荳子冰室 (將軍澳廣場)

营业中

休息中

首次寫食評， 見諒 ！早前見很多人排隊 ，今日不算多人 ，排了十多分鐘便入座四人座位，不需要與別人同一桌，有時未試過新店，看食評都一定的幫助，看後 話說沙爹牛肉通粉不錯 ，丹麥多士 ，馬蘇里拉芝士火腿奄列 ，啡走， 就這早餐的選項， 大約五分鐘已經上餐。 總括 : 環境不擠迫，由其是這疫情之下，可以不需要與別人同枱進食， 食得安心些， 因早前有其他食肆有搭枱，別人除口罩傾計、講電話等等，會增加感染風險。 食物 : 牛肉有質素， 咖啡也不錯，小甜恰到好處 ，最想要講就是食材新鮮，特別 要講沙律菜伴碟 ，不只是伴碟令食物好看，增加食慾， 真正完完全全享用這個餐完美配搭 ，沙律菜的 紫椰菜、椰菜放在多士上， 與火腿奄列一同合奏， 有如嚐食漢堡的感覺 ，沙律菜正正減去肥膩感， 食到一半都要拍下來分享， 看見其他食客的餐碟 所有的都剩下沙律菜， 真可惜！！

晚上七點多 要排隊入座 前面大概十個人 等了10-15分鐘我一個人 被安排到自修室位 幾好 感覺衛生好多 相信係為迎合而家嘅疫情而設 唔洗怕搭枱夜晚唔想食麵餐就叫個茄汁牛肉燴意粉試下 牛肉份量幾多 肉質新鮮 雖然有幾舊有d根 但可以接受 意粉份量都唔少 茄汁有蕃茄碎 少許菇粒 少許洋蔥粒 沒有餐飲 但叫咗嘢食飲品可以半價 我就選擇加$10 試吓是日糖水 不過以為是日糖水係指定左 原來係可以揀😆芝麻糊 味道唔太甜 質感稀左少少 杰d好食d 普通 一試無妨不過廚房都幾忙 好多外賣 出餐唔算好快 我有d趕時間 同侍應追下個意粉 感覺都好友善 好快就出左

知道荳子冰室係將軍澳新開就同女朋友一齊去左試。我地大約下午3點時候去，一去到勁多人排隊，我地等左大約10分鐘左右就入到去，係排隊個陣見到個餐牌有日式燒豬頸肉撈公仔麵，可惜到我地嘅時候已經賣晒，有d失望🤦🏽‍♂️下次再去希望試到。最後我地叫左個沙嗲牛肉麵，菠蘿油，食落同普通茶餐廳冰室嘅質素差唔多，但個菠蘿油嘅擺放幾特別，將牛油分開放，之後用乾冰放底做左個噴煙嘅感覺，幾特別👍🏽最後推介佢地杯咖走，真心好飲👍🏽👍🏽👍🏽

知道荳子冰室於早幾天新開，和Beans Cafe 同一品牌 ，便打算試試。今日因為一早要出外參加活動，所以未夠七時便出門吃早餐。七點零六分用手機落單，等了約十五分鐘才有通粉的出現，之後飲品和奄列是分開送上的，上菜速度很慢。蕃茄午餐肉通粉中規中矩，沒有驚喜。熱檸蜜比較甜。芝士火腿奄列芝士有少許拉絲，頗好味。丹麥多士外脆內鬆軟，有驚喜。過了20分鐘家人見食物還沒到，只有飲品，於是向職員追單。再過多5分鐘，家人的食物還沒到。由於趕時間，所以取消那個早餐。其實，等了25分鐘，還沒來食物，情況真的很差。感覺很不好。

餐牌食物選擇不多，以為可以做到精益求精，可惜大失所望，第一次來點了豬膶麵+火腿奄列+奶茶，先講碗豬膶麵，D豬潤硬過條命，明顯煮得過熟，麵質極差，好有膠感，湯底無味；個火腿奄列，D蛋老過亞爺，鞋颯颯，火腿小但內有小許芝士，多士上面的牛油一點香味也沒有，相信是最平價的大筒罐牛油，求其劈一笪落塊多士上面，毫無誠意，多士是可以的，衰在牛油完全唔掂；本人對茶餐廳奶茶比較高要求，這間不香濃，也不滑，大失所望，$48個常餐，沒一樣做得好，還要排隊，仲要現金找續，疫情期間，我覺得欠缺衛生，相信沒下次了

將軍澳廣場新開左荳子冰室，聽聞早午晚都要排隊先食到，趁住難得悠閑嘅星期日朝聖。7點鬆啲到，已經見到條人龍，但其實都只係等左半個鐘少少就有位入，比想像中快。叫左個鐵板牛仔骨，加$15有酥皮湯，鐵板餐正常質素，對得住個價錢。酥皮湯同個多士就好有驚喜，大大片酥皮，忌廉湯香濃多料，超好飲💯💯💯多士唔係普通方包，而是牛奶味香濃嘅丹麥酥😍😍😍星州炒米，微辣，配料豐富，米粉炒得夠乾爽👍總結荳子：環境乾淨，座位寬敞，職員有善，價錢合理

