茶語

营业中

休息中

發掘到呢間位置比較偏僻既台灣餐廳呢間餐廳係大埔中心附近 行過去可能要一啲時間 今日同朋友行完街就黎左食野 諗住快快地咁食個晚餐 真係推薦大家黎食餐廳入面同出面都有位可以食野 晚餐有飯同米線可以揀 價錢比其他台灣餐廳平 包埋台式飲品一杯 唔夠可以加錢跟配小食好抵食 已經可以食到好飽不過選擇可能就比較少今次我同朋友都叫左米線 湯好夠味 入面有酸菜 米線分量岩岩好 唔算太多 如果大食既人可以跟配小食啊 小食選擇比較多 有蛋捲 炸紫薯波波等等 我地冇跟餐叫小食 就另外叫左一碟荳芽 荳芽有少少辣 好開胃 而且只係$10咋野飲方面 珍珠奶綠我冇叫到小甜都唔算太甜 味道唔錯 不過珍珠就有少少硬 唔鐘意硬既可以叫仙草奶茶 都唔錯最後埋單$108兩個人 好抵食啊絕對係會再去既地方

茶語我地一行二人叫左兩個餐。鹽焗雞絲肉燥飯 $59跟餐有好多雞肉，是滑滑的雞腿肉，是用經典的鹽焗雞粉醃制，有點咸送飯一流。酥炸豬扒肉燥飯$59另外一個餐是酥炸豬扒，豬扒不厚但勝在大塊，而且好Juicy 外脆裡面有好多肉汁而肉燥方面，雖然跟正宗台灣的肉燥味道不一樣，但同樣符合香港人的口味唔會過肥，有一粒粒的肉碎。不得不提的是那配菜芽菜，少少辣，好入味。我竟然覺得這配菜拿來送飯都一流。鹵水拼盤 $43貪心的小狗好想試曬幾樣小食，所以叫了拼盤，拼盤有雞翼，豆腐，雞腎，雞蛋。豆腐和雞蛋不算入味，但雞翼雞腎都好重鹵水味。蜜糖花枝丸 $27這個小食好邪惡下，份量唔多但已經好邪惡。花枝丸彈牙，外脆內軟，加埋蜜糖一流！跟餐我地叫左一位凍珍珠奶茶同熱的胚芽珍珠奶茶，爆多珍珠，有成半杯。不愛太甜的我，那熱的胚芽珍珠奶茶沒有加糖剛剛好。珍珠好濟，呢餐食到我地好飽，要散步去返火車站搭車。

時間已經不早了，９點鐘才發現原來我還沒有吃飯，一直在家上網打遊戲。不如去附近看看有什麼吃的吧！這家新的茶語人不算多，也不算少，正好適合我選擇餐廳的要求，人不能太多，因為要排隊上菜也可能要等很久，過少或是代表他們水準未必太高。不算太多選擇，大多都是基礎台菜。坐下後很快就選擇了我的餐點牛展米線，牛展份量不算多但也很足，厚度十足但卻不會太煙韌，是已經炆到很軟稔的水平，芽菜的量異常地多，米線水線適中，湯底偏清但不會淡，這雞湯底比傳統的超濃台式牛肉麵更適合我吃呢！鹵水拼盤也是一樣，味道偏清淡，但不入味不代表不好味，至少肯定是沒有味精，雞翼的水準很高，我從未在外吃過軟滑又嫰口的鹵水雞翼，當然，這就不能放熱鹵水內浸很久很久，所以不會太濃味。豆腐跟雞蛋也是一樣，我是很喜歡這做法，比外面咸到要灌水的鹵水這裡的反而吃到食材本身的味道。可愛精緻的柑桔檸蜜，酸味很出帶點清甜，潤喉而不帶澀，不錯。走清新風格的台菜，很適合街坊下來吃碗麵，不像ＭＫ那些重味又重油，吃完胃一陣不適感。

