荳子冰室 (上水中心)

营业中

休息中

過咗午飯時間，店內6、7張枱冇人坐，見有卡位想埋去坐，點知店員話兩個人坐卡位要搭枱，但我見有其他卡位都係得兩個人坐，跟住我問店員他們點解唔使搭枱嘅，之後店員冇答我，佢哋啲服務態度⋯⋯😤

電話scan QR code 點餐後發現一直未上菜，再翻看時才看見系統顯示部分食物已售罄，需要整張訂單刪除，重新再下單，浪費了不少等待時間。如果有職員提醒食物售罄，需要更改訂單，或在下單時顯示會較好。現場還看到旁邊的顧客因為等得太耐才發現訂單無效，無奈離去。希望可以改善一下。

店內有5-6張吉枱，也要求客人搭枱。職員態度惡劣唔話可以搭枱就唔比坐。然後同意搭枱後，立即安排其他客人入內搭枱。其實多人時搭枱，我明白，也理解。但店內有5-6張空桌，店外也無人等候，職員安排搭枱，我就真係完全唔理解，只可以話餐廳玩野 ！

同朋友去完打波又想食少少野放肆一下，又唔想食太多野就揀咗荳子冰室歎返個下午茶。餐廳帶有少少裝修係懷舊冰室風，門口有個賣麵包既位置有好傳統既冰室特色，地方雖然唔算大，但勝在乾淨企理同坐得舒服。✨我同朋友點咗好邪惡既菠蘿油🍍同煉奶多士🍞，外皮脆口嘅菠蘿包，加上厚厚嘅牛油，重點！！牛油係另上嫁，自己鐘意加幾多就幾多。雖然好邪惡但一咬落去真係滿滿嘅幸福感；多士烘得香脆，配埋煉奶，甜度剛剛好！朋友試咗杯凍鴛鴦🥤，話咖啡同奶茶嘅比例調得非常完美，正正！而我就叫咗杯茶走，飲落多非常香滑。不過因為見到咁多人排隊都唔係太好意思坐太耐，我哋都係食完啲野同飲埋杯野快快手咁走。

Lunch行過上水，見到火車站附近的商場有間荳子冰室，見出門擺係門口面包櫃嘅面包好似幾吸引，就打算食個lunch。等左一陣就有位，lunch time嚟講算快。入座見到今日嘅精選lunch 唔太吸引，就叫左常餐：叉燒通粉﹑庵列蘑菇炒蛋﹑餐包﹑熱飲，盛惠56元。餐包幾好食，仲熱，又脆 ; 炒蛋都唔錯。問題出係叉燒通粉身上，啲叉燒酸嘅，應該變壞左，我食左一塊已經唔敢再食，結果行到半路肚痛，真係難忘嘅經歷!

14-8-2024 中午時段與家人於上水中心午膳，服務員安排入座後，點餐之際，突然服務員要求我們轉檯，當行去新安排檯位置其間，被另一女服務員執檯的茶水，從我右側濺中，告訴她茶水濺中我，她毫無歉意地說：「看不到你在後面」，問她取紙巾，原全不理會😠，到我用膳完畢結賬，這位女服務員收錢時仍然態度囂張眼神極不有善，刻意要我等她收錢，期間家人要去洗手間，問她洗手間需要鎖匙嗎？裝聾扮聽唔到，真係火到嚟，大聲問：「洗手間要唔要鎖匙？」， 毫不情願回答“唔洗”，咁嘅服真係“世一”，這間店子幫襯一次都嫌多，無回頭

今日工作好忙，無乜時間食晏，就諗住响附近商場嘅茶餐廳食個茶餐，點知都要排隊，等咗一陣先入到座，其實呢間茶餐廳在中午時段，係非常多人的！✨黑椒牛柳絲炒意粉✨意粉比想像中好，軟硬適中，牛柳絲唔韌，意粉份量都好多，加上用黑椒炒，辣辣地好惹味，意粉上面放咗蔥絲和紅椒絲，賣相都好吸引！✨蒜蓉豬扒飯✨豬扒煎得好香，兩大件豬扒好夠份量，用蒜蓉做汁，好香好惹味！兩個食品都要加錢先有飲品，我就要咗一杯咖啡，都好香濃，但總覺得食品和飲品加埋嘅價錢，就略嫌貴了一些！

平時食beans都係食西餐～今次Idiot就咁啱試到佢嘅茶記估唔到非常有驚喜😻-👩🏻‍🍳Idiots翻兜之選❤️‍🔥雪糕粒粒西多士 $45估唔到喺茶記食個下午茶都可以有乾冰🤟煙霧瀰漫咁fancy🫶粒粒西多士係每一粒入面都搽咗花生醬先炸～加埋雲呢拿雪糕真係好出色 好邪惡🤤❤️‍🔥厚多士 $29可以揀兩款醬除咗平時常見嘅牛油花生醬煉奶果jam仲有咖吔同鮮牛油👅❤️‍🔥黑牛係玻璃樽裝嘅可樂同朱古力味雪糕球😻❤️‍🔥紅豆冰連紅豆冰都有雲呢拿雪糕球💞

