茶餐廳2.0 (已結業)

依間茶餐廳唔止食到普通茶記會有既中式粥粉麵飯，連日式石窩、西式意粉都有，每樣茶式都會感受到餐廳既用心、心思，外觀既擺盤唔輸比打卡cafe，此外，仲跟貼潮流，有可自選配搭既雞蛋仔、黑糖珍奶🥰-1️⃣蒜香扒大蝦卡邦尼意大利粉 $75(+$10有餐湯+野飲）（黑糖飲品半價）⭐️⭐️⭐️份量好多，意粉一個人食會食唔哂，用既意粉唔係普通茶餐廳成日用超粗超飽肚個隻，依隻冇乜澱粉質既感覺，唔會食到有好滯既感覺。蒜香既味道就唔太岀，忌廉既稠就做得幾好，成個意粉冇太濕、太稀，同埋睇得岀除咗有煙肉、菇之外，仲落左好多蛋，粉面有好多蛋花，如果再多啲煙肉，多番小小咸味會更好🤣/2️⃣美國安格斯肉眼扒（8安士）$148(+$10有餐湯+野飲）⭐️⭐️⭐️扒份量都係好大好厚肉😂因鐵板上，我地叫左6成熟，黎到煮陣就岩岩好，扒調味用左黑椒，我地叫左蒜蓉汁，我就覺得夠味，都係覺得唔夠味既話可以再點茄汁🤣/3️⃣香蕉千層雞蛋仔$38⭐️⭐️⭐️依個係最吸引我既野🤣，雞蛋仔即叫即整，脆軟剛好，配料有雪糕、忌廉、焦糖、香蕉，焦糖同忌廉原本就好夾，原來同雞蛋仔都咁夾，一定要配雪糕食，先有冷熱交融既感覺！

放假食個早餐🥣開展美好嘅一天🤗🤗要去愉景新城入貨，就喺度食埋早餐見到這間茶餐廳2.0早餐去到12點，細心一望，早餐都有紐西蘭肉眼🤩🤩跟餐加$25，果然又大又厚，牛味香濃，而且火候拿捏得唔錯，感覺上很抵食😏😏老公叫咗個 All day breakfast ，有幾足料喎，牛角包熱辣辣，好蘇脆😝滑蛋好夠滑，煙肉火腿都好香呀！跟他可以加＄轉珍珠奶茶🥤幾得意喎仲有其他好多選擇，下次再嚟試吓其他午餐先🤪

荃灣行完donki 買咗好多嘢😍😍附近商場再行埋愉景新城，都係時候要抖抖🤣🤣見到這間茶餐廳2.0，價錢都幾大眾化，環境又唔錯，食物種類選擇都比較多，就嚟試吓啦😝😝蒜香扒大蝦卡幫你意大利粉最吸引，加$10可以要餐湯同飲品一上枱蒜香味很濃，香噴噴大蝦爽脆鮮甜，醬汁creamy 😋😋都幾大碟喎羅宋湯好足料，酸酸咪咪好開胃，都係好大碗啊😃😃見到有即叫即做雞蛋仔，都OK自己加Topping 仲有珍珠奶茶飲添，茶餐廳有珍珠奶茶👍👍　總括還可以，食物質素OK，環境不錯

喺愉景新城想食嘢經常都要大排長龍，今次到了茶餐廳2.0，新派的裝修，除了茶餐廳基本的食品外，還有很多不同種類的食品，價錢大眾化，當然要試一試啦！點了一份石食燒A4日本和牛肉套餐$168牛肉脂肪豐富，放上熱辣辣的鐵板，香氣撲鼻，有十多塊大大塊的牛肉，很足料！芝士肉醬意粉熱鍋滖住上，熱辣辣很野味！新派甜品，雪糕鮮果雞蛋仔，雞蛋仔都做得又脆又爽，值得一試！一般茶餐廳普遍坐得好辛苦又迫又窄，這裏座位似Cafe，坐得舒服，員工服務態度亦不錯，十分有禮貌👍

食物質素不錯, 不過每次出餐的時間太慢. 尤其是今天的情況特別差, 當時餐廳內的客人不多, 叫了3份晚市快餐(一份雜扒, 一份紅酒燴牛尾和一份海鮮意粉), 落單時間是6:33, 但是需要等待半小時才齊單俾到我, 詢問職員時, 對方回答話全部是即煮, 製作需時. 真係O咀! 

