茶皇殿

屋企人新搬到油塘，諗住試下呢問酒樓。第一次幫襯，冇叫套餐，諗住想餸菜大碟D，所以決定散叫餸，但冇諗過質素，份量咁少，咁差！滑蛋蝦仁＄168，細碟到嚇親人！問經理，佢話“係咪唔啱？”，再問“”＄168是這份量？”，經理話“係咁架”金銀蛋時蔬，只有幾條菜，仲要唔熱的！豉汁蒸大鱔＄148，追左侍應兩次，態度其差！等了45分鐘，終於黎到，如圖，少到嚇親，鱔既部份都係頭頭尾尾，對比其他酒樓差很遠。其實而家咁多人北上，點解香港食市都唔會反省一下，如何改善態度及食物呢？真係諗唔明。…查看更多

上菜速度超慢，3個鐘先出齊8道菜，耐過食fine dining，蒸魚入面係唔熟，其他餸出到嚟係唔熱，你追多兩追，職員會話：你有飯食已經好好。難以置信。 總括依然，一個字「差」。…查看更多

侍應經理服務態度差又黑口黑面，枱與枱之間編排狹窄，侍應推車撞到我嘅座位當冇事發生繼續掂行掂過。因為有老人家一齊飲茶，坐低發現與阻離枱座位太貼就調動去另一張枱，經理晦氣地幫忙，只負責擺好新嘅杯碟用極惡劣嘅語氣面黑地命令我哋「自己搬返啲洗咗嘅杯碟走！」。可能呢間酒樓嘅員工諗住唔憂做亦唔覺得現時經濟低迷，面對緊港人北上飲食所帶嚟嘅衝擊啩，飲餐茶仲好似要睇人面色受你氣，完全諗唔明。Ok明白，唔會再幫襯吧！…查看更多

嚟油塘大本營唯一原因係嚟附近拜山，所以一年會嚟一次。每年嚟到都發覺發有唔少變化，食肆年年更新，算係好事啩🙄。今日嚟咗茶皇殿飲茶，貪佢地方大（比樓下嗰間），又寬敞啲，價錢差唔多，就一於試吓啦！睇返啲食評話呢度啲服務態度好差，可能佢哋有留意啩，當日啲服務都好正常，冇話叫極唔嚟或者態度差。我覺得OK 。食物方面，叫咗啲點心，炒粉麵飯，仲有特價花甲王。豉椒炒花甲王特價$68/斤，同街市買差唔多，非常抵食。花甲隻隻飽滿多肉，豉椒汁好惹味。乾炒牛河第一次食咁多牛肉嘅炒河，真係一啖河粉一啖牛肉。味道中規中矩，勝在唔油。點心全部即叫即蒸，其中上湯浸鮮竹卷，潮州粉粿，春卷最出色。蛋散，炸兩就唔係咁得，下次咪叫。😅如無意外，出年應該都會再嚟。…查看更多

同啲親戚諗住高高興興生日擺兩圍見佢早啲有麻雀枱，就book位食物味道OK 但係服務態度一般般， 個阿姐仲打爛晒啲碗，🤣食物味道其實一般有啲偏鹹， 雖然有間房， 但係個侍應明顯唔識服務，好多嘢都叫佢先肯做。食物份量都多， 我哋叫咗龍蝦 🦞、 乳豬、 東升斑， 份量每一碟都幾大碟。 食完嗰個大概10點前， 已經準備嗰個走趕車。 最慘就係食唔晒拎嗰啲嘢返去， 返屋企翻熱嗰碗翅，見到有隻小強🪳🥲🥲🥲🥲🥲🥲🥲🥲…查看更多

今日聖誕，我們不吃西式的聖誕大餐，選擇了這間酒樓吃晚餐。點了孖寶$368羊腩🐐煲的湯底濃郁，羊肉鮮嫩，與青蔥的搭配增添了清香。羊腩的油脂適中，入口即化，讓人感受到肉質的鮮美。配上支竹和其他配料和唐生菜🥬，整體口感層次分明，十分滿足。蒸鮑魚🐚則展現了海鮮的鮮甜，每一隻鮑魚都蒸得恰到好處，肉質彈牙，與果皮及醬油的搭配相得益彰。淋上少許香蔥，讓整道菜更具香氣。但略嫌太細仔，讓人不禁想再來一份才滿足。另外點了一個海皇豆腐煲，都算多海鮮😋整體而言，這兩道菜品無論在味道還是擺盤上都算合格有餘，提供了美好的用餐體驗。👍✨…查看更多

