茶餐廳2.0 (已結業)

去茶記點可以唔飲奶茶？不過今次係飲黑糖珍珠奶茶！平時一般嘅茶餐廳就算真係有奶茶飲，味道都唔及正宗嘅手調飲品店，但係呢間舖頭絕對唔講得笑。我覺得佢嘅黑糖珍珠奶茶居然沖到恰到好處，黑糖同牛奶比例啱啱好，兩者互相唔會搶風頭，飲落去好和諧味道好夾！另外叫咗個石鍋卡邦尼烏冬，忌廉芝士喺石鍋裏面不停翻滾着，滑嘟嘟嘅烏冬加埋充滿芝士香味嘅配料，令人垂涎欲滴，即刻夾多兩啖。令我最覺得出奇，响呢度有港式雞蛋仔，仲要係即叫即烘，真係非常欣賞。熱辣辣嘅雞蛋仔配上雜果同埋雲呢拿雪糕，真係人生一大樂事。

食茶餐廳都可以好有霸氣！茶餐廳2.0保證你有新驚喜，裏面真係有好多嘢食，你諗得出嘅中餐、港式、西式、台式或日式都應有盡有。同朋友一坐低即刻俾佢嘅餐牌吸引住，就係佢呢個石燒A4日本和牛片，擺到成個hightea set咁，兩層黃牛再加牛油粟米同半熟蛋，連埋熱辣辣嘅石燒板，一塊塊肉夾落去，一塊塊肉慢慢烤，和牛好有肉味，油香四溢連埋，啲飯一齊食真係好吸引呀。另外我仲叫咗一個晚市小菜套餐，諗諗吓不如叫條魚，於是揀咗涼瓜炆倉魚，佢用豉椒炒，加埋厚切苦瓜，個醬汁已經好濃郁，加上豆豉一粒粒，係我最愛。飲品方面揀咗我最鍾意飲嘅黑牛夠晒懷舊，依家好多香港茶餐廳都冇得飲，可樂加上朱古力雪糕簡直係完美配搭，又唔會太甜，可以消除我口腔裏面嘅鹹味，值得推介！

今日黎試呢間茶餐廰 2.0, 我諗故名思義就係一間升級版嘅茶餐廳，無左一般餐廳逼夾嘅枱，換黎寛躺嘅用餐空間，同埋光明鮮亮嘅裝修。食物選擇好多，我地點左一份10安士嘅西冷扒鐵板餐，同埋一個蘆荀南瓜忌廉意粉，價錢同都相當親民。西冷扒好抵食，份量夠大，可以㨂幾成熟，食落唔會韌，個蒜蓉汁好香濃，侍應都好貼心比多個茄汁你點薯條食。蘆荀南瓜忌廉意粉整體好清新，蘆荀爽脆，唔會有過多調味，適合鐘意清淡口味嘅朋友。最後再點個香蕉千層雞蛋仔做甜品，38蚊真係超抵食，有啲似雪糕窩夫，雲呢拿雪糕香甜，配合香脆嘅雞蛋仔，為呢一餐劃上完美句號。

今日去荃灣買野, 知道D Park平日夜晚6點後入車消費滿100蚊就泊到4個鐘咁正, 梗係食埋飯先走👍🏻, 茶餐廳2.0之前食過了, 有卡位坐is good. 跟住發現店家用膠袋冚住餐具真係要讚！🍴石窩系列- 香濃芝士焗肉醬意粉 (HKD58)我食左芝士🧀焗肉醬意粉, 用石窩serve個熱度真係由頭熱辣辣到食哂, 芝士🧀係拉絲ga, 份量多到嚇親, 我最鐘意係勁多juicy肉醬, 食到尾都仲有肉醬, 令到意粉🍝都非常juicy彈牙, 但食時真係要小心石窩超熱🤪.🍴石燒系列- 美國🇺🇸安格斯肉眼扒8安士 (HKD148)老公揀左Angus肉眼扒, 8安真心大份, 有黑椒, 蒜蓉汁揀, 淋上蒜香🧄十足嘅蒜蓉汁勁惹味! 可以配飯, 意粉或者薯菜, 梗係食最邪惡嘅炸薯條吧, McD style薯條🍟鋪滿鐵板, 新鮮炸起條條脆口. 肉眼扒本身肉質腍軟, 哥哥推介3-5成熟所以食5成, 感覺未必有5成熟, 但勝在啖啖肉非常軟腍, 成大塊扒都只係食到一兩舊筋ja, li個價錢認真大份夾抵食.🍴西湯 (+HKD10@)加10蚊一碗羅宋湯飲完之後我認為一定要嗌, 事關店家羅宋湯味道勁豐富, 料有西芹,

