茶記冰室 (已結業)

.今日DAY OFF 訓醒就落街早餐. 行過呢間茶記冰室,門口見到佢介紹黑松露炒蛋,心諗茶記竟然有黑松露炒蛋,就走入去試下!入到去,環境幾好,乾淨,裝修仲好靚TIM! 服務態度都幾好,我就叫合個黑松露炒蛋,吉列魚柳,牛油厚多士!個蛋好香好滑,加左黑松露真係香好多,魚柳炸到岩岩好,呢個早餐我好滿意! 我下次都會去試埋晚餐,值得介紹比大家!!

今天和家人行過一間叫茶記冰室吃晚飯，入了去見了一陣我和家人都不知道吃什麼，入面店員非常有，禮貌地介紹我們吃重慶雞煲，見他極力推介我們就試了一隻雞煲，他的價錢都平宜半隻$118一隻$198，來到賣相不錯，味道估唔到比得上岀面專門吃雞煲的店，值得推介來試試！

呢間野之前試過早餐都不錯，今日收夜冇時間自己煮，於是再去試試晚餐，咁啱佢地有新野-重慶雞煲。見價錢幾抵，半只雞都只係$118，於是揀個少辣試試，雞煲到左，個賣相同份量都不錯，煲滾左一陣就食得，D雞肉都算入味和辣度ok,幾啱我，味道都幾好，好野味。最後忍吾住仲叫左支可樂，真係好邪惡。另外配多個瑤柱蛋白炒飯都不過不失。吾錯吾錯

今晚要OT，收工同同事去附近食飯，之前有同事介紹過新開嘅茶記冰室，於是走去試下。估唔到星期一都要等位，等左大約五分鐘倒。餐廳裝修幾靚，幾乾淨。我同同事好鍾意食辣，本身想試下口水雞，但有位阿姐介紹我地食新出既重慶麻辣雞煲，見到全埸有好多人都食緊，於是決定叫半隻試下。雞煲一上已經聞到好香，滾左一陣就開始食，個湯底調較得好惹味，d雞又麻又辣，好惹味好正，我地兩個食到停唔到口另外我地叫左個西蘭花，炒得都好有鑊氣。雖然只係叫左兩個餸，但隻雞份量真係好多，而且只係$118，我地食得好飽，埋單都係$170左右，平時出去食半隻雞煲起碼要$160，所以真係好抵食！期待再來試下其他菜式！

今日第一次試呢間餐廳 其實我一早就想去試下 但一直未有時間 今日早收工就同老公去試下 入到去 服務都快 店员有禮貌 合格 我地就叫左個雞煲 因爲佢地推介 本身諗住一般般 因為真係唔多地方整得好食 但竟然食落去真係好味 同荃灣一間出名既雞煲店有得輝 但呢到價錢平好多多 下次一定在黎

今日星期日放假無野做。同媽媽落街行下經過呢間餐廳。呢間餐廳唔係開左好耐。見佢裝修得幾靚，於是入來試下。樓面介紹個新的餐黑松露粉蛋，但由於太肚餓，我叫左個迷你公司三文治，同個炒公仔面，價錢一D都唔貴，份量都唔小好抵食。個粉公仔麵雖然係下午茶餐但炒得好食。叫左個熱奶茶餐飲。杯奶茶沖得都好好飲總括來講真係唔錯，下次再來試試個黑松露炒蛋

叫左個早餐，沙爹牛肉面配 牛奶炒蛋+牛油豬仔包，沙牛面真心好吃，好香，牛肉入味夠淋，面質唔係劣貨，都好好食。但係，除左沙爹牛，其他炒蛋同豬仔包都唔得，連杯奶茶都唔好飲，酸酸地，冇茶香，整體如果剩係為左個沙牛面都未必會再食

昨天難得放假，睡到10點幾先起身，一個人又吾知食乜好，見呢間野網評級都不錯，於是過去試下，落到去見間野都幾full, 好彩剛剛有張單人台，吾駛同人搭台， 坐低左叫左個午餐肉配炒滑蛋出前一丁，因為隔左右都食，（即管試試）配牛油厚多士，跟絲襪奶茶。 先黎厚多士，仲烘埋底，多士都幾香牛油味， 可以。還有個餐蛋一丁，餐肉煎得有少少蕉，仲脆脆地，幾香口，配埋個滑蛋，都幾滑同幾夾。 最後是杯奶茶，一飲落口都幾滑同有茶味，係呢條街都算是較出色的一間，難怪隔壁左右班師拉個個都飲啦。 埋單都只不過是$31蚊咋，都幾抵食！

老豆介紹樓下附近開左間新野，杯奶茶沖得吾錯，佢話依家成日都去飲一杯，叫我有時間可以去試試。 今早難得放假，於是陪佢去食個早餐， 叫左個沙嗲牛肉米，因為我吾鐘意食公仔麵，吾健康，配炒蛋多士同熱奶茶，老豆叫左個歐陸魚柳餐食吾曬，仲送左只蛋俾我，沙嗲牛肉米D牛肉份量算多，味道不錯，米粉都算爽口，另外是炒蛋多士，佢地D炒蛋都炒得幾滑，不過件多士就略多牛油，下次可以叫少油，最後是杯奶茶，試左真係覺幾好，有茶味同埋都幾滑， 對於29蚊早餐來說已經收貨，整體來說呢間野環境和食物質素都不錯，下次放假可以再陪老爸試試其他。

