影片
话说几年前，一次误打误撞既情况下去咗呢间茶餐厅食lunch，当时食咩已经唔记得，只系记得旧式老茶既装修，同店员友善既服务。最近系fb知道呢间餐厅要结业啦，突然想起就想再去帮衬一次。2024年10月26日，嚟到门口已经见到大大张红色告示，茶餐厅将会系廿九日正式结业。入到门口见到客满，要等一阵，于是同收银姐姐讲，想等卡位，佢笑笑口咁话尽量啦。等咗无五分钟，就真系有卡位坐。原本见客人碟茄子牛仔骨好正想食，不过啱啱到下午茶时间又唔系好饿，就点个下午茶算了。同朋友一个咖喱炒贵刁，一个菜脯叉烧炒饭，交换啲嚟食，贵刁无咩咖喱味，炒饭反而偏咸。两杯冻奶茶就OK正常。味道OK唔算好正，但气氛好好，店员都笑笑口，仲见到老板教客人点冲奶茶，有熟客问老板点解唔做，老板话做咁多年得个吉气氛和谐，毫无怨气，应该真系光荣结业。尊重店内请勿拍照既告示，出到门口先影两相作为纪念。希望香港之后既食市都可以无差别咁多啲对客人展露笑容，唔好净系识得呻点解无生意，或者出咗名就摆个臭面出嚟拣客做。
继续阅读
#荣华茶餐厅 又有一间老店即将结业，趁关门前去衬下热闹。我并唔系深水埗街坊，对呢间舖头冇任何感情，每次行过都会路过而且错过。喺讨论区发现呢间舖头即将结业，应该系退休，所以想喺佢结业前试下，如果好食就有一个好嘅回忆，唔好食就当送佢最后一程。拣咗下午茶时间两点开始，叫咗份公司三文治$44，相比起其他舖头比较轻型，一般会有三块包而佢只有两块，而且馅料唔算好多，不过面包烘得几好，仲有少少脆。听说佢杯茶最出名，今次叫咗茶走，温度够，茶香，炼奶份量刚刚好，唔会过甜亦唔会冇料到，真系几正。有人形容呢间舖头几贵，深水埗区嚟讲唔化算，但亦有人接近日日帮衬当饭堂，每个人嘅需求都唔同，啱自己食就可以。今次食完，总算有机会同呢间老牌餐厅讲再见。荣华茶餐厅深水埗福荣街58号地舖
继续阅读
好想食怀旧鱼蛋粉，有日带左家人去九龙城所谓米芝连食店帮衬，食完呀爸翻白眼🙄️向住我，佢话一D都5好食🥲，平时食开个间好多多声㖞！叫呀爸介绍我去试下👀👀。原来系深水埗排档附近的旧式茶记，我系tea time去既，但都有8成顾客，全店装修摆设系70-80年代，但环境干净，服务员系中年人仕，但有礼貌，效率高👍🏻。我叫左至尊推介，有鱼片、鱼蛋、炸鱼片头和炸鱼皮4并，加埋热饮$ 4 6。哗！卖相好正！首先，炸鱼皮系分开上，话说系即炸，鱼蛋粉有好多菜，仲要系大大条，D鱼片鱼蛋真系食到有鱼味，弹牙，不是粉团😂！不是味精汤。到杯奶茶啦，你睇吓，茶面系有层奶茶衣，难得！还有所谓挂杯出现👍🏻，饮落好滑，劲茶香，且回甘😋😋，超级完美💯。最后埋单，老板娘仲同客有礼貌地讲多谢，超窝心❤️。见老板伙记同客有倾有讲，感觉很亲切，好有旧香港情怀，多谢呀爸好介绍🙏🏿。
继续阅读
今朝早要去深水埗行一转，顺便喺㺯弓食埋早餐。但朝早有好多餐厅都未开，所以都系拣番啲茶餐厅食。喺openrice 睇到间荣华茶餐厅，望落去唔似新开嘅茶记，应该有啲保证，就决定去试一试。每去到未食过嘅茶记，例牌会嗌早餐A试吓。多士即烘加分，蛋即煎唔会冻冰冰，反蛋得嚟蛋黄仲会流出嚟，加分。火腿通粉就正常，热辣辣咁样。热柠茶，茶味够香，系旧式茶记用茶胆先冲到出嚟。总括而言，无中到伏，环境算干净，正常茶记服务。
继续阅读
今天在这里吃个早餐☕，早餐的水准，都不过不失。味道都可以的。价钱都同出面一般餐厅差不多，三十几蚊。当我再慢慢品尝早餐的时候，抬头一看望到水吧的师父，不单止没有戴口罩，还喺度食烟🚬，我心谂乜唔系落场时才吸烟，点解在制作食品的时候可以吸烟呢？唔怕啲烟灰跌晒落啲食物到，咁客人食了烟灰食物又点算？😖当我睇到这刻的情景，即食欲大减。我唔会再到此餐厅。希望以后餐厅的师傅，为人为己，带番个口罩才制作食物，唔好再在工作时吸烟。
继续阅读