茶餐廳2.0 (已結業)

疫情下無煮飯，唯有買外賣返屋企食。呢度外賣自取仲有8折架。我哋叫左左3個小菜+1個小食，有菜有肉。足夠兩人份量，分別叫左芥蘭炒牛肉， 菠蘿生炒骨 ，脆皮咸豬手， 鹵雞翼，都好抵食。先講脆皮咸豬手，個皮真係整得好脆，皮連肉一齊食脆卜卜，咸度適中，同埋仲可以做到骨肉分離。加上價錢又唔貴，非常吸引！另外兩碟家常小菜係芥蘭炒牛肉，蔬菜都新鮮牛肉都好入味！菠蘿生炒骨甜酸適中，好開胃。而鹵雞翼都好有驚喜，忟得好入味同好腍，用嚟餸飯都一流！無得頂！