難得好吃的新型冰室新型冰室在香港近年興起。做得好的新型冰室卻不多。荳子冰室環境漂亮，好吃又坐得舒服。早餐時段可以一人霸佔一個卡位，點個雪菜肉絲米粉配黑松露炒蛋。餐包加幾蚊仲可以轉蛋撻。無論米粉和湯底都很不錯，唯肉絲感覺欠缺了一點點，可以再好吃些。炒蛋夠滑，黑松露份量如多一些會更好。早餐配熱奶茶很不錯，故此早上8時多開始可能要排隊入座。惜食客和職員均不珍惜玻璃杯，打爛哂，餐廳被迫改用膠杯，冰室奶茶風味大打折扣。

今日過完粉嶺落番上水食早餐, 見周圍都多人, 不如去依度坐得舒服d😛 可能是平日又比較晚d, 所以都有位, 唔洗点排隊亦無使用什麼特別優惠,, 唔想吃湯粉麵, 忽然想食下魚柳, 用QR code落單, 首先揀左吉列魚柳🐟然後可以揀黑松露炒蛋或煙肉磨菇奄列, 我揀左奄列🥚, 包亦可以揀丹麥多士, 甜餐包或加$叫其他包, 我揀左甜餐包不用走牛油, 野飲我見可以加$2轉伯爵奶茶, 我見敢得意又試下😋, 等左一回兒, 餐包送上, 好大個, 已經好少見有甜餐包, 之後魚柳和飲品也來, 賣相好靚🤩好精緻, 影完相就試下佢的味道, 先試餐包, 食到牛油香味, 不過包硬左d, 唔係好夠鬆軟😅再試下奄列, 入面有煙肉和磨菇, 配搭好夾👍食落好香, 但蛋好似熟左少少😅 再吃下魚柳, 食落沒有我不喜歡的化學味道, 吉列魚柳真係好少吃, 切一舊舊加沙律醬好好食😚佢只沙律醬好好味🥰 再吃d沙律菜, 佢加左d意大利醋, 酸酸地幾好味😍 也試左佢碟茄汁豆, 如果有d溫度我諗更好食, 再試下伯爵奶茶, 飲落變左西式味道🤣還是喜歡傳統的港式奶茶了🍴整體味道ok, 價錢係比其他茶記貴少少, 不過都值得再去🤭

本身成日幫襯 但門口企counter賣包馬尾黑衫女員工實在太無禮貌 今朝買個包都好聲好氣有講唔該但佢夾完個包一野掉落張檯然後勁粗魯咁話 拍卡啦！真係第一次買個包比人咁樣既態度對待 首先我已經準備好八達通 你set好部機我已經即刻拍落去 再者後面根本無人 完全唔明點解咁少事都要大聲呼喝客人 太無禮貌不能接受 都想負責人了解下員工心理健康 咁樣既狀態仲適唔適合繼續做對客既工(aka呢份工）想受氣既話絕對要試呢間 否則唔覺得有需要黎 食物都係好一般 越做越差

平日嚟上水食午餐，去到上水中心見到有荳子冰室，咁就食個午餐啦今日午餐有四個選擇我就叫咗咖喱雞扒飯加杯凍檸茶賣相都幾靚仔，雞扒幾脆，咖喱都好啱口味呢度環境都唔錯，座位幾闊落坐得幾舒服

其實呢度都算係飯堂，如果佢開喺我樓下你話幾好呢？🤣 呢度嘅早餐係平靚正之選，如果肯出街食早餐嘅話我都會去呢間食。我食開嘅係：早餐set ($40)🌟雪菜肉絲米粉 有少少辣辣地，好惹味，調味啱啱好又唔會太鹹，每次食都覺得好好味😊🌟蘑菇煙肉奄列正常發揮，味道和份量都正常～🌟熱檸蜜冬天最適合係飲熱嘢同埋蜜糖👍🏻🌟咸蛋黃奶黃墨西哥（餐包轉$+6）（原價$12）外皮脆，入面留心奶黃超級好食🤩鹹鹹甜甜咁，我叫咗佢嚟拎番工當佢下午茶，非常之完美，因為平時餐包我都係放喺度唔食，轉咗做呢個包然之後攞走覺得自己呢個係好明智之舉🤭

黎到冰室點可以唔食包🤤要睇下冰室嘅質素，就一定要食佢地個菠蘿油！充滿住滿滿儀式感嘅菠蘿油，塊凍牛油係用乾冰嘅加持另上🤣一個切開咗嘅菠蘿包放喺旁邊，自己將塊牛油夾入去個包到！-菠蘿樣好酥脆，一咬落去，厚厚嘅牛油香味濃厚，塊牛油慢慢再喺口入面溶，口感一流👍🏻👍🏻-芝士煙肉曲薯😍勁鍾意食香口野嘅我，真係好興奮！薯條係辣鮮熱辣辣岩岩炸起，芝士喺面到溶哂，配埋一齊好夾好好食！🤤-鮮茄焗豬扒飯👍🏻👍🏻👍🏻👍🏻👍🏻好巨型嘅豬扒，配埋好多好多好多嘅茄醬，加埋上面好厚嘅焗溶嘅芝士，簡直係絕配！每一啖飯都係充斥住醬汁同豬扒，成個飯冇一啖係淨係食飯🤣好正！俾滿分💯

每次排隊都會比3人以上入內進餐，坐4人位，而2人就不必尊重，就要你等等等等等等，係要等到2人座位先比你入內進餐，簡直不知甚麼服務態度，每一次去都是這樣，重複又重複。