茶聊 (已結業)

原來旺角的樓上Cafe都可以有驚喜和很高質！ 不過位置和門面讓人有點意外，初初還以為走錯地方 (笑)茶聊 以西餐為主並提供各式茶飲，甜品的梳乎厘亦很吸引。餐廳裝潢主要以黑色為主色調，椅子很大張但桌子有點太細。2人用餐的話，兩份主食+兩杯飲品已經超迫。☕Coffee with Cheese Cap ($39)當芝士奶蓋遇上咖啡後會發現兩者原來很夾。濃厚的奶蓋中和了純咖啡的澀味，貌相也很好看。🥤四季春芝士奶蓋 ($39)這杯走甜，朋友不嚐甜覺得還好。Cafe有這種平時外賣茶飲店的杯夠特別。🍽全日早餐 ($98)現在吃個 All Day Breakfast 過一百元好像是常態!? 所以見到到這份量 + 這價錢會覺得還可以接受。朋友說那個包幾好吃。🥙墨西哥烤雞芝士餡餅 ($88)我點的是這個。香脆薄餅中的餡料很多，其實單吃都已經很夠味，不過都可以配蕃茄莎莎、牛油果醬和乳酪來吃。

一個細雨紛飛的時節，一個不夜天的旺角，同友人來到呢間“茶聊”，就咁睇個名好有中國feel或台灣feel，但其實佢係西式餐廳來㗎，有漢堡飽、有意粉食，亦有墨西哥餡餅。飲品除咗咖啡，亦有台式奶茶等等。雖然去咗好多地方遊玩，但墨西哥係未去過的，咁就來一個“墨西哥芝士牛肉餡餅”，本以為會就咁樣一個圓碌碌的餅上檯，誰不知店家已將佢分為六件，配埋沙律菜，靚靚仔仔出現係我哋面前，唔止咁，仲有三種sauce 一齊上，好感動吖，通常D野會share食，而店家咁樣做對於我哋客人係好好㗎。“慢煮西班牙八爪魚配墨魚汁意粉”條八爪魚真係好長，用咗慢煮方法，所以係啱啱好熟唔會太硬，食起上來好有滿足感。“髒髒黑糖珍珠奶茶”好飲，朋友杯“BEAR COFFEE”好睇，睇住熊仔慢慢消失幾過瘾。

以前旺角返工已經好鐘意來呢間食，因為好近朗豪坊，而且個位坐得舒服，啲野食又好精緻，打卡嘅始祖，重點係有台式嘢飲。🤤依家出一陣街就熱到溶咁添，一去到餐廳就要叫野飲先，好快就上枱。一杯TEARAPY ICE BEAR MOCHA ，個賣相真係好靚😍，打卡一流，而且隻熊仔真係可以陪住食飯，成個鐘都未溶晒😆另外一杯係芝芝芒芒，沙冰底，芝士奶蓋好厚，而且唔會太鹹太甜，味道啱啱好👍🏻雖然用緊外賣杯，但係其實方便我呢啲飲唔晒可以拎走繼續飲。之後叫咗海皇樱花珍寶巨蝦配龍蝦忌廉汁手工闊條麵，王牌推介果然好味，隻蝦好大隻而且炸得好脆，闊條麵好彈牙。焗芝士安格斯牛肉墨西哥玉米片，我個人都好推介，好脆又唔會好鹹，安格斯牛肉墨西哥醬好惹味，仲有其他三隻醬，個蕃茄辣醬都好好味🤤宇治抹茶忌廉牛油酥配雪糕，有擺碟而且有意境❤️呢個真係抹茶控必食。驚喜地牛油酥下面都有抹茶醬，好cream 而且唔同part 嘅抹茶嘅口味有啲唔同架，唔係得個甜字。

話說呢間打卡餐廳我一直Bookmark左好耐，今次專程同朋友仔去試，食物選擇多，賣相好有特色，味道出乎意料咁好味，推薦大家同朋友仔去試下🥰❀櫻花珍寶巨蝦配忌廉汁闊條麵❀賣相幾吸引，有好大隻蝦鋪面，沾滿櫻花蝦後再拎去炸，入口香酥可口，脆卜卜咁幾正，手工闊條麵好有嚼勁，仲要好掛汁，配埋濃郁鮮甜既龍蝦汁幾好味。❀皇牌牛肉漢堡❀手打牛肉漢堡好厚身又Juicy，份量都幾大份，食完一個都飽飽地，另外仲有金黃香脆嘅薯條；油花均勻帶有堅果味嘅伊比利亞火腿；新鮮爽脆嘅凱撒沙律，夠哂健康😝❀趣脆果仁朱古力牛油酥❀牛油酥鬆軟又有牛油香味，切開入面係滿滿嘅朱古力醬，但唔會太甜，食完都唔怕好膩。❀髒髒黑糖珍珠鮮奶❀打卡一流嘅特飲，黑糖珍珠口感煙韌，仲有陣陣黑糖味，配埋香滑嘅鮮奶+大量可可粉，飲完要做多幾日運動😩❀Tearapy Ice Bear Coffee❀有得玩又有得影相，熊仔咖啡冰超得意，可以根據自己喜好再溝奶+咖啡😚

