茶王冰室 (洗衣街) (已結業)

黑松露蛋包包啱哂鍾意食包嘅我, 雞蛋包住包再夾住好多菇。雖然食落去唔係話好特別, 但係啲staff好friendly, 同我哋講話夠兩個人share, 又解釋點樣食先最好味好少飲奶茶,但係呢度出名,所以一定要試！樽仔奶茶好好飲，又滑又唔苦,甜度剛剛好！下次要試埋招牌茶王之王！

垃圾服務態度差，完全冇心做餐飲嘅心態，待客極之怠慢，員工講嘢粗聲粗氣，我反而講唔該前唔該後仲多過佢哋成班人加埋講嘅數量嘢食根本唔好味，我食早餐，個多士硬到呢…，份炒蛋又係冇誠意，所謂最強奶茶…得啖笑一心試新嘢，失望而回，不過都好，試過就知可以唔使再幫襯，始終紅茶有質素保證，啲員工亦開心好多

本身用咗 Openrice 已經好多年，今日卒之有一間餐廳令我忍唔住要寫第一篇嘅食評。之前經過見到呢間茶王冰室都已經想試（我係奶茶控），耐何一直未有機會。今日出開去旺角，專登行過嚟試，點知不試由自可，一試就出事。奶茶，香港嘅非物質文化遺產，可惜傳承至今，真係好味嘅已經絕無僅有。坊間飲到嘅，大多數已經係某啲供應商預先調配好嘅茶葉，所以間間味道都差唔多，無任何特色可言。見到呢間標注「金茶王」得獎奶茶，真係對佢好有期望（多年前喺加拿大飲過一間都係「金茶王」得獎嘅堅好飲，杯奶茶香、濃、滑兼備），可惜一飲都只係大路貨。佢另外有一杯茶王要價$88，莫非要嗰杯先有唔同？之不過連普通嗰杯我都唔欣賞嘅時候，我仲會去試$88嗰杯？試問有幾多人會去茶餐廳飲一杯$88嘅奶茶？本來如果佢普通嗰杯 OK 嘅我都會試吓$88係點（加拿大飲嗰杯HKD$20有找）。再嚟就要講吓令我寫呢篇食評嘅食物，招牌沙嗲牛肉蛋包包。論賣相，係好嘅，沙嗲味道亦係中上水準，蛋上面仲撒上些少茶葉碎呼應返店名（我估），成件事本應係美好嘅。最最最可惜嘅喺成個包只得兩片5蚊銀大少嘅牛肉，唔係啩，我係食緊茶餐廳而唔係法國菜喎，牛肉亦都唔係A5和牛

昨日午飯時間一個人路過，見係「茶王」招牌，係時候食嘢，又想飲杯茶走，就入去試試。有空位就知有啲唔對，午飯時間，仲係旺角，算，坐低試吓啦。午餐餐牌選擇有限，惟有叫左個蔥油鴛鴦扒飯，跟餐茶走，應該比較穩陣。嚟到碟飯真係普普通通，一小塊西蘭花，煎雞扒加煎豬扒，唔怕油多不妨試吓，$55一個午餐，一般人應該冇乜太大期望，可以入口。試一試杯茶走，真係可以走，雖然大大杯，但味道一般，仍有好多改善空間。速速食完飮完就走，可以不用回頭。

今日本身想去嘆杯咖啡點知因為太遲黎，排晒隊....唯有轉場啦，即刻上網揾下附近有咩好食見到有間專做奶茶既餐廳立即過去，奶茶都係我杯茶簡簡單單叫個茶餐，沙嗲牛丁配炸魚柳先講杯奶茶，茶味不錯既，夠滑再有機會黎要叫少奶，個人鐘意茶味出d沙嗲牛味道正，少少甜少少辣肉質夠淋，係本人覺得最理想既沙嗲牛丁麵都有彈性，湯底夠味，不錯炸魚柳好脆，熱辣辣，唔錯食晒個餐都飽晒環境裝修得有懷舊味道，幾啱影下相，哈總括黎講唔錯，雖然比一般茶記貴d但市面上太多質素參差既奶茶依度絕對可以為左杯茶而返黎以上食評只反映本人立場，如有雷同，實屬不幸

