茶語

营业中

休息中

記得上次喺昌運搵唔到食咩就去咗食茶記，隔咗一排冇黎到，原來已經開咗一間新嘅餐廳叫茶語。大埔唔係好多台灣野所以都幾有興趣嚟試吓。其實呢度啲嘢食唔貴，價錢好親民。我同朋友一人叫咗一個主食，我哋都比佢個肉燥吸引左，所以我哋都嗌咗肉操飯，一個肉燥雞絲，一個肉燥豬扒。佢個雞絲雖然賣相唔係好好，但係好好味，有驚喜，豬扒就ok la。另外我哋仲嗌左三樣小食。第一樣係滷水雞翼，滷得好入味，第二樣係炸芋頭波波，都唔錯。不過不失。第三樣係炸豆腐，都幾好食，因為佢唔係罐頭豆腐，但都好滑，同埋好有豆味，外脆內軟。最後我哋嘅飲品分別叫咗一杯芋頭牛奶奶綠同埋杞子菊花熱飲。值得一提嘅係佢哋嘅調味汁好有心思應該係自己調製嘅所以都加咗分。至於餐廳服務方面，佢哋每一張枱都有一包紙巾，好細心。整體來講呢間都算抵食，飯堂之選。

其實以家粉嶺，上水都冇台式小店，從朋友口中得知，大埔有一間，所以同朋友去食下，店鋪位於昌運中心，係大埔超級城格離，位置不算難搵，7:30到達，已經9成半滿座，好多人黎食，剛剛好有二人位。特級肥牛肉燥飯-肥牛份量算多，肉燥飯既汁唔會太結或太稀，而且充滿豬肉香胚芽珍珠奶茶-套餐會附送一款飲品，亦可加錢轉其他台式飲品，我加了$4轉胚芽珍珠奶茶，胚芽夠多，但珍珠硬了一點，茶味濃香香鹽酥雞-粉漿太厚，炸得有小小過龍，但雞肉嫩滑日式手作厚鬆餅-餐廳城意推介，有三種味道，所以我地點左楓糖味，厚鬆餅夠厚夠鬆軟，蛋味香濃，餐廳真的冇介紹錯

香港人壓力大，返工忙，整日係出面用餐.我就鍾意揀台灣嘢，抵食又岩口味.今日發現一間台灣嘢，環境好舒服價錢幾好.決定試下.台灣嘢必食無非都係肉燥飯、鹽酥雞、珍奶見到佢哋有豬排肉燥飯，有時候齋肉燥有時候男仔食唔飽，仲有個好特別嘅牛展肉燥飯介紹俾大家.牛肉好有質感，好入味，同埋佢配嘅一碟有蒜頭嘅醬汁好好味！見到佢有芋頭波波（記得曾經係台北夜市食過，裡面有蛋黃，尼間無，甜度適中）炸起來香脆可口.做飯後甜品一流.見到有蜜糖花枝丸叫左一份，我比較鍾意唔點蜜糖！飲品叫左茉香奶茶同香芋胚芽奶茶！

昌運中心以附近好少行，但今日意外發現有一間台灣小店，同老公毫不猶豫就入左食晚飯啦！餐廳細細，座位與座位之間不夠寬落，但入面已經9成滿座。 餐牌有好多選擇，有早餐、常餐、下午茶、晚餐、全日小食、粉麵套餐，台式飲品。我點了我至愛既古早味肉燥飯（$48）肉燥飯份量都多，而且肉燥都唔少，可以剛剛好食晒一碗飯，肉燥飯入面既五花肉入口即化，滷蛋入味，好好味。套餐會附送台式飲品一杯，但我加$4轉香芋珍珠香芋珍珠香芋珍珠口感Q彈，不會過腍或過硬，但香芋味道不夠突出套餐可以追加一款特價小食蜜糖花枝丸（$27）花枝丸新鮮熱辣辣炸起，好彈牙，點蜜糖會更加好味

