茶語

营业中

休息中

今日同朋友去左茶語，係一間台式餐廳。餐廳係大埔，但係唔近大埔火車站，可以搭巴士去。由大埔火車站行過去餐廳大概15分鐘左右，唔熟大埔嘅人第一次去可能要揾下路。餐廳係商場外圍，餐廳門口嘅裝飾都幾靚。侍應服務態度良好，會主動向客人打招呼。食物味道唔錯，牛展米線嘅湯唔會好鹹，牛展嘅味道都唔錯，值得一試。酥炸肉燥豬扒飯都好好食，豬扒味道唔錯，肉燥好好食。小食嘅款式都多，蜜糖花枝丸同香香鹽酥雞都好好食。店員向我地推介咗台灣嘅獨特小食--台式蛋餅，可以選擇芝士或者煙肉或者兩樣都要。芝士味好香，啱晒d中意食芝士嘅人。三樣小食入面，我覺得最好食嘅就係台式蛋餅。飲品亦有好多選擇，我就揀咗珍珠奶茶。珍珠奶茶嘅味道都唔錯。

第一次同朋友尼食，一入鋪頭，鋪面唔大，但係乾淨企理，坐得幾舒服。 餐牌上面野食同野飲款式都有唔少。我地3個人嗌左豬排肉燥飯，牛展米線，煙肉芝士蛋餅，鹽酥雞，炸花枝丸，野飲我就叫左最普通嘅珍珠奶茶但係去糖去冰。最期待嘅煙肉芝士(鴛鴦)蛋餅，值得一讚，新鮮整起，要趁熱食有淨係煙肉或者芝士可以揀蛋餅同饀料味道好夾，係成餐最令我有印象嘅野食。鹽酥雞，胡椒味太重，食完個口淨係留翻陣胡椒味而且有d過火，有少少硬，不過可接受炸花枝丸冇過火，花枝丸幾彈牙，新鮮炸起。下次再去嘅話蛋餅同炸花枝丸必點豬排肉燥飯可以話係不過不失，肉燥幾好撈飯，豬排都唔會太厚粉而且上嘅時候飯仲熱嘅，唔錯。牛展米線份量足，牛展炆得啱啱好，味道夠，但係有少少米線斷開哂飲落茶底唔錯，都算有茶香，但係珍珠較少雖然珍珠口感唔錯，唔會有裏面硬出面軟哂嘅情況，單叫價錢同手搖飲品店價錢差唔多，但質素及唔上手搖飲品店，跟餐配嘅話可以接受。 

同屋企人經過昌運中心， 見到有間台式餐廳， 印像中呢間台式餐廳大概開咗幾個月， 經過門口見到餐牌有梳乎厘食所以入咗去試.餐廳環境整齊乾淨， 餐廳有提供自助斟水機同埋有紙巾供應， 好細心。我哋叫咗個芝士蛋餅， 好足料， 足料到可以做到拉絲， 應該係用咗mozzarella cheese。叫咗個肥牛米線， d面煮得唔太淋， 雖然係用肥牛不過食落去唔算好肥膩炸豬扒滷肉飯首先個滷肉飯會跟一個醃芽菜， 有少少辣同埋麻油味。 個炸豬扒個面層好鬆脆， 啲肉都唔會好老， 唔會有鬆肉粉味。 跟住個滷肉飯， 首先我自己覺得食鹵肉飯嗰時最緊要夠多醬， 最怕撈曬啲醬得返白飯， 呢度啲份量都好多 ，同埋個味都教得好好。餐飲跟咗杯黑糖珍珠奶茶同埋芋頭奶綠黑糖呢杯會甜少少，但係味道唔錯，夠多珍珠芋頭奶綠好足料， 因為起碼有三分一杯係芋頭蓉， 所以飲完都幾飽肚綠茶紅豆梳乎厘食落個質感鬆軟， 好有蛋味， 夾埋啲紅豆食好正。

其實我都幾鐘意食台式野同飲珍珠奶茶，但喺大埔想搵台式野食嘅選擇都唔算多不過嚟左幾次呢間餐廳，早午晚餐都有試過，覺得食物唔差，所以今日終於的起心肝幫佢做個記錄一入到去感覺環境舒服，裝修好colourful好得意一坐低就睇睇想食咩先我地今次食晚餐，睇左晚餐已經諗住肉燥飯係必點menu有哂早午晚餐D餐嘅價錢唔算貴，都係一般餐廳嘅價錢，但我覺得佢個賣點係跟餐飲品係跟珍珠奶茶、巨蜂提子汁等等，感覺好抵咁諗唔到食咩就可以揀全餐今次同屋企人一齊食就叫多少少野食，呢個鹵水拼盤都算抵食，一次過有幾款野食，我比較鐘意食豆乾，清清地啱我我最愛嘅肉燥飯呀肉燥甜甜地，係我鐘意嘅味道，D飯份量好足，同屋企人share食就啱哂雞翼炸得算脆，味道唔錯芝士蛋餅又係我嘅至愛入面好濃芝士，可以玩到拉絲效果一杯係胚芽珍珠奶茶，味道唔太甜又有D咬口另一杯係杞子菊花，呢個涼涼地嘅天氣飲呢杯熱飲真係幾正食完飯要有個甜品先叫完滿，呢個梳乎里好好味，軟軟地，唔太甜，配埋D紅豆味道好夾整體唔錯，如果再想食肉燥飯，下次會再嚟呢度開飯