位於油塘大本營嘅呢間酒樓地點方便嘅成個場好大但員工真係得好少而安排座位方面我覺得都唔係太好我哋食嗰陣呢第一個餸嗌呢就係呢個 蜜梅柚子京燒骨呢個京燒骨都係聽朋友推薦先嚟食 佢入口啲肉好有肉香味好鬆化 而且佢個柚子醬呢個龍條度啱啱好可以喺嗰啲肉嘅表面 而佢嗰個柚子味就唔會搶咗啲肉味之後我哋就食咗龍蝦伊麵 佢個龍蝦伊麵呢雖然個份量唔算多但係呢嗰個龍蝦都幾新鮮嘅 都唔錯嘅不過唔知係咪處理方法問題呢佢嗰個龍蝦伊麵好多嗰啲龍蝦殼嘅碎！咁呢度有少少扣分嘅 之後我哋都食咗隻燒鵝皇 咁個味道唔錯個油香味好好咁呢隻燒鵝都冇得輸嘅，好肥咁我哋之後就食咗隻阿拉斯加長腳蟹啦 唔錯㗎食到啲蟹嘅鮮甜味 不過呢啲就係啦即係隻蟹好食嘅點整都好食嘅咁就冇乜技巧嘢都係長腳蟹味呀 整體還可以啦，就冇咁多劣評講到咁差嘅，不過就唔可以話好好囉，因為員工真係唔夠，所以服務就真係差嘅，但係客人真係好多…查看更多

我喺呢間酒樓用餐嘅經歷真係令我好失望🫠店長責罵我，仲大聲呼喝，話你告我去消費者委員會囉！態度極度惡劣😡😡當時我哋係禮拜一11:10am入座，職員落單時未有提及，平日11點半前入座有特價優惠，結果落咗正價單。我哋見到隔壁檯嘅客人嗌咗特價菜單，我哋先發現原來有優惠。我哋一共嗌咗8個點心，其中有2個係有特價優惠嘅。當我要求將嗰兩個點心按照特價價格結帳嘅時候，年約60歲嘅店長卻用極差嘅態度責罵我哋，甚至話威脅我哋去消費者委員會告佢哋都唔怕，仲叫我哋以後唔好再黎呢間茶樓食嘢。根據香港的法律，商家有責任清楚告知顧客有關特價的資訊。哩位店長既行為不單顯示出他對顧客既輕視，也可能違反佐消費者權益保障法。他應該承擔的法律責任包括對顧客的誤導和不當對待，會影響到茶樓的聲譽和生意。咁樣嘅服務態度無疑會令顧客對再光顧失去興趣，希望呢間茶樓可以重視顧客嘅感受，改善服務質素，否則未來可能會失去更多顧客。…查看更多

