茶木‧台式休閒餐廳 (已結業)

終於一試茶木！唔使等位！今次點了最想試的雪糕蜜糖多士。選了朱古力味雪糕，雖然價錢是貴了一點但味道的確不錯！必食推介！蜜糖多士中間位置外脆內軟加埋雪糕一起食令人回味，只是邊位比較硬身！香蕉朱古力冰淇淋表現一般，不是期待的味道。芒果布甸奶昔，芒果味濃，而且質感比較滑。服務員不多，眼見得兩，三個所以忘記俾刀叉我們。而且地方不算大的關係，如果人多必須等位。

行完工展會唔知食乜好，就上網搵吓。見呢間都好似唔錯就一於試吓。由於7點已經到鋪，d人未放曬工，所以唔洗等好耐就有位。Waitress見我地買到1袋2袋就好細心咁安排左個比較少人行出行入既位(^_-)坐低研究一輪餐牌，價錢都ok。中等唔算貴。而張枱都好有特色，係一個個大鐘。order左: 紅燒牛肉麵，鹽酥雞排飯，肉燥菜心，招牌芒果多士雪糕(忘記名稱，總之好多人叫個隻招牌甜品)紅燒牛肉麵 - 肉夠林，但上菜時唔夠熱(但明明碗野出緊煙，好奇怪)。鹽酥雞排飯 - 非常好食，雞肉嫰，飯配肉燥+雪菜，非常惹味！推介肉燥菜心 - 菜有點老，食完有渣。但肉燥就好好食招牌芒果多士雪糕 - 賣相就真係好好睇，3層多士配大球雪糕，仲有芒果+草莓做裝飾。但味道就真係欠奉，唔怪得枱枱都食唔曬啦！首先，佢地既多士落左咸牛油(個人黎講唔鍾意又咸又甜既感覺)，個包只係中間食得，包邊係超硬！收$68只食個球雪糕同埋中間既麵包似乎有d扼人。 老實說，和民個果仲好食又平過佢！

去食左佢個LUNCH SET A、鴨腎+魯肉飯+炸排骨(加錢要多個甜品朱古力慕斯)埋單要$81食物方面、魯肉飯有足夠魯肉但無汁、炸排骨本身都無汁、食到一半係乾到吞唔落去、而且食得出個廚落鹽落得好重手、最後食唔哂直接食甜品。食得出個甜品雪左好耐、入面啲層次散哂又硬、間餐廳拿隔日貨俾客食、要加錢食實在唔抵服務態度文面我去食嗰個時間大約係12:30、餐廳入面有幾個WAITRESS同兩個WAITER、兩位哥哥仔都好有禮貌好有心為你服務、可能其他客都睇得出得佢地兩個做野所以個個都叫揮手叫佢地。其餘嗰幾個女仔真係唔得、特別係肥肥地扎馬尾留平陰嗰個、我揮手叫寫野佢地竟然真係同我「揮手」?!你第一日做WAITRESS??跟住揮完就唔理你繼續執其他野。我揾其他女仔寫野、佢地都係唔SHOW我。好辛苦地等到個男仔得閒幫我寫點知等左好耐都未有菜上黎。連隔離左右兩台遲過我入座都叫完野食緊。我又揮手叫人幫我吹吹個餐、揮手大叫都係無人SHOW我呀!!最後我企埋起身叫個女仔佢地先過黎幫我搞店張單、點解食一餐飯要搞到自己成個痴線咁。無下次、以後唔會再黎除非啲WAITRESS 訓練過又或者全部換人。

又一好聚腳點，台式食飯，台式休閒~草莓味toast box~入面的小多士甜甜的很好吃，而且細心的已分成小片，免得吃到儀態盡失。鹽蘇雞，香脆可口，味道剛好，食完亦沒有口嚨痛。大蝦沙律，十分新鮮。牛肉麵，當然不及台灣的水平，但亦十分香口，湯的濃度不錯，吃完亦不見很口渴。牛肉亦很淋。肉鬆皮蛋豆腐， 水準之作，這菜式本就是很好味的。台式水果茶，本人覺得本這次較遜色的一項。朋友不好冷飲，點了熱飲，女生怕甜不加糖，可能因此影響了味道吧。味道只是一般的紅茶一樣，沒什麼特別，水果亦不多。但勝在可無限加熱水，多渴幾杯熱飲也算化算吧！

