榮華茶餐廳 (已結業)

話說幾年前，一次誤打誤撞既情況下去咗呢間茶餐廳食lunch，當時食咩已經唔記得，只係記得舊式老茶既裝修，同店員友善既服務。最近係fb知道呢間餐廳要結業啦，突然想起就想再去幫襯一次。2024年10月26日，嚟到門口已經見到大大張紅色告示，茶餐廳將會係廿九日正式結業。入到門口見到客滿，要等一陣，於是同收銀姐姐講，想等卡位，佢笑笑口咁話儘量啦。等咗無五分鐘，就真系有卡位坐。原本見客人碟茄子牛仔骨好正想食，不過啱啱到下午茶時間又唔系好餓，就點個下午茶算了。同朋友一個咖喱炒貴刁，一個菜脯叉燒炒飯，交換啲嚟食，貴刁無咩咖喱味，炒飯反而偏鹹。兩杯凍奶茶就OK正常。味道OK唔算好正，但氣氛好好，店員都笑笑口，仲見到老闆教客人點沖奶茶，有熟客問老闆點解唔做，老闆話做咁多年得個吉氣氛和諧，毫無怨氣，應該真系光榮結業。尊重店內請勿拍照既告示，出到門口先影兩相作為紀念。希望香港之後既食市都可以無差別咁多啲對客人展露笑容，唔好凈係識得呻點解無生意，或者出咗名就擺個臭面出嚟揀客做。

#榮華茶餐廳 又有一間老店即將結業，趁關門前去襯下熱鬧。我並唔係深水埗街坊，對呢間舖頭冇任何感情，每次行過都會路過而且錯過。喺討論區發現呢間舖頭即將結業，應該係退休，所以想喺佢結業前試下，如果好食就有一個好嘅回憶，唔好食就當送佢最後一程。揀咗下午茶時間兩點開始，叫咗份公司三文治$44，相比起其他舖頭比較輕型，一般會有三塊包而佢只有兩塊，而且餡料唔算好多，不過麵包烘得幾好，仲有少少脆。聽說佢杯茶最出名，今次叫咗茶走，溫度夠，茶香，煉奶份量剛剛好，唔會過甜亦唔會冇料到，真係幾正。有人形容呢間舖頭幾貴，深水埗區嚟講唔化算，但亦有人接近日日幫襯當飯堂，每個人嘅需求都唔同，啱自己食就可以。今次食完，總算有機會同呢間老牌餐廳講再見。榮華茶餐廳深水埗福榮街58號地舖

好想食懷舊魚蛋粉，有日帶左家人去九龍城所謂米芝連食店幫襯，食完呀爸翻白眼🙄️向住我，佢話一D都5好食🥲，平時食開個間好多多聲喎！叫呀爸介紹我去試下👀👀。原來系深水埗排檔附近的舊式茶記，我系tea time去既，但都有8成顧客，全店裝修擺設系70-80年代，但環境乾淨，服務員系中年人仕，但有禮貌，效率高👍🏻。我叫左至尊推介，有鱼片、魚蛋、炸魚片頭和炸魚皮4併，加埋熱飲$ 4 6。嘩！賣相好正！首先，炸魚皮系分開上，話說系即炸，魚蛋粉有好多菜，仲要系大大條，D魚片魚蛋真系食到有魚味，彈牙，不是粉團😂！不是味精湯。到杯奶茶啦，你睇吓，茶面系有層奶茶衣，難得！還有所謂掛杯出現👍🏻，飲落好滑，勁茶香，且回甘😋😋，超級完美💯。最後埋單，老闆娘仲同客有礼貌地講多謝，超窩心❤️。見老闆伙記同客有傾有講，感覺很親切，好有舊香港情懷，多謝呀爸好介紹🙏🏿。

今朝早要去深水埗行一轉，順便喺㺯弓食埋早餐。但朝早有好多餐廳都未開，所以都係揀番啲茶餐廳食。喺openrice 睇到間榮華茶餐廳，望落去唔似新開嘅茶記，應該有啲保證，就決定去試一試。每去到未食過嘅茶記，例牌會嗌早餐A試吓。多士即烘加分，蛋即煎唔會凍冰冰，反蛋得嚟蛋黃仲會流出嚟，加分。火腿通粉就正常，熱辣辣咁樣。熱檸茶，茶味夠香，係舊式茶記用茶膽先沖到出嚟。總括而言，無中到伏，環境算乾淨，正常茶記服務。