同朋友O係大中唔知知乜好,經過見到呢間新野, 一睇原來係食台式野,掛住台灣既味道~決定去試下~入到鋪頭就俾呢道咁搶眼既壁畫吸引左,畫得好靚, 而且仲有隻好得意既豬仔, 襯哂Year of the PIG!~打卡影相就最岩喇~仲留意到牆身有D差電位, 好細心~有需要可以急救電話XDD再望下menu, 晚餐都幾抵食, 包野飲, 仲可以優惠價加配小食!小食都有好多選擇!我地叫左2個晚餐, 加配2個小食~先黎左D小食咬下先~青瓜併雲耳比想像中大份, 青瓜爽脆!個汁充滿蒜香, 係一個開胃醒神既前菜~蜜糖花枝丸咸甜混合, 幾特別! 花枝丸點蜜糖好夾!! 咬落好結實彈牙, 仲有D墨魚粒粒, 好有咬口~酥炸豬扒肉燥飯酥炸雞翼肉燥飯呢度既野食份量算多! 豬扒同雞翼都好大份.豬扒仲切左件, 方便食~炸物熱辣辣, 非常酥脆!而且食到個炸醬有D蛋香~同埋幾鍾意呢度既肉燥, 唔會太油同太咸~!送飯一流呀!呢個小前菜: 芽菜都唔錯呀, 帶有D麻辣! 正~現泡杞菊女仔就係鍾意呢D養生野飲~用左茶包入滿菊花, 好夠味, 又方便飲.仲放左好多明目既杞子, 頓時覺得眼仔好精靈香芋珍珠始終無法抗拒台式飲品, 朋友叫左杯香芋

放工諗住係大埔區踩單車之前醫醫肚，同朋友黎到太和站附近搵野食，結果見到呢間茶語食台灣野好似幾吸引，冇諗咁多就入左去啦！餐廳內在裝修色彩幾繽紛，唔沈悶，係座位可能鋪位限制所以逼左少少。台式食物種類選擇算多，亦有早午餐，下午茶，常餐等經濟套餐選擇。因為太肚餓嘅關係，同朋友叫左好多野食😂首先黎左跟餐小食涼拌青瓜拼雲耳，同朋友都好鐘意個汁，微酸帶辣，配埋爽脆雲耳同青瓜好開胃👍🏻另外一個小食係蜜糖花枝丸，花枝丸炸得啱啱好，肉質彈牙，咬入口仲食到一粒粒切粒花枝，點埋蜜糖食好惹味😋我地仲叫左一個鹵水拼盤，包括有鹵豆腐，鹵蛋，鹵水雞翼，雞腎。個人最中意雞腎，用偏甜嘅鹵得入味得黎夠爽口👍🏻主餐方面叫左肉躁酥炸豬扒飯同埋肉躁鹽焗雞絲飯，水準尚可，豬扒保持到juicy 口感，雞絲亦醃得夠味。套餐仲包左兩杯飲品，自己叫左珍珠奶綠，飲落發現茶味突出，唔會得個化學味死甜👍🏻食左咁多野最後埋單每人都係大概100蚊左右，抵呀👍🏻👍🏻 除咗位置可能真係偏癖少少外，整體用餐體驗都算唔錯，推薦住北區附近嘅朋友黎試試👍🏻

之前路過見到呢度既厚鬆餅好吸引，今日諗住嚟試，點知要過年後先有供應，唔緊要，一於試其他嘢食😬全日供應嘅粉麵餐，都幾吸引😬午餐11-6點都有，見有齊豬扒同肉燥，就點咗個酥炸豬排肉燥飯$55，包嘢飲，另加$4要個凍胚芽珍珠奶茶。奶茶先到，滿滿嘅胚芽，同好多珍珠😋呢杯奶茶好好飲，茶味濃，又夠滑，珍珠偏向我歡喜嘅少硬；仲可以揀甜度，叫咗少甜，無影響它嘅品質，好飲到覺得下次行過外買番杯珍珠奶茶先得。主角酥炸豬排肉燥飯，哇，塊豬扒大到鋪滿成個碗，厲害！肉質夠林，好香口，咬完唔會油淋淋👍🏻肉燥有半個碗面咁多，食落比想像中正！呢度嘅秘製肉燥，醬汁調得好好，唔鹹之餘夠香濃；肉碎多瘦肉少肥肉，啱哂我口味，真係好好味。而且成碗飯的確好大碗，男士先食得哂，抵！