今日同老公去咗旺角一家高質樓上咖啡店～茶聊，餐廳提供了一個令人愉悅的午餐體驗！我們點了一份午餐set～黑松露野芝士薄餅，長方形的薄餅邊皮烤到十分酥脆，餅底上的芝士非常多，黑松露份量也多，香味濃郁，味道超好，未上枱以已經聞到陣陣香味，配餐的黑松露忌廉湯也十分濃郁美味。自家製蝦醬櫻花蝦雞翼非常入味，令人食指大動，賣相十分漂亮！趣脆果仁朱古力牛油酥配雪糕，一層一層的牛油酥酥香可口，朱古力醬更是滿瀉美味，仲有雲呢拿味雪糕球和不同的果仁，口感非常豐富！凍超級水果茶以青檸、檸檬、士多啤梨、菠蘿、蘋果、西瓜、百香果和蜜瓜等多種水果混合而成，清涼又爽口。熊仔牛奶咖啡非常香滑，熊仔裝飾也很可愛，非常適合女士拍照打卡。餐廳的男服務員細心有禮，提供了良好的服務，食物品質也很高。整體而言，餐廳食物質素高又美味，價錢大眾化，下次會再來！

星期日落大雨去到旺角唔知食乜好就上咗去睇下個餐牌，估唔到好打卡able,佢哋杯熊仔咖啡好靚呀🥰佢真係有一仔熊仔咖啡冰坐左係個杯度好cute 呀， 女仔見到一定好鍾意🥰🥰但我唔記得影相添，真係好慘😞😞之後我哋叫咗櫻花珍寶巨蝦配龍蝦忌廉手工寬條麵，佢一上台嗰時嚇親我隻蝦有成隻碟咁長好巨型，龍蝦汁食得出係新鮮龍蝦煲出黎， 好甜， 意粉都唔係現成買個d 好aldente我哋仲叫左個烤雞芝士餡餅，類似某大連鎖店個款， 都唔錯😍😍😍

嚟到旺角想搵間好食嘅樓上cafe一啲都唔容易今次揀咗近朗豪坊樓上cafe又有西餐又有burger又有甜品食就入去試一次一入到去就見到一啲有趣嘅打卡佈置主食1. 皇牌牛肉漢堡配頂級西班牙伊利是風乾火腿配凱撒沙律薯條漢堡裏面肉汁多而且肉味香濃風乾火腿配埋沙律就令沙律更加吸引仲有粗薯條成個配搭應有盡有 分量多款式多2. 海皇櫻花珍寶蝦配龍蝦忌廉汁手工闊條麵大大隻蝦，切開裏面都好多肉，蝦頭仲有蝦膏 ，手工意粉煙韌有咬口，食得出真係手工製作，醬汁足夠、重龍蝦味飲品1.熊仔莫加咖啡先到咖啡再到奶喺隻熊仔頭上面好殘忍咁到杯熱咖啡2. 滿杯桃桃是原本想叫另一個，侍應推介這杯時令飲品 的確推係一個幾好嘅推介，因為我哋想冇咁甜，侍應重建議我哋叫微甜，服務非常好飲品果肉非常多最後叫多份果仁朱古力牛油酥配雪糕酥皮包皮微微焦香，裏面仲有榛子醬配埋雪糕， 唔會覺得太甜輕輕鬆鬆聚會吃飯， 整體感到滿意