去大埔唔一定要去超級城食嘢，其實普通商場或者地舖都可以有好嘢食，好似呢間咁。佢係食堂台式嘢嘅 我地叫左兩個小食同兩個餐，佢每樣嘅份量都算多環境都幾舒服，不過係枱同枱之間會有少少迫佢除咗午餐，下午茶，晚餐，其實都仲有早餐同常餐可以叫，好似幾吸引香香鹽酥雞，食落去好香黑椒味，亦都炸得好脆，不過食落唔似係雞肉炸花芝丸， 因為係即叫即炸所以食落去會好熱要小心啲味道就同普通花芝丸一樣冇乜特別台式蛋餅，入面有芝士同煙肉，呢個係十分推介，亦都係落單時餐廳話蛋餅係最受歡迎蛋皮整得好香，芝士味好香濃，亦都有少少拉芝效果，食完唔會話好膩五香牛展米線，牛展份量都多，大約六七塊，唔韌酥炸豬扒肉燥飯，豬排十分大塊，易咬，只係外皮唔太脆，不過都好食

放工和朋友去左大埔中心附近晚餐，朋友選了食台灣料理😋新開的小店，好親切的服務，看看餐牌有好多食物選擇。我們點了幾款食物，等我一一介紹一下手工鮮芋頭奶綠以新鮮芋頭製成，粒粒芋頭十分滋味👍🏻👍🏻黑糖珍珠奶茶睇個樣唔好以為好甜，好細滑而且珍珠粒粒好彈牙，食唔停口😋😋滷水拼盤有滷水雞翼、鴨腎等，滷很十分入味👍🏻臺式蛋餅熱辣辣新鮮整出黎好正，內裡有芝士，好軟熟又美味😍炸花枝丸好脆脆的外皮，十分香口，再點蜜糖更添滋味。香香鹽酥雞炸得十分鬆脆，入口好香脆可口！黑糖鬆餅最後仲食埋甜品梳乎厘，味道唔會好甜，好軟熟入口即溶💓甜品控的朋友要預早點定，因為好快賣晒。

由於係大埔街坊，經常食呢間，睇住佢開，亦睇住佢愈做愈差。初初開果時好多人，周不時要㩒飛等位，果時都真係幾好食，野飲都好味。但服務不嬲都有問題，例如經常明明入面有位，但由得啲客戇居居拎住張飛喺出面等。今日亦都一樣係咁。野食由愈黎愈差，有圖有真相。幾醜樣唔洗多講吧？我自己煮都仲好樣過佢。蜂蜜奶油吐司，普普通通，脆既，唔算香口。其實好明顯睇到呢間野冇心做，門口擺個牌話有梳乎厘，冇寫時間又盛，隔離個客入到黎坐低左就話冇。侍應發呆，冇乜禮貌，可能覺得點都大把人食，唔稀罕掛

大埔台灣食店真係唔係好多，聽聞近排昌運開左間新嘅台式餐廳-“茶語”, 突然又想食台灣野，就一於去試下先。晏就3點幾去到，其實都有下午茶，不過午餐好似吸引啲，我同朋友都係叫肉燥飯，酥炸豬扒肉燥飯($55)同埋滷水雞翼肉燥飯($55)。每個午餐都包一杯飲品，我地叫左珍珠奶茶。酥炸豬扒肉操飯嘅豬扒炸粉薄同埋好淋，都唔錯嘅，而滷水雞翼肉操飯嘅雞翼都好入味。不過兩碗飯嘅肉燥都比較少味道都較淡，如果多啲就好了!! 而珍珠奶茶嘅珍珠比較淋，如果硬返少少會好啲。

第一次堂食，五十幾蚊,肉燥飯的肉燥太少，只夠撈半碗飯，飯又多，叫加多d肉燥，話要加八蚊！唔想淨食半碗白飯，所以有加！味道不錯！但五十九蚊，肉燥份量太少！略貴又不值！珍珠奶茶就係普通既珍珠奶茶。第二次堂食，叫了多肉燥，竟然這次不用加錢！飯可以終於可以撈完！很滿足！第三次外賣，lunch都五十幾！忘記叫多肉燥！一開看到這次的肉燥太少！大半個飯都係食白飯！在大埔，lunch五十幾蚊俾d咁既野我！好嬲！而外賣珍珠奶茶比堂食,size細好多！條菜只有手指頭的size! 相片影唔到肉燥咁少！撈完先知得咁少肉燥！肉燥只有面一層！下層全是白飯！因為外賣，炸豬排焗淋左，好正常！但肉燥太少！肉燥味道不錯！但建議千萬不要外賣！而且一定要加肉燥！lunch不值這個價錢！