一知道荳子冰室在將廣開業，已經很想去試，終於等到這個星期真的可以入去試吓！一早起身以為可以不用排長龍，但遠處已經見到龍尾，所以有啲失望，幸好只是排了20分鐘左右就有位！我很喜歡牆上的TKO 地圖，讓大部份食客找尋自己的居所位置☺️看了menu後，自己用QR code 落單，方便快捷！黑松露醬炒滑蛋配丹麥多士炒滑蛋上配上黑松露醬，像錦上添花般，很喜歡丹麥多士的口感沙嗲牛肉公仔麵🍜湯底及牛肉的水準OK餐肉粒鮮茄湯通粉鮮茄湯底好淡，餐肉粒煎得很香及好好

排隊唔緊要，如果有時間而D野好食。 但有點失望。員工服務態度散慢，好似未瞓醒。暫時環境清潔。食物點了沙爹牛肉麵及豬潤麵，倆份都配黑松露炒蛋，丹麥多士。麵質OK，沙爹牛肉唔夠濃沙爹味，衹係似蠔油炒牛肉，失望。豬潤麵更恐怖，出血的，湯底唔係豬潤湯與X記完全不同。豬潤出血的我完全唔敢食，但同行的人吃了回家肚痛。炒蛋好老，無蛋香仲要腥，枱面無胡椒粉供應。還有飲品，咖啡竟然沒有咖啡糖，果然是普通茶餐廳。仲叫左個菠蘿包，包硬，面頭"菠蘿''太薄，不值得吃。如果遲D唔洗排隊，可能會試晚餐，但早餐就應該不會再去。

一向喜歡Beans嘅意粉、甜品同咖啡, Beans開第一間冰室Cafe de Beans當然第一時間去試。作為將軍澳名物，荳子冰室晚市無論堂食或外賣都大排長龍，一於交定鬧鐘，返工前去食個早餐，希望唔使等好耐。平日早上7.30去到, 大概2-3個人等緊位, 3分鐘度就入得。嘟張單上面的QR code就可以點餐, 都幾方便。menu 選擇都多，有經典通粉、公仔麵餐，輕食三文治到扒餐都有。我哋就點左2個經典早餐，一個沙嗲牛肉通粉同一個薑絲鮮牛肉通粉，跟餐可以揀芝士火腿列或黑松露炒蛋，跟餐飲同配丹麥多士或者可以加$5轉叉燒餐包。通粉同奄列都係正常茶餐廳水準，個丹麥多士就有驚喜，外脆內軟再加上牛油，好好味奶茶茶味濃郁，要左多奶好香滑，咖啡都係正常茶餐廳水準，成個餐$39非常豐富完美good morning. 門口仲有一個包櫃，走時買咗一個荳子包(紅豆+吉士)做下午茶。價錢同連鎖餅店差不多，但係拎係手係熱！辣！辣！架! 將軍澳街坊以後都有良心麵包食啦晚市小菜menu都好吸引，下次要試下小炒同燉湯。

好開心Beans 終於開返間港式茶餐廳平時食西餐 有時都想食下茶餐廳太興 香港地日日都排長龍荳子冰室一開 即刻搞到隔離太興都冇人 開咗幾日 差唔多咩時段落去都好多人排隊諗住叫個菠蘿油+茶走會好快搞掂，點知都等咗成15分鐘都預咗啱啱開要等耐啲，同啲員工未係好熟手，落order都搞咗一陣講返啲嘢食先唔知係咪因為個菠蘿包唔係新鮮出爐，所以食起嚟個包唔係好鬆軟有啲硬。牛油咁放係幾靚不過食起上嚟有啲論盡！我唔係專業奶茶品評師，杯茶走我就幾滿意等遲d 少d 人再試其他野啦

早餐：沙嗲牛肉麵 mozzarella cheese 火腿庵奄列丹麥多士 奶茶 $39▪▪▪▪▪▪▪▪▪▪▪▪▪▪▪▪▪▪QR code 落單落單後 三分鐘內 就上左奄列同奶茶Mozzarella cheese 火腿奄列🧀大pan薄煎對摺 分明既四層 火腿量不多 但$39有mozzarella cheese omelette有誠意 唔食奄列 仲可以揀黑松露醬炒蛋🍳丹麥多士🍞亦係近年冰室新寵正常發揮 可選走油▪▪▪▪▪▪▪▪▪▪▪▪▪▪▪▪▪▪奶茶 茶底清香 茶奶比例適中難得一杯飲晒 亦唔會有負擔茶底令我唸起 恆之茶居 同屬偏台式風▪▪▪▪▪▪▪▪▪▪▪▪▪▪▪▪▪▪主角沙嗲牛肉麵牛肉新鮮 有嚼頭 🍖但似醬油打芡煮牛肉 多於茶餐廳風既沙嗲牛麵 接近黐立既邊緣🙈 相信唔係煮過龍 係食材本身問題如果轉食米粉 或 通粉 可能好啲😂▪▪▪▪▪▪▪▪▪▪▪▪▪▪▪▪▪▪Cafe de Beans貫徹Beans的風格創新有誠意 價錢合理值得支持

Beans 粉絲一名副線荳子冰室正式開業第一天便前來捧場新店裝潢企理雅緻見佢有自閉獨食位不過第一天的早餐時段無開果邊安排我呢啲獨L坐4人枱（之後亦有另一獨L坐斜對面），即2人霸了4人枱所以7點半就出現人龍排隊等位了...早餐選擇不少手機自己點餐叫了雪菜米配黑松露醬炒蛋、丹麥多士、奶茶食物味道合格但沒太大驚喜雪菜肉絲味道一般炒蛋不滑，上面一篤松露醬似搭枱食客同個炒蛋無交流丹麥多士好香，是冰室少見的配搭，出色奶茶可以自選濃／淡， 多／少奶，好喝