聽聞呢間奶茶好正，平日lunch黎會一會佢先。黎到都有卡位坐，新派冰室裝潢，感覺乾淨舒服。叫咗set lunch，食物正常可以的，presentable 的新式茶記食物，但回想唔到任何驚喜。首先跟餐飲杯熱奶茶，我喜愛嘅瓦杯，啖啖茶香夾奶味，正～食到尾聲諗住叫個杯巴閉茶王試吓，點知小二哥仔話要等半個鐘。。。咁就放棄諗住飲多杯樽仔凍奶茶，小二哥仔好好人咁問我地係咪想拎走，如果係，臨走時叫我地堂食埋單先，再幫我地當外賣落有折呀～sweet拎樽仔凍茶返屋企下午茶先飲，濃濃茶味夾奶味又不會太甜，仲要玻璃樽仔循環再用～抵過飲台式飲品……😆

偶爾在朋友群組看到有人問有沒有試過這家餐廳，因為奶茶是香港人的摯愛，所以我心思思想要去試一試。今天抱著對名牌效應的崇拜，特意過去品嚐一下，因為疫情以來，大家出門是可免則免，現在剛剛開始放寬一點，出去吃東西也沒那麼擔心。 點了一個西式早餐，其他食物是普通過得去的水準，不說也罷，今天是特意來嚐他們奶茶的。雖然是跟餐的飲料，單點也需要29元，雖然並不是他們那杯88元的天價奶茶，畢竟也應該比別人好才說得過去吧！可是太令人失望了，香港有家賣燒臘和冰鎮奶茶出名的連鎖餐廳，奶茶都比這裡好幾倍，太子旺角普通茶餐廳的奶茶都絕對超過這裡的水準，最不能接受的是，茄汁豆已經發酸，汁液裡有明顯發酵產生的氣泡，可是廚房大佬卻不知道（或者照樣賣給客人）絕對是不能接受 本來打算吃過好吃就叫發帖的朋友一起再來，看來是沒有機會了

小妹跟好友一直是奶茶粉絲，去年參加了金茶王集團舉辦的”奶茶班”，小組形式地學沖奶茶，當天由奪得金茶王美譽的陳師傅教授。自始變得咀叼的我，其他茶餐廳的奶茶很難滿足我了。現在每逢茶癮起，必到茶王冰室解癮。

以前求其一杯奶茶，不知好壞，飲完就算。自從上過堂，知道咩叫真正的奶茶，同埋點沖一杯靚奶茶之後，遍尋港九，終於搵到一間有回甘，而且飲完無因對花奶敏感而感到胃唔舒服嘅奶茶。而且，小店人情味濃，師傅、員工上下一心兼有善，而家自取外賣還有八折，希望小店能在疫下堅持下去，做福更多奶茶精。

因住附近，呢間茶記由開張一直都有幫襯，食物正常，但勝在易搵位，新裝修。雖然比附近茶餐廳貴。我不需要殷勤既照待，但冇客人想一肚氣離開。由入門口職員幫手探熱，坐低未夠一分鐘即與另一職員落單，佢還幫手抹枱，我叫B餐，然後這職員還問我飲咩，我答熱咖啡。呆等十五分鐘後，我問早餐為何仍未到，結果被一女職員機關槍式說話轟炸，大大聲鬧話：「你點入黎，冇人同你落過單，你講唔講得出邊個人落單，你坐左咁耐我以為你等人。。。」仲話佢大聲講嘢唔代表佢惡，唔代表佢冇禮貌。我只是想返工前食個早餐，我不需要落單都要認人卦？何況個個一樣制服及帶口罩，點認？你大唔大聲有冇禮貌唔關我事，反正附近仍有不同茶記選擇。早餐我冇食就離開，慶幸有另一職員在我離開前說了句「唔好意思」，誰是誰非你職員都見到。但我與我家人朋友都不會再來幫襯。