今晚去咗大埔嘅茶語食晚飯 兩咗兩個Set dinner 包一杯特飲 叫了一份鹽焗雞絲肉燥飯 ，肉燥牛肉飯，珍珠奶茶，蜜桃烏龍茶，另外追加一份蜜糖花枝丸，青瓜雲耳 。青瓜雲耳分量很足夠，可以點一份兩個人share食，同埋辣辣地幾好食！ 蜜糖花枝丸係最值得推介嘅，花枝丸好拗口，加埋蜜糖好好味，唔會覺得好油。鹽焗雞鹹味適中 ，不會太鹹，雞絲嫩滑 ，都算係正宗！肉操牛肉飯嘅肉操幾好味，牛肉份量都幾多，好抵食！珍珠奶茶冇乜特別，有機會再試其他特飲 ！蜜桃烏龍茶就有啲甜得滯，如果飲嘅話建議半糖！餐廳環境整體清潔 侍應反應很快 上菜時食物溫度適中 鋪頭門口對出有泊車位 附近有巴士總站 地點方便

落雨要揾地方避一避，閃入呢間舖等停雨。雙併飯可以一次過試兩個餸，就揀咗炸豬扒滷肉飯，另加一份炸花枝丸。飯夠熱亦軟熟，唔錯；滷肉真係有肉碎，唔係汁多過肉，調味適中，啱送飯；帶骨豬扒大大塊，不過肉質較硬，味道唔凸出，冇咗炸物的脆口。呢兩個餸，鍾意滷肉多啲。原本係小食的花枝丸，直接代替豬扒做餸。未放佢入口，已經感受到佢有幾熱，咬落彈牙兼食到墨魚肉粒，趁熱食仲加多兩分好味。店主盡用舖頭空間，人多就要坐得親密啲。遇到服務勤快的女店員，開心。

論大埔抵食又好食嘅餐廳，非茶語莫屬啦。茶語其實係食台灣菜式，主要係食肉燥飯為主，再配一杯台式飲品。晚餐餐牌選擇不多，大多數都係肉燥飯，然後再配搭一個餸。香芋珍珠奶茶香芋味幾濃，非常好飲，極力推薦。珍珠數量都不少，但個人較喜歡佢嘅香芋味。鮮芋頭奶綠都幾好飲，芋頭份量好多，而且夠腍，唔怕食得好辛苦。小食我地就叫左個炸豆腐，新鮮熱辣辣炸出黎。炸得非常乾身，值得一讚。另外，我地亦叫左個蜜糖花枝丸，花枝丸好大粒，而且每一粒入面都有墨魚粒。正。每個飯都會有一小碟芽菜及醬汁。五香牛𦟌肉燥飯，牛𦟌鹵得好入味，而且非常腍身。而肉燥方面，份量非常足夠，撈飯食一流呀。如果隻蛋鹵得更加入味就更加完滿啦。鹽焗雞絲肉燥飯d雞絲非常多，好抵食呀。

三八婦女節係冇咩好慶祝，但晚餐仍然要繼續。作為新時代女性，不在家煮飯係好正常。呢個晚上，女人同男人一樣，都需要經濟又飽肚嘅晚餐，只係唔想食大XX咁冇要求所以到最後揀咗呢間台式飯堂，點咗佢個招牌豬扒肉燥飯，塊豬扒大到呢，一哥都唔夠佢嚟呀肉燥都夠誠意，唔會求其一pat就算，夠撈飯佢仲上咗啲辣醬同醃芽菜，聽講係自製，唔太辣，啱晒大胃口味碗麵都幾夠味跟正餐有得加錢嗌小食，下意識就揀咗鹽酥雞花枝丸都幾大粒幾彈牙睇menu個蛋餅好細卷，點知一上檯，大抽到呢，原本冇諗過食咁飽，加埋芝士想餓都難我係咪唔應該嗌胚芽珍珠奶茶呢？飽上加飽其實嗰日諗住好平常解決一餐，點知豐富到好似慶祝三八節咁

今天要加班，身體非常疲累，在家附近隨便找了家台菜吃了回家，本來就在想，台灣菜會不會很油膩呢？吃著吃著，發現台灣菜也可以有少油的製法喔！先點了一個五香牛展米線，老闆娘特意推介說她們的牛展自家製，吃起來軟稔不過咸，入口即化，非常不錯！最特色的是本店自製辣油，以花椒 八角 辣椒粉 混合製成，麻香十分卻不會太辣，正是我喜歡的辣醬類型，外間茶餐廳絕無僅有。$20不到可以加點一份小食，所以又點了一個油菜（菜心），菜心甜而無渣，最好吃是加上店自製甜醬油加蒜，帶甜香又不像蠔油膩，鹵水拼盤是吃過東西覺得不錯下加點的，當中鹵蛋，雞翼跟豆腐都不會太濃味，但雞翼是僅熟所以超嫩滑，嘗到了另類台菜的趣味呢！經常吃台灣菜很滯的話，這家可真的是不錯的小清新選擇。