數月前想試同區xx弄·但當時未有派飛制·儍呆呆站在無空調簡陋樓梯等·眼看以為等多數十分鐘·點知前面的人呼朋引伴·來多十數人·於是放棄·現在改為派飛制·好好多·行街行到有點口渴·經過銅鑼灣廣場·想起看openrice食評評價不錯的Cafe·便想試試·等了十五分鐘·被安排入坐·店主色為綠白·窗台有人造草·點綴小象雕塑·一邊牆身是人造葉·讓客人如身處草園感覺·點了花果茶·芒果香草蜜糖土司·花果茶是小小甜酸酸的而帶清新·可惜和着土司一起喝·掩蓋了味道·如果單純喝花果茶·就可以盡情享受它真正味道·芒果香草蜜糖土司·比想像中好味·因為看食評相片·只覺它很甜很溜·但其實它相當好味·吃時能令人心花放·濃郁的芒果味雪糕是Topping·不用說·愛吃雪糕的我非常Like爆·邊緣是Cream和吉士·不太甜·唔錯·蜜糖土司面頭两塊很細心的切成方塊·很香脆·味道好好·評分:8分

珍珠奶茶： 好難飲，好希，奶水咁。哥哥仔好好，比我換第二樣野！士林雞排麵： 好好味。雞排叧外用藍上，好脆，份量多，個湯底都好濃味，有花椒八角。麵粗，好彈牙。我推介必吃個雞排！滷肉飯：味濃，味道不錯，是正宗台灣的，值得推介

Teawood @ CWB就算是平日， 星期2晚亦很多人等位， 2人等約25mins環境很好， 但坐位會較逼。價錢 約$230牛肉麵*味道ok, 牛肉夠林， 但湯底一般。雞排飯*超推介!!!!! 很鬆軟!!!! 不太油!! 胚芽奶茶*不會太甜， 但味道一般Icecream and toast*必點!!!! 味道不會驚喜， 但這個 dessert 絕對會令晚飯更開心， 完滿^^

隨著咖啡弄的熱潮，台式咖啡店和甜點在香港飲食界漸漸開始佔了一重要位置，主打蜜糖土司的茶木也不吝嗇地從中分一杯羹，短時間內在各旺區開了分店！這天在銅鑼灣逛街逛累了，就到這裡想要來個晚的下午茶，或算是早晚餐補充一下體力！這件分店位於銅鑼灣廣場一期，較為偏離旺區，還要刻意乘電梯到6樓才到達，但人氣缺絲毫沒被損。星期日下午五點多到達，等候的人擠滿了店子外面！不過大概被這狀況嚇到中途離開了，所以等候的時間不算長，大概15－20分鐘就可以進店！店裡的裝修真的圍繞著「茶木」代表的自然風格為主題，台式風格是有的。店裡以綠色，淺啡色和白色為主，較為突出裝飾包括盡頭的一塊佈滿「草」寫著「W」代表wood的壁版，還有中間的一棵「樹」！店裡的座位設有沙發，坐的也蠻舒服；不過為了容納更多人，桌子之間的距離太近，也很嘈，與休閒實在拉不上關係；服務生也比不上咖啡弄，想必大部份人來到也是為了吃甜點而不是聊天吧。除了蜜糖土司，店裡還有供應鹹食，午餐晚餐來吃也有主食飽肚。鹹食主要以台式食物為主，有小吃如鹽酥雞，小菜如鳳梨甜酸肉，麻油雞，澱粉類如肉燥飯，牛肉麵，價錢約$48-$68；西式類如奶油，番茄pasta和漢堡也有，

夜晚九點幾都要等位， 但其實仲有空枱的，可能人手唔夠，因為都幾多人😮要齊人數先可以入坐叫左個魯肉飯，牛肉麵拼雞扒同甜品魯肉飯熱辣辣好好味，味道適中，唔會太咸👍裡面隻半熟蛋都好味，唔會有陣壓味👍👍牛肉麵就普普通通，建議叫魯肉飯拼雞扒就啱哂萬眾期待嘅甜品感觀好震撼，但冇驚人嘅味道𥚃面係搽左蜜糖嘅脆多士，切成一粒粒方便朋友一人一舊分黎食，上面淋滿雪糕同朱古力醬總共有四個口味，都值得一試👌整體都可以，最夜好似去到十一點不過唔好太夜去，佢會照俾你入坐，但啲職員會趕住收工，態度就爭小小喇

閒日去食都多人等位~因為LUNCH TIME, 等左15分鍾度入到去, 環境唔錯, 光線充足, 感覺舒服叫左SET LUNCH (肉噪麵+麻油雞煲)D野黎得都算快, 唔洗2個字食得但個麻油雞煲認真麻麻, 佢直情係油浸雞球..所以食左2舊就冇食, 但味道OK肉噪麵唔錯, 但都係太油, 少少碗麵已有>1CM的油....-_-"食完SET LUNCH都唔夠飽, 就嗌左呢度最出名的草莓TOAST等左大概2個字賣相非常靚^^ 可惜一食就...... 首先舊雪糕質素好差 一食就知係CHEAP野 得甜同奶味,一D草莓味都冇個TOAST 普普通通...比我EXPECT既差. 因為佢收得呢個價($68) 就應該俾D high quality d野人..雪糕同麵包都只係好平既野, 點解唔提高下食物既質素? 食完我只覺得俾人呃左另外, 有個waiter叫左佢好多次都唔理我地, 我地睇到佢望到我地嗌佢, 但扮睇唔到!