今日返工去咗大埔呢頭 就同同事食埋下午茶先返返出去🐷 附近都有好多野食 高檔次到平民化都有😮 我地揀咗食呢間平民嘅台灣菜 因為我同事好鍾意食肉燥飯😂打開餐牌竟然見到午餐由晏晝十一點去到下午六點🥢 雖然都有再平價啲既下午茶 但飯餐好似好吸引 所以我地都係嗌咗午餐酥炸豬扒肉燥飯 一上枱俾豬扒嘅份量嚇親😮 好大舊 炸粉幾薄 豬扒外脆內軟 又多肉汁 另外店員俾咗一小碟蒜汁我地 少少辣咁都幾好送飯🌶五香牛𦟌肉燥飯 肉燥份量都幾多 而且佢半肥瘦撈落啲飯度 好好食😆 牛𦟌都醃得幾入味炸燒賣 炸得好香脆 食落口又唔油膩👍🏻蜜糖花枝丸 原來個蜜糖係另上嘅😂 花枝丸脆卜卜咁 點埋蜜糖感覺好清新 有啲似BBQ乳酸綠茶 酸酸甜甜咁幾開胃🍵珍珠奶綠 又唔會好甜 不過如果珍珠再林啲就好喇🤧

今日放工返屋企之前 諗住快食可以早啲返屋企休息就同老公去試咗大埔一田對面嗰間台灣野其實之前經過好多次 見到佢成日都好full所以就黎試吓啦呢間野主打係食肉燥飯一個餐 4x-5x蚊 仲要包嘢飲都真係幾抵㗎台式飲品Menu我嗌左個滷水雞翼肉操飯老公就叫咗炸豬扒肉操飯快餐可以用優惠價order到一個小食我哋嗌左菜心同炸燒賣再另外用正價買咗個蜜糖花枝丸好推介呢間嘅炸野因為炸得好趣 皮好薄讚！Total 只係190兩個人經濟又好味

尋日經過見到環境可以，入到去服務都可以嘢食一般啦 但係。。。同朋友各自食左個餐 返到去都各自肚痛 尋晚到而家已經屙左3次 搞到今朝返唔到工。。。唔知係嘢食定係餐具唔乾淨。。。唔會再去啦

沒有心情做飯的日子, 就要計劃出外找吃, 兩口子要吃簡單經濟一點, 就想起茶語。大埔小店之中, 台式的也算不少, 但茶語的蒜蓉汁還是讓人要回味再回味。我們這次點了鹽焗雞絲肉燥飯和鹵水雞翼米粉為主食, 雞絲很足料, 本來已有咸雞味, 加上特製蒜蓉汁就錦上添花, 看似辣辣的, 但其實是香多於辣, 重點是沒有吃完口乾的感覺! 我的鹵水雞翼也很入味, 最欣賞是新竹米粉, 軟硬度接近完美, 湯頭也不太重味精, 芽菜份量也足。店員推介蛋餅, 我們選芝士口味, 記得一定要趁熱吃, 芝士才能軟軟, 口感也會更QQ。好了, 我認為最讚其實在最後, 萬萬估不到這小店能做出水準這樣高的梳乎里pancake! 餐牌說是鬆餅, 其實便像日式pancake, 空氣感很好, 絕對不是厚厚實實那一種。最後飲品的話, 我會推介現泡的, 真材實料的山楂茶, 喝後很解油膩呀! 滿足!