見到非常多人幫襯、個名又幾得意就試一試，結果好失望。食物賣相幾好，但食落完全唔係嗰回事。牛扒好乾好韌、嚼極都唔爛，好似食緊香口膠。薯條一樣是又硬又乾，唔知點做到。成個餐最好就是杯熱利賓納。可能只係今日呢個set水準失常，但無下次

今日黎左荃灣，朋友知佢愉景新城有分店係度所以就帶我黎食佢。雖然覺得茶餐廳有卡邦尼意粉有d驚訝，但都想試下佢個蒜香扒大蝦卡邦尼意大利粉，隻蝦唔算好大隻但有滿滿既香蒜味，爽口彈牙，配料都好多，creamy又有口感。同埋嗌左巴基斯坦咖哩系列既慢煮牛腩，個咖哩都好辣下，不過辣得黎又好好食，咖哩味好濃郁，牛腩整得好軟好入味。加$10會有餐湯同餐飲，羅宋湯口感酸甜幾好飲既，凍檸茶走甜都正正常常。呢間茶餐廳食物質素真係好高質，價錢適中，同食物質素成正比，而且食物都好多元化，值得一試。

對上一次食都好似係兩個月前，今日黎左荃灣知佢有分店係度所以就食佢。我地嗌左三個share，首先上既係澳洲肉眼扒 (10 oz)配意粉 (蒜蓉汁)，真係幾鐘意呢度既意粉，軟硬適中，至於肉眼扒肉質都可以，美中不足係有小小筋。然彼係蒜香扒大蝦卡邦尼意大利粉，隻蝦都幾爽口彈牙帶點蒜香味，意粉軟硬適中，除左卡邦尼基本配料佢仲落左青瓜絲，除左creamy之外，令個意粉加添一點fresh既感覺。最係係慢煮牛腩，佢係巴基斯坦咖喱系列，本身推介朋友食咖喱海鮮，但係佢海鮮賣晒，所以就試咗牛腩，好彩都比到驚喜，牛腩整得好淋好入味，咖喱味好重好香濃，辣得黎又食。每個餐加$10就可以有湯同飲品，嗌左羅宋湯同凍檸茶，個湯都幾足料同夠味。

地理位置極差，搵左勁耐都搵唔到。終於搵到之後，員工服務態度極差，完全唔招呼 水都冇杯，叫野食 叫𠴱樣冇𠴱，又明言唔會減錢係咁架啦，明明雞髀飯又變左雞扒飯，雞扒超dry ，拎出嚟甩人可以甩死人帶子意大利飯啲帶子細到。。。完全圖文不符，仲要食食下搵隻腳對住我個飯，嗰個朝天腿唔講我仲以為表演緊少林足球俾我睇，仲有食食下係到掃地掃哂d塵落我個飯到仲有放杯嗰陣勁大力，心血少啲都俾佢嚇死 唔講以為差佢錢。。。。唔會有下次囉！

呢度啲服務員態度超差舉左勁奈手先有人黎寫野諗住問男侍應仲有冇廚師精選如果冇就叫其他佢野都冇講揮完手就諗住走我叫住佢佢都唔太想理我出餐又態度差野食同野飲全部都好似發脾氣咁掉落枱我差啲野食都未落完又要舉多一次手不過見隔離枱個女侍應好似又態度幾好起碼唔會似果個男侍應咁好似野都唔想幫我落咁囉應該係個男侍應問題下次唔會再黎食野食冇話好唔好食，味道就一般般啦不過份量有啲細唔太食得飽價錢黎講，都可以嘅係值呢個價位

我自己好少在荃灣愉景新城食野，見完個客，在愉景新城行了一大圈，見到有間茶餐廳2.0就坐底了。香港茶餐廳也要進化，成為2.0，其實都是甚麼也有，特餐，常餐，仲有下午茶。今次我選2.0牛肉漢堡包配薯條，薯條厚切，新鮮即炸，食到很多薯仔肉。牛肉漢堡包，會有少少千島醬，肉汁是有的，但可以再多點沙律醬，不過服務員很樂意幫助。牛肉漢堡包加薯條，除了汽水，其實配台式珍珠奶茶也不錯，台式奶茶淡淡的香濃，珍珠仲彈牙的，好味道。下次再來，拉多幾個朋友，要試下餐廳的創意雞蛋仔。

