姜母茶就好薑好好飲，女仔一定要飲；😏本身諗住追加嘅薯條唔會好多，所以兩個午餐都加左，但原來連筒低都裝滿😮，我地兩個薯怪都要叫投降🤣(追加)芝士薯條 $30薯條新鮮炸出嚟；不過芝士醬唔夠杰，而且芝味偏淡、唔夠香。(追加)黑松露薯條 $30松露味好濃，不過食到中段會覺得好溜🙈(午)軟殼蟹意粉 $86蟹偏細，同埋唔夠脆，不過有蟹香；忌廉汁收得乾水得制，唔夠creamy，整體偏乾身。(午)黃金蟹肉意粉 $86個人覺得呢個意粉好味D😋，食得出鹹蛋黃香味、加上份量唔少嘅蟹肉、同埋十足份量嘅雜菇，成個意粉食落幾豐富，而且夠濕潤。不過油膩感較高，一個人食應該滯到食唔哂🙊(茶)開心果PIZZA $50開心果零存在感，芝士係水牛芝士，所以無乜芝香。PIZZA本身灑左一層砂

環境舒服嘅連鎖人氣CAFE ✣無論環境 衞生 同食物質素都唔錯MENU 價錢係中價位(๑˃̵ᴗ˂̵)و入座前有香薰消毒液免費使用為小朋友提供兒童餐具餐牌設計 都好有風格💕焦糖香蕉窩夫🧇有驚喜🤍賣相靚🤎香蕉同焦糖一齊煮，配埋雪糕食真係好唔錯黃金蟹肉意粉🍝醬汁加入了好多蟹肉同鹹蛋黃撈埋一齊食 食到啖啖蟹肉☺️

去大埔行到攰，想搵個地方坐下食啲野，每次去親邊都會見到外面有人龍，試下啦，未吃過。Menu係中價位，食物都係咖啡店cafe 嘅野食。都係賣相好吸引嘅類型。叫左個焦糖香蕉窩夫，有啲驚喜喎，香蕉本身連焦糖一齊煮，加上雪糕同窩夫一齊黎食，好正。配兩隻醬，蜜糖同忌廉，我自己鍾意食甜啲，會點蜜糖比較襯啲。呢個餐本身有一杯野飲，加$10換青檸梳打，正常野，冇特別。我單點左杯冰搖咖啡，黎到嗰時真係O左嘴😅仲以為係高杯裝嘅冰咖啡。下面噴住啲氣，其實只係放左好多乾冰。搞咁多野，試下先……唔……😅好普通嘅黑咖啡，冇乜大特別，仲要$40一杯。食物唔錯嘅，不過係好普通嘅野食，賣相靚所以好吸引。我自己就冇乜意欲回頭。

今日中午同屋企人嚟到Beans 食午餐相隔好幾個月冇食了，大約12點等咗陣就入得店員先帶我哋揀潔手液清潔雙手Jasmine 味好香安排坐sofa 位，睇過餐牌後用qrcode 落單等咗十幾分鐘開始上菜-豪華all day breakfast 賣相不錯，窩夫外表微脆內裡柔軟配上忌廉香甜可口黑松露炒蛋香濃滑溜，煙肉煎得焦脆，雞肉腸味道不錯沙律菜同蕃茄新鮮，煙三文魚鮮美爽滑唯獨野菌比較咸小食併盤單骨雞翼肉質軟嫩，蜂蜜味香甜，燒烤味較惹味肉醬薯條味道不錯，可惜薯條大部分土淋咗不夠脆炸洋蔥圈就夠晒酥脆配茄汁相當好味軟殼蟹黑松露意粉黑松露醬汁濃厚，軟殼蟹香脆酥鬆味道剛好跟餐加配栗子蛋糕賣相可愛，栗子味重而撻底香脆，中間的忌廉較甜跟餐加配綠茶卷蛋糕濃濃的綠茶味跟香甜紅豆真是絕配蛋糕細密而濕潤，非常美味整體食物賣相和味道都不錯，蛋糕美味店員友善又服務周到，環境舒適好啱放假嚟chill 下～注意用餐限時90分鐘