喺愉景新城行街，行過見到有間新式嘅茶餐廳，外面有雪糕雞蛋仔賣，見好似幾正咁，所以決定入去食晚飯。餐牌上嘅嘢食唔算太貴，而且都幾多元化。美國安格斯肉眼牛扒（$148）— 我哋嗌左五成熟，切開真係有粉嫩嘅顏色，而且一啲都唔韌，好容易就咬開，仲幾重牛肉味添。我哋仲加咗個套餐，包湯同埋嘢飲，羅宋湯非常足料，而且仲有陣辣味添😍黑椒茄子牛柳粒 （$78） — 份量超級大份，茄子索哂啲醬汁；牛柳粒亦都唔係用啲平貨，唔錯啊幾好味😋炒通菜 — 大大碟，啲菜夠嫩唔老，有鑊氣，不過如果少返啲芡汁會更好👌🏼最後仲嗌左兩杯野飲，凍latte同埋mocha，估唔到茶餐廳沖呢啲野飲都可以喎～如果咖啡味再濃啲就仲正☕️雖然比其他嘅茶餐廳係貴少少，但係裏面環境都幾舒服，而且野食大大份，所以性價比都算高😄👍🏼👍🏼

來到茶餐廳2.0 午餐，叫了兩個主菜及兩杯飲品及一個甜品。1) 全日早餐：香腸有肉汁，不會很乾，而且亦不會太鹹。磨菇香口，煙肉不會太油膩。牛角包頗鬆軟。2)大蝦卡邦尼意粉： 十分大份，蝦肉爽口，彩椒味道清新。3)例湯：足料，有時茶餐廳的例湯會充滿味精味，茶餐廳2.0 的卻不會。4)綠茶特飲： 很濃的綠茶味，入口幼滑，推介。5) 南瓜焦糖特飲： 很重忌廉味，不會很甜。6) 香蕉雞蛋仔： 有驚喜，雞蛋仔十分香脆，入口軟綿，不錯！總括而言，茶餐廳2.0 除了有一般茶餐廳的菜色外，還加添了不少西式菜式，讓客人有更多選擇。雖然選擇多了，但並沒有重量不重質，食物味道不錯之餘，價錢亦十分合理，值得再次光臨！

對於茶餐廳的印象，相信很多人都停留在吃碟頭飯，坐得擠迫的觀感，隨著時代的變遷，茶餐廳亦進化至「茶餐廳2.0」，食物款式再也不局限港式飯麵，西，日，韓，甚至巴基斯坦風味均可以在茶餐廳2.0嚐到。我們一坐下，先來喝杯黑糖珍珠飲品，我喝黑糖珍珠鮮奶，朋友喝黑糖珍珠奶茶。黑糖珍珠奶茶茶味較重，亦有絲絲奶滑，黑糖珍珠整體不死甜，微微咀嚼黑糖香氣在嘴中散開，嚐來舒適順口。黑糖珍珠鮮奶的珍珠都沉澱在鮮奶底部，喝前搖一搖，烏溜溜的珍珠通通現形。搖勻後鮮奶喝到濃濃的黑糖香，入口滑順，珍珠彈牙有嚼勁，甜度剛好。巴基斯坦咖哩雞配薯菜各方面表現不錯，巴基斯坦咖哩汁味道溫和，提味的辣度是朋友可接受的範圍，將咖哩全都吃掉亦不會感到嗆辣，雞肉肉感豐厚也新鮮，幾乎是原汁原味的巴基斯坦咖哩雞。薯條一大盤炸得金黃可口不油膩，朋友一根接一根薯條忘我吃著。石鍋卡邦尼烏冬配日式溫泉蛋上桌時鍋裡不斷翻滾著，無敵熱辣辣。卡邦尼醬汁十分濃稠，芝士忌廉味濃厚，卻不膩味。烏冬混合鹹香的煙肉和水漾的溫泉蛋，提升了美味的動力，烏冬富彈性，從第一口吃到最後一口彈性依然，可見烏冬煮的熱力恰到好處。茶餐廳竟然有石燒A4日本和牛片吃，起初我們以為看

本來唔知呢間餐廳，咁啱行愉景新城見到呢間餐廳幾吸引，之後仲有個優惠係第二個餐半價🥳因為咁樣，我地就入咗去試。叫咗一份德國豬手配薯條同西冷扒配意粉🍝個豬手好好食，需要等都值👍🏻呢間餐廳會再黎過食，因為見佢餐牌好多野食😋

