茶餐廳2.0 (已結業)

抗疫關係，這間茶餐廳2.0都推出一系列的抗疫優惠及套餐，外賣更可減$10。今晚懶煮飯，就點了一個二餸飯及一隻口水雞，埋單都不用$150，比自己煮還要平。飯餸套餐有十三款小菜選擇，點了白菜仔炒魚鬆及馬來咖哩豬扒($68)，飯餸分開，乾淨企理，份量不多，剛好是一人份量，白菜仔不會炒得黃黃熟熟，豬扒軟淋，咖哩香濃，如果咖哩內有薯仔配襯就更好了。另外點了一隻口水雞($88)，半隻一盒，份量多得可以分兩餐食用，雞肉的肉質雖然不算十分嫩滑，但肉多，帶麻香而少辣的醬汁十分惹味，如果灑上芫茜就更好了。

最近還是未能晚市堂食，唯有到附近買外賣，到了這家茶餐廳２。０跟一般茶記不同，這裡的感覺比較像ＣＡＦＥ，難怪英文名也叫ＣＡＦＥ２。０晚市時段的堂食位一個人也沒有，全部都是買外賣最近的抗疫飯套餐滿便宜，三餸飯才＄４８，淨餸２款貴一點，＄５８先點一份雙餸飯＄４２　番茄蛋跟咸蛋肉餅，一咸一甜，都很有家庭式的味道，不會太油膩另外點兩款淨餸＄５８，咖哩雞扒有８塊，味道濃郁好吃～我最愛的魚香茄子汁醬很多，茄子有整整八大條，肉醬也不少呢！有夠肥美的男人的浪漫，豆腐火腩真的越吃越想吃！超稔軟芥蘭炒牛肉也真的很爽脆，牛肉不算太多，但比較健康

茶餐廳 2.0推出咗非常抵食嘅外賣自取優惠餐單, 今晚決定試一試!咸魚雞粒炒飯 $48 (跟餐飲)雞粒份量好多, 而且都唔細粒! 炒飯炒得粒粒分明, 加埋咸魚粒, 咸咸香香, 唔錯!香煎西冷牛扒配薯菜 $62 (跟湯及餐飲)可以選擇配黑椒汁或燒汁, 而薯菜亦可以改為配飯或意粉! 有兩大塊牛扒, 仲要包埋餐湯及飲品, 呢個價錢黎講, 可以嘅!是日餐湯有粟米忌廉湯或羅宋湯, 我揀左羅宋湯!又係好大碗, 好足料, 好多蔬菜! 羅宋湯夠酸夠辣, 好開胃!脆皮咸豬手 $48超大隻, 啖啖肉, 可惜皮唔夠香脆!

疫情下無煮飯，唯有買外賣返屋企食。呢度外賣自取仲有8折架。我哋叫左左3個小菜+1個小食，有菜有肉。足夠兩人份量，分別叫左芥蘭炒牛肉， 菠蘿生炒骨 ，脆皮咸豬手， 鹵雞翼，都好抵食。先講脆皮咸豬手，個皮真係整得好脆，皮連肉一齊食脆卜卜，咸度適中，同埋仲可以做到骨肉分離。加上價錢又唔貴，非常吸引！另外兩碟家常小菜係芥蘭炒牛肉，蔬菜都新鮮牛肉都好入味！菠蘿生炒骨甜酸適中，好開胃。而鹵雞翼都好有驚喜，忟得好入味同好腍，用嚟餸飯都一流！無得頂！

早對到黃大仙做義工後便去現崇山商場的茶餐廳 2.0吃晚飯。餐廳地方算大，亦有戶外位置，而我們怕熱還是坐進室內。本身想吃魚餐但已售完，所以最後轉了吃西式晚餐。點了石燒系列特《澳洲西冷牛扒 $108》自選配了薯菜答燒汁，但其實配飯或意粉都很不錯，因為倒下燒汁後鑊氣十分，而且醬汁夠多，一定足夠拌飯或意粉，必定很惹味。牛扒有驚喜，牛味濃有肉汁，不韌，應該是因為我們沒有煎釀兩邊太久，肉質亦不差。另外還點了《紅酒燴牛尾配白飯 $88》+$10 是日餐湯+$25 法式焗田螺是日餐湯有粟米忌廉湯或羅宋湯，我就選了粟米忌廉湯 ，不過不失，起碼沒有加水變稀。法式焗田螺粒粒肉肥，軟稔易咬，薯蓉有牛油香，但可惜焗得太乾。牛尾很稔，而且膠質滿滿，燉得十分入味，份量又多，醬汁又可以拌飯，這個餐很值得推。*跟餐鑽石飲或首條咖啡，正價減$10*這裡還有特飲，我們點了《百香果桃膠四季春 $25-$10》和《雪糕紅豆冰 $30-$10》。最後想點甜品，可惜餐廳當晚沒供應。現時環境，大家自取外賣的話可試試它。