茶聊係一間非常有特色嘅餐廳，佢嘅菜式非常豐富，今日想為大家推介幾款菜式：首先，海皇櫻花珍寶巨蝦配龍蝦忌廉汁手工闊麵，呢個菜式係絕對值得推介！巨蝦新鮮彈牙，龍蝦忌廉汁滑溜入味，手工闊麵更加有嚼勁，絕對係一道令人回味無窮嘅菜式！茶聊招牌漢堡配凱撒沙律及薯條，呢個菜式係茶聊嘅招牌之一。漢堡肉質軟嫩多汁，又夠大份；凱撒沙律同薯條算係好好食嘅配搭。宇治抹茶忌牛油酥配雪糕，呢個菜式係一個非常獨特嘅甜品。抹茶忌味道香濃，牛油酥鬆脆可口，加上雪糕清新爽口，絕對係一個甜品愛好者不容錯過嘅選擇！最後，我亦試咗茶聊嘅招牌飲品：TEARAPY ICE BEAR MOCHA同芝芝桃桃。TEARAPY ICE BEAR MOCHA係一款非常特別嘅咖啡飲品，有隻咖啡造既冰熊仔係杯裡面，佢嘅味道帶有微甜嘅巧克力味同埋微苦嘅咖啡味，令人耳目一新。芝芝桃桃係一款清新可口既奶蓋飲品，桃味清新，加上好味既奶蓋，非常適合夏天飲用！總括而言，茶聊係一間非常有特色嘅餐廳，佢嘅菜式豐富多樣，當中有啲菜式非常值得一試。除咗菜式，茶聊嘅飲品亦非常出色，值得一試！

夏日炎炎，去到旺角朗豪坊行街，午餐又去了上星期朋友介紹的西餐廳吃美食。環境真的很寫意，好多打卡位。金蒜牛油煎虎蝦鹹蛋黃忌廉汁手工意大利粉，手工意大利粉果然彈牙，配上忌廉汁是非常入口的菜色。趣脆果仁朱古力牛油酥配雪糕，甜品有特色，朱古力藏於牛油酥內，加埋白色雪糕，有心思，牛油酥再脆身一點會更可口。超級水果茶，水果新鮮，飲品中這個是最消暑的，飲完後還可以吃埋當中的水果。茶聊熊仔鮮奶咖啡，冰做成熊仔，是一份心思。他們分別把啡咖和奶的份量調好，然後分別把冰熊仔，咖啡和奶放在容器裡，侍應耐心教導著我，沿著裝著冰熊仔的杯邊，先倒進啡咖，然後再添加牛奶。當然，作為飲咖啡老手的我，牛奶的份量沒有用盡，因應需求而加。這杯熊仔鮮奶咖啡的另一妙處是冰熊仔似是由咖啡製造，目的自然是減少因為融冰而淡化了咖啡的味道。這一手，是做得很好。藝術中保持了咖啡美，咖啡中增加了藝術味。

同朋友係旺角做完facial去佐呢間樓上Cafe食嘢😋店舖主要行黑色型格風,而且有好多打卡位📸🍔皇牌牛肉漢堡配頂級西班牙伊比利風乾火腿凱撒沙律及薯條$168麵包都幾香脆,沾左勁多半融芝士,好邪惡!漢堡扒煎到好香口,剛剛熟保持粉嫩 juicy唔會太鞋口,底有新鮮番茄沙律菜,另外薯條炸得香脆。仲有parma ham夠曬鹹香,連埋加咗水牛芝士沙律一齊食好豐富 😋海皇櫻花珍寶巨蝦配龍蝦忌廉汁手工闊條麵$188🦐巨蝦果然超大隻,身上佈滿櫻花蝦,炸到外面非常脆身,裏面勁厚蝦肉,手工闊條麵掛滿汁成及櫻花蝦嘅鮮味,意粉煙煙韌韌好有口感😋超級水果茶$45🧃水果茶份量之多,內有菠蘿、蘋果、士多啤梨,果香加上茶香,十分解渴消膩。🐻熊仔mocha咖啡 $44自己加咖啡加奶落隻熊🐻🐻身上,好正,熊仔冰係用齋啡雪凍而成嘅冰磚,唔怕會越溶越淡 ,保持咖啡味濃郁,打卡一流,,怪得係每枱必嗌🤣最緊要就係賣相靚又好食👍

茶聊，可以說是非一般旺角樓上cafe，座位超級寬敞舒適，冷氣又夠，夏天三五知己聚餐確實一流。餐廳餐牌選擇多，意粉漢堡炸雞小食等等樣樣有，價錢份量合理，重點係味道出色，而且亦相當有特色。茶聊招牌漢堡配凱撒沙律及薯條，一個價錢三種美食，凱撒沙律生菜超級新鮮，汁醬味道配合一流，炸薯條肯定即叫即炸，外脆內軟，好好食。主菜招牌漢堡，牛肉汁豐富，肉味香濃，最出色加埋隻半熟雞蛋，確實出色。飲品方面推介熊仔Mocha 咖啡，以冰制熊仔咖啡，可愛趣繳，打卡一流。