「茶王」依個牌頭, 太大、太沉重了。你夠膽用依個名開舖, 食客嚟到自然對你嘅期望好高。第一次嚟, 食早餐, $401)牛油多士 - 麵包唔新鮮。(2)炒蛋 - 零調味嘅普通炒蛋, 內容就只有蛋及油。(我冇嘢好講...)(3)火腿 - (幸運地)有輕輕煎過。(4)义燒通粉 - 正常。(5)熱奶茶 - 茶味淡, 茶身遍薄, 老實講, 連合格都稱不上。難道要特別點88蚊嗰杯奶茶先可以品嚐真正茶王嘅味道?另外一份早餐係1)煎腸仔 - 正常。(2)炒蛋 - 同上。(3)牛油多士 - 同上。(4)沙爹牛肉公仔麵 - 麵淋, 牛肉硬, 湯正常。(5)凍奶茶 - 問題跟熱奶茶一樣, 因為有冰所以味道更淡。真係唔知自己飲緊乜!個人認為: 店員嘅服務係好嘅。但「名」太太太大過於實, 有冇改善、有冇檢討, 都係咁先。*前思後想, 雖然好失望, 但最後決定 - 不給「劣評」。

同老細行開街，想搵間冰室食下野，即刻上網睇吓，見到e間裝修有特式，就去會一會佢，仲有係拎過獎的。平日中午時間去到，疫情下都要等位，不過都好快，大約等咗15分鐘到，入到去比左個卡位我地坐。野食我就叫左個叉燒炒蛋飯，味道都唔錯但蛋就比較油咗啲，如果飯量可以多番啲就好啦，我老細食左常餐，都係蛋比較多油。見佢地門面大大個牌寫住佢哋係奶茶拎過獎，當然餐飲就試一試佢杯奶茶啦,都真係可以會一會佢。裝修真係都幾有特色，係整體係間鋪都好乾淨唔係好似一般冰室。我會間餐廳3.5分

上網看到這家的奶茶拿到金奖，於是趁週末來試蛋包包和奶茶。中午時分來到要等位，不過十分鐘就有位。我們點了招牌菜和奶茶，好快上菜，可見厨房口腳利落，鑊氣十足。不過菜式口味普遍偏淡。炒蛋雖滑，但蛋香不足。奶茶雖滑，但不及太興濃厚。西柚茶雖西柚大大塊，但完全沒有西柚味，遠遠不及普通檸檬茶。如果在附近，可以一試，但不值得專程拜訪。

呢間茶餐廳一開張見到佢係標明自己係金茶王都係有少許好奇本身鐘意飲奶茶 但都冇話特別覺得邊間係好好飲黎完呢到覺得係可以一試~TLDR: 服務幾好 好多時呀茶王都好似係到🤣野食方面都係水平以上 經過都可以一試啊！今次黎到食早餐就不得不試下我最愛沙嗲牛肉麵😋配搭同一般既選擇都差不多配有多士 熱辣辣食都係脆既！沙嗲味冇平時一般舊式茶餐廳個隻咁濃味同埋好在佢會俾埋出前一丁既麻油所以麵質有保證🤣🤣奶茶係香滑 茶味唔會好苦澀 鐘意奶茶既朋友黎試下！

晏晝下午茶時段去唔算好多人，等咗兩張飛就有位 叫咗茶餐雞脾薯條凍奶茶少冰，再單叫茶王樽仔奶茶同沙嗲牛肉蛋包包 據店員所講茶王樽仔奶茶係師傅一沖好就擺落雪櫃雪凍備用，而凍奶茶就係加冰加糖水調味，所以店員都推薦樽仔奶茶，濃味啲唔會比冰溝淡咗。實際飲凍奶茶果然甜啲無咁香茶味，而樽仔奶茶雖然茶味濃少少，但同坊間比較呢度嘅奶茶都係奶味重過茶味 飲到後來凍奶茶反而保持住咁凍，再加上溶冰溝淡咗甜味。相反樽仔奶茶就變室溫，以行外人嚟講同樽仔奶茶分別變得唔明顯。 沙嗲牛肉蛋包包外表係一座炒滑蛋山丘，侍應教我哋加鹽同黑胡椒，食嗰陣好似切蛋糕咁切開本來以為係普通有沙嗲牛夾心嘅炒蛋，後來發現裡面有白方包，吸曬啲蛋汁同沙嗲牛汁，口感特別，個人覺得先將麵包烘底，無咁淋身可能更好。 蛋炒得滑，沙嗲牛味又調配得好，鹽同黑胡椒令將香味提升 雞脾嫩滑多汁又多肉但少鹹。薯條每一條都充滿薯蓉，新鮮炸好，熱住上枱，雖然店主冇推介但反而唔錯 推介嗰啲麻麻，冇推介嗰啲反而幾好。有機會去挑戰埋終極嘅茶王之王，睇下值唔值得將$88以咁嘅形式飲落肚