茶聊 (已結業)

如題，我呢日係平日2點去食既，眼見有位，但等店員安排入座都等左5分鐘，店員觀察力低，冇留意有人打尖，搶先入左餐廳。落單自助式，我坐低之後就出返去落單了。另外食物方面，餐牌寫到明”香煎三文魚凱撒沙律”，食落口先知得3成熟😨，半生不熟既三文魚真係好難入口😂。平時食西餐香煎乜魚乜魚，正常都係全熟架😂唔通三文魚就唔使熟？😅環境方面，得bar枱對窗口位先靚小小😂坐入面係普通不過。如果想輕鬆，靜靜地過下午，呢間就未必岩你。

今日去咗旺角一間樓上cafe - 茶聊，估唔到平日嘅下午都好多人！叫咗兩個lunch set share食，午餐包一杯飲品同埋餐湯！先上咗紐西蘭牛肉眼扒配薯菜，肉眼扒肉質鮮嫩揸得剛剛好有焦香味，亦都唔會太過柴！好食！份量仍好多！薯角剛炸好，外脆內軟加上茄汁好好食！另外叫咗個煙三文魚黑松露炒飯，煙三文魚一片片切好，咸香咸香，加上黑松露好香，炒飯炒到粒粒分明如果好有蛋香味，係高水準之作!呢間咖啡店提供嘅飲品都是出色的！有人叫你木瓜鮮奶桃膠，用上了日本鮮牛奶，奶味十足加上木瓜同桃膠，對女仔皮膚是一個滋潤嘅飲品！另外我叫咗水果茶是店員推介的,入面好多種不同類型嘅水果，叫咗少甜都已經好足夠！飲完仲可以食埋入邊啲水當甜品食一舉兩得！好like 呢間Cafe!

今日路過旺角冇乜特定嘅晚餐心水想食，問問女朋友有冇啲咩意見，佢就同我講有一間飲水果茶同食飯都好唔錯嘅餐廳叫茶聊，咁我就好奇想試吓水果茶有咩咁特別。如果沒有訂位，上到去都要輪候20分鐘，食客普遍都係年青人居多，見隔離枱帶咗份龍蝦包加牛扒，我就心思思想試，另外加咗杯超級水果茶，果然杯超級水果茶幾出色，唔會太甜，而且水果多汁，龍蝦包亦不錯，係牛扒就爭少少，買單平均一人$200左右，未食過嘅算係值得一試😃

Best friend 上網見到呢間餐廳好多正評當然要響應下試番餐佢屬於係旺角區但尖沙咀feel 嘅餐廳好意外旺角都有呢類嘅餐廳但可惜餐廳有限時，lunch 嘅話一個半鐘就會開始提你埋單我哋點左一個蟹肉夾包，鵝肝牛油果意大利飯，芝士釀雞翼，必點嘅係佢嘅甜品疏乎厘餐廳送咗一個酒釀啤梨嘅甜品。逐樣講首先係蟹肉嘅包下一下肉嘅份量都幾多嘅同埋蟹肉都幾鮮甜，呢個係餐廳嘅推介之一，不過價錢比意大利飯貴啲鵝肝意大利飯，鵝肝都幾大塊不過意大利飯嘅味道就一般般芝士釀雞翼炸得啱啱好，好食！裏面嘅芝士仲係有流心嘅效果甜品疏乎厘打得好輕軟綿綿嘅口感甜得泥剛好，唔會太過～差啲唔記得講餐廳嘅特飲係我哋叫咗杯黑糖珍珠鮮奶，同埋水果茶兩杯都好好飲唔係淨係得個甜字，推介

最近同朋友食飯嚟咗呢間旺角樓上cafe貪佢有成二千呎，坐得闊落舒服啲...而且係網上見到啲相都幾靚喔！不過，好可惜原來係「照騙」🤦🏻‍♀️🍝黑松露野菌意粉（$108）松露香味並無融入意粉之中唯一值得欣賞係意粉份量夠多！🦀炸軟殼蟹明太子包（$128）軟殼蟹size適中，炸得幾脆麵包微燶，睇得出烘過...但可能唔係即叫即整，麵包唔夠乾身脆口而面頭嘅明太子醬亦唔夠多，唔係好食得出個味道😕反而伴碟嘅薯角&沙律菜仲好食😂薯角外脆內綿，帶微辣，幾惹味！以皇牌之作嚟講，絕對唔掂！個人覺得物非所值喔🙈🥤髒髒黑糖珍珠鮮奶（$44）呢杯珍奶都係皇牌之作...但同樣令人失望🤦🏻‍♀️真身嘅賣相唔算吸引可可粉無乜可可味，珍珠黑糖味不足攪勻之後都只係飲到鮮奶味！