今天在這裏吃個早餐☕，早餐的水準，都不過不失。味道都可以的。價錢都同出面一般餐廳差不多，三十幾蚊。當我再慢慢品嚐早餐的時候，抬頭一看望到水吧的師父，不單止沒有戴口罩，還喺度食煙🚬，我心諗乜唔係落場時才吸煙，點解在製作食品的時候可以吸煙呢？唔怕啲煙灰跌曬落啲食物到，咁客人食了煙灰食物又點算？😖當我睇到這刻的情景，即食慾大減。我唔會再到此餐廳。希望以後餐廳的師傅，為人為己，帶番個口罩才制作食物，唔好再在工作時吸煙。

係一個非常悶熱既下午,爆忙左一朝,成身臭汗攰到嘔電,係黨鐵想立即奔返屋企沖涼,但係....肚餓...去標記要行返轉頭,又熱又臭又攰,唔想行啦...直行返屋企都有幾間食店,但冇乜邊間好食,跟住醒起榮華,二話不說行入榮華,是旦買碗粉食算啦,一入去,就問收銀姐姐有冇牛筋,佢話有,立即要碗牛筋麵走青,佢話探左熱可以係店入面等外賣,我想去隔離甲蟲部屋就行左去,三兩分鐘後有麵食,返上樓拿拿聲沖個靚涼吔麵,還好個麵都冇索得太多水,仲有條白菜仔XD,牛筋炆得好焾,滑嘟嘟好難夾,夠味,辣椒油ok,但我想要多兜XDD係啦,佢地係維持緊2人一枱架.

可能你會諗：普通一間茶記有咩好介紹呀？但呢間好值得推薦，事關佢地個柱侯牛腩麵真係驚為天人柱侯牛腩麵 • HKD$44超！級！好！食！平時出街好怕食牛腩，因為一定會韌韌地，搞到d肉攝晒牙隙但呢度個牛腩係淋到根本唔怕有咁嘅情況出現！而且仲入晒味，超好食個湯都好香，比起出面就咁加腩汁，佢個湯似係熬出黎，食落根本係另一個境界沙嗲牛肉午餐肉米粉 • HKD$38另外要測試一間茶餐廳嘅水準，最直接方法係試佢嘅沙嗲牛肉呢度個沙嗲牛肉係冇用生肉粉拿過，所以唔會滑孱孱，仲係幾有質感嘅～但個汁我個人偏好重花生味d，而佢呢個係偏辣味重d，不過都好食

深水埗呢間榮華茶餐廳，如果我自己一個既話我一定去架！因為D friend 多數食車仔面呀朱潤面呀或其他特式野。今日食魚旦粉，魚片我鍾意D口感唔會實啲啲，佢地既粉面湯底好有大地魚嘅味道😋33度之下飲埋杯凍〇丅⋯⋯爽

依家除咗返工、放工、到超市買物資之外，都極少周圍逛，避免人群聚集嘛。適逢清明，需要去掃墓，但今次就只喺兩家人各派代表一個，我哋喺清明前一個星期去嘅，對比往年少一半人，場面都顯得冷清。難得「出關」，就一次過到埋石硤尾、深水埗一帶同親友有啲物資交收，順道食埋晏先返屋企。本來都諗吓約埋表哥食晏，不過，最後都喺唔好喇，一支公食完就算，免得交叉感染，唔喺怕被感染，喺怕唔知自己喺唔喺「隱形」嗰啲，感染到人哋。而晌福榮、福華街兩條「食街」睇睇有咩餐廳選擇，眼見好多食肆唔守規矩，完全唔覺有防疫措施，反而發現一間唔起眼嘅茶記小店「榮華茶餐廳」，一來睇到有防疫意識，二來真喺兩個多月未嘆過茶記奶茶喇，三來好想撐呢啲有心小店。一入門口，被老闆娘嗌住，就喺因為要量吓體溫。餐廳嘅環境唔大，但兩邊卡位隔住嘅枱都被「封印」，而中間嘅圓枱都收起咗啲，令每張枱都隔番開啲，大大減低不必要嘅社區交叉感染。剛好坐落時已經2:00pm，有下午茶供應，其實，佢哋嘅午餐都只喺賣$45，仲包例湯、餐飲，所以，如果食碟頭飯嘅下午茶餐（$40-$42），實際上喺無咩明顯着數嘅。馬來炒貴刁 $42出街食嘢，就梗喺揀啲自己唔識做、相對又難做嘅

去親都係食下午茶佢嘅下午茶同平時嘅茶餐廳相似但一般茶餐廳只係淥熟食材 感覺似係食物同味道分開想食清啲果陣係ok 重點來了！榮記下午茶嘅多士 雞翼 雞髀 完全係好食好味係地道隱世 得住ssp 嘅人先知🥳🥳😛😛😛😛唔信嘅試下咪知我最鐘意食西多同雞翼🤗🤗🤗西多係炸得岩岩好雞翼係有味 細細絲咁最好食😋即使我唔係住ssp 我都成日去食 因為食過翻尋味奶茶☕️又係人手沖調 傳統奶茶又香又甜快啲一齊去食！正啊喂👏🏻