來到茶餐廳2.0 晚餐，叫了一西一中兩個小菜，一些小食及兩杯特飲。< 石燒> 醬燒豬仔骨伴燒波蘿： 菠羅味道清甜，豬仔骨啖啖肉。黑椒牛柳薯仔粒： 牛柳粒不老，亦都沒有鬆肉粉味，薯仔帶有蜜糖味。桃膠四季春（原味）： 茶味清新，桃膠煙韌，不錯的組合。而且桃膠養生。一般飲品都會放入珍珠，桃膠有珍珠煙韌的口感，而且更健康天然，頗欣賞。桃膠四季春( 百香果）： 加入百香果味道亦很好，沒有死甜或藥水味，味道清新，味道不錯。法式焗田螺： 很濃的香草味，很厚肉，+25 幾抵食。清炒白菜仔： 不錯，頗有鑊氣。總括而言，茶餐廳2.0 有不同的菜式供客人選擇，而且款式推陳出新，首膠桃膠特飲，天然又好味道！

好耐沒有同呀媽兩個人一齊出去餐廳食飯，於是幾天前就去左呀媽鍾意的茶餐廳2.0到食晚餐~呢間茶餐廳2.0同其他茶餐廳好唔同，佢唔只提供一般茶餐廳快餐同中式小菜，佢的菜單上仲會有西式意粉、焗飯、扒餐、法式焗田螺，甚至甜品，售賣的款式真係包羅萬有，包一定有樣野啱你食當然餐廳裝橫相當唔錯，十分乾淨~   <是日餐湯 (周打濃湯) 跟餐 +$10>呢個周打濃湯同平時一般茶餐廳提供的忌廉白湯唔同，有陣陣的魚味，味道較濃郁同有口感!<法式焗田螺 跟餐 +$25>我第一次係茶餐廳見到有法式焗田螺賣，仲要只係跟餐加$25，咁緊係即刻加黎試試啦!  田螺都幾鮮甜同彈牙，加埋薯蓉作為伴碟，口感抑或味道都真係唔錯!  重點只係加$25，真係好抵食! <龍蝦汁海鮮天使麵 $88>之後係今餐的第一道主菜「龍蝦汁海鮮天使麵」～望落去份量好似唔多咁，但其實用料十足，食完相當飽同滿足 !  個汁係濃濃的龍蝦汁，而海鮮則有蝦,，青口，蟹肉棒等，加埋天使麵真係無得輸~ 成道菜一點都唔膩，味道很不錯，媽媽都大讚，話之後要再黎食～ <香草燴羊膝配白飯 $168>羊

Happy Friday, 放工同媽咪去左間茶餐廳食dinner, 估唔到有意外驚喜!相比傳統舊式茶餐廳, 茶餐廳2.0無論餐廳環境同埋食物款式都很新穎, 更能滿足年輕一代!餐廳環境闊落, 設有室外同室內座位, 地方整潔。碟頭飯、鐵板餐、粉麵等等都有供應, 加$10仲可以升級享用餐湯、餐飲, 轉特飲都係正價減$10。是日餐湯主要係西湯---忌廉湯三色芝士焗肉醬意粉: 賣相很邪惡, 大量焗至金黃芝士, 肉醬份量多, 撈埋個汁都好杰, 啖啖都食到濃郁creamy芝士同肉醬, 微酸又惹味! 正!!龍蝦湯海鮮泡飯: 石鍋中熱辣辣滾下滾下上檯, 散發陣陣香氣, 將脆米飯加入湯中, 慢慢索左個湯精華。鍋中有多隻海蝦, 雖然蝦殼痴蝦肉, 但還略帶鮮甜彈牙; 脆米飯索左個湯, 令每粒米飯都充滿龍蝦湯鮮甜味, 當中有大量莞茜+薑粒調味, 味道更提升!芒椰派對: 椰香味偏重, 帶陣陣芒果清甜清香宇治抹茶奶昔: 入口幼滑, 淡淡奶香兼有微微茶甜雪糕鮮果雞蛋仔: 即叫即整, 雞蛋仔蛋味幾出, 配上滑滑忌廉、清甜士多啤梨、藍莓、火龍果肉, 整體唔會太漏, 飯後甜品一流!