一直都好想再食疏乎厘，咁啱又同朋友行到去朗豪坊附近，就醒起之前嚟過茶聊食佢啲嘅龍蝦包&疏乎厘，咁就順便食埋個晚餐。由於正值晚餐時間，所以都要等一等位，不過好彩都只係等咗幾分鐘就有枱比我哋喇。一如以往都係先喺收銀處比錢落Order，然後乖乖咁等食飯到。我哋點咗一個set，精選生蠔配紐西蘭肉眼扒，另外再加咗一個黑松露野菌意粉，嘢食就叫咗兩杯超級水果茶一凍一熱。先上咗兩杯嘢飲&生蠔，生蠔幾新鮮之後上咗個黑松露野菌意粉，黑松露份量都算多，汁又唔會過濃，意粉又唔會太淋，幾好味。然後到紐西蘭肉眼扒送到，medium剛剛好，肉汁豐富，唔錯唔錯。其實食完呢兩樣已經飽，但我嚟呢到個目的係食疏乎厘，所以點都食少少，點咗個原味，同之前食嘅味道一樣咁鬆軟，呢餐超滿足。埋單$489

係旺角行完街，想同朋友坐下同傾下計，知道朗豪坊附近有間樓上嘅咖啡店，就決定入去試下。我地唔係好肚餓，只係嗌左兩樣野食。▶️辣味香烤雞搥🍗個辣醬幾惹味，岩哂我呢啲愛辣人士。可惜嘅係雞搥比較乾，可能烤得太耐，而且唔多肉，唔夠啖啖肉。▶️黑松露野菌意粉🍝不過不失，好普通嘅意粉。黑松露好香，味道亦都無話好鹹，岩岩好，算係合格高少少。環境舒適唔逼，同埋當日無人等位，可以同朋友吹耐啲水。但整體食物質素較為普通，無咩驚喜，所以有點失望。我知佢嘅甜品幾出名，下次下午茶時間可以試下。

以前都來吃過茶聊的班戟，都覺得食物飲品水準都不錯，今次和好友來吃吃其他菜式。我們點了髒髒系列的2款飲品，髒髒紫薯鮮奶（沙冰）不少紫薯肉，咬下也有嚼頭，鮮奶打成沙奶，在夏天最適合不過，喝完有透心涼的感覺～髒髒黑糖珍珠鮮奶不算很甜，但黑糖味也滿濃的，珍珠也煮得入味，質感也QQ彈的～我們也點了小食，忌廉芝士蘑菇釀雞翼，雞肉部份釀了蘑菇，咬下啖啖肉的，只有翼尖少部份骨，忌廉芝士配搭也很出色，超好味～龍蝦蟹肉包也令人很驚喜，真蟹肉絲舖滿了麵包，龍蝦肉也爽口彈牙，伴有即炸薯角和沙律，我和好友都吃得很滋味～

今日下晝，嚟咗一間喺旺角好出名嘅打卡人氣cafe - “茶聊”。呢一間咁出名嘅Cafe，用咗雲石枱，而且食物都好適合一班女仔。主打西餐，仲有輕食和甜品，總有一款啱你。來一個therapy也不錯。店入邊採取自助嘅形式，入數後就可以去到櫃檯下單。我哋兩個人叫咗兩款意粉，一款小食和飲品，超飽。先來一個飲品，係沙冰，叫芒果菲芷。喺小店嘅推介的髒髒珍珠奶茶中間掙扎左一段時間，就試個平時少人叫的。配上芒果呢一種好清甜嘅生果，用咗台灣嘅烏龍茶底。解喝，又啱夏天。泰式檳檸香烤雞鎚入口好大陣香茅嘅味道，有少少似泰國菜。雞鎚唔會油，好多肉！是新推出！蟹棒忌廉汁意粉蟹棒數量好驚人，而且啖啖肉。意粉嘅忌廉汁好creamy，加上唔少嘅配菜例如青椒、洋蔥等等，令整個意粉多了一份香味。一人份量， 雖然係下午茶，但係都夠晒驚人！香辣蜆肉意粉相對上一款，呢一款因為炒的原因，所以比較乾身，而且加入左唔同嘅菌類，蜆肉嘅數量唔多，亦比較細隻。但係就好香口，辣椒令到意粉好惹味。意粉每一條都好分明，依然好彈牙！菌類好多款色，有不同口感。唔好睇呢間Cafe係女仔打卡地方，食物都唔會太細份。建議如果多人去嘅話可以share！同埋試下

放假想揾個地方hea下😪今次誤打誤撞離到呢間樓上cafe居然喜出望外😆❤️.炸軟殼蟹牛油果包🦀 $128脆脆嘅軟殼蟹配上大大份嘅麵包 🥖 配搭埋炸薯條 份量超滿足 但略嫌牛油果份量可以再多啲🥑.鵝肝牛油果醬意大利飯🍽 $138OMG 呢個飯係超驚喜🤩 一入口勁香牛油嘅味道 但感覺一點都不油膩👍🏻 🥑 配搭意大利飯大減油膩感 加埋鵝肝嘅香氣 每一口都大滿足🤤.魷魚蝦枝春卷🐙🦐$58脆脆香口 配搭適量魷魚同蝦肉 都不錯吃.紫薯髒髒鮮奶🍠$44 &牛油果桃膠鮮奶🥛$46 兩杯入口都不會覺得很甜 順滑口感 味道亦很新奇 .茶聊地址 : 旺角砵蘭街189號1樓人均消費 : $ 138 .#find_hongkong_food #旺角美食 #cafe #西餐 #下午茶