黎得深水埗梗係要嚟鴨寮街啦..鴨寮街出名啲嘢好平..今次我哋去搵電池..都行咗好耐而且今日好熱.. 行到攰攰哋就搵間餐廳食野啦..不過要行到去福榮街先有嘢食..一眼就見到呢間茶餐廳就入咗嚟啦...望望時間原來都五點幾..不過仲有下午茶..我叫咗炸雞翼配炸薯條..老公叫咗馬來星洲炒米..飲凍奶茶少甜..下午茶份量唔算多..不過都夠飽..炸雞翼有三隻不過好細隻..薯條都唔係好多..不過全部都係新鮮炸好所以好好味呀..另外配沙律汁同埋茄汁..不過食緊先記得要影相呀..

行完玩具街買野, 想食個下午茶, 雖然成條街都係餐廳, 但好似無咩吸引力.最後都係是但揀左茶記, 見呢間都幾多人, 我諗OK掛.茶餐有多士, 火腿蛋, 同义燒意粉, 盛為36蚊, 都算幾平.义燒湯意粉個湯唔會太淡, 意粉彈牙, 唔會太腍, 义燒4份唔會太細, 瘦得黎無渣, 幾軟腍.多士微烘都脆脆地, 口感唔係隔夜麵包, 幾軟熟. 炒蛋都幾大份, 幾滑唔錯. 火腿就係正常野, 無咩特別.凍茶都正常, 茶味足, 唔會太甜.雖然祗係簡單既茶記, 不過味道算唔錯.

深水埗舊區人口特別多，食肆也有很多選擇，今日趁着五一假期便到黄金看看PS4遊戲產品，行到累想找間有位的食店很困難，因太多人也像我一樣，行完街醫下肚。結果，行到玩具街（即福華街，這裏很多玩具站才有此稱號），見到此茶餐廳-榮華，不需等太耐便有位，進店之際近在門口聞到很濃湯河味道，看看餐牌也主打魚蛋河套餐，便order一碗試試，而半價更可叫炸魚皮，感覺味道不錯。魚蛋很爽而食得有彈牙感覺，魚皮更新鮮炸，非常脆，不鹹，浸下湯底才食，爽。這店註明自設工場，魚蛋爽而彈，套餐$39魚皮新鮮出爐，非常脆口菜order時講明要稔，果然超稔，賣相也吸引，好食。食店環境雖一般，但河粉幼細，食落很滑，值得給讚。

又好幾個月無寫食評了, 因為都真係抽唔出時間... ... ... ... ...無, 真係無, 都無辦法, 各位老友記都睇到我有幾唔得閒啦, 打機都唔得閒, 即係真係好忙...言歸正傳, 今日同Honey'出城' 去咗深水埗搵食, 有咩好食?  去試吓經過好幾次都見到人頭湧湧, 名不經傳的這間地道街坊茶記為今日的第一站~  Let's Go, go go go!!地方舊, 亦有少少亂, 茶客又多, 人迫人格局, 地面少少污糟, 但大家嚟得呢類型茶記唔好期望會'窗明几淨', 合理期望就收貨啦...招呼方面, 兩位女主持都好落力幫眾茶客搵位, 安頓好又會送上免費熱茶, 真係熱o架!   可算是期望以外, 加分!是日抵達時間是10:5x分, 有位坐定定已經剛剛過了11時, 但阿姐都照幫我們寫早餐, 呢啲街坊茶記真係抵錫, 多謝!!  叫咗兩客沙爹牛麵餐, 有火腿絲奄列同餐飲, 蛋就食慣"Fa記"的好嘢, 真係無得比, 呢度薄薄的奄列但都煎得幾香口幾靚, 收貨喇!!   沙爹牛麵出奇地好, 沙爹香, 牛並無'毑'到林晒無晒味, 意料之外, 唔錯!  但因為我本來無諗住寫食評(已經幾個月無寫,

去到茶餐廳時，已經十點十，重嚟得切叫早餐，當食埋 brunch，今次叫D餐：呢度都幾旺場，食客以中年男士佔多；我坐的位置，可看電視。看起來很普通的一杯免費茶，都一樣夠熱，茶味足！調味料應有盡有.......熱奶茶 ～ 茶味濃郁，無澀味！奶油多 ～ 夠厚身，外脆內軟，奶油醬甜而不漏！太陽蛋＆腸仔煎得好香，好靚，番茄片夠新鮮！埋單廿七蚊，都算抵！門外擺放着麵包，供途人購買。