All Day Breakfast呢個all day breakfast好足料，腸仔多汁而且一D都唔油膩，做到外脆內軟既口感。特別既係炒蛋真係整得好好食，蛋味十足再加上蒜蓉多士，味道豐富，值得一試!西冷牛扒配薯菜牛扒揀咗5成熟，一上台見到煎得好靚而且切開係岩岩好5成左右，完全冇筋又唔會痴牙，即使有黑椒汁但牛味亦都濃郁，配合埋薯角一齊食感覺一流!法式焗田螺拍得住出面既西餐廳，田螺肉厚而調味好夠唔會有腥味，加上薯蓉點綴食落好有層次。丹麥酥我地揀咗蛋同火腿，丹麥酥本身好鬆脆而且牛油味好香，蛋同火腿既火喉亦剛好，配合埋一齊食好正!我地見到佢地做緊夏日特飲，於是叫咗水梨桃膠四季春同埋百香果桃膠烏龍，兩款都好清新同埋茶味香濃，桃膠既份量都唔少飲落好解渴，加上有唔同生果吊味所以比起坊間既水果茶更加fresh!

呢間茶餐廳真係幾受歡迎，次次去都見到長長既人龍，好奇之下就去試，睇下係咪真係咁值得一等🙈雖然人多，但員工服務態度幾好，有個好熱情，仲推介我試下杯桃膠特飲.不過上菜方面算偏慢，每道菜都等左10-15分鐘左右，好在餐湯上得快，可以飲一飲先🤤.1. 馬來咖哩牛腩農夫包配薯菜 $68 7/10咖哩偏辣，食得辣既人可以試下，佢d牛腩炆得夠腍，配埋薯角同埋少量蔬菜，岩哂午餐時段輕食，如果怕唔夠飽，都可以選飯/意粉，不過佢上漏個農夫包比我🙁.2. 瑞士汁雞脾配田園雜果沙律 $58 6.5/10隻瑞士汁雞脾炸得有點過耐，雜果沙律就一般茶記味道，整體十分普通

餐廳算係較高檔次茶餐廳，簡約清新裝修，室內場環境都舒服，比起其他餐廳座位都算闊落，我坐卡位都坐得幾舒服，平日午餐時段客人人數都算多🙈真係要預早一點去－－－－－－1. 南瓜海鮮意大利粉 $62 8/10意粉賣相不錯🤤南瓜汁好入味，咸度適中，海鮮配料都好足料，蟹柳棒煮得好淋2. 椰香葡汁焗雞扒意粉 $58 7/10相比南瓜意粉就較為遜色，煮得都入味，意粉口感唔會太硬或太腍，葡汁好夠，份量都算多 3. 台式四季西柚春茶 $23 8/10養生人士必點🤣杯裡有桃膠，成杯飲品西柚味好出，同埋感覺到落得唔多糖，都幾清新4. 特濃朱古力奶昔 $35 7.5/10真係特濃朱古力，絕對無呃人，雖則我覺得偏甜，但朱古力味唔假，推介鐘意飲甜野嘅朋友仔🙈跟餐仲有湯飲，叫左一碗紅一碗綠湯，味道都唔錯，好飽

今天與朋友到荷里活廣場睇戲，睇完戲之後，走着走着來到黃大仙現崇山商場。行逛一會兒便到了晚飯時候，我帶朋友來到這家餐廳吃晚飯，我之前吃過一次覺得好不錯，覺得這裏的菜色有很多款，無論中式或西式，包羅萬有，且味道不錯，一定有適合的菜色。鮮鮑魚石窩雞煲熱騰騰的石鍋上枱，醬汁在石鍋裏發出吱吱聲響，香氣撲鼻，非常吸引。有三隻鮮鮑魚， size適中，有口感。雞肉大大件啖啖口，雞肉不會太嚡，很惹味。不得不提鍋裏的配菜，洋蔥及蔥頭都充分吸入了醬汁，吸入雞肉及鮑魚的鮮味，是精華所在，拌飯實在一流。西西里茄茸鮮蝦天使麵蕃茄味非常濃厚，蕃茄迷必愛。天使麵口感適中，每條都均勻沾滿茄茸，適量的菌類及青椒令其更加有口感，味道亦更有層次。蝦球有6大隻，爽口彈牙，亦有鮮味，遠超茶餐廳貨色，頗有驚喜。黑松露醬野菌雞蛋仔這個雞蛋仔非常特別，是鹹味的，是港式的Pizza。雞蛋仔粒粒飽滿，外脆內軟，表面香脆，內裏軟綿綿。上面鋪滿了澎湃的芝士以及野菌黑松露醬。雞蛋仔與芝士及松露醬是絕配。啖啖鹹香以及黑松露的香氣，非常滋味。西柚桃膠四季春是夏日飲品系列，我覺得款式有趣，所以便要一杯試試。淡淡茶香的四季春混合西柚的清新，充滿夏日氣息

