要睇下冰室嘅質素，就一定要食佢地個菠蘿油！
充滿住滿滿儀式感嘅菠蘿油，塊凍牛油係用乾冰嘅加持另上🤣
一個切開咗嘅菠蘿包放喺旁邊，自己將塊牛油夾入去個包到！
-
菠蘿樣好酥脆，一咬落去，厚厚嘅牛油香味濃厚，塊牛油慢慢再喺口入面溶，口感一流👍🏻👍🏻
-
芝士煙肉曲薯😍
勁鍾意食香口野嘅我，真係好興奮！
薯條係辣鮮熱辣辣岩岩炸起，芝士喺面到溶哂，配埋一齊好夾好好食！🤤
-
鮮茄焗豬扒飯👍🏻👍🏻👍🏻👍🏻👍🏻
好巨型嘅豬扒，配埋好多好多好多嘅茄醬，加埋上面好厚嘅焗溶嘅芝士，簡直係絕配！
每一啖飯都係充斥住醬汁同豬扒，成個飯冇一啖係淨係食飯🤣好正！俾滿分💯