近旺角朗豪坊， 这間《茶聊》cafe 絕對係人氣之選， 聽日下午時分 都要等位入座 。佢哋飲品或沙冰系列也是打卡名物， 無論邊個角度影都極之上鏡～！主餐牌意粉或飯都可配特飲或加錢轉其他款式。髒髒黑糖珍珠鮮奶原本点了髒髒紫薯， 可能自己指錯咗， 竟然來了『髒髒黑糖 鮮奶珍珠』， 個樣實在太吸引，唔捨得拒絕。 同一系列來者不拒～ 表面除咗有一層可可粉和可可油份， 鮮奶香滑濃郁， 黑糖嘅味道來自底層嘅珍珠， 甜味恰到好處， 珍珠Q彈軟熟， 唔係橡膠feel 。 成杯飲品味道調配得實在美味～ 難怪長期人氣高企。芝芝草莓面層鹹香嘅芝士奶泡， 密度高唔容易沉底， 唔會影響草莓沙冰味道，👍👍😋 草莓沙冰味道天然清新， 飲到最後 味道依舊濃郁， 真材實料！鮮茄帆立貝意大利飯醬汁帶酸，茄味濃郁， 意大利飯飽滿煙韌， 用上番茄汁唔會太膩， 越吃越滋味。 帆立貝大隻肉厚。原味梳乎厘製作需時，預留大概15分鐘。香噴噴嘅梳乎厘終於送到， 大概係底層較塌陷， 震騰騰嘅梳乎厘开始傾側一邊。 質地綿密， 喜歡它唔會好濕潤， 富蛋香， 配襯微甜的糖漿，好吃 得令人融化的甜品～ 旁邊還有 一球朱古力雪糕， 裏面還有碎朱古

好友誠意推薦見到呢到都好多好評實在都好期待但點知實在名過於實呢到出名係髒髒茶點左杯髒髒紫薯鮮奶+髒髒黑糖珍珠鮮奶兩杯都好唔錯唔會太甜 跟著就伏左~1)海膽蟹肉龍蝦汁意粉賣相一般味道一般同我係講真係比大x樂既好少少 說好的蟹肉呢?係蟹肉絲 仲要好少分量龍蝦汁 唔覺係特別既龍蝦味真係俾足係海膽 有五塊但係真係唔抵188 咁既價錢 伏左3)安格斯牛肉眼扒完全overcook 差唔多9成 (我叫5成)好"刃"  破壞哂成塊扒4)原味梳乎厘對上個 Main course 食到我激哂氣呢到 原味梳乎厘 真係會加返少少分我係鐘意食酸味味既野佢係配檸檬糖漿 再加 原味梳乎厘鬆軟既口味唔會太甜.唔會太流.甜度令你感到啱啱好一餐飯就咁就完FINALLY我地 Main course + 野飲+ 甜品 +再10%埋單都要600人均消費300但係Main course實在覺得唔值呢個價位最後最後我想講每間餐廳都有強項同弱項呢到既野飲同甜品都ok ar如果你係黎諗著黎坐下傾下計 都ok但係你諗著正餐係到食我就真係勸你諗過

呢間cafe唔只外觀靚 連食物嘅賣相都好精緻 兩款包系列賣相精美 烘到鬆脆嘅麵包入面包住燒好嘅鰻魚 以及炸軟殼蟹 睇得又食得😋 推介俾鍾意打卡影相的靚女們 好適合喺呢度同好姊妹傾計食嘢影相💖🌟蒲燒鰻魚包 ($118)🌟炸軟殼蟹牛油果包 ($128)

呢間旺角cafe好多朋友介紹過，見到好多人都飲呢杯髒髒紫薯鮮奶，俾佢外表深深吸引忍吾住嗌黎試下😍飲落係紫薯沙冰既質感❄️有紫薯味，加左奶所以都夠滑，仲有一粒粒既紫薯💓嗌左少甜所以整體味道岩岩好✨又睇得又飲得，吾錯😚

今天到了期待已久的茶聊吃午餐，餐廳環境旺中帶靜，有悠閒少女風～龍蝦蟹肉包餡料絕不吝嗇，夠新鮮。麵包更是畫龍點睛，牛油味重，有剛烘過的外脆內軟質感！薯角也是吃過不停，豐富的薯蓉加上七味粉實在太棒了帆立貝龍蝦汁意粉色香味俱全，濃稠的汁黏著每一條意粉，配上蘑菇，三色椒和彈牙的帆立貝也不錯！水果茶水果十分豐富，有菠蘿西瓜草莓等，清爽的很適合在主菜後吃。髒髒黑糖珍珠鮮奶珍珠Q彈，奶味夠濃，加上巧克力粉點綴，又不會過甜，太滿足了～