茶餐廳文化,就係香港飲食文化一部份現代人對食物更有要求同樣,茶餐廳一樣可以升級咁就變左茶記2.0喇!即係點呢?咪就係更多選擇,更豐富囉~估唔到而家仲有桃膠特飲呢?幫襯個時仲做緊買一送一優惠添~飲過杯仲放滿桃膠好多添~D茶味仲好夠濃香,唔會太甜 黃大仙分店附近有時仲會睇到日落架環境又唔會太迫,食野都舒適好多佢呢度既羅宋湯做得幾好飲,每次都點料頭多,夠酸夠辣,開胃 呢度既餐牌每日都會稍改有是日晚餐和小菜小菜都有12款,由$78起至$108常見既蒸肉飯,蝦醬通菜炒牛肉,沙拉骨等都有總有一款合你口味呢~跟餐有湯加飯 加廿蚊仲有炒菜一份算係抵食,份量又多,3個人食2份已足夠 唔食小菜也有西式餐牌我選了扒餐,美國西冷牛扒 $118配意粉或飯,同樣有湯同飲品可選牛扒熟度,5成就真係有5成師傅煎扒都有一手呢意粉就係番茄汁調好味伴碟有水煮蔬菜所有小菜都係即點即做,新鮮熱辣虫草花蒸雞呢度份量足兩人吃呢,滿滿的菇片和虫草花雞係原汁原味去蒸沒有過多既調味,食得出雞既嫩滑同肉香只要唔撈汁食,其實呢道菜非常健康減肥都可以食呢!雞件無乜碎骨GOOD

幾年前經常嚟現崇山幫個學生補習，嗰時呢個商場都仲未有好多人流，半年前再經過依到入左呢到食飯覺得質素幾好，所以前排就再拜訪🤪餐廳嘅佈局分戶外同戶內，星期六下午嚟嘅時候都幾旺㗎，等左大約15分鐘先有位🤔記得上次嚟嗰陣時，俾佢碗甘筍湯驚艷左😹 我自己由細到大都好憎食紅蘿蔔，但呢碗湯忌廉味同甘荀味平衡得恰到好處，反而令我開始可以欣賞甘筍既優點🤔而佢嘅羅宋湯，菜渣份量十足，煮得好入味。男朋友叫咗佢最鍾意食嘅鹹魚雞粒炒飯，雞肉嘅份量比我想像中多，甚至可以話淡淡都有雞肉🥳 食落去嘅鑊氣亦都好足，反而係鹹魚味較淡，不過我覺得清淡版反而更惹味，唔會死鹹😋我就叫咗紅酒燴牛尾💫 上菜嘅時候仲係熱騰騰既，紅酒汁甜甜地鹹鹹地好惹味，牛尾煮得入味軟淋，幾輕易就可以將肉拆開😛 最後係一料都無剩全部食曬😂點解叫佢做高級西茶記，呢度竟然連法式焗田螺都有得叫😱😱😱 薯蓉牛油香重，田螺加上香草蓉有種好特別既香味。芝士薯條嘅表現反而麻麻哋，不過不失，不過抵讚嘅係份量的確好抵食！全餐中西餐都有得食，埋單都只係$261，cp值高而且質素都唔錯，值得一試！

又到月尾又系糧尾時，無錢食好西，唯有搵下有咩餐廳平、靚、正最後俾我搵到呢間平、靚、正茶記，晚餐一百蚊左右落到樓，最重要系好好好食<石窩鮮茄厚切豬扒意粉$58>好耐無食鮮茄豬，平時去大家樂必叫一哥焗豬扒飯，今日系茶餐廳2.0重溫下焗豬的味道，石窩上keep 到個熱度豬扒超大塊，食唔曬都系五十蚊咋意粉絕對唔系得個面一Pat 醬，食到底條條都有蕃茄醬，好推介<法式煎羊架$158>羊架真心好食過出面西餐鋸扒，人家超重羊味，叫七成熟但係一啲都唔鞋，分量仲要比起出邊食嘢多成半，好味又抵食<桃膠四季春$23>桃膠四季春，飲完之後都覺得好滋補，優惠期仲要做緊買一送一，超級強推<桃膠凍頂烏龍$0>