📍 茶餐廳2.0 (荃灣) 如果想知道更加吃喝玩樂資訊可以follow我IG：cteateat_foodie呢間真係茶餐廳升級版...一間可以同另一半去食嘅茶餐廳，環境衞生又坐得舒服，食物平民價得黎質素都ok~ .✅卡邦尼烏冬配日式溫泉蛋 $68必試！個卡邦尼汁有驚喜～有肉香同埋好creamy，加埋溫泉蛋係絕配啊🤤 .✅蘋果金寶雞蛋仔 $38呢間堂食外賣都有雞蛋仔...睇落好似waffle 咁幾吸引，而且好脆身！但原來蘋果金寶都幾甜，岩d鍾意食好甜嘅朋友仔～ .✅石燒A4日本和牛片 $168估唔到茶餐廳都有和牛食！100g A4超市買都唔平，但呢度$168套餐有交易，可試下。每塊和牛都比較薄，可以自己控制幾成熟好食指數：🥇🥇🥇🥇🥇🥇🥇7/10分環境指數：💡💡💡💡💡💡💡7.5/10分地址：荃灣青山道398號愉景新城第二層2029號舖Tel: 31041069人均消費：$140

話說好耐冇去愉景新城行街，今次就同朋友去行吓睇吓有咩買有咩食，就見到呢間茶餐廳2.0睇個名好吸引就行咗入去食，咁岩撞正食飯時間好多人服務員好快安排位置給我們，我哋坐低後就開始看餐牌，首先睇廚師精選！！就選擇咗白酒忌廉有殼蜆意大利粉和巴基斯坦系列慢煮牛腩，兩款我地都選擇左意粉！白酒忌廉有殼蜆意大利粉嘅蜆肉唔知係咪幫我地剝開左，所以冇殼跟上感覺唔到原汁原味醞釀咁，哈哈哈哈~~不過意粉都好味有口感啊唔會話好硬口軟硬適中！仲有呢個巴基斯坦系列慢煮牛腩，反而牛腩一般偏向硬，可能唔係燜的原因，我比較喜歡軟熟的感覺總體黎講都不錯嘅！朋友仔中意食~不過服務態度有待改善，咁就完美啦！有興趣食朋友都可以試下！

今日lunch time 喺荃灣食下野因為帶住小朋友嘅關係我地去左而個商場玩下陪住小朋友周圍玩煙三文魚白酒忌廉意大利粉 煙三文魚都算多下 意粉都好好味~~ 每條意粉都掛住濃濃既醬汁！！yummy ~~蒜香扒大蝦卡邦你意粉🍝 蝦都幾正 ，真係大大隻架 hahaha 再配埋我最愛既卡邦尼~ 如果再濃味少少就更好了！有小朋友既話當然就要嗌埋甜品啦！！雞蛋仔加香蕉雪糕🍦真係第一次試~~ 發現原來都幾好味😋 不過如果加埋朱古力醬就更加正啦最後嗌埋飲品~ 一熱一凍珍珠奶茶 奶味重！ 好飲喔~間野大部份都唔錯架!!如果服務態度好啲就更加Perfect啦

驚安の殿堂今日在荃灣開幕，一放工老婆就去了掃貨，身心疲累後去了附近的愉景新城食飯，這間茶餐廳2.0除了有茶餐廳的小食及炒粉麵飯外，還有鐵板扒、西式意粉及飯，最特別是有石燒和牛。羅宋湯：有很多的西芹、紅蘿蔔等雜菜，味道比較酸。石燒A4日本和牛片：以石燒板連白飯上，自己放和牛在上面燒，和牛都比較肥，脂肪都幾多，建議盡快燒好才食，因為燒板凍得比較快，和牛油脂豐富，牛脂味甚香，肉質嫩腍，入口充滿牛脂香。紅酒燴牛尾石鍋飯：晚餐以石鍋上，凍冰冰食個熱辣辣的燴牛尾，炆得又腍又入味，紅酒汁帶點洋蔥香，送飯一流。最後飲返杯朱古力咖啡，非常滿足的一餐。