好後悔冇係入去前先睇openrice食評，服務極低劣，真係貼錢買難受，大家自己睇路🙄事實證明openrice上面劣評比好評多嘅食肆唔係被惡意抹黑🤦‍♀️一行12人家族聚餐，約晚上6點到，除左我地唔夠5枱客，6點15分左右落單12人全包套餐$2388，6點40左右表示可以開始上菜，最初一小時上菜速度好快，但食物質素絕對唔算好。蠔皇北菇伴玉掌，冬菇是酸的🫠(叫了部長後對方只將剩下的冬菇拎走，然後完全冇左下文，冇主動處理問題，直到我地問要點補救先話會補番冇問題嘅冬菇）京燒柚子骨，只食到外層柚子醬味，肉冇味😑豉油虎蝦，肉非常柴😵‍💫食到7點30分左右，仲有一個糯米飯同甜品桂花糕未到。我地一路等，中途仲有侍應黎問我地糯米飯到左未，但一直未見到糯米飯。去到8點覺得唔對路，第一次直接搵女部長追，女部長叫我地等等，然後一直冇回音。去到8點30分見到另外一枱比我地遲好多嘅客竟然上左糯米飯，於是第二次搵女部長同侍應追，但都係繼續叫我地等。再10分鐘後，第三次追女部長，仍然叫我地等 (同一時間有其他幾枱都係度等緊呢兩樣野）等左超過一個鐘我地決定唔再等，大家執好野直接去收銀處要求取消糯米飯+甜品同找數。然後女部長聲稱桂花糕黎左，我地話要離開請佢地俾其他都係呢個套餐嘅客，要求佢扣番冇黎嘅菜式錢俾我地找數。結果女經理話甜品係送（明明寫左係套餐菜單入面，點分咩野係送咩唔係❓），套餐亦唔可以扣錢要收全數❓❓（此時糯米飯依然冇影）我地堅持唔再等，要扣左冇上嘅菜式錢找數，結果佢乜都冇講就走左去，我地係收銀處又乾等左超過5分鐘🫠等佢返黎，依然話要俾全數但可以將糯米飯同甜品打包俾我地，好似問題唔係佢地度咁🙄我地拒絕，跟住女部長來回出入幾次又用左15分鐘，最後話只能減$80😂12人份的糯米飯和桂花糕只值$80係咪證明左你地呢d食物質素就係咁差❓我地表達不滿，然後個女部長搵左個男經理出黎應付我地🙄呢個經理最極品，一上黎就話公司政策只可以減$60 (連$80都唔係🙄），話係我地唔接受打包所以要收全數，仲話我地唔滿意可以報警，言詞極度挑釁😊理論中仲大大聲喝在場的女士，情商超低亦都完全唔認錯，做食肆經理做到咁，怪唔知得香港飲食業會一潭死水啦🤗我地白等左超過一個鐘，已經俾足耐性，宜家連埋單都要再浪費我地半個鐘，真係冇下次🥰後尾返到去仲要發現佢地係張單度夾硬剔左糯米飯同桂花糕 (紅筆係我地自己mark睇下d野黎齊未）🤣…查看更多

一家人book 左食冬至全包晏 （一席 12人）餸菜味道一般都唔緊要，本身都冇乜期望只要正正常常都冇乜問題，我地食到其中一道冬菇炆鵝掌的鮮冬菇唔新鮮，有酸味。我哋向佢地反應，佢地只係夾走冬菇並冇成碟換比我地，只係向我地補返冬菇 ，ok, 我地唔介意接受，但係就等到差唔多食完都仲未補返。因為我地仲有一道餸未到！ 全包宴的糯米飯，我地前後追單3次，每次換來只有「等多陣，追左廚房，黎緊。」 結果我地等左1個鐘都仲未到！當然啦，甜品都唔見蹤影，整整成個鐘齋「等」，冇任何補償，你上個甜品都好呀？ 其實都發現有好幾圍枱都係咁。 等緊期間，佢地終於補返個冬菇比我地，味道方面唔講啦，唔係壞食得落就算。咁個飯同甜品呢？眼見有糯米飯出啦，點知又比左隔離枱先，我地係第一枱落單早過隔離枱入席，點解唔係比我地先？我地等極都冇，我地一家人決定叫佢地取消扣返啲錢就了事。好啦！到埋單又擾攘咗半個鐘都有，事因餐廳一開始話因為係優惠套餐，如果只扣一道菜其他菜就要按返單點價錢計，合理咩？ 他地就話一係叫我地等埋個飯打包拎走，吓？仲等？錯在佢地，我地又唔係一開始就唔要個飯，佢地仲話個甜品係送既，唔會當一個餸扣返錢比我地，佢地咁既做法完全唔合理。搞左一輪，佢地只肯扣返個飯嘅錢$80，期間仲搵個負責人出嚟，依位負責人道歉都冇句而且態度極差，身為負責人情商低責罵我屋企人，同我哋講唔滿意可以報警處理。佢堅持全單只會減返$80，我地最後只能接受，因為唔想再同佢地浪費時間，但係都未能夠即刻埋單又唔知等咩😡等佢打電話同上邊確認。大佬呀，好心你就確定好先講啦。究竟要浪費我哋幾多時間，全家人係到等你哋。依間野唔建議呀！！！服務極為惡劣！…查看更多

24/11/2024去大本營食午餐！遇到一個北嫂侍應態度極差服務！明白難請人，可是這樣嘅服務態度寧願唔請好過！我已決定不再去這間酒樓更何況有其他好酒樓選擇＇因此寫這文提醒所有人千祈唔好去！餓死這樣咁差嘅酒樓！唔好賴話港人成日北上食嘢、一啲基本禮貌都做唔到！點會留得到港人在港消費！…查看更多