有日行過見到新間台式小店，大埔都唔算好多台式野食，通常都係去一兩間，見到晚餐都幾多人等位，就去等一等試一試。小店都好先進咁有部機可以禁飛，都等左十幾分鐘先有位坐，入面真係坐滿哂人，不過座位都真係坐得幾迫。最先到既係《鹽焗雞絲米線》($47)，上面都舖滿左唔少雞絲，雞絲都算嫩身，鹽焗就唔太覺，米線都係普通款，湯底唔算太濃。台式點可以唔食肉燥飯，《酥炸豬扒肉燥飯》($59)，份量唔算細，肉燥偏瘦肉個汁濃味有啲稀身，豬扒應該醃得好過份，炸皮幾薄不過幾油幾粉。小食加左個《蜜糖花枝丸》(+$27)，今晚呢樣野最好食，花枝丸即炸熱辣辣，咬落去都幾彈牙，個皮亦都夠脆。加左錢要《仙草奶茶》(+$4)，不過跟枝細飲管係咩玩法，完全飲唔到仙草，茶味有不過唔出。店名：茶語地址：大埔安慈路4號昌運中心地下77號舖餐牌:

昨日星期日下午時間黎到門口唔多人,等左兩分鍾就到我地。入到去唔大但位同位之間起瑪企到一個人,同埋用上沙發位感覺好坐d。叫左個老肉加炸豬扒飯老肉:入味但唔肥,台灣食個d粒粒肉都好似肥膏錦炸豬扒:好味,唔喊同埋粉唔厚仲有肉汁另外,跟餐加4蚊有野飲,可以叫埋珍珠奶茶叫左少甜嫁啦,但係都仲係好甜,飲左半杯頂唔順lu但珍珠好彈,飲到茶味同埋拍得住出面連鎖店!

身為大埔友嘅我，下午茶時段想食茶餐廳以外嘅嘢，真係冇乜選擇今日経過昌運中心茶語台式小店，裝修都唔錯坐得好舒服，點左份日式鬆餅套餐，黑糖鬆餅配珍珠奶茶！都幾抵食只係$49👍🏼雖然等左成20分鐘，原來係即叫即做，好有heart 都幾好食幾鬆軟😋😋可以再幫襯，但下次先點住個滷肉飯食住等好啲！

果日夜左收工, 去到大埔中心唔知食咩好, 行行下見到呢個台式餐廳....之前未試過, 既然又唔使等位就試下啦揀左呢個五香牛展米線+珍珠奶茶個米線無太大感覺,...肉ok唔硬口感ok, 冇咩特別珍珠奶茶, D珍珠幾好口感價錢算正常..諗吾到食乜都可以再食

平日放工後，約左閨蜜出去食飯，揀返大家都就近既大埔市中心，本身諗住去八號花園食返以前返學成日食既台式餐廳，點知去到竟然見到佢落左閘冇開，門口貼左張字條話休息，可以去返昌運既分店幫襯，於是我地就去返昌運呢邊食啦。去到大約等左15分鐘左右就有位啦。我地每人叫左一個套餐係主食+飲品，另外再叫多左個鹽酥雞share豬扒米線，豬扒同米線分開上，炸皮唔會浸到淋晒，keep 住脆口。雞絲米線，朋友叫既，雞絲都幾滑。鹽酥雞炸得脆，size 岩岩好，調味亦都夠。珍珠奶茶，茶味都奶味都有，唔會死甜，珍珠有咬口，唔錯既。檸檬綠茶熱奶茶

近期 BI 常響大埔岀沒就俾個機會自己試下小店 希望有驚喜夜晚6點舖頭冇咩客人 老闆娘叫我坐最角落 Ok 一個人應該用細枱一坐低 好逼 稍稍將張枱移岀10cm距離落單個姐姐見到條隙 驚訝到世界盡頭咁我話係我移出左 佢先收起佢嘅驚訝姐姐真有趣 我叫左個肉燥飯一黎到BI深切感到百物騰貴好細碗 男人食肯定唔夠BI 要反屋企再食飯$46 食晚飯 原來係食唔飽嘅個飯唔係差到入唔到口 但飯又軟肉燥個味又唔特別好唔會想encore 跟餐奶茶唔錯叫少甜少冰 呀姐都冇借左聾耳陳隻耳真係有少甜茶味都有 雖然唔係好突出下次如果下午茶時段 有得平都可以再過來食吐司 飲杯野食飯？ 就唔好喇