好少黎到大埔市中心嘅位置，行行下有d肚餓，突然見到有間餐廳門口好多人排隊🤩我地就當然唔執輸去睇下有咩食啦～一望就發現係一間台式餐廳，價錢仲好親民😆最後就決定排隊等食dinner👍🏻dinner set可以做到呢個價錢，性價比真係超高！仲有我至愛嘅抹茶紅豆鬆餅🤤點都要叫番個食👍🏻我點左一份台式肉燥米線加珍珠奶茶，再配一個香香鹽酥雞😛肉燥米線味道食落同一般台式餐廳差唔多～但價錢就平左一大截！鹽酥雞就真係喜出望外！炸出黎又香脆又唔太油膩，仲要食落啖啖肉好少炸粉👍🏻當然唔少得杯珍珠奶茶❤️甜度適中，珍珠有嚼勁🥰最後就到左我心心念念嘅紅豆抺茶鬆餅😆十分鬆軟，食落入口即溶嘅感覺好amazing😆加埋少少cream食仲多左層口感～（個鬆餅好動L～我地影相都影到唔捨得食😆）

昌運間中都有新餐廳出現特別係呢個舖位豆漿大王執左之後就常常易手呢間茶語外觀唔錯入到去有點細坐位唔算特別舒適同朋友來到一坐低就叫左兩個午餐選擇唔多不過我自己唔覺得選擇多就一定好好食的話全店只賣一款食物都無問題跟餐叫左個珍珠奶茶係意外地幾好飲唔好期望天仁茗茶的水準但佢奶茶都有茶味唔係只係糖水而且佢d珍珠唔錯唔係粉糰我叫左個肥牛肉臊飯牛肉略嫌乾左少少肉臊偏甜都好味朋友叫左個豬扒肉臊飯豬扒炸得唔錯保持到肉質炸豆腐喜歡食豆腐的會喜歡佢無調味食到豆腐的原味鹽酥雞新鮮熱辣好食但無咩驚喜朋友話佢杯熱奶茶都唔錯有自助水機支持環保飯幾大碗我同朋友都食唔晒適合大食朋友

接近8點黎到，都幾多人，排左一陣就入得去。原來呢到主打台灣菜，叫左個酥炸豬排米線，朋友就叫左酥炸豬排飯。叫飯的都會配有涼拌荳芽，好惹味，偏川菜味的荳芽。豬排炸得香脆，米線湯底濃郁，但米線份量略嫌細左d，飯的份量就好足。之後仲叫左個香炸芋圓球同芝士蛋餅。芝士蛋餅的芝士都好足，咬落去芝士會流出黎，整體食落有d似日本大板燒的味道～香芋球好好食！ 芋頭味好濃，真係做到外脆內軟。野飲叫左個特製仙草奶茶 同埋 黑糖珍珠奶茶。野飲正正常常，台式口味的奶茶。值得一提的係， 呢到既價錢幾抵，咁樣一餐晚餐都係大約$230 ，對比其他台式食店價錢較相宜。最後 叫左個甜品作結，係梳乎厘，有3個口味，呢個係抹茶紅豆，另外仲有楓糖同黑糖口味。製作時間大概30分鐘， 所以可以食到一半就落定單先。 梳乎厘入面都算有空氣感，不過如果醬汁多d會仲好d

大埔朋友又一推介，一間在一田對面的台式料理，餐廳名叫「茶語」地址位於大埔安慈路4號昌運中心地下77號舖，朋友話來大埔不防來一試。今次就為了朋友呢句“不防來一試”就入到大埔去，餐廳也很容易找，總之去到一田就會見到。餐廳裝修設計簡約，牆上也有心思畫了牆壁圖畫， 牆上有個自助式斟水地方，供客人自斟自飲，餐廳還有3個入口，非常有趣。食品方面都非常多選擇，今次點來五香牛展米線，牛展細細塊係淋既幾好食有滷汁香，米線煮都ok,份量剛好足夠，湯底一般普普通通啦。酥炸雞翼肉燥飯，肉糙飯料係多既味道好香濃惹味，雞翼炸得外脆肉滑，很好食。最出色有驚喜係個炸豆腐，超好味，炸到時間剛剛好又香仲要係熱到出煙，回頭率極高。至於飲品呢， 胚芽珍珠都很不錯，珍珠好彈牙，味道雖然清淡但加埋杯芽又好趙口，很滿意。另外來多一杯滋潤養生的飲品「 杞子菊花」， 杞子甜甜的， 菊花消滯解毒， 飲完非常舒適還可消滯， 果然大埔朋友沒有介紹錯，茶語可值得來嘗嘗的。