又係大埔覓食既時間喇！之前一直都想食呢間台式餐廳，同埋試下佢既鬆餅，咁岩今日又黎大埔，就入左黎，順便食埋晚餐。未打開menu，已經見到草莓鬆餅做緊 Promo喇，於是就毫不猶豫咁揀左草莓鬆餅黎做今日既飯後甜品。揀完最吸引既甜品，當然要揀番主餐喇，原來呢度除左有套餐之外，仲有常餐可以揀。所以我同個fd一人簡左一種黎食，我就揀左常餐，而個fd就叫左個肉燥飯套餐，再揀左d小食同埋飲品。首先到既就係我既肉燥米粉喇，因為係常餐，當然仲有配埋香腸、荷包蛋同埋烤多士喇！烤多士表面脆脆，加上熱辣辣既荷包蛋，咬落去蛋汁咇出黎。果然係常餐必定要有既組合。肉燥米粉吸湯能力好強，由一開始係肉燥同米粉分離，到最後邊撈邊食，好香口。之後就係fd既炸雞翼肉燥飯套餐喇，有三隻炸雞翼。為食既我拎左一隻黎試，雖然佢無台灣夜市常見既椒鹽粉，但係由於佢炸得好脆，而脆皮唔係油淋淋既味道，加上就係因為無加椒鹽粉，更加食到雞翼本身既味道同埋肉汁，無落椒鹽粉絕對係加分點！套餐到左之後，陸陸續續小食都上到黎。我地叫左兩款小食，一款係炸豆腐，另一款係炸燒賣。兩款炸物，同樣都係可以沾辣醬，而且同炸雞翼一樣都係外皮非常脆。炸豆腐入面既豆腐中

今次試既呢間茶語 好味😋 兼 抵食😍 !!!!! 以晚市呢講，有飯 有台式特色飲品 再加埋個小食 飽到嘔 兩個人都係二百蚊有找 真係要俾個👍🏼👍🏼👍🏼👍🏼 講下D野食先！佢哋個蜜糖花枝丸原來係招牌😯😯😯 吾好睇嗰幾粒野黃咁咁冇乜特別咁，食落之後先知原來咁jengggggggg😚😚D花枝丸係超彈牙🤓🤓 加埋D honey 🍯 簡直係絶配!!!!! 仲有佢D魯肉飯 正宗好味 仲要吾肥!!!!! 吾洗怕冇quota 食😏😏😏 而且D飯粒粒都係珍珠米😱😱😱 D炸豬排仲要吾un 腍身 好難得👏🏼👏🏼👏🏼飲品方面，我地叫咗仙草奶茶 —— 茶味好濃，D仙草係自家製😯😯😯 ; 芋泥奶綠——芋泥又係佢地自己製，奶綠好香滑，不過老實講食完飯飲埋真係好鬼飽🤪🤪🤪🤪

茶語係宵夜首選，有唔同既台灣小食，印象最深刻既係芝士蛋餅，好好食！食唔停口，唔會好油膩，亦唔會好乾。除左蛋餅仲叫左炸芋圓同鹽蘇雞，炸芋圓好香口都係唔太油，返而炸雞高有d乾，小食分量都多。價錢親民！

今日係大埔食左個好滿足好飽好好味既台灣餐廳。餐廳裝修得簡單現代風，坐得舒服。叫左杯胚芽珍珠奶茶黎飲。茶味超香濃，明白點解叫茶語，好既茶係真係識得講嘢。奶茶香濃，珍珠又彈牙。胚芽既香同口感令到珍珠奶茶口感更加豐富。叫埋個迷你肉燥飯。雖然話係迷你，但份量都算多。肉燥整得好香，咬到肉粒，有口感既肉燥好好味。加左半粒滷蛋，成個肉燥飯真係真真正正既正宗台灣味道。整埋個五香肉展。肉展香料味道好入味。成個肉味道好香。肉質口感又彈牙。呢個肉展真係整得唔錯。份量多食得好飽。叫埋小食炸芋圓波。覺得飲珍珠奶茶一定要配搭既小食就係芋圓波波。炸得皮脆。入邊熱辣辣。最期待既食物終於來臨。黑糖味厚鬆餅。呢個鬆餅整得同日本pancake店差唔多。真係好鬆軟，又厚。口感同味道都可以同日本出名pancake店fight。因為鬆餅好香蛋香味。咬落去鬆但唔會濟。黑糖既甜加埋珍珠，鬆餅混入呢個味道，好台式既日式鬆餅，但味道真係高質。之後再食個朱古力厚多士。好多朱古力，勁邪惡。多士已經切好9塊，好貼心。仲熱辣辣既多士整得好鬆脆。朱古力唔會太甜。一啖多士一啖奶茶，好幸福，好滿足。食左好多野，好好食好開心。