今日sick leave睇完醫生，經過來左呢間新開既餐廳，坐低環境感覺幾好，裝修設計都唔錯。第一次來梗係要試下杯熱奶茶，於是叫左個沙爹牛肉米粉加杯熱奶茶餐，仲有牛油豬仔包。第一啖飲杯奶茶好滑都唔錯。沙爹牛肉米粉米粉好爽口，茶餐廳好小食到甘爽口既米粉，值得推薦。另外個炒蛋都夠滑，但味道淡左小小，同個豬仔包都焗得好脆。總括環境同食物都唔錯。

10月10日重陽假期，見佢新開而且食評okay, 就試試。裝修是扮復古，但環境可以餐牌有午餐/常餐/下午茶～不知道為何常餐標價最貴$40但見食評都說很好和滿意，我們選了蕃茄豬扒通及瑞士雞奕撈麵。先來是蕃茄豬扒通沒有任何蕃茄，通粉是快熟般而且未入口都已經淋到爛，湯底是好稀的茄膏開水但沒有調味的，豬扒是比較正常！後來的是瑞士雞奕撈麵，嘩！簡直嚇死人，麵係似剛剛淥完上碟而且又係過哂時間咁，又濕又淋 之後加2滴瑞士汁便上枱，說是撈麵！！！好過份囉，雞奕亦只是正常 沒有甚麼特別之處。我不會再黎食！

放假12點幾餓餓地，去附近依間新嘢試下。人都幾多，搵左埋牆角落張4人枱。角落張梳化櫈油膩膩，個阿姐仲想趕我去坐，拒絕之。阿姐就好厭棄咁拉開張拼枱比我地兩丁友，但佢都係冇抹返乾淨入面張櫈。我有點兒潔癖，等野食果陣周身唔自在。依渡裝修係好新，但枱、櫈仲有個餐具櫃統同埋啲餐具通通油膩膩...叫左個40蚊餐，凍飲加3，有蕃茄豬扒公仔麵+火腿奄列+半塊厚多士。個奄列得幾條火腿好單薄。豬扒唔錯，厚薄剛好仲切開埋，炸到剛好，唔會鹹亦唔會太油。個蕃茄麵ok啦。但係，份量實在太細，港女食完唔飽仲可以再食多兩個蛋撻果種。

今日又去石蔭探公公，諗起上次食過茶記冰室的晚飯小菜，有d回味，今日早左食午餐，見未開始等位於是決定试下佢d午餐。午餐都好抵食，大約40蚊已經包飲品，我見到人地碟飯好大碟，怕食唔哂，加想唔太想食飯，於是叫左個常餐瑞士雞亦撈麵。等左5分鐘已經到，賣相好靚，忍唔住即刻食隻雞亦先雞亦熱辣辣，好入味，好juicy，正！係我食過最好食ge瑞士雞亦。而佢d撈面都好有heart,幫你撈埋汁，有別於平時出去食要自己撈，另外好欣賞佢有幾條菜至於奶茶好滑，但我掛住食唔記得影相，值得一試！下次來探公公再試下佢其他嘢先

今日阿嫲生日，到石蔭邨同佢地慶祝，阿嫲話附近開左問新餐廳，杯茶都沖得不錯，佢朝早日日都去飮，佢話想試埋晚餐，於是一行5人去試試。我們6:30去到，不用等位，已經有幾多人食緊，坐低左，見裝修不錯，樓底又高幾舒服，不像一般餐廳格局，最緊要係小菜全部都送飯，湯同飲品，抵食，叫左條特價龍𧄌仔，份量不少，夠3-4人享用，可惜忘記左影相，另外叫左黃金蝦球，份量都好多，味道幾好，因為鐘意食香口野，仲有小炒王，咕嚕肉同啫啫通菜煲，咕嚕肉好爽囗，甜甜酸酸，都不錯， 通菜煲夠熱夠香囗。見隔叫左個西檸雞，好似吾錯咁。 整體來說都算抵食，加埋野飲都係平均每人70零蚊倒，下次會再光顧的！

今晚終於有時間來呢間冰室試下，呢間野開左好似唔係好耐，裝修都幾唔錯，入面有啲懷舊嘅畫。環境都幾好幾舒服。開頭以為冰室無咩飯食，入到來原來有小菜套餐，小菜種類都幾多，我同朋友叫左兩個小菜套餐，有飯有例湯送，都幾抵食。叫左個豬潤勝瓜同金沙蝦球，個豬潤好爽味道夠，而個蝦球亦做得好好味，茶餐廳有甘嘅水準都算係甘。最重要價錢合理。值得再來