今次嚟到大埔尋找一啲新開舖頭試試喇其實係大埔附近都有好多間台式美食我曾經係大埔都食唔少而今次呢一間係最近新開嘅台式食舖所以就試下呢一間啦酥炸豬扒飯🐖 + 珍珠奶茶🥤 $47通常台式飯都係講緊肉燥飯🍖但原來有分加同唔加肉燥飯版的呢個餐另外再加左一碟醬汁 豬扒可能預先炸 上碟已經唔係太脆感覺普通 珍珠奶茶中的珍珠就略為少奶茶無咩特別之處特級肥牛飯🐂 + 巨峰提子汁🍹 $47呢個餐都係揀咗無加肉燥飯肥牛飯同食吉野家差唔多🥓已經可以想像中口味係點加上酸菜 蛋調調一下口味算過得去🥚巨峰提子汁上面竟然有檸檬一塊我都係好少見到 不過都唔會影響到提子汁味嘅可能會較為酸啲基本上嚟講係香港台式舖頭真係好多🏠如果要勝於別人 可能要搵一搵當中嘅獨特美食了因為有太多台式美食更加出色返兜指數：🌝🌝🌜🌚🌚 2.5粒兜好味指數：🌝🌝🌝🌚🌚 3粒兜賣相指數：🌝🌝🌛🌚🌚 2.5粒兜

朋友話要食這間餐廳，之前就覺得大埔好遠😫不過奇貌不揚的小店一試之下的確有驚喜喎，有幾款食品都做得不錯，價錢都係街坊價，只是小店生意很好，不可以同朋友坐下來慢慢傾。餐牌很簡單，選擇不是太多只推薦係個鹽酥雞，堅係即點即炸，一咬口熱煙即刻飄出來，沒有太多炸粉，件雞幾嫩滑，係真係好食的，值得加錢去點。肉燥飯都真係幾好食，肉燥夠多，夠伴整個飯，而且不會太肥，肥瘦適中。仲有一個前菜醃辣黃豆芽加一顆滷蛋，其實都幾抵食。跟餐已經可以點珍珠奶茶，不用特地加錢，不過我自己點了胚芽珍奶，就要加4元，不過這4元是絕對值得加，因為加了肧芽之後真係好飲左好多，比普通珍奶有多一重口感朋友們就飲香芋珍珠奶茶同珍珠奶茶，另外就係要講這裡的珍珠係高質的，似出面的黑糖珍珠，淨外賣珍奶我覺得都okay😂還點了鹽焗雞絲米線，雞絲幾入味最後見隔離枱點了近期大熱的梳乎厘班戟，我們又點了一個抹茶紅豆味的。這個又是一個驚喜之作！價錢只是48元，有兩大件疊在一起，非常動L，可知是真的很fluffy，質感方面是做得很好，雖然與啲專門店還有距離，不過以街坊小店來說CP值很高這間店係真的幾有驚喜，如果去開大埔可以一試！

今天要加班，身體非常疲累，在家附近隨便找了家台菜吃了回家，本來就在想，台灣菜會不會很油膩呢？吃著吃著，發現台灣菜也可以有少油的製法喔！先點了一個五香牛展米線，老闆娘特意推介說她們的牛展自家製，吃起來軟稔不過咸，入口即化，非常不錯！最特色的是本店自製辣油，以花椒 八角 辣椒粉 混合製成，麻香十分卻不會太辣，正是我喜歡的辣醬類型，外間茶餐廳絕無僅有。$20不到可以加點一份小食，所以又點了一個油菜（菜心），菜心甜而無渣，最好吃是加上店自製甜醬油加蒜，帶甜香又不像蠔油膩，鹵水拼盤是吃過東西覺得不錯下加點的，當中鹵蛋，雞翼跟豆腐都不會太濃味，但雞翼是僅熟所以超嫩滑，嘗到了另類台菜的趣味呢！經常吃台灣菜很滯的話，這家可真的是不錯的小清新選擇。