ෆ 茶聊 𝙏𝙚𝙖𝙧𝙖𝙥𝙮 ෆ 聚會打卡嘅 𝙘𝙖𝙛𝙚☕️今日嗌咗個王牌芝士牛肉漢堡🍔呢個漢堡餐好特別～因為佢入邊有好多嘢食🤣除咗個漢堡包之外仲配左𝙋𝙖𝙧𝙢𝙖 𝙃𝙖𝙢、沙律同埋薯條但係我嘅重點推介都係果仁朱古力牛油千層酥配雪糕🫶🏻佢呢個甜品入邊好多嘢除咗有牛油數，仲有爆谷、朱古力粒、𝙣𝙪𝙩𝙨 、雲呢拿雪糕(*ฅ́˘ฅ̀*)♡︎ෆ 推介菜式 ෆ 果仁朱古力牛油千層酥配雪糕 $𝟵𝟴#hkig #hkfoodie #foodiehk #foodiegram #foodiegraphy #foodlovers #foodstagram #happysharing #hkfood #foodphotography #foodie #hkfoodblogger #hkfoodstagram #momofoodie #香港美食 #美食 #吃貨 #相機食先

食物同環境都唔錯。All day breakfast 有少少油，但整體味道唔錯。水果茶足料，熊仔咖啡亦都好可愛（但要等佢溶，同埋未必喺交枱前溶得曬😓😓😓）但但但，最大問題係限時（限時90分鐘）。本來限時唔係一個問題，好多餐廳都會，但哩間限時得嚟不斷提住你仲有幾耐夠鐘。仲有就係你未食完，佢已經急急腳想收走你啲碟。明明係想同朋友傾計，傾到一半又話你知幾時夠鐘；傾到一半又要同佢講：「我碟嘢未食完架，唔好收住。」；一係就傾到一半（明明坐低未夠一個鐘），就不斷問你叫唔叫甜品，話仲唔叫就食唔切。咁樣真係好影響朋友之間聚會傾計。佢哋哩啲行為真係令到我成餐食得好急！

有時候外出想跟三五知己找個舒適的地方聊天吃飯，一間適合的餐廳是必須的，最好環境優雅，食物質素高，又是適合打卡的店舖，今天這間餐廳必能做到以上所說呢🤩輕煎北海道刺身帶子水牛芝士汁手工墨魚麵🦑這個菜有驚喜🤤刺身帶子煎過後鮮味仍然保留，而且很大粒很彈牙有咬口，亦有小小焦香味，芝士汁配襯手工墨魚麵非常適合，碟內有大量芝士汁，芝士控的你一定不可錯過，推啊自家製蝦醬櫻花蝦雞翼（5隻）🐥雞翼香脆嫰滑，而家有蝦醬味非常特別，不會不配合，份外出色，旁邊有些炸過的櫻花蝦，當小吃也不錯茶聊芝士奶蓋咖啡（COLD）☕精緻的賣相，飲品上配上顏色鮮豔的花瓣，芝士味夠濃厚，奶泡非常綿滑，加上咖啡一流草莓冰檸茶🍓草莓味不會太酸，清涼解喝，消暑恩物茶聊旺角砵蘭街189號1樓

王牌芝士牛肉漢堡🍔漢堡扒話係安格斯牛肉，食落啖啖肉好實在，芝士係半溶嘅狀態，配料有生菜、番茄、洋蔥，沙律加咗水牛芝士幾有誠意，用風乾火腿配埋嚟食都好適合，薯條係粗薯，炸得幾好唔會太燶🍟海皇櫻花珍寶巨蝦配龍蝦忌廉汁手工闊條麵🍝依隻的而且確係一隻巨蝦，足足有成隻碟咁長，巨蝦嘅外層係炸到香脆嘅櫻花蝦，而蝦肉本身都好爽彈，再加埋個鮮味龍蝦汁，可以話係濃濃嘅三倍蝦味🍤宇治抹茶忌廉牛油千層酥配雪糕🍰千層酥薄薄嘅一層疊住一層，賣相對辦，牛油味都幾突出，仲有抹茶慕斯、mochi、蕨餅熱水果茶大杯而且水果多🍹熊仔鮮奶咖啡☕️熊仔咖啡冰嘅造型真係超得意，就算倒完咖啡同埋鮮奶都可以keep到一段時間慢慢欣賞，就連個盤都係熊仔造型㗎，得意度爆燈～