訂咗蛇餐，行落去訂，佢話可以電話訂，電話訂已話食蛇，comfime booking 已說明食蛇餐，去酒樓落單，又要問之後話可以落單，落單後又話冇蛇丸，冇蛇鬆，又冇大鱔，咁又話樓面唔知，又話佢地冇經驗，我落去已見3個待應，佢地話唔使訂都得⋯⋯我經過3次詢問，都話可以，到落單就咩都話冇，叫散嗌好D，好似慣常手法，因為見幾抬，都係咁有啲食蟹話冇長腳蟹，所以商業手法層出不窮，我地11個人，有老有嫩，加上生日飯，真係搞到有啲唔開心，第一次分享成評，就真係管理層好好反醒，如果唔係個個北上食，咁様只會搞到自己冇生意就唔好問點解，我覺得待應溝通好有問題，做錯野好似當冇事發生，覺得令人憤怒，完全不合情理，事情發生就客人負責，所以中伏相當高，問3次都可以話有＇有事就話廚房，咁係咪應該下次我入廚房同啲廚房囉老講啦咁我使乜同你哋侍應講啦我覺得呢間嘢好奇怪管理層又好似唔理喎，問部長又唔理喎搵咗店長話OK嘅話要另外一個女人出嚟話冇餐喎真係吹脹。…查看更多

11月又到食長腳蟹季節，見廣告呢間茶皇殿$188一斤，膽粗粗約朋友去試下，點知超有驚喜，我地原本訂左晚市6:30去，但朋友自己一個就早左到達半小時，平時酒樓都好興叫你等齊人先入座，但呢間酒樓竟然話未人齊都唔緊要，照安排入座，仲熱情招呼我朋友，話早啲到左就早啲去揀蟹，重點係呢間酒樓晚市不限時，不會趕客，我地人齊先叫蒸蟹，其間完全沒有催沒有趕，可以好好和朋友享受晚餐另外，我地自帶左一支酒去，問店長有冇收開瓶費，佢好有禮貌地話可以免開瓶費，仲熱情介紹左幾個餸菜，招呼周到，非常抵讚。原來店長都係新上任一個月，除左店長外，佢店入面既其他員工都非常殷勤有禮，不但會主動換骨碟，加茶換水，全程絕冇口黑面黑，今時今日既香港，大部份食店都人手不足，服務質素每況越下，難得搵到一間坐得舒服，食得開心既酒樓，本人真心值得推介俾朋友。長腳蟹$188一斤抵食，湯就咸左少少，$48包魚都好好味。…查看更多

星期四晚去食小菜，可能人唔多，服務好周全收碟換碟加水都好快叫左個優惠，就無得再叫1蚊野野食都唔差，係定價比較高咁啱佢推廣緊即煮鮑魚48蚊一隻，試吓無妨，熱辣辣有無鮮味見仁見智啦最後竟然送糖水，呢個係有少少驚喜嘅整體嚟講都好滿意…查看更多

好地地食餐飯，嗌咗隻阿拉斯加長腳蟹，嚟嘅時候，原本到咗一隻，突然間又有一隻，仲要寫到明係我哋張枱，咁當然要搞反清楚啦，原本自己隻係有2.2両嘅，咁咪問，咁點先，搞反清楚個重量先，話要揾經理，嚟到個處理方法係，嗌人推反入去，但係張單係我哋張枱嘅😊然後就話係啊，呢隻啱啦，係你㗎😊我哋咪話下？但係你果隻係我張單喎，佢話係出菜姐姐搞錯，我哋就話，但係你冇理由直接推走就話呢隻係㗎，經理就話當係我哋錯啦，你係唔要就幫你取消隻蟹啦，下？咁樣處理？我等咗9個字，你嗌我取消，我錯？你哋點解唔拎反同一張單出嚟比較反？反而係話我哋唔滿意咪取消，唔係食唔起你隻蟹，係重咗我咪比反錢囉，你咩意思先，仲講到我哋好似乞兒咁，冇錢唔好學人食，食細咗比你呃幾両，比你呃幾百蚊，唔緊要啊，但係你咁嘅處理方法就唔啱囉😊磅嘅時候有三隻 1.6両 2.2両 3両，你比隻1.6又好3又好，你講咪得，但係你就冇理由推走寫到明係我張枱果隻走囉，點解唔係兩隻收走，然後你話執錯單，你咪拎反兩張單對囉，有咁難處理咩？定係懶得處理，求其事旦就算？咩態度啊，仲經理？🙄好地地一餐生日飯🙄一肚氣🙄冇下次🙄…查看更多