在附近探朋友後一齊食飯，記得呢間茶記菜式都幾特別，所以同朋友嚟呢度食，晚市都幾旺，拿飛等了差不多10分鐘才有位。因為大家都鍾意食香口菜式，所以嗌左一個金蒜一字骨同避風塘炒大蝦，小菜套餐特價$168兩餸有湯有菜，價錢合理。大蝦新鮮彈牙，份量亦充足，避風塘風味但唔會太鹹，亦唔會太辣，調味調和得唔錯。金沙骨又唔會太肥，中型尺寸，比例上肉多骨少，有咬口。我見佢哋幾推我見佢哋幾推送廣台式特飲，因為奶茶及珍珠系列賣晒，所以帶咗兩杯鮮奶系列，黑糖仙草鮮奶及黑糖椰果鮮奶，跟餐加$14/杯，完全有台式飲品店嘅水平，抵飲。最後加咗個心太軟配雪糕，質素還可以。

➡️ 海南雞喇沙米線 ($55)海南雞同喇沙呢個組合我都係第一次食，雖然好似怪怪地，但原來都幾夾得埋。海南雞嘅份量一啲都唔小，個湯底有好香嘅椰子味，而且喇沙嘅味道好香濃，配上米線，同索哂d湯嘅熟蛋同豆卜，可以話係絕配。奶茶味道亦都好清香，好有茶記風味！茶餐廳2.0地址📍: 荃灣青山道398號愉景新城第二層2029號舖.............................. 味道😋: ⭐️⭐️⭐️⭐️環境👀: ⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️⭐️

喺附近洗完牙，夜晚近近地係個商場搵下有咩食，太耐冇嚟，原來已經換咗啲餐廳。仲記得之前嚟呢個位係間西餐廳，都食過好幾次，而家轉左茶餐廳，睇menu食物同價錢都合理，一於試吓。餐廳名聽落去好似好求其咁，所以我都冇乜特別期望，結果出奇地好有驚喜！首先係食物款式好多。咖哩石窩飯扒餐中式小菜連燒肉都有完全係out of my expectation~我哋食咗石燒A4日本和牛片，慢煮雞蛋，甜粟米粒，椰菜絲，白飯啲和牛片都算薄，但就好多汁，脂肪分佈平均，油但好好味~ 做到日/韓式燒肉咁真係好創新，有啲似pepper lunch XD 變咗港式鐵板燒肉，效果都唔錯!! 不過始終因為唔係keep住有火/電熱，唔可以放得太耐。好似我哋咁，因為第一次試，掛住影相，所以未燒完塊鐵板已經唔熱，仲差最後一塊。當然佢哋都好樂意再比一塊加熱嘅鐵板我哋燒埋佢~ 有個小建議，就係啲飯可以另外放碗分開上，咁就唔會每次都得少少位放生肉上去!慢烤BBQ豬肋排拼吉列蝦配意粉，蒜蓉汁啲汁配埋意粉就唔會好乾，而且有啲菜，幾好～！中湯&紅湯 (紅湯偏辣~ )心太軟配雪糕好值得推介，抵食過出面啲甜品店，熱辣辣嘅心太軟配凍冰冰嘅雪糕，si

雞蛋仔算良心價$15，熱就唔熱，不過都仲脆，唔會太甜。黑糖奶茶$20，當然同正宗奶茶舖冇得比較，不過呢個價錢都ok既。整體不過不失，不過職員態度可以改善，冇咩笑容同禮貌😅

茶類飲品可以再做好啲，環境都唔錯，睇落去幾乾淨，燈光充足，牆畫幾有特色。好多媽媽帶小朋友來食飯，有啲糟。食完之後都係覺得茶餐廳2.0仲值得再來，下次想試一試雞蛋仔雪糕

一間不知所謂的茶餐廳，好似咩都有，但樣樣都唔掟，一碗米線要等20分鐘，看上去不錯，但一點味都沒有。今天太累路經想着再比多次機會，今次經歷更差，35分鐘都沒東西吃，問侍應生只叫我等，結果我無奈地走了。我好少寫劣評，但是這次真忍受不了，也從未試過未食就走，真是好不知所謂。想浪費時間就去食吧！

呢排成日係荃灣搵食呢日去左茶餐廳2.0 係一間幾新式既茶餐廳外面有台飲 雞蛋仔既外賣區 入面裝修都幾新淨乾淨.下午茶 幾抵食 特別係隻熱狗 好大隻呢日叫左 ⭐️香濃芝士熱狗包配薯條$36熱狗有焗過 表面有拉絲芝士 熱狗腸都大條呢個餐幾飽肚～⭐️巴基斯坦咖喱慢煮牛腩$78雖然話巴基斯坦咖哩但其實改到好岩香港人口味 小小辣個咖喱汁勁香口 送飯一流⭐️朱古力心太軟配雪糕$42水平ok啦 但切開都做到流心效果係茶餐廳食到流心 心太軟 表示有小小驚喜茶餐廳2.0 (荃灣)荃灣青山道398號愉景新城第二層2029號舖