一送上黎既時候係好香, 望到好濃既湯底, 心諗應該可以同台灣某名店相比第一啖咬落D肉度, 哇, 好淋, 好正點知再咬多兩啖, 開始好口乾, 好咸得個咸字肉咸, 真係好鬼咸湯咸, 咩味都冇, 除左咸咁就收60蚊不知所謂除左野食唔得, 環境都算光猛

落完堂又係搵食時間, 朋友P話呢排茶木好紅, 所以就同朋友S一齊黎到。大約下午一點黎到, 嘩 好多人等位。等左大約20分鐘先入到黎, 叫左個湯飯同牛肉麵。(上菜時間好耐, 幾乎要20-30分鍾先比到野食我地)湯飯好大碗, 湯好鮮味, 而且好多料。牛肉麵個湯幾濃, 但略油。麵質普通唔係話特別好食, 朋友S話牛肉幾硬唔夠"林" -_-仲有呢杯特登叫既生果茶 (因為朋友P話好飲)一個字: 甜。其實茶木出名既係甜品....午餐, 真係不過不失, 只是還好。 

其實想食呢間好耐, 都係比佢既雪糕蜜糖磚塊所吸引, 但知道一定要排隊, 所以就一直都無黎到, 今日諗住橫掂要等男友收工, 所以係銅鑼灣行完街就上左去等位啦, 上到去六點半, 真係好多人呀, 囉左飛, 二人檯要等二十張到啦, 預左要等一個鐘, 點知原來好多張飛既人都走左啦, 等左半個鐘已經有位啦, 因為係繁忙時間, 所以要人齊至可入座, 好彩男友趕得切咋, 入到去即刻睇下叫咩食先, 我地就叫左以下呢幾樣:  

10月1日的下午, 與朋友食tea, 想到這個地方想著內地的旅客們應該唔會識上呢幢樓搵食想對了!可惜有本地的年青人識!足足等位等左1個鐘, 仲要齊人先可以入!好!我等到位又齊人, 睇下究竟有咩食!紅油抄手總覺得這道菜不台式, 只是大家都想食食左一碟, 竟然再叫第二碟!原因係佢既辣油辣度適中, 餃皮滑, 肉餡豐富, 夾得好舒服!鹽酥雞無論何時何地, 食台灣野都會點佢!呢度既雞肉唔會碎濕濕,細細粒, 口大的我勉強可以1啖1粒, 非常過癮!味道亦符合我既期望, 小咸又酥脆!台式牛肉麵自從在九份食過台式牛肉麵後, 沒再食過令我心動的牛肉麵了想不到就在這裹, 我再次心動了!牛肉腍到動動筷子就分得開, 入口肉味濃, 肉的纖維像魚肉般散開另一主角, 麵, 厚實又彈口, 掛上湯汁入到我口, 只望這刻停留....珍珠奶茶街上選擇何其多, 這裏也盡了本份, 茶味沒有被奶味覆蓋, 珍珠亦sweet又chewy.

在Openrice隨意的click來click去，才發覺銅鑼灣廣場一期有一間台式食店「茶本」新開幕，而Mr. Cat竟肯陪我去試試，太好了 : ) 等了約25分鐘終於有位，尚幸店子外面有些長椅讓人坐著等位，而且亦有冷氣，比起「咖啡弄」的後樓梯等位環境好多了﹗店子不算很大，但座位舒適，不會太擠。Menu跟咖啡弄很相似，也是雜誌形式，很多美麗的照片，好看﹗這裡提供「午市麵食套餐」，我和Mr. Cat都點了「士林炸雞排麵」(HK$52)，一上桌已香氣四溢，雞扒份量頗多，一咬下去，嘩，超級鬆化，而且脆脆的外層又薄又入味，內裡的雞肉亦保持嫩滑，我一邊吃一邊讚好 ^_^ 至於那個麵，湯底有很香八角味，濃濃的很好喝，而麵質又有嚼勁，這個麵水準實在很高﹗﹗﹗Set Lunch配搭更非常靈活，客人可選擇Menu上任何飲品，只要補回差價即可﹗我選了熱珍珠奶茶(結果Set Lunch最後價錢是HK$61)，非常香滑甜美，珍珠煙煙韌韌，很好喝 ^_^這是Mr. Cat點的「菲芒冰沙」(原價HK$32)(結果他的Set Lunch最後價錢是HK$65)，我試了幾口，很Refreshing的芒果味，很夠濃，若甜度